ಆಮೀರ್ ಖಾನ್ ಪುತ್ರಿ ಇರಾ ರಿಸೆಪ್ಷನ್ನಲ್ಲಿ ಜೈ ಶ್ರೀರಾಮ್ ಎಂದು ಜಪಿಸಿದ ಕಂಗನಾ: ವಿಡಿಯೋ ವೈರಲ್
ಆಮೀರ್ ಖಾನ್ ಪುತ್ರಿ ಇರಾ ಖಾನ್ ಮದುವೆಯ ರಿಸೆಪ್ಷನ್ನಲ್ಲಿ ನಟಿ ಕಂಗನಾ ರಣಾವತ್ ಜೈಶ್ರೀರಾಮ್ ಎಂದು ಹೇಳಿದ್ದು, ಅದರ ವಿಡಿಯೋ ವೈರಲ್ ಆಗಿದೆ.
 )
Followಬಾಲಿವುಡ್ ನಟ ಆಮೀರ್ ಖಾನ್ ಅವರ ಪುತ್ರಿ ಇರಾ ಖಾನ್ ಮದ್ವೆಯಾಗಿ 10 ದಿನಗಳು ಕಳೆದರೂ ಮದುವೆಯ ಕುರಿತಾಗಿ ಒಂದೊಂದೇ ಅಪ್ಡೇಟ್ಸ್ ಹೊರಬೀಳುತ್ತಲೇ ಇದೆ. ಮದುವೆ ಹಾಗೂ ಅದಕ್ಕೂ ಮುನ್ನ ನಡೆದ ಹಲವಾರು ಸಂಪ್ರದಾಯಗಳ ವಿಡಿಯೋಗಳು ಇದೀಗ ವೈರಲ್ ಆಗುತ್ತಿವೆ. ಇದೀಗ ಮದುವೆಯ ರಿಸೆಪ್ಷನ್ ನಡೆದಿದ್ದು, ಅದರ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಕತ್ ಸೌಂಡ್ ಮಾಡುತ್ತಿದೆ. ಅಂದಹಾಗೆ, ಆಮೀರ್ ಖಾನ್ ಮತ್ತು ಅವರ ಮೊದಲ ಪತ್ನಿ ರೀನಾ ಅವರ ಪುತ್ರಿ ಇರಾ ಖಾನ್ ಮತ್ತು ಬಹುಕಾಲದ ಗೆಳೆಯ ಫಿಟ್ನೆಸ್ ಫ್ರೀಕ್ ನೂಪುರ್ ಶಿಖರೆ ಅವರನ್ನು ಮೂರು ವರ್ಷಗಳ ಡೇಟಿಂಗ್ ಬಳಿಕ ಕಳೆದ 3ರಂದು ಮದುವೆಯಾದರು. ಮುಂಬೈನಲ್ಲಿ ಜನವರಿ 3 ರಂದು ಖಾಸಗಿ ನೋಂದಣಿ ಸಮಾರಂಭದ ನಂತರ, ದಂಪತಿ ರಾಜಸ್ಥಾನದ ಉದಯಪುರದ ತಾಜ್ ಲೇಕ್ ಪ್ಯಾಲೇಸ್ನಲ್ಲಿ ಅದ್ದೂರಿ ಆಚರಣೆಯನ್ನು ಆಯೋಜಿಸಿದರು.
ಇದೀಗ ರಿಸೆಪ್ಷನ್ ವಿಡಿಯೋಗಳು ವೈರಲ್ ಆಗುತ್ತಿವೆ. ಈ ಪಾರ್ಟಿಯಲ್ಲಿ ಕೂಡ ಬಾಲಿವುಡ್ ದಿಗ್ಗಜರ ದಂಡೇ ಹರಿದು ಬಂದಿದೆ. ಅಂಬಾನಿ ದಂಪತಿ ಸೇರಿದಂತೆ ಹಿರಿ-ಕಿರಿ ನಟ-ನಟಿಯರು, ಉದ್ಯಮಿಗಳು, ದೊಡ್ಡ ದೊಡ್ಡ ಸೆಲೆಬ್ರಿಟಿಗಳು ಬಂದು ಆಮೀರ್ ಪುತ್ರಿ ಮತ್ತು ಅಳಿಯನಿಗೆ ವಿಷ್ ಮಾಡಿದ್ದಾರೆ. ಇದರಲ್ಲಿ ಕುತೂಹಲ ಕೆರಳಿಸಿರುವುದು ನಟಿ ಕಂಗನಾ ರಣಾವತ್ ಅವರ ಜೈ ಶ್ರೀರಾಮ್ ಘೋಷಣೆ.
ಮಿಸ್ಟರಿ ಮ್ಯಾನ್ ಜೊತೆ ನಟಿ ಕಂಗನಾ ರಣಾವತ್! ಕೈಕೈಹಿಡಿದು ನಡೆದ ಈ ವಿದೇಶಿಗ ಯಾರು?
ನಟಿ ಕಂಗನಾ ಅವರು ರಿಸೆಪ್ಷನ್ಗೆ ಬರುತ್ತಿದ್ದಂತೆಯೇ ಪಾಪರಾಜಿಗಳು ಮಾಮೂಲಿನಂತೆ ಫೋಟೋಗೆ ಪೋಸ್ ನೀಡುವಂತೆ ಕೇಳಿದ್ದಾರೆ. ಆಗ ನಟಿ ಕಂಗನಾ ಜೈಶ್ರೀ ರಾಮ್ ಎನ್ನುತ್ತಲೇ ಪೋಸ್ ಕೊಟ್ಟಿದ್ದಾರೆ. ಅಂದಹಾಗೆ ಇರಾ ಖಾನ್-ನೂಪುರ್ ಶಿಖರೆ ಆರತಕ್ಷತೆಯಲ್ಲಿ ನಟಿ ಕಂಗನಾ ರಣಾವತ್ ಬಹು-ಬಣ್ಣದ ಲೆಹೆಂಗಾ ಧರಿಸಿ ಆಕರ್ಷಕವಾಗಿ ಕಾಣಿಸುತ್ತಿದ್ದರು. ನಂತರ ಜೈ ಶ್ರೀ ರಾಮ್ ಎನ್ನುವ ಮೂಲಕ ಎಲ್ಲರ ಹುಬ್ಬೇರಿಸಿದ್ದಾರೆ. ಕಳೆದ ವರ್ಷ ಕಂಗನಾ ಅಮೀರ್ ತನ್ನ ಆತ್ಮೀಯ ಸ್ನೇಹಿತ ಎಂದು ಹೇಳಿದ್ದರು. ಕೆಲವೊಮ್ಮೆ ನಾನು ಅಮೀರ್ ಸರ್ ನನ್ನ ಆತ್ಮೀಯ ಸ್ನೇಹಿತನಾಗಿದ್ದ ಸಮಯವನ್ನು ನೆನಪಿಸಿಕೊಳ್ಳುತ್ತೇನೆ. ಆ ದಿನಗಳು ಎಲ್ಲಿ ಹೋದವು ಎಂದು ನನಗೆ ತಿಳಿದಿಲ್ಲ ಎಂದು ಅವರು ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದುಕೊಂಡಿದ್ದು ಇಲ್ಲಿ ಉಲ್ಲೇಖಾರ್ಹ.
ಕಂಗನಾ ರಣಾವತ್ ಬಿಜೆಪಿಯಿಂದ ಸ್ಪರ್ಧಿಸುತ್ತಾರೆ ಎನ್ನುವುದು ಬಹುತೇಕ ಖಚಿತವಾಗಿದ್ದು, ಅಯೋಧ್ಯೆಯಲ್ಲಿ ನಡೆಯಲಿರುವ ಶ್ರೀರಾಮಲಲ್ಲಾ ಪ್ರಾಣಪ್ರತಿಷ್ಠೆ ಕಾರ್ಯಕ್ರಮದಲ್ಲಿಯೂ ಪಾಲ್ಗೊಳ್ಳಲಿದ್ದಾರೆ. ಅವರಿಗೆ ಇದಾಗಲೇ ಟ್ರಸ್ಟ್ ವತಿಯಿಂದ ಆಮಂತ್ರಣ ಪತ್ರಿಕೆ ತಲುಪಿದೆ. ಇದರ ಮಧ್ಯೆಯೇ, ಕಂಗನಾ ಅವರು ವಿದೇಶಿ ವ್ಯಕ್ತಿಯ ಜೊತೆ ಕಾಣಿಸಿಕೊಂಡಿರುವ ವಿಡಿಯೋ ಒಂದು ಸಕತ್ ಸೌಂಡ್ ಮಾಡುತ್ತಿದೆ. ಇದರಿಂದಾಗಿ ಕಂಗನಾ ಅವರ ಡೇಟಿಂಗ್ ಲೈಫ್ ಕುರಿತು ಇದೀಗ ಸಾಕಷ್ಟು ಚರ್ಚೆಯಾಗುತ್ತಿದೆ. ಕಂಗನಾ ಜೊತೆ ಮಿಸ್ಟರಿ ಮ್ಯಾನ್ ಯಾರು ಎಂಬ ಬಗ್ಗೆ ಸದ್ಯ ಅಭಿಮಾನಿಗಳು ತಲೆ ಬಿಸಿ ಮಾಡಿಕೊಂಡಿದ್ದಾರೆ. ಜನವರಿ 13ರ ಶುಕ್ರವಾರ ಸಂಜೆ ಮುಂಬೈನ ಸಲೂನ್‌ನ ಹೊರಗೆ ಕಂಗನಾ ಈ ವಿದೇಶಿ ಪ್ರಜೆ ಜೊತೆ ಕಾಣಿಸಿಕೊಂಡಿದ್ದಾರೆ. ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಇಬ್ಬರೂ ಪರಸ್ಪರ ಕೈ ಹಿಡಿದುಕೊಂಡು ನಡೆದುಕೊಂಡು ಹೋಗುತ್ತಿರುವುದನ್ನು ನೋಡಬಹುದು. ಇವರು ಯಾರು ಎಂಬ ಬಗ್ಗೆ ಚರ್ಚೆ ಶುರುವಾಗಿದೆ.
ನಟಿ ಕಂಗನಾ ರಣಾವತ್ ಲೋಕಸಭೆಗೆ ಸ್ಪರ್ಧೆ ಕನ್ಫರ್ಮ್: ಯಾವ ಕ್ಷೇತ್ರ, ಯಾವ ಪಕ್ಷ? ಇಲ್ಲಿದೆ ಡಿಟೇಲ್ಸ್..
