ಎಸ್ಬಿಐ ಠೇವಣಿ, ಸಾಲದ ಬಡ್ಡಿದರ ಇಳಿಕೆ: ಮಾ.10ರಿಂದ ಜಾರಿ| ಗ್ರಾಹಕರಿಗೆ ಶಾಕ್
ಮುಂಬೈ[ಮಾ.12]: ದೇಶದ ಅತಿದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕ್ ಆಗಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ನಿಶ್ಚಿತ ಠೇವಣಿ ಹಾಗೂ ವಿವಿಧ ಸಾಲದ ಮೇಲಿನ ಬಡ್ಡಿದರಗಳನ್ನು ಬುಧವಾರ ಕಡಿತಗೊಳಿಸಿದೆ. ಮಾಚ್ರ್ 10ರಿಂದ ಹೊಡ ಬಡ್ಡಿದರಗಳು ಜಾರಿಗೆ ಬರಲಿವೆ.
2 ಕೋಟಿ ರು.ಗಳಿಗಿಂತ ಕಮ್ಮಿ ಅವಧಿಯ ಎಫ್ಡಿ ಬಡ್ಡಿದರಗಳನ್ನು ಶೇ.0.10ರಿಂದ ಶೇ.0.50ವರೆಗೆ ಕಡಿಮೆ ಮಾಡಲಾಗಿದೆ. 1 ವರ್ಷ ಮತ್ತು ಅದಕ್ಕಿಂತ ಹೆಚ್ಚು ಅವಧಿಯ ಎಫ್ಡಿ (ನಿಶ್ಚಿತ ಠೇವಣಿ) ಬಡ್ಡಿದರಗಳನ್ನು ಶೇ.0.10ರಷ್ಟುಕಡಿತಗೊಳಿಸಲಾಗಿದೆ. 1ರಿಂದ 2 ವರ್ಷದ ಎಫ್ಡಿಗೆ ಇನ್ನು ಮುಂದೆ ಶೇ.6ರ ಬದಲು ಶೇ.5.90ರ ಬಡ್ಡಿದರ ಸಿಗಲಿದೆ. ಹಿರಿಯ ನಾಗರಿಕರಿಗೆ ಇಷ್ಟೇ ಅವಧಿಗೆ ಶೇ.6.50 ಬದಲು ಶೇ.6.40ರ ಬಡ್ಡಿ ದೊರಕಲಿದೆ.
ಇನ್ನು 1 ವರ್ಷ ಅವಧಿಯ ಸಾಲದ ಬಡ್ಡಿದರಗಳನ್ನು ಶೇ.0.10ರಷ್ಟುಕಡಿತ ಮಾಡಲಾಗಿದೆ. ಹೀಗಾಗಿ ಇದರ ಬಡ್ಡಿದರ ಇನ್ನು ಶೇ.7.85ರಿಂದ ಶೇ.7.75ಕ್ಕೆ ಇಳಿಯಲಿದೆ.
30 ವರ್ಷದ ಗೃಹ ಸಾಲದ ಇಎಂಐ ಪ್ರತಿ 1 ಲಕ್ಷ ರು.ಗೆ 7 ರು.ನಷ್ಟುಇಳಿಯಲಿದೆ. 7 ವರ್ಷ ಅವಧಿಯ 1 ಲಕ್ಷ ರು. ವಾಹನ ಸಾಲದ ಇಎಂಐ 5 ರು.ನಷ್ಟುಇಳಿಯಲಿದೆ.
ಫೆಬ್ರವರಿಯಲ್ಲಷ್ಟೇ ಬ್ಯಾಂಕ್, ಶೇ.0.10ರಿಂದ ಶೇ.0.50ರಷ್ಟುಬಡ್ಡಿದರ ಕಡಿತ ಮಾಡಿತ್ತು.
ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಕೂಡ ಮಾ.11ರಿಂದ ಜಾರಿಯಾಗುವಂತೆ ಶೇ.0.10ರಷ್ಟು ಬಡ್ಡಿದರ ಕಡಿತಗೊಳಿಸಿತ್ತು.
