ಕೊರೋನಾದಿಂದ ಅನಾಥರಾದ ಮಕ್ಕಳ ಬಗ್ಗೆ ಕರೀನಾ ಮರುಕ
ಕೊರೋನಾದಿಂದ ಅನಾಥರಾದ ಮಕ್ಕಳ ಬಗ್ಗೆ ಬೇಬೋ ಕಾಳಜಿ | ಮಕ್ಕಳ ಕುರಿತು ಕಾಳಜಿ ವ್ಯಕ್ತಪಡಿಸಿದ ಕರೀನಾ ಕಪೂರ್
ಕೊರೋನಾ ಸಾವಿನ ಸಂಖ್ಯೆ ಹೆಚ್ಚುತ್ತಿರುವಾಗ, ಕರೀನಾ ಕಪೂರ್ ವೈರಸ್ನಿಂದಾಗಿ ಹೆತ್ತವರನ್ನು ಕಳೆದುಕೊಂಡಿರುವ ಮಕ್ಕಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ನಟಿ ಸೋಮವಾರ ಇನ್ಸ್ಟಾಗ್ರಾಮ್ನಲ್ಲಿ ಮಕ್ಕಳ ಆರೈಕೆ ಮತ್ತು ರಕ್ಷಣಾ ಕೆಲಸ ಮಾಡುವ ಸಂಸ್ಥೆಗಳ ಸಹಾಯವಾಣಿ ಸಂಖ್ಯೆಗಳನ್ನು ಶೇರ್ ಮಾಡಿದ್ದಾರೆ.
ಕೊರೋನಾದಿಂದಾಗಿ ಒಂಟಿಯಾಗಿರುವ ಮಕ್ಕಳಿಗೆ ನನ್ನ ಹೃದಯ ಮರುಗುತ್ತಿದೆ. ಅಂತೆ, ತಾಯಿ ಅಥವಾ ಇಬ್ಬರು ಪೋಷಕರನ್ನು ಮಕ್ಕಳು ಕೊರೋನಾದಿಂದ ಕಳೆದುಕೊಂಡಿದ್ದರೆ ಅಥವಾ ಪೋಷಕರು ಆಸ್ಪತ್ರೆಯಲ್ಲಿದ್ದರೆ ದಯವಿಟ್ಟು ರಾಷ್ಟ್ರೀಯ ಮಕ್ಕಳ ಸಹಾಯವಾಣಿ (1098) ಗೆ ಕರೆ ಮಾಡಿ ಮಕ್ಕಳ ಬಗ್ಗೆ ತಿಳಿಸಿ ಎಂದಿದ್ದಾರೆ. ಎನ್ಜಿಒದ ಸಂಪರ್ಕ ಸಂಖ್ಯೆಯನ್ನು ಒಳಗೊಂಡ ಪೋಸ್ಟರ್ ಅನ್ನು ಅವರು ಶೇರ್ ಮಾಡಿದ್ದಾರೆ.
ಸಂಗೀತ ಮಾಂತ್ರಿಕ ಅರ್ಜುನ್ ಜನ್ಯ ಸಹೋದರನ ಬಲಿ ಪಡೆದ ಕೊರೋನಾ
ಭಾರತದಲ್ಲಿ ಪ್ರಸ್ತುತ ಕೋವಿಡ್ -19 ಎರಡನೇ ಅಲೆಯಿಂದ ಜನ ತತ್ತರಿಸಿದ್ದಾರೆ. ದೇಶದಲ್ಲಿ ಆಮ್ಲಜನಕ ಸಿಲಿಂಡರ್ಗಳು ಸೇರಿದಂತೆ ವೈದ್ಯಕೀಯ ಸರಬರಾಜುಗಳ ಕೊರತೆ ಇದೆ.ಕಳೆದ 24 ಗಂಟೆಗಳಲ್ಲಿ 3,417 ಹೊಸ ಕರೋನವೈರಸ್ ಸಂಬಂಧಿತ ಸಾವುನೋವುಗಳು ದಾಖಲಾಗಿದ್ದು, ರಾಷ್ಟ್ರವ್ಯಾಪಿ ಸಾವಿನ ಸಂಖ್ಯೆ 218,959 ಕ್ಕೆ ತಲುಪಿದೆ ಎಂದು ವರದಿಯಾಗಿದೆ. ಹಿಂದಿನ 24 ಗಂಟೆಗಳಲ್ಲಿ ಸುಮಾರು 368,147 ಹೊಸ ಪ್ರಕರಣಗಳು ದಾಖಲಾಗಿದ್ದು, ದೇಶದ ಒಟ್ಟು ಸೋಂಕಿತರ ಸಂಖ್ಯೆ 19,925,604 ಕ್ಕೆ ತಲುಪಿದೆ.
ಕಳೆದ ವಾರ ಕರೀನಾ ಜನಪ್ರಿಯ ಕಾರ್ಟೂನ್ ಶೋ ಟಾಮ್ & ಜೆರ್ರಿಯ ಕ್ಲಿಪ್ ಶೇರ್ ಮಾಡಿದ್ದರು. ವ್ಯಾಕ್ಸಿನೇಷನ್ ಪ್ರಾಮುಖ್ಯತೆಯ ಬಗ್ಗೆ ಜನರಿಗೆ ತಿಳಿಸು ಕೆಲಸ ಮಾಡಿದ್ದರು. "ನಮ್ಮ ಮಕ್ಕಳು ಏನು ನಡೆಯುತ್ತಿದೆ ಎಂಬುದನ್ನು ಸಹ ನೋಡುತ್ತಿದ್ದಾರೆ. ಅವರಿಗೂ ತುಂಬಾ ಭಯವಿದೆ ಎಂಬುದು ನಮಗೆ ತಿಳಿದಿಲ್ಲ. ಮೆಡಿಕ್ಸ್, ಫಾರ್ಮಾ, ಅಧಿಕಾರಿಗಳು ಮತ್ತು ಲಕ್ಷಾಂತರ ಸ್ವಯಂಸೇವಕರು - ದಯವಿಟ್ಟು ನೋಂದಾಯಿಸಿ ಮತ್ತು ನಿಮ್ಮ ಸರದಿಗಾಗಿ ಕಾಯಿರಿ. #BreakTheChain ಅವರು ವೀಡಿಯೊಗೆ ಶೀರ್ಷಿಕೆ ನೀಡಿದ್ದಾರೆ.