Kangana Ranaut: ಕಂಗನಾಗೆ ಉತ್ತಮ ಭವಿಷ್ಯವಿದೆ... ಆದರೆ ಖ್ಯಾತ ಜ್ಯೋತಿಷಿ ಹೇಳಿದ್ದೇನು?
ನಟಿ ಕಂಗನಾ ರಣಾವತ್ ಅವರ ವೈಯಕ್ತಿಕ ಹಾಗೂ ಸಿನಿಮಾ ಭವಿಷ್ಯ ಹೇಗಿದೆ? ಖ್ಯಾತ ಜ್ಯೋತಿಷಿ ಪಂಡಿತ್ ಜಗನ್ನಾಥ್ ಗುರೂಜಿ ಹೇಳಿದ್ದೇನು?
ಕಂಗನಾ ರಣಾವತ್ (Kangana Ranaut) ಇಂದು (ಮಾರ್ಚ್ 23) ರಾಜಸ್ಥಾನದ ಉದಯಪುರದಲ್ಲಿ ತಮ್ಮ 36 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ನೇರಾನೇರ ಮಾತುಗಳಿಂದ ಕಾಂಟ್ರವರ್ಸಿ ಕ್ವೀನ್ ಎಂದೇ ಹೆಸರುವಾಸಿಯಾಗಿರುವ ಕಂಗನಾ, ತಮ್ಮ ಅದ್ಭುತ ಅಭಿನಯಕ್ಕೂ ಹೆಸರಾದವರು. ಇಂದು ಅವರು 36 ನೇ ವರ್ಷಕ್ಕೆ ಕಾಲಿಡುತ್ತಿದ್ದಂತೆ ಖ್ಯಾತ ಜ್ಯೋತಿಷಿ ಪಂಡಿತ್ ಜಗನ್ನಾಥ್ ಗುರೂಜಿ (Pandith Jagnnath Guruji) ಅವರು ನಟಿಯ ಭವಿಷ್ಯದ ಕುರಿತು ಭವಿಷ್ಯ ನುಡಿದಿದ್ದಾರೆ. ಕಂಗನಾ ಅವರದ್ದು ಮೇಷ ರಾಶಿ. ಈ ಸೂರ್ಯ ರಾಶಿಯ ಜನರು ತಮ್ಮ ಶಕ್ತಿಯುತ, ಭಾವೋದ್ರಿಕ್ತ ಮತ್ತು ದೃಢನಿಶ್ಚಯದ ಸ್ವಭಾವಕ್ಕೆ ಹೆಸರುವಾಸಿಯಾಗಿದ್ದಾರೆ ಎಂದು ಜ್ಯೋತಿಷಿ ಹೇಳಿದ್ದಾರೆ. ಕಂಗನಾ ಅವರ ಜನ್ಮ ಚಾರ್ಟ್ ಪ್ರಕಾರ ಅವರು ಶಕ್ತಿಯುತ ಮತ್ತು ಬಲವಾದ ವ್ಯಕ್ತಿತ್ವವನ್ನು ಹೊಂದಿದ್ದಾರೆ. ಜ್ಯೋತಿಷಿಯ (Astrologer) ಪ್ರಕಾರ, ನಟಿಗೆ ಉತ್ತಮ ಭವಿಷ್ಯವಿದೆ ಆದರೆ ಕೆಲವು ತೊಂದರೆಗಳನ್ನು ಸಹ ಅವರು ಅನುಭವಿಸಬೇಕಾಗುತ್ತದೆ ಎಂದಿದ್ದಾರೆ.
ಗ್ರಹಗಳ ಜೋಡಣೆಯ ಆಧಾರದ ಮೇಲೆ ಗ್ರಹಿಸಿರುವ ಜ್ಯೋತಿಷಿಗಳು, ಕಂಗನಾ ರಣಾವತ್ ಪ್ರಬಲ ಮತ್ತು ಮಹತ್ವಾಕಾಂಕ್ಷೆಯ ಸ್ವಭಾವವನ್ನು ಹೊಂದಿರುವುದಾಗಿ ಹೇಳಿದ್ದಾರೆ. ಇದು ಅವರ ವೃತ್ತಿಜೀವನದ ಆಯ್ಕೆಗಳು ಮತ್ತು ಯಶಸ್ಸಿನಲ್ಲಿ ಪ್ರತಿಫಲಿಸುತ್ತದೆ. ಕಂಗನಾ ದೃಢ ನಿರ್ಧಾರದ ಪ್ರಜ್ಞೆಯನ್ನು ಹೊಂದಿರುವ ಕ್ರಿಯಾತ್ಮಕ ಮತ್ತು ಆತ್ಮವಿಶ್ವಾಸದ ಅಭಿವ್ಯಕ್ತಿಯಾಗಿದ್ದಾರೆ. 2023 ರಲ್ಲಿ, ಅವರು ತಮ್ಮ ಜೀವನದಲ್ಲಿ ಆಧ್ಯಾತ್ಮಿಕತೆಯನ್ನು ಹೆಚ್ಚು ಅಳವಡಿಸಿಕೊಳ್ಳುತ್ತಾರೆ, ಅದು ಅವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನಕ್ಕೆ ಧನಾತ್ಮಕ ಫಲಿತಾಂಶಗಳನ್ನು ತರಬಹುದು. ಆದಾಗ್ಯೂ, ಶನಿಯು 10 ನೇ ಮನೆಯಲ್ಲಿ ಇರಿಸಲ್ಪಟ್ಟಿರುವುದರಿಂದ ನಟಿ ತಮ್ಮ ವೃತ್ತಿಜೀವನದಲ್ಲಿ ಅಡೆತಡೆಗಳನ್ನು ಎದುರಿಸಬೇಕಾಗುತ್ತದೆ ಎಂದು ಜ್ಯೋತಿಷಿ ಹೇಳಿದ್ದಾರೆ. ಈ ಕಾರಣದಿಂದಾಗಿ ಅವರ ಕೆಲವು ಯೋಜನೆಗಳು ವಿಳಂಬ ಆಗಬಹುದು, ಯಶಸ್ಸನ್ನು ಸಾಧಿಸಲು ಹೆಚ್ಚುವರಿ ಪ್ರಯತ್ನ ಮಾಡಬೇಕಾಗುತ್ತದೆ ಎಂದು ಪಂಡಿತ್ ಜಗನ್ನಾಥ್ ಗುರೂಜಿ ಭವಿಷ್ಯ ನುಡಿದಿದ್ದಾರೆ.
Bollywood: ಅತ್ಯಂತ ದುಬಾರಿ ವ್ಯಾನಿಟಿ ವ್ಯಾನ್ ಹೊಂದಿರುವ ಕಂಗನಾ ರಣಾವತ್
ಅವರ ಚಿತ್ರರಂಗದ ವಿಷಯದ ಕುರಿತು ಹೇಳಿರುವ ಜ್ಯೋತಿಷಿಗಳು, ಕಂಗನಾ ಅವರು ತಮ್ಮ ಸಂಪೂರ್ಣ ಪ್ರತಿಭೆಯನ್ನು ಹೊರಕ್ಕೆ ಹಾಕಲು ಉತ್ತಮ ಚಿತ್ರಕಥೆಗಳನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳಲು ಸಲಹೆ ನೀಡಿದ್ದಾರೆ. ಶನಿಯ ಸ್ಥಾನವು ತನ್ನ ಕೆಲಸಕ್ಕೆ ಮನ್ನಣೆಯ ಕೊರತೆಯನ್ನು ಅನುಭವಿಸಲು ಕಾರಣವಾಗಬಹುದು, ಆದ್ದರಿಂದ ಇದು ಹತಾಶೆ ಮತ್ತು ನಿರಾಶೆಗೆ ಕಾರಣವಾಗಬಹುದು. ಗುರು ಗ್ರಹವು 6 ನೇ ಮನೆಯಲ್ಲಿ ನೆಲೆಗೊಂಡಿರುವುದರಿಂದ ನಟಿ, ಅನೇಕ ಸವಾಲುಗಳು ಮತ್ತು ಸ್ಪರ್ಧೆಯೊಂದಿಗೆ ಹೋರಾಡಬೇಕಾಗುತ್ತದೆ ಎಂದು ಗುರೂಜಿ ಹೇಳಿದ್ದಾರೆ.
ಈ ವರ್ಷದ ಉಳಿದ ಸಮಯವು ಕಂಗನಾ ಅವರಿಗೆ ಸವಾಲಾಗಿರಬಹುದು. ಏಕೆಂದರೆ ಆಕೆಯ ಬಹುಪಾಲು ಯೋಜನೆಗಳು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸದಿರುವ ಸಾಧ್ಯತೆಯಿದೆ. ನಟಿ ತಮ್ಮ ವೃತ್ತಿಜೀವನದಲ್ಲಿ ಅನಿರೀಕ್ಷಿತ ಅಡೆತಡೆಗಳನ್ನು ಎದುರಿಸಬಹುದು, ಇದು ನಿರ್ಮಾಪಕಿಯಾಗಿಯೂ ಸಹ ಹತಾಶೆ ಮತ್ತು ದುರ್ಬಲತೆಯನ್ನು ಅನುಭವಿಸಲು ಕಾರಣವಾಗಬಹುದು. ಆದಾಗ್ಯೂ, ಬಲವಾದ ಇಚ್ಛಾಶಕ್ತಿ ಮತ್ತು ದೃಢಸಂಕಲ್ಪದಿಂದ, ಸವಾಲುಗಳನ್ನು ಜಯಿಸಲು ಮತ್ತು ಬಲಶಾಲಿಯಾಗಿ ಹೊರಹೊಮ್ಮುವ ಸಾಧ್ಯತೆಯಿದೆ ಎಂದು ಜ್ಯೋತಿಷಿ ಹೇಳಿದ್ದಾರೆ. ಎಲ್ಲಾ ಅಡೆತಡೆಗಳೊಂದಿಗೆ, ಕಂಗನಾ ಭವಿಷ್ಯದಲ್ಲಿ ಹಿಟ್ ಚಿತ್ರಗಳನ್ನು (Hit Films) ನೀಡುವ ಸಾಮರ್ಥ್ಯವನ್ನು ಹೊಂದಿದ್ದಾರೆ, ಆದರೆ ಅದಕ್ಕಾಗಿ ಅವರು ಹೆಚ್ಚು ಶ್ರಮಿಸಬೇಕು ಮತ್ತು ತಾಳ್ಮೆಯಿಂದಿರಬೇಕು ಎಂದಿದ್ದಾರೆ ಜ್ಯೋತಿಷಿ.
Kangana Ranaut: ಶೌಚಕ್ಕೆ ಬಂಡೆಯ ಹಿಂದೆ ಹೋಗಿದ್ದೆ ಎಂದ ನಟಿ
ಬಾಲಿವುಡ್‌ನ ಕ್ವೀನ್‌ಗೆ (Bollywood Queen) ಈಗ ರಾಜಕೀಯಕ್ಕೆ ಒತ್ತು ನೀಡದೆ ಚಲನಚಿತ್ರಗಳಿಗೆ ಒತ್ತು ನೀಡುವಂತೆ ಸಲಹೆ ನೀಡಲಾಗಿದೆ. ಅಲ್ಲದೆ, ಅವರು ತಮ್ಮ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಲಾದ ಚಲನಚಿತ್ರಗಳಲ್ಲಿ ನಾಯಕ ನಟಿಯಾಗಿ ನಟಿಸುವುದನ್ನು ತಪ್ಪಿಸಬೇಕು ಎಂದು ಅವರು ಹೇಳಿದ್ದಾರೆ. ಜೂನ್ 2024 ರ ಅವಧಿಯು ಕಂಗನಾ ಅವರ ವೃತ್ತಿಜೀವನಕ್ಕೆ ವಿಶೇಷವಾಗಿ ಅನುಕೂಲಕರವಾಗಿದೆ. ಗುರು ಗ್ರಹವು ವೃತ್ತಿಜೀವನದ 10 ನೇ ಮನೆಗೆ ವರ್ಗಾವಣೆಯಾಗುವುದರಿಂದ ಅವರು ಬೆಳವಣಿಗೆ ಮತ್ತು ಯಶಸ್ಸಿಗೆ ಅವಕಾಶಗಳನ್ನು ಪಡೆಯುತ್ತಾರೆ. ಈ ಅವಧಿಯಲ್ಲಿ ಅವರ ಚಲನಚಿತ್ರಗಳನ್ನು ಪ್ರೇಕ್ಷಕರು ಮೆಚ್ಚುತ್ತಾರೆ ಮತ್ತು ನೆನಪಿಸಿಕೊಳ್ಳುತ್ತಾರೆ ಎಂದಿರುವ ಗುರೂಜಿ, ಒಂದೇ ಬಾರಿಗೆ ಹೆಚ್ಚು ರಿಸ್ಕ್ ತೆಗೆದುಕೊಳ್ಳದಂತೆ ನಟಿಗೆ ಎಚ್ಚರಿಕೆಯನ್ನೂ ನೀಡಿದ್ದಾರೆ.
