Asianet Suvarna News Asianet Suvarna News

ರಾಮ ಮಂದಿರ ಪ್ರಾಣ ಪ್ರತಿಷ್ಠಾಪನೆ: ನಾಳೆ 8 ಗಂಟೆಗಳ ಕಾಲ ಬಂದ್‌ ಆಗಲಿದೆ ಗೋವಾ ಕ್ಯಾಸಿನೋ!

ಎಲ್ಲಾ ಕ್ಯಾಸಿನೋಗಳು ಸೋಮವಾರ ಬೆಳಿಗ್ಗೆ 8 ರಿಂದ ಸಂಜೆ 4 ರವರೆಗೆ ತಮ್ಮ ಕಾರ್ಯಾಚರಣೆಯನ್ನು ಮುಚ್ಚಲು ನಿರ್ಧರಿಸಲಾಗಿದೆ ಎಂದು ಗೋವಾದ ಕೆಲವು ಕ್ಯಾಸಿನೋಗಳನ್ನು ನಿರ್ವಹಿಸುವ ಮೆಜೆಸ್ಟಿಕ್ ಪ್ರೈಡ್ ಗ್ರೂಪ್‌ನ ನಿರ್ದೇಶಕ ಶ್ರೀನಿವಾಸ್ ನಾಯ್ಕ್‌ ಮಾಹಿತಿ ನೀಡಿದ್ದಾರೆ. 

ram temple consecration goa casinos to remain shut for 8 hours on january 22 ash
Author
First Published Jan 21, 2024, 6:31 PM IST

ಅಯೋಧ್ಯೆ (ಜನವರಿ 21, 2024): ನಾಳೆ ಅಯೋಧ್ಯೆ ರಾಮ ಮಂದಿರ ಪ್ರಾಣ ಪ್ರತಿಷ್ಠಾಪನೆಯಾಗ್ತಿದೆ. ಇದರ ಗೌರವಾರ್ಥವಾಗಿ ಗೋವಾದ ಎಲ್ಲಾ ಕ್ಯಾಸಿನೋಗಳ ಕಾರ್ಯಾಚರಣೆಯನ್ನು ಸೋಮವಾರ ಬೆಳಗ್ಗೆ 8 ರಿಂದ 8 ಗಂಟೆಗಳ ಕಾಲ ಮುಚ್ಚಲಾಗುವುದು ಎಂದು ಕ್ಯಾಸಿನೋ ನಿರ್ವಹಣಾ ಕಂಪನಿಯ ಅಧಿಕಾರಿಯೊಬ್ಬರು ಭಾನುವಾರ ತಿಳಿಸಿದ್ದಾರೆ.

ಗೋವಾದಲ್ಲಿ ಆರು ಆಫ್ ಶೋರ್ ಕ್ಯಾಸಿನೋಗಳು ಮತ್ತು ಹಲವಾರು ಆನ್ ಶೋರ್ ಕ್ಯಾಸಿನೋಗಳು ಕಾರ್ಯನಿರ್ವಹಿಸುತ್ತಿವೆ. ರಾಜ್ಯದ ರಾಜಧಾನಿ ಪಣಜಿ ಬಳಿಯ ಮಾಂಡೋವಿ ನದಿಯಲ್ಲಿ ಆಫ್ ಶೋರ್ ಕ್ಯಾನೋ ಹಡಗುಗಳನ್ನು ಲಂಗರು ಹಾಕಲಾಗಿದ್ದು, ನಾಳೆ 8 ಗಂಟೆಗಳ ಕಾಲ ಕಾರ್ಯಾಚರಿಸಲ್ಲ ಎಂದು ತಿಳಿದುಬಂದಿದೆ.

ಡಿಸ್ಕವರಿ ಚಾನೆಲ್‌ನಲ್ಲಿ ಲೆಜೆಂಡ್ಸ್ ಆಫ್ ದಿ ರಾಮಾಯಣ ಡಾಕ್ಯುಮೆಂಟರಿ ಸೀರೀಸ್‌ ಪ್ರಸಾರ: ವಿವರ ಹೀಗಿದೆ..

ಎಲ್ಲಾ ಕ್ಯಾಸಿನೋಗಳು ಸೋಮವಾರ ಬೆಳಿಗ್ಗೆ 8 ರಿಂದ ಸಂಜೆ 4 ರವರೆಗೆ ತಮ್ಮ ಕಾರ್ಯಾಚರಣೆಯನ್ನು ಮುಚ್ಚಲು ನಿರ್ಧರಿಸಲಾಗಿದೆ ಎಂದು ಗೋವಾದ ಕೆಲವು ಕ್ಯಾಸಿನೋಗಳನ್ನು ನಿರ್ವಹಿಸುವ ಮೆಜೆಸ್ಟಿಕ್ ಪ್ರೈಡ್ ಗ್ರೂಪ್‌ನ ನಿರ್ದೇಶಕ ಶ್ರೀನಿವಾಸ್ ನಾಯ್ಕ್‌ ಪಿಟಿಐಗೆ ತಿಳಿಸಿದ್ದಾರೆ.

ಪ್ರತಿಯೊಬ್ಬರೂ ತಮ್ಮ ವ್ಯವಹಾರಗಳನ್ನು ಮುಚ್ಚಿರುವಾಗ ಮತ್ತು ಜೀವಿತಾವಧಿಯಲ್ಲಿ ಒಮ್ಮೆ ನಡೆಯುವ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ರಜಾದಿನಗಳನ್ನು ಘೋಷಿಸಲಾಗಿದೆ. ಈ ಹಿನ್ನೆಲೆ ನಾವು ಅದನ್ನು ಏಕೆ ಮಾಡಬಾರದು ಎಂದೂ ಅವರು ಹೇಳಿದ್ದಾರೆ.

ರಾಮಮಂದಿರ ನಿರ್ಮಾಣಕ್ಕಾಗಿ ಕೇವಲ 45 ದಿನಗಳಲ್ಲಿ 2500 ಕೋಟಿ ರೂ ಸಂಗ್ರಹ

ಉತ್ತರ ಪ್ರದೇಶದ ಅಯೋಧ್ಯೆ ನಗರದಲ್ಲಿ ರಾಮ ಮಂದಿರ ಲೋಕಾರ್ಪಣೆ ಹಿನ್ನೆಲೆ ಗೋವಾ ಸರ್ಕಾರವು ಎಲ್ಲಾ ಸರ್ಕಾರಿ, ಅರೆ ಸರ್ಕಾರಿ ಮತ್ತು ಸ್ವಾಯತ್ತ ಸಂಸ್ಥೆಗಳಿಗೆ ಸೋಮವಾರ ಈಗಾಗಲೇ ರಜೆ ಘೋಷಿಸಿದೆ. ಇನ್ನೊಂದೆಡೆ, ಅಯೋಧ್ಯೆಯಲ್ಲಿ ಬೃಹತ್ ಕಾರ್ಯಕ್ರಮ ವೀಕ್ಷಿಸಲು ಮದ್ಯ ಅಥವಾ ಮಾಂಸ ಮತ್ತು ಮೀನು ಮಾರಾಟ ನಿಷೇಧ ಸೇರಿದಂತೆ ಕೆಲವು ರಾಜ್ಯಗಳು ನಿಷೇಧವನ್ನು ವಿಧಿಸಿವೆ.

ಇನ್ನು, ಮೆಗಾ-ಈವೆಂಟ್‌ಗಾಗಿ ಕೇಂದ್ರವು ತನ್ನ ಎಲ್ಲಾ ಕಚೇರಿಗಳು ಮತ್ತು ಪಿಎಸ್‌ಯು ಬ್ಯಾಂಕ್‌ಗಳಿಗೆ ಅರ್ಧ ದಿನವನ್ನು ಘೋಷಿಸಿದೆ. ಎಲ್ಲಾ ಕೇಂದ್ರ ಸರ್ಕಾರಿ ಕಚೇರಿಗಳು, ಸಂಸ್ಥೆಗಳು ಮತ್ತು ಕೈಗಾರಿಕಾ ಸಂಸ್ಥೆಗಳು ಜನವರಿ 22 ರಂದು ಮಧ್ಯಾಹ್ನ 2:30 ರವರೆಗೆ ಮುಚ್ಚಲಾಗುವುದು ಎಂದು ಹಣಕಾಸು ಸಚಿವಾಲಯವು ಅಧಿಸೂಚನೆಯನ್ನು ಹೊರಡಿಸಿದೆ. ಅಧಿಕೃತ ಸುತ್ತೋಲೆಯು ದಿನದ ಮಧ್ಯಾಹ್ನ 2:30 ಕ್ಕೆ ಕೆಲಸದ ಸಮಯವನ್ನು ಪುನರಾರಂಭಿಸುತ್ತದೆ ಎಂದು ಹೇಳುತ್ತದೆ.

Follow Us:
Download App:
  • android
  • ios