ತನ್ನ ಪ್ರಮುಖ ಮಾರುಕಟ್ಟೆ ಇರುವ ಪ್ರದೇಶಗಳಲ್ಲಿ ಆನ್ಲೈನ್ ಫುಡ್ ಡೆಲಿವರಿ ದೈತ್ಯ ಝೋಮಾಟೋ ಹೊಸ ವರ್ಷದಿಂದ ಜಾರಿಗೆ ಬರುವಂತೆ ಫ್ಲಾಟ್ಫಾರ್ಮ್ ಫೀ ಏರಿಸಿದೆ. ಇದು ಝೋಮಾಟೋ ಗೋಲ್ಡ್ ಸದಸ್ಯರಿಗೂ ಅನ್ವಯವಾಗಲಿದೆ.
ಮುಂಬೈ (ಜ.2): ಹೊಸ ವರ್ಷದಿಂದ ಝೋಮಾಟೋ ಮೂಲಕ ಆನ್ಲೈನ್ ಫುಡ್ ಬುಕ್ಕಿಂಗ್ ಮಾಡೋದು ದುಬಾರಿಯಾಗಿದೆ. ಆನ್ಲೈನ್ ಆಹಾರ ವಿತರಣಾ ದೈತ್ಯ ಜೊಮಾಟೊ ತನ್ನ ಪ್ಲಾಟ್ಫಾರ್ಮ್ ಶುಲ್ಕವನ್ನು ಪ್ರಮುಖ ಮಾರುಕಟ್ಟೆಗಳಲ್ಲಿನ ಬಳಕೆದಾರರಿಗೆ ಪ್ರತಿ ಆರ್ಡರ್ಗೆ 4 ರೂಪಾಯಿಗೆ ಏರಿದೆ. ಈ ಹಿಂದೆ 3 ರೂಪಾಯಿ ಇತ್ತು. ಇದರೊಂದಿಗೆ ಹೊಸ ವರ್ಷದಲ್ಲಿ ಫ್ಲಾಟ್ಫಾರ್ಮ್ ಫೀಯಲ್ಲಿ ಶೇ. 33ರಷ್ಟು ಏರಿಕೆ ಆದಂತಾಗಿದೆ. ಜನವರಿ 1 ರಿಂದಲೇ ಇದು ಜಾರಿಗೆ ಬಂದಿದ್ದು, ಅಪ್ಲಿಕೇಶನ್ಗಳಲ್ಲಿ ವಿವರಗಳಲ್ಲೂ ಇದರ ಮಾಹಿತಿ ಬದಗಿಸಲಾಗಿದೆ. ಹೊಸ ವರ್ಷದ ಮುನ್ನಾದಿನದ ಸಮಯದಲ್ಲಿ, ಆಯ್ದ ಮಾರುಕಟ್ಟೆಗಳಲ್ಲಿ ಪ್ರತಿ ಆರ್ಡರ್ಗೆ ಕಂಪನಿಯು ತಾತ್ಕಾಲಿಕವಾಗಿ ಶುಲ್ಕವನ್ನು 9 ರೂಪಾಯಿವರೆಗೆ ಹೆಚ್ಚಳ ಮಾಡಿತ್ತು. ಡಿಸೆಂಬರ್ 31 ರಂದು ಝೋಮಾಟೋ ಹೆಚ್ಚಿನ ಆರ್ಡರ್ಗಳನ್ನು ಪಡೆದುಕೊಳ್ಳುತ್ತಿದ್ದ ಕಾರಣಕ್ಕೆ ತಾತ್ಕಾಲಿಕವಾಗಿ ಫೀ ಹೆಚ್ಚಳ ಮಾಡಲಾಗಿತ್ತು ಎಂದು ಕಂಪನಿ ತಿಳಿಸಿದೆ.
"ಇವುಗಳು ನಾವು ಕಾಲಕಾಲಕ್ಕೆ ವಿವಿಧ ಅಂಶಗಳನ್ನು ಆಧಾರವಾಗಿ ತೆಗೆದುಕೊಳ್ಳುವ ಬ್ಯುಸಿನೆಸ್ ಮಾರ್ಗಗಳು" ಎಂದು ಜೊಮಾಟೊದ ವಕ್ತಾರರು ತಿಳಿಸಿದ್ದಾರೆ. ಹಿಂದಿನ ಆರು ವರ್ಷಗಳಲ್ಲಿ ಅಂದರೆ 2015 ರಿಂದ 2020 ರವರೆಗೆ ಹೊಸ ವರ್ಷದ ಮುನ್ನಾದಿನದ ಸಮಯದಲ್ಲಿ ಬಂದಿರುವ ಆರ್ಡರ್ಗಳು 2024ರ ಹೊಸ ವರ್ಷದ ಮುನ್ನಾದಿನದ ಆರ್ಡರ್ಗಳನ್ನು ಮೀರಿಸಿದೆ ಎಂದು ಝೋಮಾಟೋನ ಸಿಇಒ ದೀಪೇಂದರ್ ಗೋಯೆಲ್ ಎಕ್ಸ್ನಲ್ಲಿ ತಿಳಿಸಿದ್ದಾರೆ.
ಗುರುಗ್ರಾಮ ಮೂಲದ ಕಂಪನಿಯು 2023ರ ಆಗಸ್ಟ್ನಲ್ಲಿ ಸಾಮಾನ್ಯ ಫ್ಲಾಟ್ಫಾರ್ಮ್ ಶುಲ್ಕವನ್ನು ವಿಧಿಸಲು ಆರಂಭ ಮಾಡಿತ್ತು. ಆರಂಭದಲ್ಲಿ ಪ್ರತಿ ಆರ್ಡರ್ಗೆ 2 ರೂಪಾಯಿಯಿಂದ ಇದು ಆರಂಭವಾಗಿತ್ತು. ಬಳಿಕ ಇದನ್ನು ಹೆಚ್ಚಿನ ಪ್ರಮುಖ ಮಾರುಕಟ್ಟೆಗಳಲ್ಲಿ ಮೂರು ರೂಪಾಯಿಗೆ ಏರಿಸಲಾಗಿತ್ತು. ಆ ಬಳಿಕ Zomato ದೊಡ್ಡ ಪ್ರತಿಸ್ಪರ್ಧಿ ಆಗಿರುವ ಸ್ವಿಗ್ಗಿ ಕಳೆದ ವರ್ಷ ರೂ 2 ಶುಲ್ಕವನ್ನು ವಿಧಿಸಲು ಪ್ರಾರಂಭಿಸಿತು, ನಂತರ ಅದನ್ನು ರೂ 3 ಕ್ಕೆ ಹೆಚ್ಚಳ ಮಾಡಿತ್ತು.
ವರದಿಯ ಪ್ರಕಾರ, ಝೋಮಾಟೋ ಡೆಲಿವರಿ ಫೀ ಜೊತೆ ಫ್ಲಾರ್ಟ್ಫಾರ್ಮ್ ಫೀಯನ್ನೂ ಕೂಡ ಗ್ರಾಹಕರಿಗೆ ನೀಡುತ್ತದೆ. ಆದರೆ, ಡಿಸ್ಕೌಂಟ್ಗಳು ಉಚಿತ ಡೆಲಿವರಿಗಳನ್ನು ಪಡೆದುಕೊಳ್ಳಲು ಬಯಸುವ ವ್ಯಕ್ತಿಗಳು ಪಡೆದುಕೊಳ್ಳುವ ಝೋಮಾಟೋ ಗೋಲ್ಡ್ ಲಾಯಲ್ಟಿ ಕಾರ್ಯಕ್ರಮದ ಸದಸ್ಯರಿಗೆ ಡೆಲಿವರಿ ಫೀಯನ್ನು ಝೋಮೋಟೋ ಮನ್ನಾ ಮಾಡುತ್ತಿತ್ತು. ಆದರೆ, ಫ್ಲಾಟ್ಫಾರ್ಮ್ ಫೀ ಝೋಮೋಟೋ ಗೋಲ್ಡ್ ಸದಸ್ಯರಿಗೂ ಅನ್ವಯವಾಗಲಿದೆ.
ಡಿಸೆಂಬರ್ ತಿಂಗಳ ಜಿಎಸ್ಟಿ ಕಲೆಕ್ಷನ್.. ಯಾವ ರಾಜ್ಯ ಫರ್ಸ್ಟು, ಯಾವ ರಾಜ್ಯ ಲಾಸ್ಟು?
ಜುಲೈ-ಸೆಪ್ಟೆಂಬರ್ ತ್ರೈಮಾಸಿಕ ಫಲಿತಾಂಶಗಳಲ್ಲಿ, Zomato ನ ನಿರ್ವಹಣೆಯು ಅದರ ಟೇಕ್ ದರದ ವರ್ಧನೆಯನ್ನು ಲಿಂಕ್ ಮಾಡಲಾಗಿದೆ. ಇದು ಪ್ರತಿ ಆಹಾರ ವಿತರಣಾ ಆದೇಶಕ್ಕೆ ಉತ್ಪತ್ತಿಯಾಗುವ ಆದಾಯದ ಶೇಕಡಾವಾರು ಪ್ರಮಾಣವನ್ನು ಪ್ಲಾಟ್ಫಾರ್ಮ್ ಶುಲ್ಕದ ಪರಿಚಯಕ್ಕೆ ಪ್ರತಿನಿಧಿಸುತ್ತದೆ.
ಹಿಟ್ & ರನ್ ಕೇಸ್ನಲ್ಲಿ ಶಿಕ್ಷೆ ಪ್ರಮಾಣ ಏರಿಕೆ, ದೇಶಾದ್ಯಂತ ಮುಷ್ಕರ ಘೋಷಿಸಿದ ಟ್ರಕ್ ಡ್ರೈವರ್ಸ್!
ಸೆಪ್ಟೆಂಬರ್ 2023ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ, Zomato ತೆರಿಗೆಯ ನಂತರದ ಲಾಭ 36 ಕೋಟಿ ರೂಪಾಯಿ ಆಗಿದೆ. Q2 FY24 ರಲ್ಲಿ ಕಾರ್ಯಾಚರಣೆಗಳಿಂದ ಆದಾಯವು 71% ರಷ್ಟು ಏರಿಕೆಯಾಗಿದ್ದು, 2,848 ಕೋಟಿ ರೂಪಾಯಿಗಳನ್ನು ತಲುಪಿದೆ ಎಂದು ಕಂಪನಿಯು ತನ್ನ ಷೇರುದಾರರಿಗೆ ಫೈಲಿಂಗ್ ಮೂಲಕ ತಿಳಿಸಿದೆ.ಈ ಬೆಳವಣಿಗೆಯು ಆಹಾರ ವಿತರಣೆ, ತ್ವರಿತ ವಾಣಿಜ್ಯ ವಿಭಾಗಗಳು ಒಟ್ಟು ಆರ್ಡರ್ ಮೌಲ್ಯಗಳಲ್ಲಿ (GOV) 47% ವರ್ಷ-ವರ್ಷದ ಉಲ್ಬಣದಿಂದ ಉತ್ತೇಜಿಸಲ್ಪಟ್ಟಿದೆ.
