ಚಿನ್ನದ ಬೆಲೆ ಒಂದೇ ದಿನ 930 ರು.ಏರಿಕೆ| ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಪ್ರಭಾವ
ನವದೆಹಲಿ[ಜು.12]: ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಪ್ರಭಾವದ ಪರಿಣಾಮ ಚಿನ್ನದ ದರ ಗುರುವಾರ ಬರೋಬ್ಬರಿ 930 ರು. ಏರಿಕೆಯಾಗಿದೆ.
Add Asianetnews Kannada as a Preferred Source
ದೆಹಲಿಯಲ್ಲಿ 10 ಗ್ರಾಂ ಚಿನ್ನದ ದರ 35800 ರು. ಆಗಿದೆ. ಮುಂಬೈನಲ್ಲಿ ಆಭರಣ ಚಿನ್ನ 34,629 ರು. ಹಾಗೂ ಶುದ್ಧ ಚಿನ್ನದ ದರ 38000 ರು. ಆಗಿದೆ. ಬೆಂಗಳೂರಿನಲ್ಲಿ ಇಂದಿನ[ಜು.12] 22 ಕ್ಯಾರೆಟ್, 10 ಗ್ರಾಂ ಚಿನ್ನದ ದರ 32,600 ರು. ಆಗಿದೆ.
ಇದೇ ವೇಳೆ ಬೆಳ್ಳಿಯ ದರ ಕೂಡ ಪ್ರತಿ ಕೆ.ಜಿ.ಗೆ 300 ರು. ಏರಿಕೆಯಾಗಿದ್ದು, 39,200 ರು. ತಲುಪಿದೆ.
ಅಮೆರಿಕದ ಕೇಂದ್ರೀಯ ಬ್ಯಾಂಕ್ನ ಮುಖ್ಯಸ್ಥ ಜೆರೊಮ್ ಪೊವೆಲ್ ಬಡ್ಡಿದರವನ್ನು ಇಳಿಕೆ ಮಾಡುವ ಬಗ್ಗೆ ಸುಳಿವು ನೀಡಿದ್ದು, ಚೀನಾ ಮತ್ತು ಅಮೆರಿಕ ನಡುವಿನ ವಾಣಿಜ್ಯ ಬಿಕ್ಕಟ್ಟು ಮುಂದುವರೆದಿದ್ದು, ಜಾಗತಿಕ ಆರ್ಥಿಕ ಪರಿಸ್ಥಿತಿಯ ಕುರಿತ ನಕಾರಾತ್ಮಕ ವರದಿಗಳು ಕೂಡಾ ಚಿನ್ನದ ಬೆಲೆ ಏರಿಕೆಗೆ ಕಾರಣವಾಗಿದೆ.
