ಹೈಬ್ರಿಡ್ ಎಲೆಕ್ಟ್ರಿಕ್ ಕಾರಿನ ವಾರೆಂಟಿ 3 ರಿಂದ 8 ವರ್ಷಕ್ಕೆ ವಿಸ್ತರಿಸಿದ ಟೊಯೋಟಾ!
- ಸೆಲ್ಫ್-ಚಾರ್ಜಿಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವಾಹನ ವಾರೆಂಟಿ ವಿಸ್ತರಣೆ
- ಭಾರತದಲ್ಲಿ ಟೋಯೋಟಾ ಮಹತ್ವದ ಘೋಷಣೆ
- 8 ವರ್ಷಕ್ಕೆ ವಾರೆಂಟಿ ವಿಸ್ತರಿಸಿದ ಟೋಯೋಟಾ
Followಬೆಂಗಳೂರು(ಜು.30): ದೇಶ ಇದೀಗ ಎಲೆಕ್ಟ್ರಿಕ್ ವಾಹನಕ್ಕೆ ಹೆಚ್ಚಿನ ಉತ್ತೇಜನ ನೀಡುತ್ತಿದೆ. ಜೊತೆಗೆ ಹೈಬ್ರಿಡ್ ವಾಹನಕ್ಕೂ ಬೇಡಿಕೆ ಹೆಚ್ಚಾಗುತ್ತಿದೆ. ಇದೀಗ ಟೋಯೋಟಾ ಭಾರತದಲ್ಲಿ ಸೆಲ್ಫಿ ಚಾರ್ಜಿಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವಾಹನ ಬ್ಯಾಟರಿ ವಾರೆಂಟಿ ವಿಸ್ತರಿಸಿದೆ. 3 ವರ್ಷದ ಬ್ಯಾಟರಿ ವಾರೆಂಟಿಯನ್ನು ಇದೀಗ 8 ವರ್ಷಕ್ಕೆ ವಿಸ್ತರಿಸಿದೆ.
ಕೇಂದ್ರದಿಂದ ತಾರಮತ್ಯ ಬೇಡ; ಟೆಸ್ಲಾ ಆಮದು ಸುಂಕ ಕಡಿತ ಮನವಿಗೆ ಟಾಟಾ ಮೋಟಾರ್ಸ್ ತಿರುಗೇಟು!
3 ವರ್ಷ ಅಥವಾ 1,00,000 ಕಿಲೋಮೀಟರ್ ಗಳಿಂದ 8 ವರ್ಷಗಳಿಗೆ ಅಥವಾ 1,60,000 ಕಿಲೋಮೀಟರ್ ಗಳಿಗೆ ಟೊಯೋಟಾದ ಕಿರ್ಲೋಸ್ಕರ್ ಮೋಟಾರ್ ನ ಎಲ್ಲಾ SH Ev ಮಾದರಿಗಳಿಗೆ ವಿಸ್ತರಿಸುತ್ತದೆ. ಟಿಕೆಎಂನ ನೂತನ 2021 ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ ಬ್ಯಾಟರಿ ವಾರಂಟಿ ಉದ್ಯಮದಲ್ಲಿ ನೀಡಲಾಗುವ ಅತಿ ಹೆಚ್ಚಿನ ಅವಧಿಯ ವಾರಂಟಿಯಾಗಿದೆ.
ಟೊಯೋಟಾ ಎಸ್ಎಚ್ ಇವಿಗಳ ಎಲ್ಲಾ ಮಾಲೀಕರಿಗೆ ಇದು ಲಭ್ಯವಿದೆ. ಇತ್ತೀಚಿನ ನಡೆಯು ಸಾಂಪ್ರದಾಯಿಕ ಆಂತರಿಕ ದಹನಕಾರಿ ಎಂಜಿನ್ ವಾಹನಗಳಿಂದ ಎಸ್ ಎಚ್ಇವಿಗಳಿಗೆ ಮತ್ತು ಅಂತಿಮವಾಗಿ ಭವಿಷ್ಯದಲ್ಲಿ ಪ್ರಾಯೋಗಿಕ ಮತ್ತು ಲಭ್ಯತೆಯ ಚಲನಶೀಲ ಪರಿಹಾರಗಳಾಗಿ ವಿದ್ಯುದ್ದೀಕರಿಸಿದ ವಾಹನಗಳ ವ್ಯಾಪಕ ಶ್ರೇಣಿಗೆ ಬದಲಾವಣೆಯನ್ನು ವೇಗಗೊಳಿಸಲು ಟಿಕೆಎಂ ನ ಮತ್ತೊಂದು ಕಾರ್ಯಕ್ರಮ ಇದಾಗಿದೆ.
250 ಕೆಜಿ ಭಾರ ಹೊತ್ತೊಯ್ಯಬಲ್ಲ ಜಿಪ್ ಕಾರ್ಗೊ ಎಲೆಕ್ಟ್ರಿಕ್ ಸ್ಕೂಟರ್!
ಟಿಕೆಎಂ ಪ್ರಿಸ್ ಮತ್ತು ಕ್ಯಾಮ್ರಿಯಂತಹ ಉತ್ಪನ್ನಗಳೊಂದಿಗೆ ಹೈಬ್ರಿಡ್ ಎಲೆಕ್ಟ್ರಿಕ್ ವಾಹನಗಳನ್ನು ಭಾರತೀಯ ಮಾರುಕಟ್ಟೆಗೆ ತಂದ ಮೊದಲ ಕಾರ್ ತಯಾರಕ ಕಂಪನಿಯಾಗಿದೆ. ಇಂದು ಟೊಯೋಟಾ ಕ್ಯಾಮ್ರಿ ಮತ್ತು ವೆಲ್ ಫೈರ್ ಬ್ರಾಂಡ್ ಗ್ರಾಹಕರ ವಿಶ್ವಾಸ ಗಳಿಸುವಲ್ಲಿ ಯಶಸ್ವಿಯಾಗಿವೆ, ಸೆಲ್ಪ್-ಚಾರ್ಜಿಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ತಂತ್ರಜ್ಞಾನ,ಕಂಫರ್ಟ್, ಸೊಬಗು ಮತ್ತು ಸುಸ್ಥಿರತೆಯನ್ನು ವ್ಯಾಖ್ಯಾನಿಸುತ್ತದೆ.
ಹೈಬ್ರಿಡ್ ಗಳು 40% ದೂರ ಮತ್ತು 60% ಸಮಯವನ್ನು ಪೆಟ್ರೋಲ್ ಎಂಜಿನ್ ಅನ್ನು ಸ್ಥಗಿತಗೊಳಿಸುವ ಎಲೆಕ್ಟ್ರಿಕ್ ವಾಹನವಾಗಿ ಚಲಿಸಬಹುದು, ಇದು ಸರ್ಕಾರಿ ಪರೀಕ್ಷಾ ಸಂಸ್ಥೆಯಾದ ಐಸಿಎಟಿಯ ಅಧ್ಯಯನದಲ್ಲಿ ಸಾಬೀತಾಗಿದೆ. ಇದು ಹೈಬ್ರಿಡ್ ಗಳಿಗೆ 35 ರಿಂದ 50% ನಷ್ಟು ಅದ್ಭುತ ಇಂಧನ ದಕ್ಷತೆಯ ಸುಧಾರಣೆಗಳನ್ನು ನೀಡುತ್ತದೆ ಮತ್ತು ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುತ್ತದೆ. ಭಾರತದಲ್ಲಿ, ವರ್ಷಗಳಲ್ಲಿ (ಸಂಚಿತ), ಟೊಯೋಟಾ ಕ್ಯಾಮ್ರಿ ಹೈಬ್ರಿಡ್ ವಾಹನಗಳ ಮಾರಾಟವು ಮಾತ್ರ ಸಿಒ2 ಹೊರಸೂಸುವಿಕೆ 18 ದಶಲಕ್ಷ ಕಿಲೋಗ್ರಾಂಗಳಿಗಿಂತ ಹೆಚ್ಚು ಮತ್ತು 7.6 ದಶಲಕ್ಷ ಲೀಟರ್ ಗೂ ಹೆಚ್ಚು ಇಂಧನ ಉಳಿತಾಯಕ್ಕೆ ಕಾರಣವಾಗಿದೆ.
ಟೊಯೋಟಾ ಈಗ ಎರಡು ದಶಕಗಳಿಗೂ ಹೆಚ್ಚು ಕಾಲದಿಂದ ಜಾಗತಿಕ ವಾಹನ ವಿದ್ಯುದೀಕರಣದಲ್ಲಿ ಮುಂಚೂಣಿಯಲ್ಲಿದೆ. ಭಾರತದಲ್ಲಿಯೂ ಸಹ, ಮಾರುಕಟ್ಟೆಯಲ್ಲಿ ಎಸ್ಎಚ್ಇವಿಗಳನ್ನು ಪರಿಚಯಿಸಿದ ಮೊದಲ ವಾಹನ ತಯಾರಕರಲ್ಲಿ ಟಿಕೆಎಂ ಕೂಡ ಒಂದಾಗಿದೆ. ಪೆಟ್ರೋಲ್ ಎಂಜಿನ್ ಮತ್ತು ಎಲೆಕ್ಟ್ರಿಕ್ ಪವರ್ ಟ್ರೈನ್ ಎರಡನ್ನೂ ಹೊಂದಿರುವ ಸೆಲ್ಫ್-ಚಾರ್ಜಿಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವಾಹನಗಳು ಅತ್ಯಂತ ಪರಿಸರ ಸ್ನೇಹಿಯಾಗಿದ್ದು, ಗ್ರಾಹಕರ ಯಾವುದೇ ವರ್ತನೆಯ ಬದಲಾವಣೆಗಳ ಅಗತ್ಯ ಇದಕ್ಕಿಲ್ಲ ಎಂದು ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ ನ ಸೇಲ್ಸ್ ಅಂಡ್ ಸ್ಟ್ರಾಟೆಜಿಕ್ ಮಾರ್ಕೆಟಿಂಗ್ ನ ಅಸೋಸಿಯೇಟ್ ಜನರಲ್ ಮ್ಯಾನೇಜರ್ ವಿ. ವೈಸ್ಲೈನ್ ಸಿಗಾಮಣಿ ಹೇಳಿದರು.
