ನವದೆಹಲಿ(ಜೂ.01): ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್‌ಐಎಲ್) ಭಾರತದ ಹೂಮ್ಯಾನಿಟೇರಿಯನ್ (ಮಾನವೀಯ) ರಪ್ತುನ ಮುಂಚೂಣಿಯನ್ನು ವಹಿಸಿಕೊಳ್ಳಲಿದ್ದು, ಇದಕ್ಕಾಗಿ ಹೊಸದಾಗಿ ಸ್ವಾಧೀನಪಡಿಸಿಕೊಂಡಿರುವ ಅಲೋಕ್ ಇಂಡಸ್ಟ್ರೀಸ್ ಅನ್ನು "ಸಂಪೂರ್ಣವಾಗಿ" ಪಿಪಿಇ ಉತ್ಪಾದನೆಗೆ ಮೀಸಲು ಇಡಲಿದೆ. ಇದಕ್ಕಾಗಿ ಹೊಸ ತಂತ್ರಜ್ಞಾನ, ಕಚ್ಚಾ ವಸ್ತುಗಳು, 10 ಸಾವಿರ ಟೈಲರ್‌ಗಳನ್ನು ಸಂಯೋಜಿಸಲು ಮುಂದಾಗಿದೆ.

ಕೋವಿಡ್‌-19 ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡುವ ಭಾರತದ ವೈದ್ಯರು, ದಾದಿಯರು, ವೈದ್ಯಕೀಯ ಸಿಬ್ಬಂದಿ ಮತ್ತು ಇತರ ಮುಂಚೂಣಿ ಕಾರ್ಮಿಕರನ್ನು ರಕ್ಷಿಸಲು ರಿಲಯನ್ಸ್ ಇಂಡಸ್ಟ್ರೀಸ್ ಗುಜರಾತ್‌ನ ಸಿಲ್ವಾಸ್ಸಾದಲ್ಲಿ ಹೊಸದಾಗಿ ಸ್ವಾಧೀನಪಡಿಸಿಕೊಂಡ ಉತ್ಪಾದನಾ ಸೌಲಭ್ಯಗಳನ್ನು ಬಳಸಿಕೊಂಡು ವೈಯಕ್ತಿಕ ರಕ್ಷಣಾ ಸಾಧನಗಳು (ಪಿಪಿಇ)ಗಳನ್ನು ತಯಾರಿಸುತ್ತಿದೆ. ಪಿಪಿಇ ವಸ್ತುಗಳ ತಯಾರಿಕೆಯನ್ನು ಸಕ್ರಿಯಗೊಳಿಸಲು ಆರ್‌ಐಎಲ್ ತ್ವರಿತವಾಗಿ ಸ್ಥಾವರ ಮತ್ತು ಪ್ರಕ್ರಿಯೆಗಳನ್ನು ಮರು-ವಿನ್ಯಾಸಗೊಳಿಸಿದ್ದು ಮತ್ತು ಪಿಪಿಇ ಸೂಟ್‌ಗಳನ್ನು ಜೋಡಿಸಲು ಸುಮಾರು 10000 ಜನರ ಹೊಸ ತಾಂತ್ರಿಕವಾಗಿ ನಿಪುಣರಾಗಿರುವ ಟೈಲರ್‌ಗಳನ್ನು ನಿಯೋಜಿಸಿದೆ.

ಜಿಯೋ ಜತೆ ಜನರಲ್‌ ಅಟ್ಲಾಂಟಿಕ್‌ 6,600 ಕೋಟಿ ರು. ಹೂಡಿಕೆ!

ಉತ್ಪಾದನೆಯು ಏಪ್ರಿಲ್ ಮಧ್ಯದಲ್ಲಿ ಪ್ರಾರಂಭವಾಗಿದ್ದು, ಈಗ ತ್ವರಿತಗತಿಯಲ್ಲಿ ದಿನಕ್ಕೆ 1 ಲಕ್ಷಕ್ಕೂ ಹೆಚ್ಚು ಪಿಪಿಇ ಉತ್ಪಾದಿಸುವ ದಿಸೆಯಲ್ಲಿ ಸಾಗುತ್ತಿದೆ. ಇದು ಭಾರತದ ದೈನಂದಿನ ಪಿಪಿಇ ಉತ್ಪಾದನೆಯ ಗಮನಾರ್ಹ ಪ್ರಮಾಣವನ್ನು ಹೆಚ್ಚಿಸಲಿದೆ. ಕೊರೋನಾ ನಿರ್ವಹಣೆಗೆ ದೇಶೀಯ ಉತ್ಪಾದನೆಗಾಗಿ ರಾಷ್ಟ್ರೀಯ ಕರೆಗೆ ಪ್ರತಿಕ್ರಿಯೆಯಾಗಿ ಭಾರತದಲ್ಲಿ ಉತ್ಪಾದನೆಯು ಏಪ್ರಿಲ್ ಮಧ್ಯದಿಂದ ಹೆಚ್ಚಾಗಲು ಪ್ರಾರಂಭವಾಗಿದ್ದು, ಇಲ್ಲಿಯವರೆಗೆ ಭಾರತ ಅಗತ್ಯವಿರುವ ಹೆಚ್ಚಿನ ಪಿಪಿಇಯನ್ನು ಆಮದು ಮಾಡಿಕೊಳ್ಳುತ್ತಿತ್ತು.

ಪಿಪಿಇ ಕಿಟ್‌ ಬೆಲೆ ಇಳಿಸುವಲ್ಲಿ ರಿಲಯನ್ಸ್ ಯಶಸ್ವಿ 

ಪಿಪಿಇಯ ಬೆಲೆಯನ್ನು ಸುಮಾರು 650 ರೂ.ಗೆ ಇಳಿಸಲು ರಿಲಯನ್ಸ್ ಯಶಸ್ವಿಯಾಗಿದೆ, ಭಾರತವು ಈ ಹಿಂದೆ ಪ್ರತಿ ಪಿಪಿಇಗೆ 2000 ರೂ. ನೀಡುತ್ತಿತ್ತು, ಸದ್ಯ ಪಿಪಿಇಯ ಬೆಲೆಯಲ್ಲಿ ಗಮನಾರ್ಹ ಕುಸಿತವಾಗಿದೆ.
ಆರ್‌ಐಎಲ್‌ನಿಂದ ಉತ್ತಮ ಗುಣಮಟ್ಟದ ಮತ್ತು ಕಡಿಮೆ ಬೆಲೆಯ ಪಿಪಿಇಗಳ ಲಭ್ಯತೆಯು ಸಿಒವಿಐಡಿ ತುರ್ತು ಪರಿಸ್ಥಿತಿಯನ್ನು ನಿಭಾಯಿಸುವಲ್ಲಿ ಭಾರತದ ಪರಿಣಾಮಕಾರಿತ್ವವನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ಸಿಲ್ವಾಸ್ಸಾದಲ್ಲಿ ಪಿಪಿಇ ಕವರಲ್ ಸೂಟ್‌ಗಳನ್ನು (PPE coverall suits) ತಯಾರಿಸುತ್ತಿದೆ, ಇದನ್ನು ಕವರಲ್ ಹೆಮ್ಸ್ ಅನ್ನು ಆಂಟಿ-ಮೈಕ್ರೋಬಿಯಲ್ ಟೇಪ್ನಿಂದ ಮುಚ್ಚಲಾಗಿರುತ್ತದೆ, ಇವು ಸಿಂಗಲ್ ಪೀಸ್ ಜಿಪ್-ಅಪ್ ಸೂಟ್‌ಗಳಾಗಿವೆ ಮತ್ತು ಸಂಪೂರ್ಣ ರಕ್ಷಣೆ ನೀಡುತ್ತದೆ.

ಜಿಯೋದಲ್ಲಿ ಅಮರಿಕದ ಮತ್ತೊಂದು ಕಂಪನಿಯಿಂದ 11367 ಕೋಟಿ ಹೂಡಿಕೆ..!

ಆರ್‌ಐಎಲ್ ಹೆಚ್ಚಿನ ದರ್ಜೆಯ ಪಾಲಿಪ್ರೊಪಿಲೀನ್ ಅನ್ನು ಬಳಸುತ್ತಿದ್ದು, ಇದರಿಂದಾಗಿ ಕಡಿಮೆ ತೂಕದ ಅಪಾರದರ್ಶಕತೆಯನ್ನು ನೀಡುವ ಸಾಧನಗಳನ್ನು ಉತ್ಪಾದಿಸುತ್ತದೆ. ಪಿಪಿಇ ಸೂಟ್‌ನಲ್ಲಿ ಕವರಲ್‌ಗಳು, ಕೈಗವಸುಗಳು, ಶೂ ಕವರ್‌ಗಳು, ಮಾಸ್ಕ್-ಥ್ರೀ ಪ್ಲೈ ಅಥವಾ ಎನ್ 95, ಹೆಡ್ ಗೇರ್ ಮತ್ತು ಫೇಸ್ ಶೀಲ್ಡ್ ಇರುತ್ತದೆ.

ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ರಕ್ಷಣಾ ಸಾಧನಗಳು ಆರೋಗ್ಯ ಕಾರ್ಯಕರ್ತರನ್ನು ಅಥವಾ ಯಾವುದೇ ಸೋಂಕಿಗೆ ಒಳಗಾಗಿರುವ ಇತರ ವ್ಯಕ್ತಿಗಳನ್ನು ರಕ್ಷಿಸಲು ಮುಂದಾಗುವವರಿಗೆಯೇ ವಿನ್ಯಾಸಗೊಳಿಸಲಾದ ಉಡುಪುಗಳಾಗಿದೆ. ಇವು ಸಾಮಾನ್ಯವಾಗಿ ಪ್ರಮಾಣಿತ ಮುನ್ನೆಚ್ಚರಿಕೆಗಳನ್ನು ಒಳಗೊಂಡಿರುತ್ತವೆ ಈ ಸೂಟ್‌ನಲ್ಲಿ. ಮುಖದ ರಕ್ಷಣೆಗೆ ಕನ್ನಡಕಗಳು ಮತ್ತು ಮುಖವಾಡ ಅಥವಾ ಫೇಸ್‌ಶೀಲ್ಡ್, ಕೈಗವಸುಗಳು, ಗೌನ್ ಅಥವಾ ಕವರಲ್, ಹೆಡ್ ಕವರ್, ರಬ್ಬರ್ ಬೂಟುಗಳನ್ನು ಒಳಗೊಂಡಿರುತ್ತದೆ.