Fresh FIR Against Actor Dileep: ಲೈಂಗಿಕ ದೌರ್ಜನ್ಯ ಕೇಸ್, ಸ್ಟಾರ್ ನಟನ ವಿರುದ್ಧ ಮತ್ತೊಮ್ಮೆ FIR
- ಮಾಲಿವುಡ್ ನಟನ ವಿರುದ್ಧ ಮತ್ತೊಂದು ಫ್ರೆಶ್ FIR
- ಲೈಂಗಿಕ ದೌರ್ಜನ್ಯ ಆರೋಪ ಎದುರಿಸುತ್ತಿದ್ದ ನಟನಿಗೆ ಈಗ ಮತ್ತೆ ಸಂಕಟ
- ಪ್ರಕರಣ ತನಿಖೆ ನಡೆಸುತ್ತಿದ್ದವರಿಗೇ ಕೊಲೆ ಬೆದರಿಕೆ ಹಾಕಿದ ನಟ
ಮಾಲಿವುಡ್(Bollywood) ನಟ ದಿಲೀಪ್(Dileep) ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ ಕೇಳಿ ಬಂದು ಈ ಘಟನೆ ಕಳೆದ ಕೆಲವು ವರ್ಷಗಳಲ್ಲಿ ಭಾರೀ ಸುದ್ದಿಯಾಗಿತ್ತು. ಮಾಲಿವುಡ್‌ನ ಸ್ಟಾರ್ ನಟರಲ್ಲಿ ಒಬ್ಬರಾಗಿರುವ ದಿಲೀಪ್ ಬೇರೆ ಭಾಷೆಯ ಸಿನಿಮಾಗಳಲ್ಲಿ ಕಾಣಸಿಗುವುದು ಭಾರೀ ಕಡಿಮೆ. ಮಾಲಿವುಡ್‌ನಲ್ಲೇ ಹಿಂದಿನಿಂದಲೂ ನಟಿಸುತ್ತಿರುವ ದಿಲೀಪ್ ಸಹನಟಿ ಮಂಜು ವಾರಿಯರ್ ಅವರನ್ನು ವರಿಸಿದ್ದರು. ನಂತರದಲ್ಲಿ ಅವರೊಂದಿಗೆ ವಿಚ್ಚೇದನೆ ಪಡೆದು ನಟಿ ಕಾವ್ಯ ಮಾಧವನ್ ಅವರನ್ನು ವಿವಾಹವಾಗಿದ್ದಾರೆ. ಸಹನಟಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿರುವ ಆರೋಪ ಎದುರಿಸುತ್ತಿರುವ ನಟನ ಮೇಲೆ ಈಗ ಮತ್ತೊಂದು ಆರೋಪ ಕೇಳಿ ಬಂದಿದ್ದು ಸದ್ಯ ದಿಲೀಪ್ ಮತ್ತೆ ಸುದ್ದಿಯಲ್ಲಿದ್ದಾರೆ.
ಕ್ರೈಂ ಬ್ರಾಂಚ್ ಭಾನುವಾರ ನಟನ ವಿರುದ್ಧ ಫ್ರೆಶ್ ಎಫ್‌ಐಆರ್ ದಾಖಲಿಸಿದೆ. ದಿಲೀಪ್ ಹಾಗೂ ಇತರ ಐವರ ವಿರುದ್ಧ ಎಫ್‌ಐಆರ್(FIR) ದಾಖಲಾಗಿದೆ. ಕ್ರಿಮಿನಲ್ ಉದ್ದೇಶಗಳು ಹಾಗೂ ಅತ್ಯಾಚಾರ ಕೇಸ್ ತನಿಖೆ ನಡೆಸುವ ತನಿಖಾಧಿಕಾರಿ ಹಾಗೂ ಉನ್ನತ ಅಧಿಕಾರಿಗಳನ್ನು ಕೊಲ್ಲುವ ಬೆದರಿಕೆ ಹಾಕಿದ ಹಿನ್ನೆಲೆಯಲ್ಲಿ ಈ ಕೇಸ್ ದಾಖಲಾಗಿದೆ. ಈ ಪ್ರಕರಣದಲ್ಲಿ ದಿಲೀಪ್ 8ನೇ ಅರೋಪಿ.
ನಟಿಗೆ ಲೈಂಗಿಕ ಕಿರುಕುಳ: ನಟ ದಿಲೀಪ್ ವಿರುದ್ಧ ಆರೋಪ ಪಟ್ಟಿ
ನಿರ್ದೇಶಕ ಪಿ. ಬಾಲಚಂದ್ರನ್ ಅವರ ಹೇಳಿಕೆಯ ಆಧಾರದಲ್ಲಿ ಎಫ್‌ಐಆರ್ ದಾಖಲಿಸಲಾಗಿದೆ. ಬಾಲಚಂದ್ರನ್ ಅವರು ಆಡಿಯೋ ಕ್ಲಿಪ್‌ಗಳ ಸಾಕ್ಷಿಯನ್ನು ಅತ್ಯಾಚಾರ ಪ್ರಕರಣ ತನಿಖೆ ನಡೆಸುತ್ತಿದ್ದ ಎಸ್‌ಐಟಿಗೆ ನೀಡಿದ್ದರು. ಐಪಿಸಿ ಸೆಕ್ಷನ್ 116, 118, 120-ಬಿ, 506, 34 ಅಡಿಯಲ್ಲಿ ಕೇಸುಗಳು ದಾಖಲಾಗಿವೆ.
ನಟ ಗೋಪಾಲ ಕೃಷ್ಣನ್ ಆಲಿಯಾಸ್ ದಿಲೀಪ್ ಅವರು ಅನೂಪ್ ಹಾಗೂ ಸೂರಜ್ ಶಾಮೀಲಾಗಿರುವ ಪ್ರಕರಣದಲ್ಲಿ ಮೊದಲ ಆರೋಪಿಯಾದ್ದಾರೆ. ಇದರಲ್ಲಿ ಇಬ್ಬರೂ ನಟನ ಸಂಬಂಧಿಗಳು. ಈ ಪ್ರಕರಣದಲ್ಲಿ ಅಪ್ಪು, ಬೈಜು ಚೆಂಗಮನಾಡು ಹಾಗು ಇನ್ನೋರ್ವ ಆರೋಪಿಗಳಾಗಿದ್ದಾರೆ. ಎಫ್‌ಐಆರ್ ಪ್ರಕಾರ ಬಾಲಚಂದ್ರನ್ ಅವರು ಘಟನೆಯನ್ನು ನೇರವಾಗಿ ನೋಡಿದ್ದಾರೆ ಹಾಗೂ ಕೇಳಿದ್ದಾರೆ ಎನ್ನಲಾಗಿದೆ.
ಈ ಪ್ರಕರಣವು ಆಡಿಯೋ ಕ್ಲಿಪ್‌ಗೆ ಸಂಬಂಧಿಸಿದೆ. ಇದರಲ್ಲಿ ದಿಲೀಪ್‌ನ ಸೋದರ ಮಾವ ಸೂರಜ್‌ಗೆ ಅವರ ಧ್ವನಿ ಇದೆ ಎನ್ನಲಾಗಿದೆ. ತನಿಖಾಧಿಕಾರಿ ಮತ್ತು ಉಪ ಅಧೀಕ್ಷಕ ಬೈಜು ಪೌಲೋಸ್ ಅವರ ಹತ್ಯೆಯ ಸಂಚಿನ ಬಗ್ಗೆ ಮಾತನಾಡುವುದನ್ನು ಇದರಲ್ಲಿ ಕೇಳಬಹುದು. ಸೂರಜ್ ಮತ್ತು ದಿಲೀಪ್ ನಡುವೆ ಸಂಭಾಷಣೆ, ನವೆಂಬರ್ 2017 ರಲ್ಲಿ ಆಲುವಾದಲ್ಲಿನ ಮನೆಯಲ್ಲಿ ನಡೆದಿತ್ತು. ಲೈಂಗಿಕ ದೌರ್ಜನ್ಯ ಪ್ರಕರಣಕ್ಕೆ ಸಂಬಂಧಿಸಿದ ಆ ಅವಧಿಯ ಆಡಿಯೋ ತುಣುಕುಗಳನ್ನು ಚಲನಚಿತ್ರ ನಿರ್ಮಾಪಕ ಬಾಲಚಂದ್ರಕುಮಾರ್ ಅವರು ಬಿಡುಗಡೆ ಮಾಡಿದರು. ಅವರು ದಿಲೀಪ್ ಅವರ ಸ್ನೇಹಿತ ಎಂದು ಹೇಳಲಾಗಿದೆ. ವರದಿಗಾರ ಟಿವಿ ಆಡಿಯೋ ಕ್ಲಿಪ್‌ಗಳನ್ನು ಬಿಡುಗಡೆ ಮಾಡಿದ್ದು, ಎಫ್‌ಐಆರ್ ದಾಖಲಿಸಲು ಕಾರಣವಾಗಿದೆ.
ಈ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೇರಳ ಸರ್ಕಾರ ಹೊಸ ತನಿಖಾ ತಂಡವನ್ನು ರಚಿಸಿದೆ. ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕ (ಎಡಿಜಿಪಿ) ಶ್ರೀಜಿತ್ ತಂಡದ ಮುಖ್ಯಸ್ಥರಾಗಿರುತ್ತಾರೆ. ಕೆಪಿ ಫಿಲ್ಪ್, ಇನ್ಸ್‌ಪೆಕ್ಟರ್ ಜನರಲ್ (ಐಜಿ), ಕ್ರೈಂ ಬ್ರಾಂಚ್ ಕೂಡ ತನಿಖೆಯ ಭಾಗವಾಗಲಿದ್ದಾರೆ. ನೆಡುಂಬಸ್ಸೆರಿಯ ಸ್ಟೇಷನ್ ಹೌಸ್ ಆಫೀಸರ್ ಕೂಡ ತನಿಖಾ ತಂಡದ ಭಾಗವಾಗಿರುತ್ತಾರೆ. ಬೆದರಿಕೆಯ ಆಡಿಯೋ ಹೊರಬಿದ್ದಿರುವ ಬೈಜು ಪೌಲೋಸ್ ತನಿಖಾಧಿಕಾರಿಯಾಗಿ ಮುಂದುವರಿಯಲಿದ್ದಾರೆ. ಅಪರಾಧ ವಿಭಾಗದ ಅಧಿಕಾರಿಗಳಾದ ಸುದರ್ಶನ್ ಮತ್ತು ಸೋಜನ್ ಕೂಡ ತಂಡದ ಭಾಗವಾಗಲಿದ್ದಾರೆ.
ಆಡಿಯೋ ಕ್ಲಿಪ್‌ಗಳ ಒಂದು ಸೆಟ್‌ನಲ್ಲಿ, ಪ್ರಕರಣದ ತನಿಖೆ ನಡೆಸುತ್ತಿರುವ ಐವರು ಪೊಲೀಸ್ ಅಧಿಕಾರಿಗಳನ್ನು ನೋಡಿಕೊಳ್ಳಲಾಗುತ್ತದೆ ಎಂದು ದಿಲೀಪ್ ಅವರ ಧ್ವನಿಯೊಂದು ಕೇಳಿಬರುತ್ತಿದೆ. ಮತ್ತೊಂದು ಕ್ಲಿಪ್‌ನಲ್ಲಿ, ಅವರು ಹೊರಬಂದರೆ ಮಾತ್ರ ಸೇಡು ತೀರಿಸಿಕೊಳ್ಳಬಹುದು ಎಂದು ಪುರುಷ ಧ್ವನಿ ಹೇಳುತ್ತದೆ. ಮೂರನೆ ಆಡಿಯೋ ಕ್ಲಿಪ್, ಧ್ವನಿಗಳನ್ನು ಮಫಿಲ್ ಮಾಡಿದ್ದು, ಒಬ್ಬ ವ್ಯಕ್ತಿ ಬೈಜು ಪೌಲೋಸ್ ಮೇಲೆ ಟ್ರಕ್ ಓಡಿಸುವ ಬಗ್ಗೆ ಮಾತನಾಡುತ್ತಾನೆ. ನಾವು ಇನ್ನೂ ಒಂದೂವರೆ ಕೋಟಿ ಬೇಕಾಗಬಹುದು ಎಂದು ಹೇಳುವುದನ್ನು ಕೇಳಬಹುದು.
ನಟಿಗೆ ಲೈಂಗಿಕ ಕಿರುಕುಳ ಪ್ರಕರಣ: ಖ್ಯಾತ ನಟ ಬಂಧನ
ಪ್ರಕರಣದಲ್ಲಿ ದಿಲೀಪ್ ಅವರನ್ನು ವಿಚಾರಣೆಗೆ ಒಳಪಡಿಸಲು ಕ್ರೈಂ ಬ್ರಾಂಚ್ ಅವರಿಗೆ ನೋಟಿಸ್ ನೀಡಲಿದೆ ಎನ್ನಲಾಗಿದೆ. ಮಂಗಳವಾರ ಅವರನ್ನು ವಿಚಾರಣೆಗೆ ಕರೆಯಲಾಗುವುದು ಎಂದು ಸುದ್ದಿಇದೆ. ಆಡಿಯೋ ಕ್ಲಿಪ್‌ಗಳು ಹೊರಬಂದ ನಂತರ, ಪೊಲೀಸರು ಪ್ರಕರಣದ ಕುರಿತು ಹೆಚ್ಚಿನ ತನಿಖೆಯನ್ನು ಪ್ರಾರಂಭಿಸಿದ್ದಾರೆ. ಕೇರಳ ಸರ್ಕಾರವು ವಿಚಾರಣೆಯನ್ನು ಇನ್ನೂ ಆರು ತಿಂಗಳವರೆಗೆ ವಿಸ್ತರಿಸಲು ಸುಪ್ರೀಂ ಕೋರ್ಟ್‌ಗೆ ಮೊರೆ ಹೋಗಿತ್ತು. ಪ್ರಕರಣದ ಪ್ರಮುಖ ಆರೋಪಿ ದಿಲೀಪ್ ಮತ್ತು ಪಲ್ಸರ್ ಸುನಿ ನಡುವಿನ ಸ್ನೇಹವನ್ನು ನಾನು ಕಣ್ಣಾರೆ ಕಂಡಿದ್ದೇನೆ ಎಂದು ಬಾಲಚಂದ್ರಕುಮಾರ್ ಟಿಎನ್‌ಎಂಗೆ ತಿಳಿಸಿದ್ದಾರೆ. ನಟಿಯ ಮೇಲಿನ ಹಲ್ಲೆಯ ವಿಡಿಯೋವನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸುವ ಮೊದಲು ದಿಲೀಪ್ ನೋಡಿದ್ದಾರೆ ಎಂದು ನಿರ್ದೇಶಕರು ಆರೋಪಿಸಿದ್ದಾರೆ.
ಈ ಪ್ರಕರಣವು ಫೆಬ್ರವರಿ 2017 ರಲ್ಲಿ ಎರ್ನಾಕುಲಂನಲ್ಲಿ ನಡೆದಿತ್ತು. ಪ್ರಮುಖ ನಟಿಯೊಬ್ಬರು ತ್ರಿಶೂರ್‌ನ ಶೂಟಿಂಗ್ ಸ್ಥಳದಿಂದ ಪ್ರಯಾಣಿಸುತ್ತಿದ್ದಾಗ ಲೈಂಗಿಕ ದೌರ್ಜನ್ಯ ನಡೆದಿದೆ. ಜನರ ಗುಂಪೊಂದು ಆಕೆಯನ್ನು ಅಪಹರಿಸಿ ಚಲಿಸುತ್ತಿದ್ದ ವಾಹನದಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ. ಹಲ್ಲೆ ನಡೆದ ಕೆಲವು ದಿನಗಳ ನಂತರ, ಪಲ್ಸರ್ ಸುನಿಯನ್ನು ಬಂಧಿಸಲಾಯಿತು. ಕೆಲವು ತಿಂಗಳ ನಂತರ ನಟ ದಿಲೀಪ್ ಅವರನ್ನು ದಾಳಿಯ ಮಾಸ್ಟರ್ ಮೈಂಡ್ ಆರೋಪದ ಮೇಲೆ ಬಂಧಿಸಲಾಯಿತು. ಹಲ್ಲೆಯ ವೀಡಿಯೊವನ್ನು ರೆಕಾರ್ಡ್ ಮಾಡಲು ಪಲ್ಸರ್ ಸುನಿಗೆ ಹಣ ನೀಡಲಾಗಿತ್ತು. ಜಾಮೀನು ಪಡೆಯುವ ಮುನ್ನ ದಿಲೀಪ್ ಸುಮಾರು ಮೂರು ತಿಂಗಳು ಜೈಲು ವಾಸ ಅನುಭವಿಸಿದ್ದರು. ಪ್ರಕರಣದ ವಿಚಾರಣೆ ವರ್ಷಗಟ್ಟಲೆ ವಿಳಂಬವಾಗುತ್ತಿದೆ.
