ಭಾರತದ ಆರ್ಥಿಕತೆ V ಶೇಪ್ ಪ್ರಗತಿ; ಆರ್ಥಿಕ ಸಮೀಕ್ಷೆ ಹೆಚ್ಚಿಸಿದ ನಿರೀಕ್ಷೆ!
ಕೊರೋನಾ ವೈರಸ್ ಹೊಡೆತ ಸೇರಿದಂತೆ ಹಲವು ಅಡೆತಡೆಗಳನ್ನು ಎದುರಿಸಿದ ಪ್ರಸಕ್ತ ಆರ್ಥಿಕ ವರ್ಷ ನಿರೀಕ್ಷೆಯಂತೆ ಪಾತಾಳಕ್ಕೆ ಕುಸಿದಿದೆ. ಆದರೆ ಮುಂದಿನ ವರ್ಷದ ಆರ್ಥಿಕತೆ ಕುರಿತ ಸಮೀಕ್ಷಾ ವರದಿ ಭಾರತೀಯರ ನಿರೀಕ್ಷೆ ಹೆಚ್ಚಿಸಿದೆ.
 )
Followನವದೆಹಲಿ(ಜ.29): ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮಂಡಿಸಿದ ಆರ್ಥಿಕ ಸಮೀಕ್ಷೆ ಭಾರಿ ಚರ್ಚೆಗೆ ಒಳಗಾಗಿದೆ. ಪ್ರಸಕ್ತ ವರ್ಷದ ಆರ್ಥಿಕತೆ ಹಾಗೂ ಮುಂದಿನ ವರ್ಷದ ಸ್ಥಿತಿಗತಿಗಳ ಕುರಿತ ಬೆಳಕು ಚೆಲ್ಲಿರುವ ಈ ಸಮೀಕ್ಷೆ ಕೆಲ ಆಶಾಭಾವನೆಯನ್ನೂ ಮೂಡಿಸಿದೆ.
ಆಟಿಕೆ ವಲಯಕ್ಕೆ ಬಜೆಟ್‌ನಲ್ಲಿ ವಿಶೇಷ ನೀತಿ: ಚೀನಾ ಆಟಿಕೆಗೆ ಸಡ್ಡು!.
ಕೊರೋನಾ ವೈರಸ್ ಕಾರಣ ಪ್ರಸಕ್ತ ವರ್ಷದ ಆರ್ಥಿಕತೆ ಶೇಕಡಾ 7.7ಕ್ಕೆ ಕುಸಿಯಲಿದೆ ಎಂದು ಸಮೀಕ್ಷೆ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ. 2021ರ ಮಾರ್ಚ್ ತಿಂಗಳಿಗೆ ಪ್ರಸಕ್ತ ಆರ್ಥಿಕ ವರ್ಷ ಅಂತ್ಯಗೊಳ್ಳಲಿದೆ. ಆದರೆ ಎಪ್ರಿಲ್‌ನಿಂದ ಆರಂಭಗೊಳ್ಳಲಿರುವ 2021-22ರ ಆರ್ಥಿಕತೆ ವಿ ಶೇಪ್‌ನಲ್ಲಿ ಪ್ರಗತಿಯಾಗಲಿದೆ ಎಂದಿದೆ.
ಜನರ ಜೇಬಿಗೆ ಹೆಚ್ಚಿನ ಹಣ, ತೆರಿಗೆ ಕಡಿತ; ಕೇಂದ್ರ ಬಜೆಟ್ 2021 ಕುರಿತು ತಜ್ಞರು ಹೇಳುವುದೇನು?
2021-22ರ ಆರ್ಥಿಕತೆ ಶೇಕಡಾ 11ರಷ್ಟು ಬೆಳವಣಿಗೆ ಕಾಣುವ ಸಾಧ್ಯತೆಯನ್ನು ಸಮೀಕ್ಷಾ ವರದಿ ಹೇಳಿದೆ. ಕೇಂದ್ರದ ಬಜೆಟ್ ಮಂಡನೆಗೂ ಮೊದಲು ಮಂಡಿಸಿರುವ ಈ ಬಜೆಟ್ ಹಲವು ನಿರೀಕ್ಷೆಗಳನ್ನು ಹುಟ್ಟು ಹಾಕಿದೆ. ಪ್ರಮುಖವಾಗಿ ಪ್ರಸಕ್ತ ಆರ್ಥಿಕ ವರ್ಷದ ಜಿಡಿಪಿ 7.5ಕ್ಕೆ ತಲುಪುವ ಸಾಧ್ಯತೆಯನ್ನು ವರದಿ ಹೇಳಿದೆ.
ಆದರೆ 2020ರ ಜೂನ್ ವೇಳೆ ಭಾರತದ ಜಿಡಿಪಿ ದಾಖಲೆ ಪ್ರಮಾಣದಲ್ಲಿ ಕುಸಿತ ಕಂಡಿತ್ತು. ಬರೋಬ್ಬರಿ 23.9% ರಷ್ಟು ಕುಸಿತ ಕಂಡಿತ್ತು. ಆದರೆ 2021-22ನೇ ಆರ್ಥಿಕ ವರ್ಷ ಭಾರತವನ್ನು ಪ್ರಗತಿಯತ್ತ ಕೊಂಡೊಯ್ಯಲಿದೆ ಅನ್ನೋದು ವರದಿ ಹೇಳುತ್ತಿದೆ.
