ಟ್ರಿಮಿಂಗ್ ಬೇಡ, ಡಿಫರೆಂಟ್ ಸ್ಟೈಲ್ ಬೇಡ ಎಂದು ಬಾಬ್ ಹೇರ್ ಕಟ್ ಮಾಡಿಸಿಕೊಂಡ ನಟಿ. ಈಕೆಯ ಬೋಲ್ಡ್ ನಿರ್ಧಾರಕ್ಕೆ ನೆಟ್ಟಿಗರ ಸಾಥ್....
2012ರಲ್ಲಿ 'ಸೆಕೆಂಡ್ ಮ್ಯಾರೇಜ್.ಕಾಂ' ಚಿತ್ರದ ಮೂಲಕ ಬಿ-ಟೌನ್ಗೆ ಎಂಟ್ರಿ ಕೊಟ್ಟ ನಟಿ ಸಯಾನಿ ಗುಪ್ತಾ ಈಗ ಟಾಕ್ ಆಫ್ ದಿ ಟೌನ್ ಆಗಿದ್ದಾರೆ. ಇತ್ತೀಚಿಗೆ ರಿಲೀಸ್ ಆದ ವೆಬ್ ಸೀರಿಸ್ 'Four More Shots Please!'ನಲ್ಲಿ ಪತ್ರಕರ್ತೆ ಧಾಮಿನಿ ಪಾತ್ರದ ಮೂಲಕ ಎಲ್ಲರ ಗಮನ ಸೆಳೆದ ಈ ಬೆಡಗಿ ಸದ್ಯ ರಿಯಲ್ ಲೈಫ್ ನಲ್ಲೂ ತುಂಬಾನೇ ಬೋಲ್ಡ್ ನಿರ್ಧಾರ ತೆಗೆದುಕೊಂಡಿದ್ದಾರೆ.
ರೆಬಲ್ ಪತ್ರಕರ್ತೆಯಾಗಿ ವೆಬ್ ಸೀರಿಸ್ನಲ್ಲಿ ಮಿಂಚುತ್ತಿರುವ ಸಯಾನಿ ಗುಪ್ತಾ ಇವರೇ..!
ಹೇರ್ಕಟ್:
ಲಾಕ್ಡೌನ್ ಪ್ರಾರಂಭದಲ್ಲಿ ಏನಾದರೂ ಡಿಫರೆಂಟ್ ಹೇರ್ ಸ್ಟೈಲ್ ಟ್ರೈ ಮಾಡಬೇಕೆಂದು ತುಂಬಾ ಚಿಂತಿಸಿ ತಮ್ಮ ನಿಲುವಿನ ಬಗ್ಗೆ ಪೋಷಕರಿಗೂ ಹಾಗೂ ತಮ್ಮ ಮುಂದಿನ ಪ್ರಾಜೆಕ್ಟ್ ಪ್ರೊಡ್ಯೋಸರ್ಗೂ ತಿಳಿಸದೆ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ.
'ಮೊದಲು/ ನಂತರ. ಹೇರ್ ಸ್ಟೈಲ್ ವ್ಯಕ್ತಿತ್ವವನ್ನೇ ಬದಲಾಯಿಸುತ್ತದೆ' ಎಂದು ಬರೆದುಕೊಂಡಿದ್ದ ಸಯಾನಿ ಫೋಟೋವನ್ನು ಅಭಿಮಾನಿಗಳು 360 ಡಿಗ್ರಿಯಲ್ಲಿ ನ್ಯೂ ಲುಕ್ ಹೇಗೆ ಕಾಣಿಸುತ್ತದೆ ಎಂದು ನೋಡಲು ಡಿಮ್ಯಾಂಡ್ ಮಾಡಿದ್ದಾರೆ. ಅಭಿಮಾನಿಗಳ ಕೋರಿಕೆಗೆ ಸ್ಪಂದಿಸಿರುವ ಸಯಾನಿ ಲುಕ್ ತೋರಿಸಲು ಫೋಟೋ ಶೇರ್ ಮಾಡಿದ್ದಾರೆ.
ಮೂಲತಃ ದಕ್ಷಿಣ ಬೆಂಗಾಲದ ಹುಡುಗಿ ಸಯಾನಿ, ಫಿಲ್ಮ್ ಮತ್ತು ಟೆಲಿವಿಶನ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದ ಪದವೀಧರೆ. 15 ಸಿನಿಮಾಗಳು, 4 ವೆಬ್ ಸೀರಿಸ್ 7 ಶಾಟ್ ಫಿಲ್ಮ್ನಲ್ಲಿ ಅಭಿನಯಿಸಿದ್ದಾರೆ. ಸಯಾನಿ ನಟಿಯಾಗಿ ಮಾತ್ರವಲ್ಲದೆ ಗಾಯಕಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಆರ್ಟಿಕಲ್ 15ರಲ್ಲಿ 'ಕಹಾಬ್ ತೋ' ಹಾಡನ್ನು ಹಾಡಿದ್ದಾರೆ.
