ಅಶ್ಲೀಲ ಮುತ್ತಿನ ಪ್ರಕರಣದಲ್ಲಿ ಸಿಕ್ಕಿಹಾಕಿಕೊಂಡಿದ್ದ ಶಿಲ್ಪಾ ಶೆಟ್ಟಿ ಪ್ರಕರಣ ನಡೆದು ಬರೋಬ್ಬರಿ 15 ವರ್ಷದ ನಂತರ ಕೇಸ್ ಇತ್ಯರ್ಥ
ಬಾಲಿವುಡ್(Bollywood) ನಟಿ ಶಿಲ್ಪಾ ಶೆಟ್ಟಿ(Shilpa Shetty) ಅವರಿಗೆ 2007ರಲ್ಲಿ ನಡೆದ ಒಂದು ಘಟನೆಯ ಪ್ರಕರಣದಲ್ಲಿ ಕೊನೆಗೂ ರಿಲೀಫ್ ಸಿಕ್ಕಿದೆ. 2007ರಲ್ಲಿ ರಾಜಸ್ಥಾನದಲ್ಲಿ(Rajasthan) ನಡೆದ ಕಾರ್ಯಕ್ರಮವೊಂದರಲ್ಲಿ ಹಾಲಿವುಡ್ ನಟ ರಿಚರ್ಡ್ ಗೇರ್ ನಟಿ ಶಿಲ್ಪಾ ಶೆಟ್ಟಿಯನ್ನು ವೇದಿಕೆಯಲ್ಲಿಯೇ ಕಿಸ್ ಮಾಡಿದ್ದರು. ಅಶ್ಲೀಲ ಘಟನೆ ಎಂದು ನಟಿಯ ವಿರುದ್ಧ ಕೇಸ್ ದಾಖಲಾಗಿತ್ತು. ಮೆಟ್ರೋಪೊಲಿಟನ್ ಮ್ಯಾಜಿಸ್ಟ್ರೇಟ್ ಕೆಟಕಿ ಚವಣ್ ಪ್ರಕಾರ, ಘಟನೆ ನಡೆದ ಬೆನ್ನಲ್ಲೇ ಶಿಲ್ಪಾ ಶೆಟ್ಟಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ. ಪೊಲೀಸ್(Police) ವರದಿ ಮತ್ತು ಸಲ್ಲಿಸಿದ ದಾಖಲೆಗಳನ್ನು ಪರಿಗಣಿಸಿದ ನಂತರ, ಶಿಲ್ಪಾ ವಿರುದ್ಧದ ಆರೋಪಗಳು ಆಧಾರರಹಿತವಾಗಿವೆ ಎಂದು ಮ್ಯಾಜಿಸ್ಟ್ರೇಟ್ಗೆ ಮನವರಿಕೆಯಾಗಿದೆ. ಆದ್ದರಿಂದ ಅವರನ್ನು ಆರೋಪಮುಕ್ತಗೊಳಿಸಲಾಗಿದೆ ಎಂದು ಹೇಳಲಾಗಿದೆ.
ಘಟನೆಯ ನಂತರ, ನಟಿ ಹಾಗೂ ನಟನ ವಿರುದ್ಧ ಅಶ್ಲೀಲತೆಯ ಆರೋಪದ ಮೇಲೆ ರಾಜಸ್ಥಾನದಲ್ಲಿ ಎರಡು ಮತ್ತು ಗಾಜಿಯಾಬಾದ್ನಲ್ಲಿ ಮೂರು ಪ್ರಕರಣಗಳನ್ನು ದಾಖಲಿಸಲಾಗಿದೆ. ಪ್ರಕರಣವನ್ನು ಮುಂಬೈಗೆ(Mumbai) ವರ್ಗಾಯಿಸಲು ಆಕೆಯ ಮನವಿಯನ್ನು ಸುಪ್ರೀಂ ಕೋರ್ಟ್ 2017 ರಲ್ಲಿ ಅನುಮತಿಸಿದೆ ಎಂದು ವರದಿಯಾಗಿದೆ. ನಟಿ ಮಧುಕರ್ ದಾಲ್ವಿ ಅವರ ಮೂಲಕ ಕ್ರಿಮಿನಲ್ ಪ್ರಕ್ರಿಯಾ ಸಂಹಿತೆಯ ಸೆಕ್ಷನ್ 239 (ಪೊಲೀಸ್ ವರದಿ ಮತ್ತು ದಾಖಲೆಗಳನ್ನು ಪರಿಗಣಿಸಿದ ನಂತರ ಬಿಡುಗಡೆ) ಮತ್ತು ಸೆಕ್ಷನ್ 245 (ಸಾಕ್ಷಾಧಾರಗಳನ್ನು ಪರಿಗಣಿಸಿದ ನಂತರ ಬಿಡುಗಡೆ) ಅಡಿಯಲ್ಲಿ ಬಿಡುಗಡೆಗಾಗಿ ಅರ್ಜಿ ಸಲ್ಲಿಸಿದ್ದರು.
ಶಿಲ್ಪಾ ಶೆಟ್ಟಿ To ಶಾರುಖ್, ಬಾಡಿಗೆ ತಾಯ್ತನದ ಮೂಲಕ ಮಕ್ಕಳು ಪಡೆದವರು
ಶಿಲ್ಪಾ ಶೆಟ್ಟಿ ವಿರುದ್ಧದ ಆರೋಪದಲ್ಲಿ, ನಟಿಯು ಸಹ-ಆರೋಪಿ ರಿಚರ್ಡ್ ಗೇರ್ ಅವರನ್ನು ಚುಂಬಿಸಿದಾಗ ಪ್ರತಿಭಟಿಸಲಿಲ್ಲ ಎಂದು ಇದೆ. ಆದರೆ ಇದು ನಟಿಯನ್ನು ಅಪರಾಧಕ್ಕೆ ಪಿತೂರಿ ಅಥವಾ ಅಪರಾಧಿಯನ್ನಾಗಿ ಮಾಡುವುದಿಲ್ಲ ಎನ್ನಲಾಗಿದೆ. ಕಳೆದ ವರ್ಷ ತನ್ನ ಪತಿ ರಾಜ್ ಕುಂದ್ರಾ ಅವರನ್ನು ಅಶ್ಲೀಲ ಚಿತ್ರಕ್ಕೆ ಸಂಬಂಧಿಸಿದ ಪ್ರಕರಣದಲ್ಲಿ ಬಂಧಿಸಿದ ನಂತರ ಶಿಲ್ಪಾ ಸುದ್ದಿಯಲ್ಲಿದ್ದರು. ಸದ್ಯ ಉದ್ಯಮಿ ಜಾಮೀನಿನ ಮೇಲೆ ಹೊರಗಿದ್ದಾರೆ. ಕೆಲಸದ ಮುಂಭಾಗದಲ್ಲಿ, ಶಿಲ್ಪಾ ಕೊನೆಯದಾಗಿ 'ಹಂಗಾಮಾ 2' ನಲ್ಲಿ ಪರೇಶ್ ರಾವಲ್, ಮೀಜಾನ್ ಮತ್ತು ಪ್ರಣಿತಾ ಸುಭಾಷ್ ಜೊತೆ ಕಾಣಿಸಿಕೊಂಡರು. ಚಿತ್ರವು OTTಯಲ್ಲಿ ಬಿಡುಗಡೆಯಾಯಿತು. ಅವರು ಸಬ್ಬೀರ್ ಖಾನ್ ಅವರ 'ನಿಕಮ್ಮ' ಚಿತ್ರದಲ್ಲಿ ನಟಿಸಲಿದ್ದು ಅಭಿಮನ್ಯು ದಸ್ಸಾನಿ ಮತ್ತು ಶೆರ್ಲಿ ಸೆಟಿಯಾ ಮುಖ್ಯ ಪಾತ್ರಗಳಲ್ಲಿ ಸಹ-ನಟಿಸಲಿದ್ದಾರೆ.
