ನವದೆಹಲಿ(ಆ.28): ಬಹುನಿರೀಕ್ಷಿತ ರೆನಾಲ್ಟ್ ಟ್ರೈಬರ್ MPV ಕಾರು ಬಿಡುಗಡೆಯಾಗಿದೆ. ದಾಟ್ಸನ್ ಗೋ +, ಮಹೀಂದ್ರ TUV300 ಸೇರಿದಂತೆ ಸಬ್ 4 ಮೀಟರ್ MPV ಕಾರುಗಳಿಗೆ ಪ್ರತಿಸ್ಪರ್ಧಿಯಾಗಿ ರೆನಾಲ್ಟ್ ಟ್ರೈಬರ್ ಕಾರು ಬಿಡುಗಡೆಯಾಗಿದೆ. ಈ ವಿಭಾಗದ ಇತರ ಕಾರುಗಳಿಗೆ ಹೋಲಿಸಿದರೆ ಬೆಲೆಯೂ ಕಡಿಮೆಯಾಗಿದೆ. ರೆನಾಲ್ಟ್ ಕ್ವಿಡ್ ಮಾದರಿಯಲ್ಲೇ ಕಡಿಮೆ ಬೆಲೆ ಹಾಗೂ ಹೆಚ್ಚಿನ ಫೀಚರ್ಸ್‍‌ನೊಂದಿಗೆ ಟ್ರೈಬರ್ ಮಾರುಕಟ್ಟೆ ಪ್ರವೇಶಿಸಿದೆ. 

ಇದನ್ನೂ ಓದಿ: ಟ್ರೈಬರ್ to ಬಜಾರ್ಡ್; ಬಿಡುಗಡೆಯಾಗಲಿರುವ 7 ಸೀಟರ್ ಕಾರು!

ಈ ಕಾರಿನ ಬೆಲೆ 4.95  ಲಕ್ಷ ರೂಪಾಯಿಂದ ಆರಂಭವಾಗುತ್ತಿದ್ದು, ಟಾಪ್ ಮಾಡೆಲ್ ಬೆಲೆ 6.49 ಲಕ್ಷ ರೂಪಾಯಿ(ಎಕ್ಸ್ ಶೋ ರೂಂ). ನೂತನ ರೆನಾಲ್ಟ್ ಟ್ರೈಬರ್ ಕಾರಿನಲ್ಲಿ 4 ವೇರಿಯೆಂಟ್ ಲಭ್ಯವಿದೆ.   RXE, RXL, RXT ಹಾಗೂ RXZ. 7 ಸೀಟರ್ ಸಾಮರ್ಥ್ಯ ಹೊಂದಿರುವ ನೂತನ ಕಾರು ಭಾರತದ ಕಾರು ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲು ರೆಡಿಯಾಗಿದೆ.

ಇದನ್ನೂ ಓದಿ: ರೆನಾಲ್ಟ್‌ನಿಂದ 7 ಸೀಟರ್‌ ಫ್ಯಾಮಿಲಿ ಕಾರ್‌

ರೆನಾಲ್ಟ್ ಟ್ರೈಬರ್ ಕಾರಿನ ಬೆಲೆ(ಎಕ್ಸ್ ಶೋ ರೂಂ)

RXE 4.95 ಲಕ್ಷ ರೂಪಾಯಿ
RXL 5.49 ಲಕ್ಷ ರೂಪಾಯಿ
RXT 5.99 ಲಕ್ಷ ರೂಪಾಯಿ
RXZ 6.49 ಲಕ್ಷ ರೂಪಾಯಿ

ಟ್ರೈಬರ್ ಕಾರು ಕ್ವಿಡ್ ರೀತಿಯಲ್ಲೇ 1.0-ಲೀಟರ್, 3-ಸಿಲಿಂಡರ್ ಎಂಜಿನ್ ಹೊಂದಿದ್ದು,  71 bhp ಪವರ್ ಹಾಗೂ 96 Nm ಪೀಕ್ ಟಾರ್ಕ್ ಉತ್ಪಾದಿಸಲಿದೆ.  5 ಸ್ಪೀಡ್ ಮ್ಯಾನ್ಯುಯೆಲ್ ಟ್ರಾನ್ಸ್‌ಮಿಶನ್ ಹೊಂದಿದೆ. 8 ಇಂಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಪುಶ್ ಬಟನ್ ಸ್ಟಾರ್ಟ್, USB ಚಾರ್ಜಿಂಗ್ ಪಾಯಿಂಟ್, ರಿವರ್ಸ್ ಕ್ಯಾಮರ ಸೇರಿದಂತೆ ಹಲವು ಫೀಚರ್ಸ್ ಈ ಕಾರಿನಲ್ಲಿದೆ.