ಈ ವಾರ OTTಯಲ್ಲಿ ಡಬಲ್ ಧಮಾಕಾ: ಸೂಪರ್ಹಿಟ್ ಚಿತ್ರಗಳು ರಿಲೀಸ್
ಈ ವಾರ OTT ನಲ್ಲಿ ಹೊಸದನ್ನು ವೀಕ್ಷಿಸಲು ಬಯಸಿದರೆ, ನಿಮಗಾಗಿ ಎರಡು ಹೊಸ ಚಲನಚಿತ್ರಗಳು ಬರಲಿವೆ. ಅವೆರಡು ಚಿತ್ರಗಳು ಯಾವುವು?
 )
Followನೀವು ಈ ವಾರ OTT ನಲ್ಲಿ ಹೊಸದನ್ನು ವೀಕ್ಷಿಸಲು ಬಯಸಿದರೆ, ನಂತರ ನಿಮಗಾಗಿ ಎರಡು ಹೊಸ ಚಲನಚಿತ್ರಗಳು ಬರಲಿವೆ. ಲವ್ ರಂಜನ್ ನಿರ್ದೇಶನದ ರಣಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಅಭಿನಯದ ಚಿತ್ರ 'ತೂ ಜೂಠಿ, ಮೈ ಮಕ್ಕಾರ್' (Too jhooti mai Makkar) ಮತ್ತು ಪ್ರಿಯದರ್ಶನ್ ನಿರ್ದೇಶನದ ಮತ್ತೊಂದು ಆಕ್ಷನ್ ಥ್ರಿಲ್ಲರ್ ಮಲಯಾಳಂ ಚಿತ್ರ 'ಕರೋನಾ ಪೇಪರ್ಸ್' ಚಿತ್ರಗಳು ಈ ವಾರ ಓಟಿಟಿಯಲ್ಲಿ ಬರಲಿವೆ. ಎರಡೂ ಚಿತ್ರಗಳು ವಿಭಿನ್ನ OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಿಡುಗಡೆಯಾಗುತ್ತಿವೆ, OTT ನಲ್ಲಿ ನೀವು ಯಾವಾಗ ಮತ್ತು ಎಲ್ಲಿ ವೀಕ್ಷಿಸಬಹುದು ಎಂಬುದನ್ನು ಇಲ್ಲಿ ತಿಳಿಸಲಾಗುತ್ತಿದೆ. ರಣಬೀರ್ ಕಪೂರ್ (Ranbir Kapoor) ಮತ್ತು ಶ್ರದ್ಧಾ ಕಪೂರ್ ಅವರ ಚಲನಚಿತ್ರ 'ತೂ ಜೂಠಿ, ಮೈ ಮಕ್ಕಾರ್' 8 ಮಾರ್ಚ್ 2023 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಆರಂಭಿಕ ಅಂದಾಜಿನ ಪ್ರಕಾರ, ಲವ್ ರಂಜನ್ ನಿರ್ದೇಶನದ ಈ ಚಿತ್ರ ಮೊದಲ ದಿನವೇ ಬಾಕ್ಸ್ ಆಫೀಸ್‌ನಲ್ಲಿ 12 ರಿಂದ 13 ಕೋಟಿ ರೂಪಾಯಿಗಳನ್ನು ಗಳಿಸಲಿದೆ. ರಣಬೀರ್ ಕಪೂರ್ ಅವರ ಈ ಚಿತ್ರ, ಅವರ ಈ ವರ್ಷದ ಇತರ ಚಿತ್ರಗಳಿಗಿಂತಲೂ ಮುಂಗಡ ಬುಕಿಂಗ್ ಮಾರಾಟದಲ್ಲಿ ಉತ್ತಮ ಪ್ರತಿಕ್ರಿಯೆಯನ್ನು ಕಂಡಿದೆ ಎನ್ನಲಾಗಿದೆ. ಕಾರ್ತಿಕ್ ಆರ್ಯನ್ (Karthi Aryan) ಅವರ ಶೆಹಜಾದಾ ಮತ್ತು ಅಕ್ಷಯ್ ಕುಮಾರ್ ಅವರ ಸೆಲ್ಫಿಗಿಂತ 'ತೂ ಜೂಠಿ, ಮೈ ಮಕ್ಕಾರ್' ಮುಂಗಡ ಬುಕಿಂಗ್ ಉತ್ತಮವಾಗಿದೆ. ಅದೀಗ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ನಾಕ್ (knock) ಮಾಡಲಿದೆ. ಈ ಹಿಂದೆ 'ಪ್ಯಾರ್ ಕಾ ಪಂಚನಾಮಾ' ಮತ್ತು 'ಸೋನು ಕೆ ಟಿಟು ಕಿ ಸ್ವೀಟಿ' ಚಿತ್ರಗಳನ್ನು ಮಾಡಿದ್ದ ಲವ್ ರಂಜನ್ (Luv Ranjan) ಇದನ್ನು ನಿರ್ದೇಶಿಸಿದ್ದಾರೆ. ರಣಬೀರ್ ಮತ್ತು ಶ್ರದ್ಧಾ ಅವರಲ್ಲದೆ, ಅನುಭವ್ ಸಿಂಗ್ ಬಸ್ಸಿ, ಡಿಂಪಲ್ ಕಪಾಡಿಯಾ, ಬೋನಿ ಕಪೂರ್ ಸೇರಿದಂತೆ ಅನೇಕ ತಾರೆಯರು ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ನೀವು ಈ ಚಲನಚಿತ್ರವನ್ನು ನೆಟ್‌ಫ್ಲಿಕ್ಸ್‌ನಲ್ಲಿ ವೀಕ್ಷಿಸಬಹುದು. ಇದು ಮೇ 3 ರಂದು ಅಂದರೆ ನಾಳೆಯೇ ಈ OTT ಪ್ಲಾಟ್‌ಫಾರ್ಮ್‌ನಲ್ಲಿ ಸ್ಟ್ರೀಮ್ ಆಗುತ್ತದೆ. ಇದನ್ನು ಶೇರ್ ಮಾಡಿಕೊಂಡಿರುವ ಚಿತ್ರತಂಡ, ‘ಇದು ಸುಳ್ಳಲ್ಲ ಎಂದು ಖಚಿತಪಡಿಸಿದೆ. 'ತೂ ಜೂಠಿ, ಮೈ ಮಕ್ಕಾರ್' ಹೊರತುಪಡಿಸಿ, ನೀವು ಆಕ್ಷನ್ -ಥ್ರಿಲ್ಲರ್‌ನಲ್ಲಿ ಏನನ್ನಾದರೂ ನೋಡಲು ಬಯಸಿದರೆ, ಮಲಯಾಳಂ ಚಿತ್ರ 'ಕರೋನಾ ಪೇಪರ್ಸ್' (Corona Papers) ಬಿಡುಗಡೆ ದಿನಾಂಕವನ್ನು ಸಹ ಘೋಷಿಸಲಾಗಿದೆ.
ನಟಿ ಸಮಂತಾರಿಂದ ಬೇರ್ಪಟ್ಟಿದ್ದಕ್ಕೆ ನಾಗಚೈತನ್ಯ ಹೇಳ್ತಿರೋದೇನು?
ನೀವು ಮೇ 5ರಿಂದ ಡಿಜಿಟಲ್ ಪ್ಲಾಟ್‌ಫಾರ್ಮ್‌ನಲ್ಲಿ 'ಕೊರೋನಾ ಪೇಪರ್ಸ್' ಅನ್ನು ವೀಕ್ಷಿಸಬಹುದು. ಇದು ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಗುತ್ತಿದೆ. ಈ ಚಿತ್ರವು ಏಪ್ರಿಲ್ 6 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಇದರಲ್ಲಿ ಗಾಯತ್ರಿ ಶಂಕರ್, ಶೇನ್ ನಿಗಮ್, ಪಪ್ಪನ್, ವಿಜಿಲೇಶ್ ಮತ್ತು ಶ್ರೀಕಾಂಶ್ ನಟಿಸಿದ್ದಾರೆ. ಕರೋನಾ ಪೇಪರ್ಸ್ 2023 ರ ಮಲಯಾಳಂ ಭಾಷೆಯ ಆಕ್ಷನ್ ಥ್ರಿಲ್ಲರ್ ಚಲನಚಿತ್ರವಾಗಿದ್ದು , ಪ್ರಿಯದರ್ಶನ್ ನಿರ್ದೇಶಿಸಿ ನಿರ್ಮಿಸಿದ್ದಾರೆ. ಈ ಕಥೆಯನ್ನು ಅಕಿರಾ ಕುರೋಸಾವಾ ಅವರ 1949 ರ ಚಲನಚಿತ್ರ ಸ್ಟ್ರೇ ಡಾಗ್ ಮತ್ತು ಗಣೇಶ್ ಅವರ ತಮಿಳು ಚಲನಚಿತ್ರ ತೊಟ್ಟಕ್ಕಲ್‌ನಿಂದ ಅಳವಡಿಸಲಾಗಿದೆ. ದಿವಾಕರ್ ಮಣಿ ಅವರ ಛಾಯಾಗ್ರಹಣ ಮತ್ತು ಕೆಪಿ ಸಂಗೀತವಿರುವ ಈ ಚಿತ್ರವನ್ನು ಫೋರ್ ಫ್ರೇಮ್ಸ್ ಸೌಂಡ್ ಕಂಪನಿ ನಿರ್ಮಿಸಿದೆ . ಈ ಚಿತ್ರವು ತನ್ನ ಆರಂಭಿಕ ದಿನದಂದು ಕೇರಳದ ಬಾಕ್ಸ್ ಆಫೀಸ್‌ನಲ್ಲಿ ರೂ 750,000 ಸಂಗ್ರಹಿಸಿತು.
ಮದುವೆ ಕುರಿತು ಕಂಗನಾ ಹೇಳಿದ್ದೇನು? ಸಲ್ಮಾನ್‌ನನ್ನೂ ಬಿಡದ ಬಾಲಿವುಡ್ ಕ್ವೀನ್!
