ನಾನಲ್ಲ, ಸೋನು ಸೂದ್ ಸೂಪರ್ ಹೀರೋ ಎಂದ ಸಚಿವ ಮನಸ್ಫೂರ್ಥಿಯಾಗಿ ಸಚಿವರಿಗೆ ಥ್ಯಾಂಕ್ಸ್ ಹೇಳಿದ ಸೋನು ಸೂದ್
ನಟ ಸೋನು ಸೂದ್ ಮತ್ತು ತೆಲಂಗಾಣ ರಾಷ್ಟ್ರ ಸಮಿತಿ (ಟಿಆರ್ಎಸ್) ಕಾರ್ಯಕಾರಿ ಅಧ್ಯಕ್ಷ ಕೆ.ಟಿ.ರಾಮರಾವ್ ಅವರ ನಡುವಿನ ಸಂಭಾಷಣೆ ನೆಟ್ಟಿಗರ ಮನಸು ಗೆದ್ದಿದೆ. ಕೆಟಿಆರ್ ಸೋನು ಸೂದ್ ಅವರನ್ನು ಟ್ವೀಟ್ ನಲ್ಲಿ ಟ್ಯಾಗ್ ಮಾಡಿ ಅವರನ್ನು ಸೂಪರ್ ಹೀರೋ ಎಂದು ಕರೆದಾಗ ಅವರ ಟ್ವಿಟರ್ ಸಂಭಾಷಣೆ ಪ್ರಾರಂಭವಾಗಿದೆ. ಅವರ ಸಂಭಾಷಣೆಯು ಅನೇಕ ಲೈಕ್ಸ್ ಮತ್ತು ರಿಟ್ವೀಟ್ಗಳನ್ನು ಪಡೆದಿದೆ.
ಟ್ವಿಟ್ಟರ್ ಬಳಕೆದಾರರು ತೆಲಂಗಾಣ ಸಚಿವರನ್ನು ಟ್ವೀಟ್ ನಲ್ಲಿ ಟ್ಯಾಗ್ ಮಾಡಿದಾಗ ಅವರಿಗೆ ಆಮ್ಲಜನಕ ಸಾಂದ್ರೀಕರಣವನ್ನು ಕಳುಹಿಸಿದ್ದಕ್ಕಾಗಿ ಧನ್ಯವಾದ ತಿಳಿಸಿದ್ದಾರೆ. ನೀವು ಇಲ್ಲಿಯವರೆಗೆ ಅನೇಕರಿಗೆ ಸಹಾಯ ಮಾಡಿದ್ದೀರಿ ಮತ್ತು ಜನರಿಗೆ ನಿಮ್ಮ ನಿರಂತರ ಸಹಾಯವನ್ನು ನಾವು ಎಂದಿಗೂ ಮರೆಯುವುದಿಲ್ಲ. ಮತ್ತು ನಾನು ಇದನ್ನು ಇಂದು ಹೇಳಲೇಬೇಕು, ನೀವು ನಿಜವಾದ ಸೂಪರ್ ಹೀರೋ ಎಂದು ಟ್ವಿಟರ್ ಬಳಕೆದಾರ ಪೋಸ್ಟ್ ಮಾಡಿದ್ದಾರೆ.
ಹುಬ್ಬಳ್ಳಿಯಲ್ಲಿ ಸೋನು ಸೂದ್ ನೆರವಿನ ತುರ್ತು ಆಕ್ಸಿಜನ್ ಸೇವಾ ಕೇಂದ್ರ ಆರಂಭ
ಕೆಟಿಆರ್ ಟ್ವೀಟ್ ಅನ್ನು ಗಮನಿಸಿ ಉತ್ತರವನ್ನು ಶೇರ್ ಮಾಡಿದ್ದಾರೆ. ಅವರು ಕೇವಲ ತಮ್ಮ ಕೆಲಸವನ್ನು ಮಾಡುತ್ತಿದ್ದಾರೆ ಎಂದು ಅವರು ಉಲ್ಲೇಖಿಸಿದ್ದಾರೆ. ಆದರೆ ಸೋನು ಸೂದ್ ಅವರನ್ನು ಸೂಪರ್ ಹೀರೋ ಎಂದು ಕರೆಯಬಹುದು ಎಂದು ಸಚಿವ ನಟನನ್ನು ಟ್ಯಾಗ್ ಮಾಡಿದ್ದಾರೆ.
ಈ ಟ್ವೀಟ್ ಅನ್ನು ಮೇ 31 ರಂದು ಪೋಸ್ಟ್ ಮಾಡಿದ ನಂತರ, ಸುಮಾರು 5,000 ಲೈಕ್ ಮತ್ತು ಅನೇಕ ಪ್ರತಿಕ್ರಿಯೆಗಳನ್ನು ಸ್ವೀಕರಿಸಿದೆ. ಸೋನು ಸೂದ್ ಕೂಡ ಟ್ವೀಟ್ಗೆ ಉತ್ತರವನ್ನು ಹಂಚಿಕೊಂಡಿದ್ದಾರೆ.
“ನಿಮ್ಮ ಮಾತುಗಳಿಗೆ ತುಂಬಾ ಧನ್ಯವಾದಗಳು ಸರ್! ಆದರೆ ನೀವು ನಿಜವಾಗಿಯೂ ತೆಲಂಗಾಣಕ್ಕಾಗಿ ತುಂಬಾ ಕೆಲಸ ಮಾಡಿದ ನಾಯಕ ಎಂದು ಸೋನು ಟ್ವೀಟ್ ಮಾಡಿದ್ದಾರೆ. ಈ ಟ್ವೀಟ್ ಕೂಡ ಜನರ ಮನಸು ಗೆದ್ದಿದೆ. ಸುಮಾರು 11 ಗಂಟೆಗಳ ಹಿಂದೆ ಮಾಡಿದ ಪೋಸ್ಟ್ಗೆ 17,000 ಕ್ಕೂ ಹೆಚ್ಚು ಲೈಕ್ ಬಂದಿದೆ.
ಇಬ್ಬರ ನಡುವಿನ ಸಂಭಾಷಣೆ ಇಲ್ಲಿಗೆ ಕೊನೆಗೊಂಡಿಲ್ಲ. ಈ ವಿನಿಮಯದ ನಂತರ, ಶೀಘ್ರದಲ್ಲೇ ಹೈದರಾಬಾದ್ನಲ್ಲಿ ನಟನನ್ನು ನೋಡಲು ಎದುರು ನೋಡುತ್ತಿದ್ದೇನೆ ಎಂದು ಕೆಟಿಆರ್ ಹಂಚಿಕೊಂಡಿದ್ದಾರೆ. ಕೆಲವು ಹೈದರಾಬಾದ್ ಬಿರಿಯಾನಿಗಳನ್ನು ಎದುರು ನೋಡುತ್ತಿದ್ದೇನೆ ಎಂದು ಪ್ರಸ್ತಾಪಿಸಿ ಸೋನು ಸೂದ್ ಉತ್ತರಿಸಿದರು.
