ಡಂಕಿಯಲ್ಲಿ ಸೆಕ್ಸ್-ಗಿಕ್ಸ್ ಇಲ್ಲಾ ತಾನೆ- ಅಪ್ಪನೊಟ್ಟಿಗೆ ನೋಡ್ಬೋದಾ? ನೆಟ್ಟಿಗನ ಪ್ರಶ್ನೆಗೆ ಶಾರುಖ್ ಹೇಳಿದ್ದೇನು?
ಡಂಕಿಯಲ್ಲಿ ಸೆಕ್ಸ್ ದೃಶ್ಯಗಳೇನಾದರೂ ಇವೆಯೇ ಎಂಬ ನೆಟ್ಟಿಗನ ಪ್ರಶ್ನೆಗೆ ನಟ ಶಾರುಖ್ ಖಾನ್ ಹೇಳಿದ್ದೇನು?
ಪಠಾಣ್, ಜವಾನ್ ಯಶಸ್ಸಿನ ಬಳಿಕ ಶಾರುಖ್ ಖಾನ್ ಅವರ ಮೂರನೆಯ ಚಿತ್ರ ಡಂಕಿಯ ಯಶಸ್ಸಿನ ಹಾದಿಯಲ್ಲಿದ್ದಾರೆ. ಹ್ಯಾಟ್ರಿಕ್ ಹೀರೋ ಆಗುವ ಎಲ್ಲಾ ಸೂಚನೆಗಳೂ ಕಾಣುತ್ತಿವೆ ಎಂದು ಫ್ಯಾನ್ಸ್ ಅಂದುಕೊಳ್ಳುತ್ತಿದ್ದು, ಚಿತ್ರ ಬಿಡುಗಡೆಗೆ ಕಾಯುತ್ತಿದ್ದಾರೆ. ಡಂಕಿಯ ಟ್ರೇಲರ್ ಡಿಸೆಂಬರ್ 7ರಂದು ರಿಲೀಸ್ ಆಗಿದೆ. ಕಳೆದ ನವೆಂಬರ್ 2ರಂದು ಶಾರುಖ್ ಅವವರ ಹುಟ್ಟುಹಬ್ಬದಂದು ಟೀಸರ್ ರಿಲೀಸ್ ಆಗಿತ್ತು. ಟೀಸರ್ ಕೈಬಿಟ್ಟ ನಂತರ, ಶಾರುಖ್ ಖಾನ್ ಅವರ ಅಭಿಮಾನಿಗಳು ಅದರ ಬಗ್ಗೆ ಉತ್ಸುಕರಾಗಿದ್ದರು. ಇದೀಗ ಟ್ರೇಲರ್ ಬಿಡುಗಡೆಯಾದ ಬಳಿಕವಂತೂ ಚಿತ್ರ ಬಿಡುಗಡೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಪಠಾಣ್ ಮತ್ತು ಜವಾನ್ ನಂತರ ನಟನ ಮುಂದಿನ ಬ್ಲಾಕ್ಬಸ್ಟರ್ ಚಿತ್ರ ಡಂಕಿ ಎಂದೇ ಎಲ್ಲೆಡೆ ಹೇಳಲಾಗುತ್ತಿದೆ. ಶಾರುಖ್ ಖಾನ್ ಅವರ ಹಿಂದಿನ ಚಿತ್ರಗಳಾದ ಪಠಾಣ್ ಮತ್ತು ಜವಾನ್ ಗಲ್ಲಾಪೆಟ್ಟಿಗೆಯಲ್ಲಿ ದೊಡ್ಡ ಯಶಸ್ಸನ್ನು ಕಂಡಿವೆ. ಪಠಾಣ್ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 1,055 ಕೋಟಿ ಗಳಿಸಿದರೆ, ಜವಾನ್ ವಿಶ್ವಾದ್ಯಂತ ಒಟ್ಟು 1,149.85 ಕೋಟಿ ಗಳಿಸಿದೆ. ಬಾಲಿವುಡ್ನ ವಿವಾದಾತ್ಮಕ ವಿಮರ್ಶಕ ಎಂದು ಕರೆಸಿಕೊಳ್ಳುತ್ತಿರುವ ಕೆಆರ್ಕೆ ಸೇರಿದಂತೆ ಹಲವರು ಇನ್ನೊಂದು ಸಾವಿರ ಕೋಟಿ ಫಿಕ್ಸ್ ಎಂದು ಹೇಳುತ್ತಿದ್ದಾರೆ.
ಡಂಕಿ ಚಿತ್ರದ ಟೀಸರ್ನಲ್ಲಿ ಶಾರುಖ್ ಪಾತ್ರದ ಪರಿಚಯ ಇತ್ತು. ಹಾರ್ಡಿ ಅನ್ನೋದು ಶಾರುಖ್ ಪಾತ್ರದ ಹೆಸರಾಗಿದೆ. ಹಾರ್ಡಿ ತನ್ನ ಗೆಳೆಯರ ಬಗ್ಗೆ ಇರೋ ಪ್ರೀತಿಯನ್ನ ಇಲ್ಲಿ ವ್ಯಕ್ತಪಡಿಸುತ್ತಾನೆ. ಜೊತೆಗೆ ತಮ್ಮ ಗುಂಪಿನಲ್ಲಿರೋ ಮನು ಹೆಸರಿನ ಪಾತ್ರಧಾರಿ ತಾಪ್ಸಿ ಪನ್ನು ಬಗ್ಗೆನೂ ಹೇಳ್ತಾನೆ. ಇದು ಪಂಜಾಬ್ನ ಕಥೆಯಾಗಿದೆ. ಹಾರ್ಡಿ (ಶಾರುಖ್ ಖಾನ್) ಮತ್ತು ಅವನ ಸ್ನೇಹಿತರಾದ ಮನು, ಸುಖಿ, ಬುಗ್ಗು ಮತ್ತು ಬಲ್ಲಿ ಅವರ ಪ್ರಪಂಚವನ್ನು ಇದು ತಿಳಿಸುತ್ತದೆ. ಮನು ಮತ್ತು ಸುಖಿ ಪಾತ್ರಗಳನ್ನು ಕ್ರಮವಾಗಿ ತಾಪ್ಸಿ ಪನ್ನು ಮತ್ತು ವಿಕ್ಕಿ ಕೌಶಲ್ ನಿರ್ವಹಿಸಿದ್ದಾರೆ. ಇದರ ನಡುವೆಯೇ, ಶಾರುಖ್ ತಮ್ಮ ಎಕ್ಸ್ ಖಾತೆಯಲ್ಲಿ #asksrk ಪ್ರಶ್ನೋತ್ತರ ಮಾಲಿಕೆ ಮುಂದುವರೆಸಿದ್ದಾರೆ. ಪಠಾಣ್ ಸಮಯದಲ್ಲಿ ಶುರುವಾಗಿರುವ ಈ ಪ್ರಶ್ನೋತ್ತರ ಸೆಷನ್ನಲ್ಲಿ ಇದಾಗಲೇ ಸಹಸ್ರಾರು ಫ್ಯಾನ್ಸ್ ಶಾರುಖ್ ಅವರಿಗೆ ಪ್ರಶ್ನೆ ಕೇಳಿದ್ದು, ಹಲವು ಪ್ರಶ್ನೆಗಳಿಗೆ ಶಾರುಖ್ ಉತ್ತರಿಸಿದ್ದಾರೆ.
ನೆಟ್ಟಿಗನ ಪ್ರಶ್ನೆಗೆ ಶಾರುಖ್ ಫುಲ್ ಗರಂ! ಲೂಸ್ ಮೋಷನ್ ಔಷಧ ಕಳಿಸಿಕೊಡ್ತೇನೆ ಎಂದ ನಟ: ಆಗಿದ್ದೇನು?
ಇದೀಗ ತರ್ಲೆ ಫ್ಯಾನ್ ಒಬ್ಬ, ನಿಮ್ಮ ಡಂಕಿ ಚಿತ್ರದಲ್ಲಿ ಪಂಜಾಬಿ ಭಾಷೆಯಲ್ಲಿ ಲೈಂಗಿಕ ದೃಶ್ಯಗಳಿವೆಯೇ ಎಂದು ಕೇಳಿದ್ದಾನೆ. ಆತ ಕೇಳಿದ್ದು, ಡಂಕಿ ಚಿತ್ರದಲ್ಲಿ ಏನಾದರೂ 'ಸ್ಯಾಕ್ಸ್-ಸಕ್ಸ್' ದೃಶ್ಯಗಳವೆಯೇ? ಯಾಕೆಂದ್ರೆ ನಾನು ಅಪ್ಪನ ಜೊತೆ ಚಿತ್ರ ನೋಡಬೇಕು ಅದಕ್ಕೇ ಎಂದು ಕೇಳಿದ್ದಾನೆ. ಸ್ಯಾಕ್ಸ್-ಸಕ್ಸ್ ಎನ್ನುವುದು ಏನು ಎಂದು ಅದನ್ನು ಓದಿದವರಿಗೆ ಎಲ್ಲರಿಗೂ ಅರ್ಥವಾಗಿದೆ. ಇನ್ನು ಶಾರುಖ್ ಅವರಿಗೆ ಅರ್ಥವಾಗದೇ ಇರುತ್ತದೆಯೆ? ಆದರೂ ಪ್ರಶ್ನೆ ನೇರಾನೇರ ಇಲ್ಲದ ಹಿನ್ನೆಲೆಯಲ್ಲಿ ಶಾರುಖ್ ಖಾನ್ ಕೂಡ ತಮ್ಮ ಎಂದಿನ ಹಾಸ್ಯದ ರೂಪದಲ್ಲಿ ಉತ್ತರ ಕೊಟ್ಟಿದ್ದಾರೆ. ಅದೇನೆಂದರೆ, "ಸರ್ ಸ್ಯಾಕ್ಸ್ ಸಕ್ಸ್ ಅಂದ್ರೆ ಏನೆಂದು ಗೊತ್ತಾಗಲಿಲ್ಲ. ಆದರೆ, ಟಿಕೆಟ್ಗೆ ಮಾತ್ರ ಟ್ಯಾಕ್ಸ್, ಟಕ್ಸ್ ಎಲ್ಲಾ ಇದೆ. ಅಪ್ಪನನ್ನು ಕೇಳಿ ಪಡೆದುಕೊಂಡು ಚಿತ್ರ ನೋಡಿ ಎಂದಿದ್ದಾರೆ. ಶಾರುಖ್ ಅವರ ಈ ತಮಾಷೆಗೆ ಉತ್ತರಕ್ಕೆ ಫ್ಯಾನ್ಸ್ ಫಿದಾ ಆಗಿದ್ದು, ಕಿಂಗ್ ಖಾನ್ ಎಂದ್ರೆ ಸುಮ್ಮನೇನಾ ಅಂತಿದ್ದಾರೆ.
ನಿನ್ನೆಯಷ್ಟೇ ಓರ್ವ ನೆಟ್ಟಿಗನನ್ನು ಶಾರುಖ್ ತರಾಟೆಗೆ ತೆಗೆದುಕೊಂಡಿದ್ದರು. ನೆಟ್ಟಿಗನೊಬ್ಬ ಪಠಾಣ್ ಮತ್ತು ಜವಾನ್ ಚಿತ್ರವನ್ನು ಮಲಕ್ಕೆ ಹೋಲಿಸಿ, ಅದರಲ್ಲಿ ನಿಮ್ಮ ಪರಿಶ್ರಮವಿಲ್ಲ, ಪಿಆರ್ ಪರಿಶ್ರಮವಿದೆ ಎಂದಿದ್ದರು. ಚಿತ್ರದಲ್ಲಿ ತಮ್ಮ ಪರಿಶ್ರಮ ಇಲ್ಲ ಎನ್ನುವ ಮಾತು ಕೇಳುತ್ತಿದ್ದಂತೆಯೇ ಶಾರುಖ್ ಅವರಿಗೆ ಉರಿ ಹೊತ್ತಿಕೊಂಡಿದೆ. ಇದಕ್ಕಾಗಿ ಈ ಪ್ರಶ್ನೆಗೆ ಸ್ವಲ್ಪ ಗರಂ ಆಗಿಯೇ ಉತ್ತರಿಸಿರುವ ಅವರು, ಚಿತ್ರಗಳನ್ನು ಮಲಕ್ಕೆ ಹೋಲಿಸಿರುವ ಕಾರಣ, ನಿಮಗೆ ಲೂಸ್ ಮೋಷನ್ ಚಿಕಿತ್ಸೆ ಅವಶ್ಯಕತೆ ಇದೆ ಎಂದು ಎನಿಸುತ್ತದೆ. ಅದಲ್ಲೆ ಟ್ರೀಟ್ಮೆಂಟ್ ತೆಗೆದುಕೊಳ್ಳಿ. ನಿಮಗೆ ಬೇಕಿದ್ದರೆ ನಮ್ಮ ಪಿಆರ್ ಟೀಂ ಕಡೆಯಿಂದ ಲೂಸ್ ಮೋಷನ್ ಔಷಧ ಕಳಿಸಿಕೊಡುತ್ತೇನೆ ಎಂದಿದ್ದರು.
ಬ್ಲೂ ಫಿಲ್ಮ್ಂ ಕೇಸ್ನಲ್ಲಿ ಸಿಕ್ಕಿಬಿದ್ದ ಶಿಲ್ಪಾ ಪತಿ ರಾಜ್ ಕುಂದ್ರಾರ ತನಿಖಾಧಿಕಾರಿಗಳಿಂದ ಹೊಸ ವಿಷಯ ಬಯಲು!
