ದಾದಾ ನೇತೃತ್ವದಲ್ಲಿಂದು ಬಿಸಿಸಿಐ ಚೊಚ್ಚಲ ವಾರ್ಷಿಕ ಸಭೆ
ಸೌರವ್ ಗಂಗೂಲಿ ನೇತೃತ್ವದಲ್ಲಿ ಬಿಸಿಸಿಐ ವಾರ್ಷಿಕ ಸಭೆ ನಡೆಯಲಿದೆ. ಈ ಸಭೆಯಲ್ಲಿ ಕೂಲಿಂಗ್ ಆಫ್ ಸೇರಿದಂತೆ ಹಲವು ವಿಚಾರಗಳು ಚರ್ಚೆಯಾಗುವ ಸಾಧ್ಯತೆಯಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಮುಂಬೈ[ಡಿ.01]: ಬಿಸಿಸಿಐ ನೂತನ ಅಧ್ಯಕ್ಷ ಸೌರವ್ ಗಂಗೂಲಿ ನೇತೃತ್ವದಲ್ಲಿ ಭಾನುವಾರ 88ನೇ ವಾರ್ಷಿಕ ಸಾಮಾನ್ಯ ಸಭೆ (ಎಜಿಎಂ)ಯನ್ನು ನಡೆಸಲಾಗುತ್ತಿದೆ. ಈ ಸಭೆಯಲ್ಲಿ ಕೂಲಿಂಗ್ ಆಫ್ ನಿಯಮ ಬದಲಾವಣೆ, ಕ್ರಿಕೆಟ್ ಸಲಹಾ ಸಮಿತಿ ಹಾಗೂ ನೂತನ ನೈತಿಕ ಅಧಿಕಾರಿ ನೇಮಕಾತಿಗಳ ಸಹಿತ ಹಲವು ಕುತೂಹಲಕರ ವಿಚಾರಗಳ ಬಗ್ಗೆ ಚರ್ಚೆ ನಡೆಯಲಿದೆ.
ಪಿಂಕ್ ಬಾಲ್‌ ಟೆಸ್ಟ್ ಯಶಸ್ವಿ ಬೆನ್ನಲ್ಲೆ ಅಚ್ಚರಿಯ ಹೇಳಿಕೆ ನೀಡಿದ ದಾದಾ
ಗಂಗೂಲಿ ಅಧ್ಯಕ್ಷತೆಯಲ್ಲಿ ಇದು ಚೊಚ್ಚಲ ಸಭೆಯಾಗಿದೆ. ಗಂಗೂಲಿ ಅವಧಿ ಕೇವಲ 9 ತಿಂಗಳಾಗಿದ್ದು, ಅವಧಿ ವಿಸ್ತರಿಸಲು ಬಿಸಿಸಿಐ ಯತ್ನಿಸಲಿದೆ. ಬಿಸಿಸಿಐ ಅಥವಾ ರಾಜ್ಯ ಕ್ರಿಕೆಟ್‌ನಲ್ಲಿ 3 ವರ್ಷ ಸೇವೆ ಸಲ್ಲಿಸಿದವರು 3 ವರ್ಷ ಕಡ್ಡಾಯ ಕೂಲಿಂಗ್ ಆಫ್ ವ್ಯಾಪ್ತಿಗೆ ಬರಬೇಕು. ಕೂಲಿಂಗ್ ಆಫ್ ಸಮಯದಲ್ಲಿ ಕ್ರಿಕೆಟ್ ಚಟುವಟಿಕೆಗಳಿಂದ ದೂರ ಇರಬೇಕು. ಗಂಗೂಲಿ ಅನುಭವವನ್ನು ಕ್ರಿಕೆಟ್ ಅಭಿವೃದ್ಧಿಗೆ ಬಳಸಿಕೊಳ್ಳುವ ದೃಷ್ಟಿ ಕೋನದಿಂದ, ಬಿಸಿಸಿಐ ಅಥವಾ ರಾಜ್ಯ ಕ್ರಿಕೆಟ್ ಸಂಸ್ಥೆಯಲ್ಲಿ ಕನಿಷ್ಠ 6 ವರ್ಷ ಸೇವೆ ಸಲ್ಲಿಸಿದರೆ ಮಾತ್ರ ಕೂಲಿಂಗ್ ಆಫ್ ವ್ಯಾಪ್ತಿಗೆ ಬರಬೇಕೆಂದು ನಿಯಮ ಬದಲಿಸಲಾಗುವುದು.
ದಿಢೀರ್ ಇನಿಂಗ್ಸ್ ಡಿಕ್ಲೇರ್: ಟಿಮ್ ಪೈನೆ ಟ್ರೋಲ್ ಮಾಡಿದ ಫ್ಯಾನ್ಸ್..!
ಸಂವಿಧಾನದಲ್ಲಿ ಈ ತಿದ್ದುಪಡಿಗೆ ಸುಪ್ರೀಂ ಕೋರ್ಟ್‌ ಅಂಗೀಕಾರ ನೀಡಿದರೆ, 3 ವರ್ಷ ಬಿಸಿಸಿಐನಲ್ಲಿ ದಾದಾಗಿರಿ ನಡೆಯಲಿದೆ. ಅಲ್ಲದೇ ಕ್ರಿಕೆಟ್ ಸಲಹಾ ಸಮಿತಿ (ಸಿಎಸಿ)ಗೆ ಮತ್ತೆ ಮಾಜಿ ಕ್ರಿಕೆಟಿಗರಾದ ಸಚಿನ್ ತೆಂಡುಲ್ಕರ್ ಹಾಗೂ ವಿವಿಎಸ್ ಲಕ್ಷ್ಮಣ್ ಅವರನ್ನು ಸೇರಿಸಿಕೊಳ್ಳುವ ಬಗ್ಗೆಯೂ ಸಭೆಯಲ್ಲಿ ಚರ್ಚೆಯಾಗುವ ಸಾಧ್ಯತೆಯಿದೆ.
