ಬಹುನಿರೀಕ್ಷಿತ ಸಿನಿಮಾಗೆ ಬಂದಿದ್ದ ಹಣವೂ ಹೋಯ್ತು ಕೈಗೆ ಬಂದ ತುತ್ತು ಬಾಯಿಗೆ ಬರಲಿಲ್ಲ..! ತ್ರಿಬಲ್ ಆರ್ ರಿಲೀಸ್ ಮುಂದಕ್ಕೆ, ಲಾಭ-ನಷ್ಟ ಲೆಕ್ಕಾಚಾರವಿದು
ಸೌತ್ ಇಂಡಿಯಾದ ಬಹುನಿರೀಕ್ಷಿತ ಸಿನಿಮಾ ನಿರ್ದೇಶಕ ಎಸ್.ಎಸ್ ರಾಜಮೌಳಿ ನಿರ್ದೇಶನದ ತ್ರಿಬಲ್ ಆರ್ ಸಿನಿಮಾ ಭಾರೀ ನಿರೀಕ್ಷೆ ಹುಟ್ಟುಹಾಕಿದೆ. ಸಿನಿಪ್ರಿಯರು ತುದಿಕಾಲಿನಲ್ಲಿ ನಿಂತು ಕಾಯುತ್ತಿರುವ ಸಿನಿಮಾ ಇನ್ನೇನು ರಿಲೀಸ್ ಅಗಬೇಕು ಎನ್ನುವಷ್ಟರಲ್ಲಿ ಮತ್ತೆ ಮುಂದಕ್ಕೆ ಹೋಯಿತು. ದೇಶಾದ್ಯಂತ ಹೆಚ್ಚಿದ ಕೊರೋನಾದಿಂದ ಬಹಳಷ್ಟು ಕಡೆಗಳಲ್ಲಿ ಥಿಯೇಟರ್ಗಳನ್ನು ಮುಚ್ಚಲಾಗಿದೆ. ಪರಿಣಾಮ ಅನಿವಾರ್ಯವಾಗಿ ಸಿನಿಮಾ ರಿಲೀಸ್ ಮುಂದೂಡುವ ಅನಿವಾರ್ಯತೆಯನ್ನು ಎದುರಿಸಿದೆ ಚಿತ್ರತಂಡ. ಹಾಗಾದರೆ ಪ್ರೀ ಬುಕ್ಕಿಂಗ್ ಕಥೆ ಏನು ? ಸಿನಿಮಾ ನೋಡಲು ಮುಂಗಡ ಟಿಕೆಟ್ ಕಾಯ್ದಿರಿಸಿ ಸಂಗ್ರಹವಾಗಿದ್ದು ಕೆಲವು ಸಾವಿರಗಳಲ್ಲ. ಬರೋಬ್ಬರಿ 10 ಕೋಟಿ ರೂಪಾಯಿ.
ವರ್ಷದ ಅತ್ಯಂತ ದೊಡ್ಡ ಸಿನಿಮಾಗಳಲ್ಲಿ ಒಂದಾಗಿರುವ ತ್ರಿಬಲ್ ಆರ್ ರಿಲೀಸ್ಗೆ ಇನ್ನೇನು ಆರೇ ದಿನ ಇದೆ ಎನ್ನುವಷ್ಟರಲ್ಲಿ ಸಿನಿಮಾ ಬಿಡುಗಡೆ ಮುಂದೂಡಲಾಗಿದೆ. ರಾಮ್ ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ನಟಿಸಿರುವ ಎಸ್ಎಸ್ ರಾಜಮೌಳಿ ಅವರ ಆರ್ಆರ್ಆರ್ ತಂಡ ದೇಶದಲ್ಲಿ ಕರೋನವೈರಸ್ ಪ್ರಕರಣಗಳ ಉಲ್ಬಣ ಬಗ್ಗೆ ಬಿಡುಗಡೆ ಮುಂದೂಡಲು ನಿರ್ಧರಿಸಿದ್ದಾರೆ.
ಥಿಯೇಟರ್ಸ್ ಮುಚ್ಚಿದೆ, ರಿಲೀಸ್ ಮುಂದೂಡದೆ ಬೇರೆ ದಾರಿ ಇಲ್ಲ'..!
ಡಿವಿವಿ ಎಂಟರ್ಟೈನ್ಮೆಂಟ್ಸ್ ನಿರ್ಮಾಣದ ಸಿನಿಮಾ ಆರ್ಆರ್ಆರ್ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವ ದಿನಾಂಕ ಇನ್ನಷ್ಟು ವಿಳಂಬವಾಗುತ್ತಿದೆ ಎಂಬ ಸುದ್ದಿಯು ಆರು ದಿನಗಳ ಮೊದಲು ಹೊರಬಿದ್ದಿದೆ. ದೇಶದಾದ್ಯಂತ ಚಿತ್ರತಂಡ ಅದ್ದೂರಿ ಪ್ರಚಾರ ನಡೆಸಿತ್ತು. ಆದರೆ ಈಗ RRR ಚಿತ್ರದ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಬಿಡುಗಡೆ ದಿನಾಂಕವನ್ನು ಮುಂದೂಡುವ ನಿರ್ಧಾರವನ್ನು ಪ್ರಕಟಿಸಲಾಗಿದೆ.
ಎಲ್ಲಾ ಭಾಗಿದಾರರ ಹಿತಾಸಕ್ತಿಗಳನ್ನು ಗಮನದಲ್ಲಿಟ್ಟುಕೊಂಡು, ನಮ್ಮ ಚಿತ್ರವನ್ನು ಮುಂದೂಡಲು ನಿರ್ಧರಿಸಿದ್ದೇವೆ. ಅವರ ಬೇಷರತ್ತಾದ ಪ್ರೀತಿಗಾಗಿ ಎಲ್ಲಾ ಅಭಿಮಾನಿಗಳು ಮತ್ತು ಪ್ರೇಕ್ಷಕರಿಗೆ ನಮ್ಮ ಪ್ರಾಮಾಣಿಕ ಧನ್ಯವಾದಗಳು #RRRPPostopened #RRRMovie ಎಂದು ಟ್ವೀಟ್ ಮಾಡಲಾಗಿದೆ.
ಪ್ರಪಂಚದ ವಿವಿಧ ಭಾಗಗಳಲ್ಲಿ ಚಲನಚಿತ್ರಕ್ಕಾಗಿ ಮುಂಗಡ ಬುಕಿಂಗ್ ತೆರೆಯಲಾಗಿತ್ತು.ಈ ಬಗ್ಗೆ ಪ್ರತಿಕ್ರಿಯಿಸಿ ಟ್ರೇಡ್ ಅನಾಲಿಸ್ಟ್ ತರನ್ ಆದರ್ಶ್, ಅಂದಾಜು ₹ 10 ಕೋಟಿಗಳಷ್ಟು ಹಣವೂ ಕಲೆಕ್ಷನ್ ಆಗಿತ್ತು. ವರ್ಷದ ಪ್ರಾರಂಭದಲ್ಲಿಯೇ ದೊಡ್ಡ ಸಿನಿಮಾ ರಿಲೀಸ್ ಮುಂದೂಡಲ್ಪಟ್ಟಿರುವುದು ಆಘಾತಕರ. ಇದು ಚಿತ್ರರಂಗದಲ್ಲಿ ಆತಂಕ ಮೂಡಿಸಿದೆ. ಇದು ಸಾಮಾನ್ಯ ಸಿನಿಮಾವಲ್ಲ. ದೊಡ್ಡ ಬಜೆಟ್ ಹೂಡಿಕೆ ಮಾಡಿರುವ ಸಿನಿಮಾ. ಕೊರೋನಾ ಪ್ರಕರಣಗಳು ಕಡಿಮೆಯಾಗುವ ಮತ್ತು ಚಿತ್ರಮಂದಿರಕ್ಕೆ ಹೋಗಲು ಜನರು ಸಿದ್ಧರಾಗಿರುವ ಸಮಯಕ್ಕಾಗಿ ನಾವು ಕಾಯಬೇಕು ಎಂದಿದ್ದಾರೆ.
ಸಿನಿಮಾ ರಿಲೀಸ್ ವಿಳಂಬಗೊಳಿಸಲು ತಯಾರಕರು ತೆಗೆದುಕೊಂಡಿರುವುದು ಉತ್ತಮ ನಿರ್ಧಾರ. ಚಿತ್ರದ ಮೇಲೆ ಸಾಕಷ್ಟು ಹಣ ಹೂಡಿಕೆ ಮಾಡಿದ್ದರೂ, ವೆಚ್ಚವನ್ನು ಮರುಪಡೆಯುವುದು ಕಷ್ಟವೇನಲ್ಲ. 10 ಕೋಟಿ ಮೌಲ್ಯದ ಮುಂಗಡ ಬುಕ್ಕಿಂಗ್ ಜನರು ಬಿಡುಗಡೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ ಎಂಬುದಕ್ಕೆ ಸಾಕ್ಷಿಯಾಗಿದೆ. ಆರ್ಆರ್ಆರ್ ಸುಮಾರು ₹400-500 ಕೋಟಿ ಬಜೆಟ್ನಲ್ಲಿ ತಯಾರಾಗುತ್ತಿದೆ. ಚಿತ್ರದ ಪ್ರಚಾರಕ್ಕೂ ಸಾಕಷ್ಟು ಹಣ ತೊಡಗಿಸಲಾಗಿತ್ತು. ಯಾವುದೇ ಚಿತ್ರದ ವಿಳಂಬವು ಚಲನಚಿತ್ರ ನಿರ್ಮಾಪಕರಿಗೆ ಹೆಚ್ಚುವರಿ ವೆಚ್ಚವನ್ನು ಆಹ್ವಾನಿಸುತ್ತದೆ. ಆದರೆ ಚಲನಚಿತ್ರವನ್ನು ವ್ಯರ್ಥ ಮಾಡದೆ ಉತ್ತಮ ಸಮಯಕ್ಕಾಗಿ ಕಾಯುವುದು ಉತ್ತಮ ಎಂದು ತಜ್ಞರು ಹೇಳಿದ್ದಾರೆ.
ನಿರ್ಮಾಪಕ ಮತ್ತು ಚಲನಚಿತ್ರ ವ್ಯಾಪಾರ ತಜ್ಞ ಗಿರೀಶ್ ಜೋಹರ್ ಅವರು ಪ್ರತಿಕ್ರಿಯಿಸಿ, ಭಾವನಾತ್ಮಕ ಆರ್ಥಿಕ ಹಿನ್ನಡೆ ಇದು ಎಂದಿದ್ದಾರೆ. RRR ನಂತಹ ಮಹಾಗಜವನ್ನು ಮತ್ತೊಮ್ಮೆ ಬಿಡುಗಡೆ ಮಾಡಲು ಎರಡನೇ ಪ್ರಯತ್ನದ ಅಗತ್ಯವಿದೆ ಎಂದಿದ್ದಾರೆ. ರಾಜಮೌಳಿ ಸರ್ ವೈಯಕ್ತಿಕವಾಗಿ ತಮ್ಮ ಬಿಡುಗಡೆಯ ದಿನಾಂಕಗಳನ್ನು ಮರುಹೊಂದಿಸಲು ಇತರ ಸಿನಿಮಾ ನಿರ್ಮಾಪಕರನ್ನು ವಿನಂತಿಸಿದರು. ಇದರಿಂದಾಗಿ RRR ಏಕವ್ಯಕ್ತಿ ಬಿಡುಗಡೆಯನ್ನು ಪಡೆಯುತ್ತದೆ. ತಯಾರಕರು ಚಲನಚಿತ್ರವನ್ನು ಮಾರ್ಕೆಟಿಂಗ್ ಮಾಡಲು ತುಂಬಾ ಆಳವಾಗಿದ್ದರು ಎಂದಿದ್ದಾರೆ.
