ನಟಿ ದೀಪಿಕಾ ಪಡುಕೋಣೆ ತಮ್ಮ ಮಗುವಿನ ಕುರಿತು ಗೂಗಲ್ನಲ್ಲಿ ಸರ್ಚ್ ಮಾಡಿದ್ದು ಏನು ಎಂಬ ಬಗ್ಗೆ ಸಂದರ್ಶನದಲ್ಲಿ ತಿಳಿಸಿದ್ದಾರೆ. ಅದೇನು ಗೊತ್ತಾ?
ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಕಳೆದ ಸೆಪ್ಟೆಂಬರ್ 8ರಂದು ಹೆಣ್ಣುಮಗುವಿಗೆ ಜನ್ಮ ನೀಡಿದ್ದಾರೆ. ಗರ್ಭಿಣಿ ಎಂದು ತಿಳಿದಾಗಿನಿಂದಲೂ ದೀಪಿಕಾ ತಾವು ವಹಿಸಿಕೊಂಡಿರುವ ಎಲ್ಲಾ ಚೀತ್ರಗಳನ್ನೂ ಪೂರ್ಣಗೊಳಿಸಿ ಭೇಷ್ ಎನ್ನಿಸಿಕೊಂಡವರು. ಗರ್ಭಿಣಿಯಾಗಿದ್ದರೂ ಕಲ್ಕಿ ಚಿತ್ರದಲ್ಲಿ ನಟಿಸಿದ್ದರು. ಇದಾಗ ಬಳಿಕ ಈಗ ಸಂಪೂರ್ಣ ಮಗಳ ಜೊತೆ ಕಳೆಯುವುದಾಗಿ ಹೇಳಿಕೊಂಡಿರೋ ದೀಪಿಕಾ ಈ ಕುರಿತು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿಯೂ ಹೇಳಿಕೊಂಡಿದ್ದರು. ಫೀಡ್, ಬರ್ಪ್, ಸ್ಲೀಪ್, ರಿಪೀಟ್ (Feed, Burp, Sleep, Repeat) ಎಂದು ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಳ್ಳುವ ಮೂಲಕ ಇನ್ನು ಸದ್ಯ ಮಗುವಿನ ಆರೈಕೆಯಷ್ಟೇ ತಮ್ಮ ಕೆಲಸ ಎನ್ನುವುದನ್ನು ಹೇಳಿದ್ದರು.
ಇದೀಗ ಮಗಳಿಗೆ ಆರು ತಿಂಗಳು ತುಂಬಿದೆ. ಸಾಮಾನ್ಯವಾಗಿ ಎಲ್ಲ ಅಮ್ಮಂದಿರಿಗೂ ಮಗುವಿನ ಬಗ್ಗೆ ನೂರೆಂಟು ಪ್ರಶ್ನೆಗಳು ಇರುತ್ತವೆ. ಈ ಮೊದಲು ಅಮ್ಮ-ಅಜ್ಜಿಯಂದಿರೆಲ್ಲಾ ಪ್ರಶ್ನೆಗಳಿಗೆ ಉತ್ತರಿಸಿ ಹೊಸ ಅಮ್ಮನ ಸಮಸ್ಯೆಗಳನ್ನು ನಿವಾರಿಸುತ್ತಿದ್ದರು. ಈಗ ಅಪ್ಪ- ಅಮ್ಮ ಸರ್ವಸ್ವ ಎಲ್ಲವೂ ಗೂಗಲ್. ಗೂಗಲ್ ಮಾಡಿದ್ರೆ ಸಾಕು ಎಲ್ಲಾ ಪ್ರಶ್ನೆಗಳಿಗೂ ಉತ್ತರ ಸಿಗುತ್ತದೆ. ಅಲ್ಲಿ ಸಿಗುವ ಉತ್ತರಗಳ ಸತ್ಯಾಸತ್ಯತೆ ಮಾತ್ರ ಕೇಳುವುದೇ ಬೇಡ ಬಿಡಿ. ಈಗಂತೂ ಸೋಷಿಯಲ್ ಮೀಡಿಯಾದ ಕ್ರೇಜ್ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಬಾಯಿಗೆ ಬಂದ ಟಿಪ್ಸ್ಗಳನ್ನು ನೀಡುವುದು ಮಾಮೂಲಾಗಿಬಿಟ್ಟಿದೆ. ಅದನ್ನು ನಂಬಿ ಯಾರಾದರೂ ಏನಾದರೂ ಮಾಡಲು ಹೋದರೆ ತೊಂದರೆಗೆ ಒಳಗಾದರೂ ಅಚ್ಚರಿಯೇನಿಲ್ಲ. ಇದರ ಹೊರತಾಗಿಯೂ ಗೂಗಲ್ಗಳಲ್ಲಿ ನಮಗೆ ಬೇಕಾದ ಸತ್ಯ ಮಾಹಿತಿಗಳೂ ಸಿಗುವುದು ಉಂಟು.
ನಾನೂ ಖಿನ್ನತೆಗೆ ಜಾರಿದ್ದೆ... ಮಕ್ಕಳಿಗೆ ಪರೀಕ್ಷೆಯ ಟಿಪ್ಸ್ ಕೊಟ್ಟ ದೀಪಿಕಾ ಪಡುಕೋಣೆ: ಪಿಎಂ ಮೋದಿ ಶ್ಲಾಘನೆ
ಅದೇ ರೀತಿ ದೀಪಿಕಾ ಪಡುಕೋಣೆ ಅವರೂ ಮಗುವಿನ ಬಗ್ಗೆ ಕೇಳಿರುವ ಪ್ರಶ್ನೆಯೊಂದು ಇದೀಗ ರಿವೀಲ್ ಆಗಿದೆ. ಅಬುಧಾಬಿಯಲ್ಲಿ ಫೋರ್ಬ್ಸ್ ನಡೆಸಿದ ಕಾರ್ಯಕ್ರಮದ ಭಾಗವಾಗಿದ್ದ ದೀಪಿಕಾಗೆ, ಫೋನ್ನಲ್ಲಿ ಆಕೆ ಕೊನೆಯದಾಗಿ ಗೂಗಲ್ ಮಾಡಿದ ವಿಷಯದ ಬಗ್ಗೆ ಕೇಳಲಾಯಿತು. ಆಗ ದೀಪಿಕಾ ಅದು ತಮ್ಮ ಮಗುವಿಗೆ ಸಂಬಂಧಿಸಿದ್ದು ಎಂದು ಹೇಳಿದರು. 'ನನ್ನ ಮಗು ಪುರ್ ಎಂದು ಉಗುಳುವುದನ್ನು ಯಾವಾಗ ನಿಲ್ಲಿಸುತ್ತದೆ' ಎಂದು ಕೇಳಿರುವುದಾಗಿ ಹೇಳಿದರು! ಸಾಮಾನ್ಯವಾಗಿ ಕಂದಮ್ಮಗಳು ಈ ರೀತಿ ಉಗುಳುವುದು ಮಾಮೂಲು. ಅದೂ ಹೆಚ್ಚಾಗಿ ಅಮ್ಮನ ಮುಖದ ಮೇಲೆಯೇ ಉಗುಳುತ್ತದೆ. ಇದೇ ಪ್ರಶ್ನೆಯನ್ನು ದೀಪಿಕಾ ಕೇಳಿದ್ದಾರಂತೆ.
ಇದಕ್ಕೆ ನೆಟ್ಟಿಗರು ತಮಾಷೆಯ ಉತ್ತರ ಕೊಟ್ಟಿದ್ದಾರೆ. ಅಬ್ಬಬ್ಬಾ ಇಂಥ ಪ್ರಶ್ನೆ ಬಹುಶಃ ಯಾವ ಅಮ್ಮನೂ ಗೂಗಲ್ನಲ್ಲಿ ಹುಡುಕಿರಲು ಸಾಧ್ಯವಿಲ್ಲ. ನೀವು ಗ್ರೇಟ್ ಮದರ್ ಎಂದು ಕಾಲೆಳೆದಿದ್ದಾರೆ. ಇನ್ನು ನಟಿ ಕುರಿತು ಹೇಳುವುದಾದರೆ, ದೀಪಿಕಾ ಪಡುಕೋಣೆ ಕೆಲ ದಿನಗಳ ಹಿಂದೆ ಹೊಸ ಕೆಲಸಕ್ಕೆ ಸಹಿ ಹಾಕಿದ್ದಾರೆ. ಇಲ್ಲಿಯವರೆಗೆ ರಣವೀರ್ ಸಿಂಗ್ ರಾಯಭಾರಿಯಾಗಿದ್ದ ಜಾಗಕ್ಕೆ ತಾವು ಬಂದು ಕೂತಿದ್ದಾರೆ ದೀಪಿಕಾ. ಈ ಮೂಲಕ ಪತಿಯ ಜಾಗಕ್ಕೆ ಇವರನ್ನು ನೇಮಕ ಮಾಡಿಕೊಳ್ಳಲಾಗಿದ್ದು, ರಣವೀರ್ ಸಿಂಗ್ ಆ ಉದ್ಯೋಗ ಕಳೆದುಕೊಂಡಿದ್ದಾರೆ. ಬ್ಯಾಟಲ್ಗ್ರೌಂಡ್ಸ್ ಮೊಬೈಲ್ ಇಂಡಿಯಾ (BGMI) ತಯಾರಕ ಕ್ರಾಫ್ಟನ್, ಜಾಗತಿಕ ಐಕಾನ್ ದೀಪಿಕಾ ಪಡುಕೋಣೆ ಅವರನ್ನು ಹೊಸ ಬ್ರಾಂಡ್ ಅಂಬಾಸಿಡರನ್ನಾಗಿ ನೇಮಕ ಮಾಡಿಕೊಂಡಿದೆ. ಇಲ್ಲಿಯವರೆಗೆ ಈ ಜಾಗದಲ್ಲಿ ರಣವೀರ್ ಬ್ರಾಂಡ್ ಅಂಬಾಸಿಡರ್ ಆಗಿದ್ದರು.
ಮಗಳ ಪಾಲನೆಯೇ ಸರ್ವಸ್ವ ಎಂದಿದ್ದ ದೀಪಿಕಾ ಹೊಸ ಕೆಲಸಕ್ಕೆ ಸಹಿ! ಉದ್ಯೋಗ ಕಳಕೊಂಡ ರಣವೀರ್ ಸಿಂಗ್
