Asianet Suvarna News Asianet Suvarna News

ಬಾಲ್ಡಾಗಿ ಕಾಣಿಸಿಕೊಂಡ ನಟ ಮೋಹನ್‌ಲಾಲ್; ಫ್ಯಾನ್ಸ್‌ಗೆ Barroz ಚಿತ್ರ ಕೊಟ್ಟ ಶಾಕ್!

ಮಲಯಾಳಂ 3D ಚಿತ್ರದಲ್ಲಿ ಮೋಹನ್ ಲಾಲ್. ಮತ್ತೊಂದು ಬಿಗ್ ಬಜೆಟ್‌ ದಾಖಲೆ ಮಾಡುತ್ತಿದೆ ಜಿಜೋ ಪುನ್ನೂಸ್.

Mollywood Mohanlal looks bald in Barroz 3D film first poster look vcs
Author
Bangalore, First Published Jan 2, 2022, 11:32 AM IST
  • Facebook
  • Twitter
  • Whatsapp

ಮಾಲಿವುಡ್ (Mollywood) ಸೂಪರ್ ಸ್ಟಾರ್ ಮೋಹನ್‌ಲಾಲ್‌ (Mohanlal) ಹೊಸ ವರ್ಷದಂದು ತಮ್ಮ ಮುಂದಿನ ಬಹುನಿರೀಕ್ಷಿತ ಚಿತ್ರದ ಲುಕ್ ಶೇರ್ ಮಾಡಿಕೊಂಡಿದ್ದಾರೆ. ಚಿತ್ರಕ್ಕೆ ಬರೋಜ್: ಗಾರ್ಡಿಯನ್ ಆಫ್ ಡಿ'ಗಾಮಾಸ್ ಟ್ರೆಷರ್ (Barroz: Guardian of D'Gama's Treasure) ಎಂದು ಶೀರ್ಷಿಕೆ ನೀಡಲಾಗಿದೆ. ಇದೇ ಮೊದಲ ಬಾರಿ ಮೋಹನ್‌ಲಾಲ್‌ 3D ಸಿನಿಮಾದಲ್ಲಿ ನಟಿಸುತ್ತಿರುವುದು ಎಂಬುವುದು ಮತ್ತೊಂದು ವಿಶೇಷ. 

'ಮೈ ಡಿಯರ್ ಕುಟ್ಟಿಚಾತನ್' (My Dear Kuttichathan) ಖ್ಯಾತಿಯ ನಿರ್ದೇಶಕ ಜಿಜೋ ಪುನ್ನೂಸ್ (Jijo Punnoose) ಇದೊಂದು  3D ಫ್ಯಾಂಟಸಿ ಪ್ರಾಜೆಕ್ಟ್‌ ಎಂದಿದ್ದಾರೆ. ಅಲ್ಲದೇ ಇದು ಮಾಲಿವುಡ್‌ನಲ್ಲಿ ಅತಿ ಹೆಚ್ಚು ಬಂಡವಾಳ ಹಾಕಿ ಮಾಡುತ್ತಿರುವ ಸಿನಿಮಾ ಎಂದು ಕೂಡ ತಿಳಿಸಿದ್ದಾರೆ.  ಈ ಚಿತ್ರದಲ್ಲಿ ಮೋಹನ್‌ಲಾಲ್ ಬರೋಜ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶತಮಾನಗಳಿಂದ ವಾಸ್ಕೋಡಿಗಾಮನ (Vasco Da Gama) ಅಮೂಲ್ಯವಾದ ನಿಧಿಯನ್ನು (Treasure) ಕಾಪಾಡಿಕೊಂಡು ಬಂದಿರುವ ಮತ್ತು ಅವನ ನಿಜವಾದ ಉತ್ತರಾಧಿಕಾರಿಗಾಗಿ ಕಾಯುತ್ತಿರುವ ದೆವ್ವದ (Ghost) ಪಾತ್ರವೇ ಬರೋಜ್ ಎನ್ನಲಾಗಿದೆ. 

Marakkar: ರಿಲೀಸ್‌ಗೆ ಮುನ್ನವೇ 100 ಕೋಟಿ ಕ್ಲಬ್ ಸೇರಿದ ಮಾಲಿವುಡ್ ಸಿನಿಮಾ, ಭಾರತದಲ್ಲೇ ಮೊದಲು

61 ವರ್ಷದ ಹ್ಯಾಂಡ್ಸಮ್ ನಟ ಟ್ವಿಟರ್‌ನಲ್ಲಿ ಬರೋಜ್‌ ಫಸ್ಟ್‌ ಲುಕ್ ಫೋಟೋ ಹಂಚಿಕೊಂಡಿದ್ದಾರೆ. ಬರೋಜ್‌ ಸಿಂಹಾಸನದ (Throne) ಮೇಲೆ ಕುಳಿತುಕೊಂಡಿದ್ದಾರೆ. ತಲೆ ಫುಲ್ ಶೇವ್ (Bald Look) ಅಗಿದೆ. ಹೀಗಾಗಿ ನಿಜಕ್ಕೂ ಮೋಹನ್‌ಲಾಲ್‌ ಬಾಲ್ಡ್‌ ಲುಕ್ ಆಯ್ಕೆ ಮಾಡಿಕೊಂಡಿದ್ದಾರಾ? ಎಂದು ಅಭಿಮಾನಿಗಳಿಗೆ ಶಾಕ್ ಆಗಿದೆ.  ಈ ಲುಕ್‌ ಬಗ್ಗೆ ಮಾಲಿವುಡ್‌ನಲ್ಲಿ ಮಿಶ್ರ ಅಭಿಪ್ರಾಯ ವ್ಯಕ್ತವಾಗುತ್ತಿದೆ. 

Mollywood Mohanlal looks bald in Barroz 3D film first poster look vcs

ಕೆಲವು ಮೂಲಗಳಿಂದ ತಿಳಿದು ಬಂದ ಮಾಹಿತಿ ಪ್ರಕಾರ, ಚಿತ್ರದಲ್ಲಿ ಮಲಯಾಳಂ ಹಿರಿಯ ನಟ ಪ್ರತಾಪ್ ಫೋಥೆನ್‌ (Prathap Pothen) ಜೊತೆಗೆ ಸ್ಪ್ಯಾನಿಷ್ ತಾರೆ ಪಾಜ್‌ ವೇಗಾ (Paz Vega) ಮತ್ತು ರಾಫೆಲ್ ಅಮರ್ಗೋ (Rafael Amargo) ಕೂಡ ನಟಿಸಲಿದ್ದಾರೆ. ಈ ವರ್ಷ ಮಾರ್ಚ್‌ ತಿಂಗಳಿನಲ್ಲಿ ಸಿನಿಮಾ ಬಿಡುಗಡೆ ಸಾಧ್ಯತೆಗಳಿವೆ ಎಂದು ತಂಡ ತಿಳಿಸಿದೆ. ಬರೋಜ್ ಲುಕ್ ಮಾತ್ರವಲ್ಲದೆ, ಈ ವರ್ಷ ಕೈಯಲ್ಲಿರುವ ಎರಡು ಸಿನಿಮಾಗಳು ಲುಕ್ ಮತ್ತು ಹೆಸರು ಹಂಚಿಕೊಂಡಿದ್ದಾರೆ. 

Keerthy Suresh And Mohanlal : ಮೋಹನ್ ಲಾಲ್ ಮತ್ತು ಮಮ್ಮುಟ್ಟಿ ಭೇಟಿಯಾದ ಕೀರ್ತಿ, ಪೋಟೋಗಳು

ಮಾನ್ಟರ್ (Monster) ಮತ್ತು ಅಲೋನ್ (Alone) ಸಿನಿಮಾದಲ್ಲಿ ಮೋಹನ್ ನಟಿಸುತ್ತಿದ್ದಾರೆ. ಮಾನ್ಟರ್ ಸಿನಿಮಾವನ್ನು ವೈಶಾಖ್ (Vysakh) ನಿರ್ದೇಶನ ಮಾಡುತ್ತಿದ್ದಾರೆ. 2016ರ ನಂತರ ಈ ಜೋಡಿ ಮತ್ತೆ ಒಂದಾಗಿದೆ. ಅಲೋನ್‌ ಸಿನಿಮಾವನ್ನು ಶಾಜಿ ಕೈಲಾಸ್ (Shaji Kailas) ನಿರ್ದೇಶನ ಮಾಡುತ್ತಿದ್ದಾರೆ. ಇವರಿಬ್ಬರು 12 ವರ್ಷಗಳ ನಂತರ ಒಂದಾಗುತ್ತಿದ್ದಾರೆ. 

ಮೋಹನ್  ಲಾಲ್ ಪಾತ್ರ ಆಯ್ಕೆಗಳ ಬಗ್ಗೆ ಅಭಿಮಾನಿಗಳಿಗೆ ಹೆಮ್ಮೆ ಇದೆ. ವಯಸ್ಸಿಗೆ ಮೀರಿದ ಪ್ರಯತ್ನ ಹಾಗೂ ವಿಭಿನ್ನ ಪಾತ್ರಗಳಾಗಿರುತ್ತವೆ. ಆದರೆ ತಲೆಯಲ್ಲಿ ಕೂದಲಿಲ್ಲದ ಲುಕ್ ನೋಡುವುದಕ್ಕೆ ಕೊಂಚ ಡಿಫರೆಂಟ್ ಆಗಿದೆ. ನೀವು ನಿಜಕ್ಕೂ ಶೇವ್ ಮಾಡಿದ್ದೀರಾ ಅಥವಾ ಮೇಕಪಾ (MakeUp) ಗೊತ್ತಿಲ್ಲ. ಆದರೆ ನಮಗೆ ನೀವು ಮಾಸ್ ನಟನಾಗಬೇಕು. ಇಲ್ಲವೇ ಲವರ್ ಬಾಯ್ ಆಗಬೇಕು. ಈ ರೀತಿ ಕಾರ್ಟೂನ್ ವ್ಯಕ್ತಿಯಾದರೆ ಹೇಗೆ ನೋಡುವುದು ಎಂದು ಪ್ರಶ್ನೆ ಮಾಡಿದ್ದಾರೆ. ಇನ್ನೂ ಕೆಲವರು ನಮ್ಮ ಬಾಲ್ಯವನ್ನು ನೀವು ಅದ್ಭುತವಾಗಿಸಿದ್ದೀರಿ. ಹೀಗೆ ನಮ್ಮ ಮಕ್ಕಳು ಕೂಡ ನಿಮ್ಮ ಸಿನಿಮಾ ನೋಡುತ್ತಲೇ ಬೆಳಯಬೇಕು ಎಂದಿದ್ದಾರೆ. ಮೋಹನ್‌ಲಾಲ್ ಸಿನಿಮಾ ಮಾಡುತ್ತಾರೆ ಅಂದ್ರೆ ನಿರ್ದೇಶಕರು ಮತ್ತು ನಿರ್ಮಾಪಕರು ಲೈನ್‌ನಲ್ಲಿ ನಿಲ್ಲುತ್ತಾರೆ. ಆದರೆ ಯಾವ ಕಾರಣಕ್ಕೆ ಈ  3D ಸಿನಿಮಾ ಆಯ್ಕೆ ಮಾಡಿಕೊಂಡಿದ್ದಾರೆ ಎಂದು ರಿವೀಲ್ ಮಾಡಿಲ್ಲ.

 

Follow Us:
Download App:
  • android
  • ios