ಹೊಸವರ್ಷಕ್ಕೆ ಬಾಯ್ಫ್ರೆಂಡ್ ಜೊತೆ ಹಾರಿ ಹೋಗೋ ಪ್ಲ್ಯಾನ್ ಮಾಡಿದ್ದ ಹೃತಿಕ್ ಮಾಜಿ ಪತ್ನಿಗೆ ಹೀಗಾಗೋದಾ?
ಹೊಸವರ್ಷಕ್ಕೆ ಬಾಯ್ಫ್ರೆಂಡ್ ಜೊತೆ ವಿದೇಶಕ್ಕೆ ಹೋಗುವ ಪ್ಲ್ಯಾನ್ ಮಾಡಿದ್ದ ಹೃತಿಕ್ ರೋಷನ್ ಮಾಜಿ ಪತ್ನಿ ಸುಸ್ಸಾನೇಗೆ ಹೀಗಾಗೋದಾ? ಆಗಿದ್ದೇನು?
![Sussanne Khan boyfriend Arslan Goni denied entry inside airport as he forgets passport suc Sussanne Khan boyfriend Arslan Goni denied entry inside airport as he forgets passport suc](https://static-ai.asianetnews.com/images/01hjxa6vsvqghx8s9xmst40a0g/sussanne-khan-and-hruthik-roshan-_363x203xt.jpg)
ಹೃತಿಕ್ ರೋಷನ್ ಮತ್ತು ಸುಸ್ಸಾನೇ ಖಾನ್ ವಿಚ್ಛೇದನ ಪಡೆದು ವರ್ಷಗಳೇ ಕಳೆದಿವೆ. ಮದ್ವೆಯಾಗಿರುವಾಗಲೇ ಕಂಗನಾ ರಣಾವತ್ ಜೊತೆ ಅಫೇರ್ ಇಟ್ಟುಕೊಂಡಿದ್ದ ಹೃತಿಕ್ ಕೊನೆಗೂ ಅವರಿಗೂ ಕೈಕೊಟ್ಟು, ಸುಸ್ಸಾನೇ ಖಾನ್ಗೂ ಡಿವೋರ್ಸ್ ಕೊಟ್ಟು, ಸದ್ಯ ಗಾಯಕಿ ಸಬಾ ಅಜಾದ್ ಜೊತೆ ಸಂಬಂಧದಲ್ಲಿದ್ದಾರೆ. ಇವರ ಲವ್ ವಿಚಾರ ಇದೀಗ ಗುಟ್ಟಾಗಿಯೇನು ಉಳಿದಿಲ್ಲ. ಕೆಲ ತಿಂಗಳ ಸಾರ್ವಜನಿಕ ಸ್ಥಳದಲ್ಲಿ ಸಬಾ- ಹೃತಿಕ್ ಇಬ್ಬರು ಲಿಪ್ ಕಿಸ್ ಮಾಡಿ ತಮ್ಮ ಸಂಬಂಧದ ಕುರಿತು ಪರೋಕ್ಷವಾಗಿ ತಿಳಿಸಿದ್ದರು. ಇದರ ವಿಡಿಯೋ ಭಾರಿ ಸದ್ದು ಮಾಡಿತ್ತು. ಸಬಾ ಜೊತೆ ಡೇಟಿಂಗ್ ಮಾಡುತ್ತಾ ಕೆಲ ವರ್ಷಗಳೇ ಆಗಿವೆ. ಕಳೆದ ವರ್ಷ ನವೆಂಬರ್ನಲ್ಲಿ ಹೃತಿಕ್ ರೋಷನ್- ಸಬಾ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎನ್ನುವ ಸುದ್ದಿ ಹರಡಿತ್ತು. ಆದರೆ ಈ ಜೋಡಿ ಮಾತ್ರ ತುಟಿಕ್ ಪಿಟಿಕ್ ಅಂದಿರಲಿಲ್ಲ. ಆದರೆ ಈಗ ಅವರಿಬ್ಬರು ಯಾವುದೇ ಹಿಂಜರಿಕೆ ಇಲ್ಲದೇ ತಮ್ಮ ಫೋಟೋಗಳನ್ನು ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಸಿನಿಮಾ ಕೆಲಸಗಳಿಂದ ಸಣ್ಣ ಬ್ರೇಕ್ ತೆಗೆದುಕೊಂಡಿರೋ ನಟ, ಅರ್ಜೆಂಟೀನಾದಲ್ಲಿ ಗರ್ಲ್ಫ್ರೆಂಡ್ ಜೊತೆ ಮೋಜು ಮಸ್ತಿಯಲ್ಲಿ ತೊಡಗಿದ್ದು, ಅದರ ಫೋಟೋಗಳನ್ನು ಕೆಲ ತಿಂಗಳ ಹಿಂದೆ ಖುಲ್ಲಂ ಖುಲ್ಲಾ ಆಗಿ ಶೇರ್ ಮಾಡಿಕೊಂಡಿದ್ದರು. ಮದುವೆಯ ಬಗ್ಗೆ ಏನೂ ಹೇಳದ ಈ ಜೋಡಿ ಮಾತ್ರ ಟೂರ್ ಎಂಜಾಯ್ ಮಾಡುತ್ತಿದ್ದು, ಅವರ ಫೋಟೋ ವೈರಲ್ ಆಗುತ್ತಿವೆ.
ಇದನ್ನು ನೋಡಿ ಸುಸ್ಸಾನೇ ಖಾನ್ ಸುಮ್ಮನೇ ಇರ್ತಾರೆಯೇ? ಮಾಜಿ ಪತಿ ಹೃತಿಕ್ ರೋಷನ್ಗೆ ಸರಿಯಾದ ತಿರುಗೇಟು ನೀಡುತ್ತಲೇ ಇದ್ದಾರೆ. ಹೃತಿಕ್ ರೋಷನ್ ಗೆಳತಿ ಸಬಾ ಆಜಾದ್ (Saba Azad) ಜೊತೆಗಿನ ಫೋಟೋಗಳನ್ನು ಶೇರ್ ಮಾಡಿಕೊಂಡ ಎರಡು ದಿನಗಳಲ್ಲಿಯೂ ಸೂಸೇನ್ ಖಾನ್ ತಮ್ಮ ಸ್ನೇಹಿತ ಅರ್ಸ್ಲಾನ್ ಗೋನಿಯೊಂದಿಗೆ ಇರುವ ವಿಡಿಯೋ ಒಂದನ್ನು ಶೇರ್ ಮಾಡಿದ್ದರು. ರೊಮ್ಯಾಂಟಿಕ್ ರೀಲ್ಸ್ ಇದಾಗಿದ್ದು, ಇದನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದರು. ಸೂಸೇನ್ ಮತ್ತು ಆರ್ಸ್ಲಾನ್ ಅವರ ರಜೆಯ ಕ್ಷಣಗಳನ್ನು ಇದರಲ್ಲಿ ನೋಡಬಹುದು. ನೈಟ್ಕ್ಲಬ್ನಲ್ಲಿ ಪಾರ್ಟಿಗೆ ಅಟೆಂಡ್ ಆಗಿರೋ ಜೋಡಿ, ತಡರಾತ್ರಿಯ ವೇಳೆ ರೊಮ್ಯಾಂಟಿಕ್ ಮೂಡ್ನಲ್ಲಿರುವುದನ್ನು ನೋಡಬಹುದಾಗಿತ್ತು.
ಮಾಜಿ ಗಂಡ ಅಂದ್ರೆ ನಿನ್ನಂಗಿರ್ಬೇಕಪ್ಪ ಅಂತ ಹೃತಿಕ್ ರೋಷನ್ ಕಾಲೆಳೀತಿರೋ ನೆಟ್ಟಿಗರು: ಅಷ್ಟಕ್ಕೂ ಆಗಿದ್ದೇನು?
ಮಾಜಿ ಪತಿ-ಪತ್ನಿ ಹೀಗೆ ತಮ್ಮ ಹೊಸ ಸ್ನೇಹಿತರ ಜೊತೆ ಜಾಲಿ ಮೂಡ್ನಲ್ಲಿ ಇರುವಾಗಲೇ ಸುಸ್ಸಾನೇ ಖಾನ್ಗೆ ಈಗೊಂದು ಶಾಕಿಂಗ್ ಎದುರಾಗಿದೆ. ಹೊಸ ವರ್ಷ ಆಚರಿಸುವ ಸಲುವಾಗಿ ಸುಸ್ಸಾನೇ ಅವರು ತಮ್ಮ ಬಾಯ್ಫ್ರೆಂಡ್ ಜೊತೆ ಫಾರಿನ್ಗೆ ಹೋಗುವ ಪ್ಲ್ಯಾನ್ ಮಾಡಿದ್ದರು. ಬಾಯ್ಫ್ರೆಂಡ್ ಜೊತೆ ಖುಷಿಯಿಂದ ಏನೋ ಏರ್ಪೋರ್ಟ್ ತಲುಪಿದ್ದಾರೆ. ಆದರೆ ಅಲ್ಲಿ ಎಡವಟ್ಟು ಆಗಿಹೋಗಿದೆ. ಏರ್ಪೋರ್ಟ್ನಲ್ಲಿ ಬ್ಯಾಗ್ ನೋಡಿದಾಗ ಪಾಸ್ಪೋರ್ಟೇ ಇರಲಿಲ್ಲ. ಆದ್ದರಿಂದ ಅವರನ್ನು ಒಳಗಡೆ ಬಿಡಲಿಲ್ಲ. ಇದು ಪಾಪರಾಜಿಗಳ ಕ್ಯಾಮೆರಾ ಕಣ್ಣಿಗೆ ಸೆರೆಯಾಗಿದೆ. ಮತ್ತೆ ಹೊಸದಾಗಿ ಫ್ಲೈಟ್ ಬುಕ್ ಮಾಡಿ ಈ ಜೋಡಿ ಹೋಗಬೇಕಿದೆ. ಇದನ್ನು ನೋಡಿ ಫ್ಯಾನ್ಸ್ ಅಯ್ಯೋ ಅಂತಿದ್ದಾರೆ. ಹೀಗೆಲ್ಲಾ ಆಗಬಾರದಿತ್ತು ಅಂತಿದ್ದಾರೆ.
ಇನ್ನು ಕೆಲವರು ತಾವು ಫಾರಿನ್ ಟೂರ್ಗೆ ಹೋಗುತ್ತಿರುವುದಾಗಿ ಪ್ರಚಾರ ಗಿಟ್ಟಿಸಿಕೊಳ್ಳಲು,ಮಾಜಿ ಪತಿಯ ಹೊಟ್ಟೆ ಉರಿಸಲು ಹೀಗೆ ಬೇಕಂತಲೇ ಪಾಸ್ಪೋರ್ಟ್ ಬಿಟ್ಟುಬಂದಂತೆ ನಾಟಕ ಮಾಡುತ್ತಿರುವುದಾಗಿಯೂ ಹೇಳುತ್ತಿದ್ದಾರೆ. ಅದೇನೆ ಇದ್ದರೂ ಸದ್ಯ ಇವರ ಟೂರ್ ಕ್ಯಾನ್ಸಲ್ ಆಗಿದೆ. ಕುತೂಹಲದ ಸಂಗತಿ ಎಂದರೆ, ಮೊನ್ನೆಯಷ್ಟೇ ಹೃತಿಕ್ ರೋಷನ್, ಮಾಜಿ ಪತ್ನಿಯ ಲವರ್ ಅನ್ನು ಬ್ರದರ್ ಎಂದು ಕರೆದಿದ್ದು, ಹುಟ್ಟುಹಬ್ಬಕ್ಕೆ ವಿಷ್ ಮಾಡಿದ್ದರು. ಇದನ್ನು ನೋಡಿ, ನೆಟ್ಟಿಗರು ಮಾಜಿ ಪತಿ ಅಂದ್ರೆ ನಿನ್ನಂಗಿರಬೇಕು ನೋಡಪ್ಪಾ ಅಂತಿದ್ದರು. ಅಂದಹಾಗೆ ಹೃತಿಕ್ ಮತ್ತು ಸುಸ್ಸಾನೇ ಡಿವೋರ್ಸ್ ಪಡೆದು 9 ವರ್ಷಗಳು ಕಳೆದಿವೆ. ಸೂಸೇನ್ ಖಾನ್ಗೆ ಈಗ 48 ವರ್ಷ ವಯಸ್ಸು. ಈಕೆಯ ಬಾಯ್ಫ್ರೆಂಡ್ಗೆ 37 ವರ್ಷ ವಯಸ್ಸಾದರೆ, ಹೃತಿಕ್ ರೋಷನ್ ಅವರಿಗೆ 49 ವರ್ಷ ವಯಸ್ಸು.
2023ರಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಟಾಪ್ 10 ಬಾಲಿವುಡ್ ಸಿನಿಮಾಗಳ ಲಿಸ್ಟ್ ಇಲ್ಲಿದೆ...