2025 ರ ಮೊದಲಾರ್ಧದಲ್ಲಿ ಕರ್ನಾಟಕದಲ್ಲಿ ಬಿಯರ್ ಮಾರಾಟವು ಗಣನೀಯವಾಗಿ ಕುಸಿದಿದೆ, ಇದು ರಾಜ್ಯದ ಅಬಕಾರಿ ಆದಾಯದ ಮೇಲೆ ಪರಿಣಾಮ ಬೀರಿದೆ. ಅತಿಯಾದ ದರ ಏರಿಕೆ ಮತ್ತು ದುರ್ಬಲ ಬೇಸಿಗೆಯಿಂದಾಗಿ ಮಾರಾಟ ಕುಸಿತ ಕಂಡುಬಂದಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಬೆಂಗಳೂರು (ಜು.16): 2025 ರ ಮೊದಲ ಆರು ತಿಂಗಳಲ್ಲಿ ಕರ್ನಾಟಕದಲ್ಲಿ ಬಿಯರ್ ಮಾರಾಟವು ಭಾರಿ ಹೊಡೆತವನ್ನು ಕಂಡಿದ್ದು, ಅದರೊಂದಿಗೆ ರಾಜ್ಯ ಅಬಕಾರಿ ಆದಾಯಕ್ಕೂ ಗುನ್ನ ನೀಡಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಒಟ್ಟಾರೆ ಮಾರಾಟವು 18% ಕ್ಕಿಂತ ಹೆಚ್ಚು ಕುಸಿದಿದೆ. ದೊಡ್ಡ ಪ್ರಮಾಣದ ಆದಾಯದ ನಿರೀಕ್ಷೆಯಲ್ಲಿದ್ದ ಅಬಕಾರಿ ಇಲಾಖೆ, ಈ ಅವಧಿಯಲ್ಲಿ ಬಿಯರ್ ಮಾರಾಟದಿಂದ 0.6% ರಷ್ಟು ಮಾತ್ರವೇ ಆದಾಯ ಹೆಚ್ಚಳದ ಖುಷಿ ಕಂಡಿದೆ.
ಟೈಮ್ಸ್ ಆಫ್ ಇಂಡಿಯಾ ಮಾಡಿರುವ ವರದಿಯ ಪ್ರಕಾರ, ಅಬಕಾರಿ ಇಲಾಖೆಯ ಅಧಿಕಾರಿಗಳು ಈ ಮಾಹಿತಿ ನೀಡಿದ್ದು ಈ ವರ್ಷದ ಜನವರಿ ಮತ್ತು ಜೂನ್ ನಡುವೆ ಕೇವಲ 209.9 ಲಕ್ಷ ಕಾರ್ಟನ್ ಬಾಕ್ಸ್ಗಳು ಮಾರಾಟವಾಗಿದ್ದು, 2024 ರ ಮೊದಲಾರ್ಧದಲ್ಲಿ 257 ಲಕ್ಷ ಕಾರ್ಟನ್ಗಳಿಗೆ ಹೋಲಿಸಿದರೆ ಇದು ಕಡಿಮೆಯಾಗಿದೆ.
ಬಿಯರ್ ಮಾರಾಟ (ಲಕ್ಷಗಳಲ್ಲಿ ಕಾರ್ಟನ್ ಬಾಕ್ಸ್ ಮಾರಾಟ)
| ತಿಂಗಳು | 2025 | 2024 | ಬದಲಾವಣೆಯ % |
| ಜನವರಿ | 25.2 | 36.3 | -30.6% |
| ಫೆಬ್ರವರಿ | 35.1 | 37.1 | -5.4% |
| ಮಾರ್ಚ್ | 39.0 | 46.1 | -15.4% |
| ಏಪ್ರಿಲ್ | 41.6 | 49.7 | -16.3% |
| ಮೇ | 37.1 | 50.7 | -26.8% |
| ಜೂನ್ | 32.9 | 37.1 | -13.8% |
| ಒಟ್ಟು | 209.9 | 257 | -18.3% |
ಜನವರಿಯಲ್ಲಿ ಮಾರಾಟವು 30.6% ರಷ್ಟು ಕುಸಿದಿದ್ದು, ಅತ್ಯಂತ ಹೆಚ್ಚಿನ ಕುಸಿತ ಕಂಡ ತಿಂಗಳು ಎನಿಸಿದೆ. ಸಾಮಾನ್ಯವಾಗಿ ಬೇಸಿಗೆಯ ಕಾರಣದಿಂದಾಗಿ ಬಿಯರ್ ಬಳಕೆಯಲ್ಲಿ ಏರಿಕೆ ಕಂಡುಬರುವ ತಿಂಗಳುಗಳಾದ ಏಪ್ರಿಲ್ ಮತ್ತು ಮೇ ತಿಂಗಳುಗಳಲ್ಲಿ ಮಾರಾಟವು ಕ್ರಮವಾಗಿ 16% ಮತ್ತು 26% ಕ್ಕಿಂತ ಹೆಚ್ಚು ಕುಸಿದಿದೆ. ಫೆಬ್ರವರಿಯಲ್ಲಿ ಕನಿಷ್ಠ 5.5% ಕುಸಿತ ಕಂಡುಬಂದರೆ, ಮಾರ್ಚ್ ಮತ್ತು ಜೂನ್ನಲ್ಲಿ 15.4% ಮತ್ತು 13.8% ರಷ್ಟು ಎರಡಂಕಿಯ ಕುಸಿತ ದಾಖಲಾಗಿದೆ, ಇದು ಕುಸಿತವು ಕೇವಲ ಸೀಸನಲ್ ಅಲ್ಲ ಎಂದು ಸೂಚಿಸುತ್ತದೆ.
Related Articles
ಅತಿಯಾದ ದರ ಏರಿಕೆಯಿಂದ ಕುಸಿತ
ಹೆಚ್ಚುವರಿ ಅಬಕಾರಿ ಸುಂಕ (AED) ದಲ್ಲಿ ಪದೇ ಪದೇ ಹೆಚ್ಚಳ ಮತ್ತು ಚಿಲ್ಲರೆ ಬೆಲೆಗಳಲ್ಲಿ ಹೆಚ್ಚಳವೇ ನಿರಂತರ ಕುಸಿತಕ್ಕೆ ಕಾರಣ ಎಂದು ಉದ್ಯಮದ ಮಂದಿ ಹೇಳಿದ್ದಾರೆ. ಕಳೆದ ಎರಡು ವರ್ಷಗಳಲ್ಲಿ, ಸರ್ಕಾರವು ಬಿಯರ್ ಮತ್ತು ಕಡಿಮೆ ಬೆಲೆಯ ಭಾರತೀಯ ನಿರ್ಮಿತ ಮದ್ಯ (IML) ಮೇಲಿನ ತೆರಿಗೆಗಳು ಮತ್ತು ಪರವಾನಗಿ ಶುಲ್ಕಗಳನ್ನು ನಾಲ್ಕು ಬಾರಿ ಪರಿಷ್ಕರಿಸಿದೆ, ಇದು ತಯಾರಕರು ಮತ್ತು ಮಾರಾಟಗಾರರನ್ನು ಸಂಕಷ್ಟಕ್ಕೆ ಸಿಲುಕಿಸಿದೆ. ಚರ್ಚ್ ಸ್ಟ್ರೀಟ್ನ ಪಬ್ ಚೈನ್ ಮಾಲೀಕರೊಬ್ಬರು, ಈ ಸಂಖ್ಯೆಗಳು ನೀತಿ ಬದಲಾವಣೆಗಳ ಸಂಚಿತ ಪರಿಣಾಮವನ್ನು ಪ್ರತಿಬಿಂಬಿಸುತ್ತವೆ ಎಂದು ಹೇಳಿದರು. ನಿರಂತರವಾಗಿರುವ ಅನಿಶ್ಚಿತತೆಯಿಂದ ಮಾಲೀಕರು ನಷ್ಟಪಡುವಂತಾಗಿದೆ ಎಂದು ತಿಳಿಸಿದ್ದಾರೆ.
ಆದಾಯ (₹ ಕೋಟಿಗಳಲ್ಲಿ)
| ತಿಂಗಳು | 2025 | 2024 | ಬದಲಾವಣೆಯ % |
| ಜನವರಿ | 2,889.7 | 2,836.2 | +1.8% |
| ಫೆಬ್ರವರಿ | 2,920.8 | 2,984.7 | -2.1% |
| ಮಾರ್ಚ್ | 3,402.1 | 3,352.2 | +1.5% |
| ಏಪ್ರಿಲ್ | 2,904.1 | 2,264.2 | +28.3% |
| ಮೇ | 3,467.9 | 3,312.1 | +4.7% |
| ಜೂನ್ | 2,885.8 | 3,610.6 | -20.1% |
| ಒಟ್ಟು | 18,470.4 | 18,360.0 | +0.6% |
ಜಾಹೀರಾತಿಗೆ ಹೆಚ್ಚಿನ ಖರ್ಚು ಮಾಡಿದರೂ, ಜನರ ಸಂಖ್ಯೆ ಸುಧಾರಿಸಿಲ್ಲ. ನಾವು ಆಹಾರದ ಬೆಲೆಗಳನ್ನು ಹೆಚ್ಚಿಸಲು ಸಾಧ್ಯವಿಲ್ಲ. ಹಾಗೇನಾದರೂ ಮಾಡಿದರೆ, ಗ್ರಾಹಕರು ಬರೋದಿಲ್ಲ ಎಂದಿದ್ದಾರೆ.
ಎರಡು ದಶಕಗಳಿಂದ ಮದ್ಯದಂಗಡಿಯಲ್ಲಿ ತೊಡಗಿರುವ ಶಿವಮೊಗ್ಗದ ಮದ್ಯದಂಗಡಿ ಮಾಲೀಕರೂ ಇದೇ ಭಾವನೆಯಲ್ಲಿದ್ದಾರೆ. "ಒಂದು ಕಾಲದಲ್ಲಿ ನಾಲ್ಕು ಬಾಟಲಿಗಳನ್ನು ಖರೀದಿಸುತ್ತಿದ್ದ ಜನರು ಈಗ ಒಂದಕ್ಕೆ ತೃಪ್ತಿಪಡುತ್ತಿದ್ದಾರೆ. ನಾನು ದಿನಕ್ಕೆ ಸುಮಾರು 10 ಬಾಕ್ಸ್ ಮಾರಾಟ ಮಾಡುತ್ತಿದ್ದೆ, ಈಗ ಅದು ಏಳಕ್ಕೆ ಇಳಿದಿದೆ. ಚೇತರಿಸಿಕೊಳ್ಳಲು, ನಾವು ಆಹಾರ ಮತ್ತು ಇತರ ವಸ್ತುಗಳ ಬೆಲೆಗಳನ್ನು ಹೆಚ್ಚಿಸಬೇಕಾಯಿತು, ಆದರೆ ವ್ಯವಹಾರವು ಇನ್ನೂ ನಷ್ಟದಲ್ಲಿದೆ" ಎಂದು ಅವರು ಹೇಳಿದರು.
ಉದ್ಯಮದ ಕಳವಳಗಳಿಗೆ ಪ್ರತಿಕ್ರಿಯೆಯಾಗಿ, ಸರ್ಕಾರ ಇತ್ತೀಚೆಗೆ AED (ಹೆಚ್ಚುವರಿ ಅಬಕಾರಿ ಸುಂಕ) ರಚನೆಯನ್ನು ಬದಲಾಯಿಸಿದೆ. ಅಬಕಾರಿ ಇಲಾಖೆಯ ಆಯುಕ್ತ ವೆಂಕಟೇಶ್ ಕುಮಾರ್ ಆರ್ ಈ ಮಾಹಿತಿ ನೀಡಿದ್ದು, ಬಲ್ಕ್ ಲೀಟರ್ಗೆ 195% ಸುಂಕ ಮತ್ತು ಹೆಚ್ಚುವರಿ 130 ರೂ.ಗಳ ಹಿಂದಿನ ವ್ಯವಸ್ಥೆಯನ್ನು ಪರಿಷ್ಕರಿಸಲಾಗಿದೆ. "ಇದು ಈಗ ಎಲ್ಲಾ ವಿಭಾಗಗಳಲ್ಲಿ 200% AED ಆಗಿದೆ. 130 ರೂ. ಸ್ಲ್ಯಾಬ್ ಕಡಿಮೆ ಬೆಲೆಯ ಬಿಯರ್ನ ಬೆಲೆಗಳನ್ನು 15-20 ರೂ.ಗಳಷ್ಟು ಹೆಚ್ಚಿಸುತ್ತಿದೆ ಎಂದು ತಯಾರಕರು ನಮಗೆ ತಿಳಿಸಿದ್ದಾರೆ, ಇದು ವಾಲ್ಯುಮ್ಗಳಿಗೆ ಹಾನಿಯನ್ನುಂಟುಮಾಡುತ್ತದೆ. ಆ ಇನ್ಪುಟ್ಗಳ ಆಧಾರದ ಮೇಲೆ ಈ ಬದಲಾವಣೆಯನ್ನು ಮಾಡಲಾಗಿದೆ" ಎಂದು ಕುಮಾರ್ ಹೇಳಿದರು.
ಪರಿಷ್ಕೃತ ಸುಂಕ ರಚನೆಯು ಕೇವಲ ಒಂದು ತಿಂಗಳಿನಿಂದ ಜಾರಿಯಲ್ಲಿದೆ ಮತ್ತು ಪೂರ್ಣ ಚೇತರಿಕೆಗೆ ಸಮಯ ತೆಗೆದುಕೊಳ್ಳುತ್ತದೆ ಎಂದು ಅಧಿಕಾರಿಗಳು ಒಪ್ಪಿಕೊಳ್ಳುತ್ತಾರೆ. ಈ ವರ್ಷದ ಮಾನ್ಸೂನ್ ಆರಂಭದಲ್ಲಿ ಆರಂಭವಾದದ್ದು ದುರ್ಬಲ ಬೇಸಿಗೆ ಎಂದು ಕುಮಾರ್ ಗಮನಿಸಿದರು, ಇದು ಬಿಯರ್ ಬೇಡಿಕೆಯನ್ನು ಕಡಿಮೆ ಮಾಡಲು ಮತ್ತೊಂದು ಅಂಶವಾಗಿದೆ. "ಏಪ್ರಿಲ್ ನಿಂದ ಜುಲೈ ಸಾಮಾನ್ಯವಾಗಿ ಗರಿಷ್ಠ ಋತುವಾಗಿರುತ್ತದೆ, ವಿಶೇಷವಾಗಿ ಬೆಂಗಳೂರಿನಲ್ಲಿ, ಆದರೆ ಅದು ಕಾರ್ಯರೂಪಕ್ಕೆ ಬರಲಿಲ್ಲ. ರಾಜ್ಯಾದ್ಯಂತ ಮಾರಾಟ ಕಡಿಮೆಯಾಗಿದೆ" ಎಂದು ಅವರು ಹೇಳಿದರು.
