ಇಶಾ ಅಂಬಾನಿ ಇರುವಾಗ್ಲೇ ಮುಕೇಶ್ ಅಂಬಾನಿಯ 1.41 ಲಕ್ಷ ಕೋಟಿ ಕಂಪೆನಿಗೆ ಹೊಸ ಉತ್ತರಾಧಿಕಾರಿ
ಏಷ್ಯಾ ಮತ್ತು ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿ, ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಧ್ಯಕ್ಷ ಮುಕೇಶ್ ಅಂಬಾನಿ. ಬರೋಬ್ಬರಿ 7.6 ಲಕ್ಷ ಕೋಟಿ ರೂ. ಆಸ್ತಿಯ ಒಡೆಯ. ಕೋಟಿ ಕೋಟಿ ಕಂಪೆನಿಗಳ ವ್ಯವಹಾರವನ್ನು ಮುನ್ನಡೆಸುತ್ತಿದ್ದಾರೆ. ಆದರೆ ಈಗ ಮುಕೇಶ್ ಅಂಬಾನಿಯ 1.41 ಲಕ್ಷ ಕೋಟಿ ರೂ. ಒಡೆತನದ ಸಂಸ್ಥೆಗೆ ಹೊಸ ಉತ್ತರಾಧಿಕಾರಿ ನೇಮಕವಾಗಿದ್ದಾರೆ.
ಏಷ್ಯಾ ಮತ್ತು ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿ, ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಧ್ಯಕ್ಷ ಮುಕೇಶ್ ಅಂಬಾನಿ. ಬರೋಬ್ಬರಿ 7.6 ಲಕ್ಷ ಕೋಟಿ ರೂ. ಆಸ್ತಿಯ ಒಡೆಯ. ಕೋಟಿ ಕೋಟಿ ಕಂಪೆನಿಗಳ ವ್ಯವಹಾರವನ್ನು ಮುನ್ನಡೆಸುತ್ತಿದ್ದಾರೆ. ಆದರೆ ಈಗ ಮುಕೇಶ್ ಅಂಬಾನಿಯ 1.41 ಲಕ್ಷ ಕೋಟಿ ರೂ. ಒಡೆತನದ ಸಂಸ್ಥೆಗೆ ಹೊಸ ಉತ್ತರಾಧಿಕಾರಿ ನೇಮಕವಾಗಿದ್ದಾರೆ. ಮುಕೇಶ್ ಅಂಬಾನಿ ಕಂಪನಿಯ ನಿರ್ದೇಶಕರಾಗಿ ನೇಮಕಗೊಂಡಿರೋದು ಹಾರ್ವರ್ಡ್ ಹಳೆಯ ವಿದ್ಯಾರ್ಥಿ. ಹಣಕಾಸು ಸೇವಾ ಉದ್ಯಮದಲ್ಲಿ 20 ವರ್ಷಗಳ ಅನುಭವ ಹೊಂದಿರುವ ಹಿತೇಶ್ ಕುಮಾರ್ ಸೇಥಿಯಾರನ್ನು ಸಂಸ್ಥೆಯ ನಿರ್ದೇಶಕ ಸ್ಥಾನಕ್ಕೆ ನೇಮಿಸಲಾಗಿದೆ.
ಹಿತೇಶ್ ಕುಮಾರ್ ಸೇಥಿಯಾ, ಈ ಹಿಂದೆ ಉತ್ತರ ಅಮೇರಿಕಾ, ಯುರೋಪ್ ಮತ್ತು ಏಷ್ಯಾದ ಪ್ರಸಿದ್ಧ ನಿಗಮಗಳಿಗೆ ಕಾರ್ಯನಿರ್ವಾಹಕರಾಗಿದ್ದರು. ಇಶಾ ಅಂಬಾನಿ, ಹಿತೇಶ್ ಸೇಥಿಯಾ ಮತ್ತು ಅಂಶುಮಾನ್ ಠಾಕೂರ್ ಅವರನ್ನು ಜಿಯೋ ಫೈನಾನ್ಷಿಯಲ್ ಸರ್ವಿಸಸ್‌ನ 6 ತಿಂಗಳ ಕಾಲ ನಿರ್ದೇಶಕರಾಗಿ ನೇಮಕ ಮಾಡಲು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ನವೆಂಬರ್ 15ರಂದು ಅನುಮೋದನೆ ನೀಡಿದೆ.
ಅಂಬಾನಿ ಜಿಯೋ ಮಾಲ್‌ ಚಿಲ್ಲರೆ ವ್ಯವಹಾರಕ್ಕೆ ಹೊಸ ಪ್ರತಿಸ್ಪರ್ಧಿ, 15000 ಕೋಟಿ ರೂ ಆಸ್ತಿಯ ಬಿಲಿಯನೇರ್ ವ್ಯಕ್ತಿ
'ಈ ಅನುಮೋದನೆಯು ಈ ಪತ್ರದ ದಿನಾಂಕದಿಂದ ಆರು ತಿಂಗಳವರೆಗೆ ಮಾತ್ರ ಮಾನ್ಯವಾಗಿರುತ್ತದೆ. ಈ ಸಮಯದ ಚೌಕಟ್ಟಿನೊಳಗೆ ಪ್ರಸ್ತಾವನೆಯನ್ನು ಜಾರಿಗೆ ತರಲು ಕಂಪನಿಯು ವಿಫಲವಾದಲ್ಲಿ, ಹಿಂದಿನ ಬದಲಾವಣೆಯನ್ನು ಪರಿಣಾಮ ಬೀರಲು ವಿಫಲವಾದ ಕಾರಣಗಳೊಂದಿಗೆ ಮತ್ತೊಮ್ಮೆ ಅರ್ಜಿ ಸಲ್ಲಿಸಬೇಕಾಗುತ್ತದೆ' ಎಂದು ಕಂಪನಿಗೆ ಆರ್‌ಬಿಐ ಪತ್ರದಲ್ಲಿ ತಿಳಿಸಲಾಗಿದೆ.
ಹಿತೇಶ್ ಹಾರ್ವರ್ಡ್ ಹಳೆಯ ವಿದ್ಯಾರ್ಥಿ ಮತ್ತು ಚಾರ್ಟರ್ಡ್ ಅಕೌಂಟೆಂಟ್. ತಮ್ಮ ವೃತ್ತಿಜೀವನದ ಬಹುಪಾಲು ICICI ಬ್ಯಾಂಕ್‌ನಲ್ಲಿ ಕೆಲಸ ಮಾಡಿದ ಅವರು, ತಂತ್ರಗಳನ್ನು ಅಭಿವೃದ್ಧಿಪಡಿಸುವುದು, ಮಾರುಕಟ್ಟೆಗಳನ್ನು ವಿಸ್ತರಿಸುವುದು, ಅಪಾಯಗಳನ್ನು ನಿರ್ವಹಿಸುವುದು, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತಂಡಗಳನ್ನು ಅಭಿವೃದ್ಧಿಪಡಿಸುವುದು ಮತ್ತು ಅನುಸರಣೆಯಲ್ಲಿ ವ್ಯಾಪಕ ಪರಿಣತಿಯನ್ನು ಹೊಂದಿದ್ದಾರೆ. ಜೊತೆಗೆ, ಅವರು UK, ಹಾಂಗ್ ಕಾಂಗ್, ಕೆನಡಾ ಮತ್ತು ಜರ್ಮನಿಯಲ್ಲಿ ICICI ಬ್ಯಾಂಕಿನ ಪ್ರಾಜೆಕ್ಟ್‌ನಲ್ಲಿ ಕೆಲಸ ಮಾಡಿದ್ದಾರೆ.
ಹಣಕಾಸು ಸೇವಾ ಉದ್ಯಮದಲ್ಲಿ 20 ವರ್ಷಗಳ ಅನುಭವ ಹೊಂದಿರುವ ಹಿತೇಶ್ ಕುಮಾರ್ ಸೇಥಿಯಾ, ಅತ್ಯುತ್ತಮ ದಾಖಲೆಯನ್ನು ಹೊಂದಿದ್ದಾರೆ. ಉತ್ತರ ಅಮೇರಿಕಾ, ಯುರೋಪ್ ಮತ್ತು ಏಷ್ಯಾದ ಪ್ರಸಿದ್ಧ ನಿಗಮಗಳಿಗೆ ಕಾರ್ಯನಿರ್ವಾಹಕರಾಗಿದ್ದಾರೆ.
ಬಿಸಿನೆಸ್‌ನಲ್ಲಿ ಫೈಲ್ಯೂರ್ ಆದ ವ್ಯಕ್ತಿಗೆ ಮುಕೇಶ್ ಅಂಬಾನಿಯಿಂದ ಸಿಕ್ತು 3497 ಕೋಟಿ ರೂ. ಡೀಲ್ ಆಫರ್‌!
2022 ರಲ್ಲಿ, ಸೇಥಿಯಾ ಪ್ರಸಿದ್ಧ ಸಂಸ್ಥೆಯಾದ ಮೆಕ್‌ಲಾರೆನ್ ಸ್ಟ್ರಾಟೆಜಿಕ್ ವೆಂಚರ್ಸ್‌ನಲ್ಲಿ ಯುರೋಪಿನ ಮುಖ್ಯಸ್ಥರಾದರು. ಮೆಕ್‌ಲಾರೆನ್ ಸ್ಟ್ರಾಟೆಜಿಕ್ ಕ್ಯಾಪಿಟಲ್ ಮತ್ತು ಮೆಕ್‌ಲಾರೆನ್ ಸ್ಟ್ರಾಟೆಜಿಕ್ ಸೊಲ್ಯೂಷನ್‌ಗಳ ಪ್ರಮುಖ ಬೆಳವಣಿಗೆಯ ಯೋಜನೆಗಳ ಜೊತೆಗೆ US, ಮಧ್ಯಪ್ರಾಚ್ಯ ಮತ್ತು ಭಾರತದಂತಹ ಪ್ರಮುಖ ಪ್ರದೇಶಗಳಲ್ಲಿ ಬ್ಯಾಂಕಿಂಗ್ ಅಭ್ಯಾಸವನ್ನು ಮೇಲ್ವಿಚಾರಣೆ ಮಾಡಿದರು. ಹೆಚ್ಚುವರಿಯಾಗಿ, ಹಿತೇಶ್ ಕುಮಾರ್ ಸೇಥಿಯಾ ಅವರನ್ನು ಮೂರು ವರ್ಷಗಳ ಅವಧಿಗೆ ಆರ್‌ಎಸ್‌ಐಎಲ್‌ನ (ರಿಲಯನ್ಸ್ ಸ್ಟ್ರಾಟಜಿಕ್‌ ಇನ್ವೆಸ್ಟ್‌ಮೆಂಟ್ಸ್‌ ಲಿಮಿಟೆಡ್) ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಆಗಿ ನೇಮಕ ಮಾಡಲು ಸಂಸ್ಥೆಯು ಅಧಿಕೃತಗೊಳಿಸಿದೆ.
