Gauri Khan: ಭಾರಿ ಸುದ್ದಿಯಾಗ್ತಿದೆ ಶಾರುಖ್ ಮನೆ ಡಸ್ಟ್ಬಿನ್! ಯಾಕೆ ಅಂತೀರಾ?
ಶಾರುಖ್ ಖಾನ್ ಹಾಗೂ ಅವರ ಪತ್ನಿ ಗೌರಿ ಖಾನ್ ಡಸ್ಟ್ಬಿನ್ಗಾಗಿ ಭಾರಿ ಟ್ರೋಲ್ಗೆ ಒಳಗಾಗುತ್ತಿದ್ದಾರೆ. ಇದಕ್ಕೆ ಕಾರಣವೇನು?
Followನಟ ಶಾರುಖ್ ಖಾನ್ (Shah Rukh Khan) ಕುಟುಂಬವೇ ಒಂದು ತೀರಿಯಲ್ಲಿ ವಿವಾದಗ್ರಸ್ಥವೇ ಆಗಿ ಹೋಗಿದೆ. ಪಠಾಣ್ ಚಿತ್ರದಿಂದ ಹಿಂದೆಂದೂ ಕಾಣದಷ್ಟು ನಂ.1 ತಾರೆಯಾಗಿ ಮಿಂಚುತ್ತಿದ್ದರೂ ಕಳೆದ ಒಂದೆರಡು ವರ್ಷಗಳಿಂದ ಈ ಕುಟುಂಬದವರ ಮೇಲೆ ಅಪವಾದಗಳ ಮೇಲೆ ಅಪವಾದಗಳು ಬರುತ್ತಲೇ ಇವೆ. ಈ ಅಪವಾದಗಳಿಂದ ದೂರ ಇರಬೇಕು ಎಂದುಕೊಳ್ಳುತ್ತಿದ್ದರೂ ಶಾರುಖ್ ಕುಟುಂಬಕ್ಕೆ ಏನೋ ಕಳಂಕ ಅಂಟಿದಂತಿದೆ. ಕಳೆದ ವರ್ಷ ಭಾರಿ ಸುದ್ದಿಯಾಗಿದ್ದು, ಶಾರುಖ್ ಪುತ್ರ ಆರ್ಯನ್ ಖಾನ್ ಅವರ ಹೆಸರು ಡ್ರಗ್ಸ್ (Drugs) ಪ್ರಕರಣದಲ್ಲಿ ತಳುಕುಹಾಕಿಕೊಂಡಾಗ. ಕೆಲ ಸಿನಿ ತಾರೆಯರು, ಶ್ರೀಮಂತ ವ್ಯಕ್ತಿ ಎನಿಸಿಕೊಂಡವರು, ಅವರ ಪುತ್ರ-ಪತ್ರಿಯರು ಡ್ರಗ್ಸ್, ಮದ್ಯ ಸೇವನೆ ಸೇರಿದಂತೆ ಕೆಟ್ಟ ಕೆಟ್ಟ ಅಭ್ಯಾಸಗಳನ್ನು ರೂಢಿಸಿಕೊಳ್ಳುವುದು ಹೊಸ ವಿಷಯವೇನೂ ಅಲ್ಲ. ಆದರೆ ಡ್ರಗ್ಸ್ ಸರಬರಾಜು ಮಾಡುತ್ತಿರುವ ಗಂಭೀರ ಆರೋಪವೂ ಶಾರುಖ್ ಪುತ್ರನ (Son) ಮೇಲೆ ಬಂದಿತ್ತು. ಕೊನೆಗೆ ಅಚ್ಚರಿಯ ಬೆಳವಣಿಗೆಯಲ್ಲಿ ಇವರ ಮಗನ ಮೇಲಿನ ಆರೋಪ ತಳ್ಳಿಹಾಕಾಯಿತು ಎನ್ನಿ. ಅದರ ಸತ್ಯಾಸತ್ಯತೆಯ ಬಗ್ಗೆ ಇನ್ನೂ ಗುಸುಗುಸು ಪಿಸುಪಿಸು ನಡೆಯುತ್ತಲೇ ಇರುವಾಗಲೇ ಶಾರುಖ್ ಖಾನ್ ಸುತ್ತ ಬೇಷರಂ ವಿವಾದ ಸುತ್ತಿಕೊಂಡಿತು.
ಪಠಾಣ್ ಚಿತ್ರದಲ್ಲಿ ನಾಯಕಿ ದೀಪಿಕಾ ಪಡುಕೋಣೆ (Deepika Padukone) ಕೇಸರಿ ಬಿಕಿನಿ ತೊಟ್ಟು ಬೇಷರಂ ರಂಗ್ಗೆ ತನ್ನೆಲ್ಲಾ ದೇಹ ಪ್ರದರ್ಶನ ಮಾಡುತ್ತಾ, ಮೈ ಚಳಿ ಬಿಟ್ಟು ನಟಿಸಿದ್ದು ಹಲವು ಹಿಂದೂಗಳ ಕಣ್ಣನ್ನು ಕೆಂಪಗೆ ಮಾಡಿತ್ತು. ಪಠಾಣ್ ಚಿತ್ರ ಬೈಕಾಟ್ ಬಿಸಿ ಅನುಭವಿಸಿತು. ತಮ್ಮ ಚಿತ್ರಕ್ಕೆ ರಕ್ಷಣೆ ನೀಡಿ ಎಂದು ಕೋರಿ ಶಾರುಖ್ ಕೆಲವು ರಾಜ್ಯಗಳ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಿದ್ದೂ ಆಯಿತು. ಪಠಾಣ್ ಚಿತ್ರ ಬಿಡುಗಡೆಯಾದಾಗಲೂ ಹಲವು ಕಡೆ ಗಲಾಟೆಯೂ ನಡೆಯಿತು. ಆದರೆ ಇದು ಕೂಡ ಸುಖಾಂತ್ಯಗೊಂಡಿತು. ಪಠಾಣ್ ಹಲವು ದಾಖಲೆಗಳನ್ನು ಮುರಿದು ಇನ್ನೂ ಭರ್ಜರಿಯಾಗಿ ಓಡುತ್ತಲೇ ಇದೆ.
ಪುಟಾಣಿ ಜಾಹ್ನವಿ ಕಪೂರ್ಳಿಂದ ಪ್ರಶಸ್ತಿ ಪಡೆದ ಬಾಲಿವುಡ್ Shah Rukh Khan!
ಇವೆಲ್ಲವೂ ಸರಿಯಾಯಿತು ಎನ್ನುವಾಗಲೇ ಈಗ ಶಾರುಖ್ ಪತ್ನಿ ಗೌರಿ ಅವರ ಮೇಲೆ ಈಚೆಗೆ ಎಫ್ಐಆರ್ ದಾಖಲಾಗಿದೆ. ಶಾರುಖ್ ಪತ್ನಿ ಗೌರಿ ಖಾನ್ ಅವರು ಇಂಟೀರಿಯರ್ ಡಿಸೈನರ್ ಆಗಿ ಗುರುತಿಸಿಕೊಂಡಿದ್ದಾರೆ. ಅಲ್ಲದೇ ಕೆಲವು ರಿಯಲ್ ಎಸ್ಟೇಟ್ ಕಂಪನಿಗೆ ಅವರು ಬ್ರ್ಯಾಂಡ್ ಅಂಬಾಸಡರ್ ಆಗಿದ್ದಾರೆ. ಅವರು ಪ್ರಚಾರ ರಾಯಭಾರಿ ಆಗಿರುವ ಕಂಪನಿಯೊಂದರಿಂದ ತಮಗೆ ಮೋಸ ಆಗಿದೆ ಎಂದು ಗ್ರಾಹಕರೊಬ್ಬರು ಕೇಸ್ ದಾಖಲಿಸಿದ್ದು, ಅದಿನ್ನೂ ನಡೆಯುತ್ತಲೇ ಇದೆ. ಮುಂಬೈ ನಿವಾಸಿ ಜಶ್ವಂತ್ ಷಾ ಎಂಬುವವರು ಗೌರಿ ಖಾನ್ (Gauri Khan) ವಿರುದ್ಧ ದೂರು ನೀಡಿದ್ದಾರೆ. ಖಾಸಗಿ ರಿಯಲ್ ಎಸ್ಟೇಟ್ ಕಂಪನಿಯೊಂದರ ಮೂಲಕ ಜಶ್ವಂತ್ ಅವರು ಫ್ಲಾಟ್ ಖರೀದಿಸಿದ್ದರು. ಅದಕ್ಕಾಗಿ ಅವರು 86 ಲಕ್ಷ ರೂಪಾಯಿ ಪಾವತಿಸಿದ್ದರು. ಹಣ ಪಡೆದುಕೊಂಡರೂ ಕೂಡ ಆ ಕಂಪನಿಯವರು ತಮಗೆ ಫ್ಲಾಟ್ ನೀಡಿಲ್ಲ ಎಂದು ಜಶ್ವಂತ್ ಷಾ ಈಗ ಆರೋಪಿಸಿದ್ದಾರೆ. ಗೌರಿ ಖಾನ್ ಅವರು ಬ್ರ್ಯಾಂಡ್ ಅಂಬಾಸಡರ್ ಆಗಿದ್ದರಿಂದಲೇ ತಾವು ಆ ಫ್ಲಾಟ್ ಖರೀದಿಸಿದ್ದು ಎಂದು ಜಶ್ವಂತ್ ಷಾ ದೂರಿನಲ್ಲಿ ತಿಳಿಸಿದ್ದಾರೆ.
ಇದು ನಡೆಯುತ್ತಿರುವ ನಡುವೆಯೇ ಈಗ ಗೌರಿ ಖಾನ್ ಮತ್ತೊಮ್ಮೆ ಟ್ರೋಲ್ಗೆ ಒಳಗಾಗಿದ್ದಾರೆ. ಅದೇನೆಂದರೆ ಇಂಟೀರಿಯರ್ ಡಿಸೈನರ್ ಆಗಿರುವ ಗೌರಿ ಖಾನ್ ಅವರ ಮನೆಯ ದುಬಾರಿ ಹೋಂ ಡೆಕೋರೇಷನ್ ಕಂಡು ನೆಟ್ಟಿಗರು ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ. ರೆಡ್ಡಿಟ್ ಪೇಜ್ನಲ್ಲಿ ಶೇರ್ ಮಾಡಲಾದ ಫೋಟೋದಲ್ಲಿ ಫೋಟೋಗಳನ್ನು ಶೇರ್ ಮಾಡಲಾಗಿದ್ದು ಅದರಲ್ಲಿ ಶಾರುಖ್ ಅವರ ಮನೆಯ ಡಸ್ಟ್ಬಿನ್ ಬೆಲೆ 15 ಸಾವಿರ ರೂಪಾಯಿ ಎಂದು ತೋರಿಸುತ್ತಿದೆ. ಗೌರಿ ಖಾನ್ ಅವರು ತಮ್ಮ ಮನೆಯ ಅಲಂಕಾರವನ್ನು ತಾವೇ ಮಾಡಿದ್ದಾರೆ. ಹಾಗೆಯೇ ಬಾಲಿವುಡ್ನ ಪ್ರಮುಖ ಸೆಲೆಬ್ರಿಟಿಗಳ ಮನೆಯನ್ನು ಕೂಡಾ ಅಲಂಕರಿಸಿದ್ದಾರೆ.
ಶಾರುಖ್ ಖಾನ್ ಪತ್ನಿ ವಿರುದ್ಧ FIR ದಾಖಲು; ಹಣ ಪಡೆದರೂ ಅಮಾಯಕರ ಮನೆ ಮೇಲೆ ಕಣ್ಣಾಕಿರುವ ಗೌರಿ?
ನೋಡಲು ಸೀದಾ ಸಾದಾ ಇರೋ ಈ ಡಸ್ಟ್ಬಿನ್ಗೆ ಇಷ್ಟೊಂದು ಬೆಲೆ ಕೊಟ್ಟಿದ್ದು ಏಕೆ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. '15 ಸಾವಿರ ರೂಪಾಯಿಯ ಡಸ್ಟ್ಬಿನ್ ಬಳಸ್ತೀರಾ? ಇದಕ್ಕಿಂತ ಉತ್ತಮವಾದ ವಿನ್ಯಾಸವನ್ನು ಆರ್ಮಿ ಕ್ಯಾಂಟೀನ್‌ನಲ್ಲಿ ಈ ಬೆಲೆಯ 1/30 ರಷ್ಟು ಬೆಲೆಗೆ ಪಡೆದುಕೊಳ್ಳಬಹುದಿತ್ತಲ್ಲಾ' ಎಂದು ಕೆಲವರು ಕಾಲೆಳೆದಿದ್ದಾರೆ. ಈ ಬೆಲೆಗೆ ಒಂದು ಒಳ್ಳೆ ಸ್ಮಾರ್ಟ್ಫೋನ್ ತೆಗೆದುಕೊಳ್ಳಬಹುದಿಲ್ಲ ಎಂದು ಹೇಳಿದ್ದಾರೆ ಇನ್ನೊಬ್ಬರು. ಈ ಡಸ್ಟ್ಬಿನ್ ಕಲೆಯ ಬಗ್ಗೆ ಹೇಳುವುದಾದರೆ ಮಜ್ನು ಭಾಯ್ ಅವರ ಪೇಂಟಿಂಗ್ ಇದಕ್ಕಿಂತಲೂ ಸೂಪರ್ ಆಗಿದೆ ಎಂದಿದ್ದಾರೆ ಇನ್ನೊಬ್ಬರು. ನನ್ನ ತಾಯಿ ಚಿಪ್ಪಿನ ದೀಪವನ್ನು ನೋಡಿ ಸ್ವಲ್ಪ.. ಈ ಹಣದಲ್ಲಿ ನಾವು ಹೋಗಿ ಚಿಪ್ಪು ತಂದು ಲ್ಯಾಂಪ್ (lamp) ಮಾಡಬಹುದು ಎಂದು ಹೇಳಿದ್ದಾರೆ ಇನ್ನೊಬ್ಬರು. ಅಂದಹಾಗೆ, ಶಾರುಖ್ ಖಾನ್ ಅವರ ದುಬಾರಿ ಬಂಗಲೆ ಇತ್ತೀಚೆಗೆ ಸುದ್ದಿಯಾಗಿತ್ತು. ಅವರು ಬರೋಬ್ಬರಿ 13 ಕೋಟಿಗೆ ಖರೀದಿಸಿದ ಅವರ ಮನೆಯ ಬಗ್ಗೆ ಸುದ್ದಿಯಾಗಿತ್ತು.
