Flex Fuel Engines: ದೇಶವನ್ನು ಪೆಟ್ರೋಲ್, ಡೀಸೆಲ್ ಬಳಕೆಯಿಂದ ಮುಕ್ತ ಮಾಡಲು ಗಡ್ಕರಿ ಹೊಸ ಪ್ಲ್ಯಾನ್!
ಎಥೆನಾಲ್ ನಿಂದ ಎಲ್ಲಾ ರೀತಿಯ ವಾಹನಗಳನ್ನು ಓಡಿಸಬಹುದು ಎಂದು ನಿತಿನ್ ಗಡ್ಕರಿ ಹೇಳಿದ್ದಾರೆ. ಆಟೋ ರಿಕ್ಷಾಗಳಿಂದ ಹಿಡಿದು ಹೈಟೆಕ್ ಮತ್ತು ಐಷಾರಾಮಿ ಕಾರುಗಳವರೆಗೆ ಎಥೆನಾಲ್‌ನಿಂದ ಓಡಿಸಬಹುದು. ಇದರಿಂದ ಪೆಟ್ರೋಲ್ ಬಳಕೆ ಕಡಿಮೆಯಾಗುತ್ತದೆ, ಈ ಇಂಧನ ಅಗ್ಗವಾಗಲಿದೆ, ರೈತರಿಗೆ ಅನುಕೂಲವಾಗಲಿದೆ.
 )
FollowAuto Desk: ಶೀಘ್ರದಲ್ಲೇ ದೇಶದ ಎಲ್ಲಾ ವಾಹನಗಳು ಎಥೆನಾಲ್‌ನಿಂದ (Ethanol) ಓಡಲು ಸಾಧ್ಯವಾಗುತ್ತದೆ. ಇದಕ್ಕಾಗಿ ಶೀಘ್ರದಲ್ಲೇ ಎಥೆನಾಲ್ ಪಂಪ್‌ಗಳನ್ನು ಅಳವಡಿಸಲಾಗುವುದು ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ (Nitin Gadkari) ಹೇಳಿದ್ದಾರೆ. ಪೆಟ್ರೋಲ್ ಗಿಂತ ಜೈವಿಕ ಎಥೆನಾಲ್ ಅಗ್ಗವಾಗಿದೆ ಎಂದು ಗಡ್ಕರಿ ಹೇಳಿದ್ದಾರೆ. ಪೆಟ್ರೋಲ್‌ನಿಂದ ವಾಯು ಮಾಲಿನ್ಯವೂ ಹೆಚ್ಚು, ಹಾಗಾಗಿ ಎಥೆನಾಲ್ ಬಳಕೆಯಿಂದ ನಗರಗಳ ಮಾಲಿನ್ಯ ನಿಯಂತ್ರಣವಾಗಲಿದೆ. ಇದನ್ನು ಬಳಸುವುದರಿಂದ ಉಳಿತಾಯವೂ ಆಗುತ್ತದೆ ಎಂದು ಹೇಳಿದ್ದಾರೆ.
ಎಲ್ಲಾ ರೀತಿಯ ವಾಹನಗಳನ್ನು ಓಡಿಸಬಹುದು
ಈ ಬಗ್ಗೆ ಮಾಹಿತಿ ನೀಡಿದ ನಿತಿನ್ ಗಡ್ಕರಿ, ಎಥೆನಾಲ್ ನಿಂದ ಎಲ್ಲಾ ರೀತಿಯ ವಾಹನಗಳನ್ನು ಓಡಿಸಬಹುದು. ಆಟೋ ರಿಕ್ಷಾಗಳಿಂದ ಹಿಡಿದು ಹೈಟೆಕ್ ಮತ್ತು ಐಷಾರಾಮಿ ಕಾರುಗಳವರೆಗೆ ಎಥೆನಾಲ್‌ನಿಂದ ಓಡಿಸಬಹುದು. ಎಥೆನಾಲ್ ಉತ್ಪಾದನೆ ಹೆಚ್ಚಿಸುವ ಅಗತ್ಯವನ್ನು ಕೇಂದ್ರ ಸಚಿವರು ಹೇಳಿದ್ದಾರೆ. ಇಂಧನ ಪೂರೈಕೆ ಹೆಚ್ಚಿಸುವ ಜತೆಗೆ ರೈತರ ಲಾಭ ಹೆಚ್ಚಿಸುವ ನಿಟ್ಟಿನಲ್ಲಿ ಈಗ ಸಾಂಪ್ರದಾಯಿಕ ಪದ್ಧತಿಗಳನ್ನು ಬಿಟ್ಟು ಎಥೆನಾಲ್ ಉತ್ಪಾದನೆಯತ್ತ ಒಲವು ತೋರಬೇಕಿದೆ ಎಂದರು.
ವಾಹನಗಳು 100% ಎಥೆನಾಲ್‌ನಲ್ಲಿ ಚಲಿಸುತ್ತವೆ
ಇದಕ್ಕೂ ಮುನ್ನ ಡಿಸೆಂಬರ್ 23 ರಂದು ಮೀರತ್‌ನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಅವರು ದ್ವಿಚಕ್ರ ವಾಹನಗಳು ಮತ್ತು ನಾಲ್ಕು ಚಕ್ರಗಳು ಶೀಘ್ರದಲ್ಲೇ 100% ಎಥೆನಾಲ್‌ನಿಂದ ಚಲಿಸುತ್ತವೆ, ಇದು ರೈತರ ಆದಾಯವನ್ನು ಹೆಚ್ಚಿಸುತ್ತದೆ, ಮಾಲಿನ್ಯವನ್ನು ಕಡಿಮೆ ಮಾಡುತ್ತದೆ ಮತ್ತು ಪೆಟ್ರೋಲ್ ಮೇಲಿನ ಅವಲಂಬನೆಯನ್ನು ಸಹ ಕಡಿಮೆ ಮಾಡುತ್ತದೆ ಎಂದು ಹೇಳಿದ್ದರು. ಸಹ ಕಡಿಮೆಯಾಗುತ್ತದೆ. ಮಾಜಿ ಪ್ರಧಾನಿ ಚೌಧರಿ ಚರಣ್ ಸಿಂಗ್ ಅವರ ಜನ್ಮದಿನದಂದು ಅವರನ್ನು ನೆನಪಿಸಿಕೊಂಡ ಗಡ್ಕರಿ, 'ಚೌಧರಿ ಚರಣ್ ಸಿಂಗ್ ಅವರು ರೈತರು ಮತ್ತು ಕಾರ್ಮಿಕರ ಜೀವನ ಮಟ್ಟವನ್ನು ಹೆಚ್ಚಿಸಲು ತಮ್ಮ ಜೀವನದುದ್ದಕ್ಕೂ ಹೋರಾಡಿದರು.
ರೈತ ಅನ್ನ ಕೊಡುವವನಲ್ಲ ಆದರೆ ಶಕ್ತಿ ಕೊಡುವವನು!
ನಮ್ಮ ಸರ್ಕಾರ ರೈತ ಅನ್ನದಾತನಲ್ಲ, ಶಕ್ತಿದಾತ ಎಂದು ನಿರ್ಧರಿಸಿರುವುದು ನನಗೆ ಸಂತಸ ತಂದಿದೆ ಎಂದು ಗಡ್ಕರಿ ಹೇಳಿದರು. ಈಗ ದ್ವಿಚಕ್ರ ವಾಹನಗಳು ಮತ್ತು ನಾಲ್ಕು ಚಕ್ರದ ವಾಹನಗಳು 100% ಎಥೆನಾಲ್ ಜೊತೆಗೆ ರೈತರು ತಯಾರಿಸಿದ 100% ಪೆಟ್ರೋಲ್ ಅನ್ನು ಬಳಸುತ್ತವೆ. ಇದರಿಂದ ರೈತರ ಆದಾಯ ಹೆಚ್ಚುತ್ತದೆ, ಮಾಲಿನ್ಯ ಕಡಿಮೆಯಾಗುತ್ತದೆ ಮತ್ತು ಪೆಟ್ರೋಲ್ ಮೇಲಿನ ಅವಲಂಬನೆ ಕಡಿಮೆಯಾಗುತ್ತದೆ. ಇದಕ್ಕೆ ತಮ್ಮ ಸಮ್ಮತಿಗೂ ಸಹಿ ಹಾಕಿದ್ದು, ಎರಡು-ಮೂರು ದಿನಗಳಲ್ಲಿ ಸಮಾಲೋಚನೆ ನಡೆಸಲಾಗುವುದು ಎಂದು ಗಡ್ಕರಿ ತಿಳಿಸಿದ್ದಾರೆ.
ಏನಿದು ಫ್ಲೆಕ್ಸ್‌ ಎಂಜಿನ್‌?
ಪರ್ಯಾಯ ಇಂಧನ ಬಳಸಿ ಓಡುವ ಫ್ಲೆಕ್ಸ್‌- ಫ್ಯೂಯೆಲ್‌ ವೆಹಿಕಲ್‌ (FFV)ಗಳಲ್ಲಿರುವ ಎಂಜಿನ್‌ಗಳನ್ನು ಫ್ಲೆಕ್ಸ್‌-ಎಂಜಿನ್‌ ಎನ್ನುತ್ತಾರೆ. ಪಾಶ್ಚಾತ್ಯ ದೇಶಗಳಲ್ಲಿ ಈಗಾಗಲೇ ಈ ಎಂಜಿನ್‌ಗಳು ಬಳಕೆಯಲ್ಲಿವೆ. ಒಂದಕ್ಕಿಂತ ಹೆಚ್ಚು ಇಂಧನ ಮಿಶ್ರಣ ಮಾಡಿ ಈ ಎಂಜಿನ್‌ಗೆ ಬಳಸಲಾಗುತ್ತದೆ. ಸಾಮಾನ್ಯವಾಗಿ ಪೆಟ್ರೋಲ್ ಮತ್ತು ಎಥೆನಾಲ್ ಅಥವಾ ಮೆಥೆನಾಲ್‌ ಮಿಶ್ರಣ ಮಾಡಿ ಬಳಸಲಾಗುತ್ತದೆ. ವಾಹನದ ಇಂಧನ ಟ್ಯಾಂಕ್‌ನಲ್ಲಿ ಎರಡೂ ಇಂಧನವನ್ನು ಮಿಶ್ರಣ ಮಾಡಿ ತುಂಬಲಾಗುತ್ತದೆ. ಪ್ರತ್ಯೇಕ ಟ್ಯಾಂಕ್‌ ಇರುವುದಿಲ್ಲ. ಫ್ಲೆಕ್ಸ್‌- ಪೂಯಲ್‌ ವಾಹನಗಳು ಬೈ-ಫ್ಯುಯೆಲ್‌ ವಾಹನಕ್ಕಿಂತ ಭಿನ್ನ. ಬೈ-ಫ್ಯುಯೆಲ್‌ ವಾಹನದಲ್ಲಿ ಎರಡು ಇಂಧನಗಳನ್ನು ಪ್ರತ್ಯೇಕ ಟ್ಯಾಂಕ್‌ನಲ್ಲಿ ತುಂಬಲಾಗುತ್ತದೆ.
ಪೆಟ್ರೋಲ್‌ಗಿಂತ ಸೋವಿ
ಫ್ಲೆಕ್ಸ್‌-ಎಂಜಿನ್‌ಗಳು ಪೆಟ್ರೋಲ್ ಹಾಗೂ ಎಥೆನಾಲ್ ಬಳಸಿ ಕೆಲಸ ಮಾಡುವ ಎಂಜಿನ್‌ಗಳಾಗಿವೆ. ಪಾಶ್ಚಾತ್ಯ ದೇಶಗಳಲ್ಲಿರುವ ಫ್ಲೆಕ್ಸ್‌-ಎಂಜಿನ್‌ಗಳಿಗೆ ಶೇ.85ರಷ್ಟುಎಥೆನಾಲ್‌ ಹಾಗೂ ಶೇ.15ರಷ್ಟುಪೆಟ್ರೋಲ್‌ ಮಿಶ್ರಣ ಮಾಡಿ ಬಳಸಲಾಗುತ್ತದೆ. ಭಾರತದಲ್ಲಿ ಪೆಟ್ರೋಲ್ ಬೆಲೆ 105 ರು. ಹಾಗೂ ಎಥೆನಾಲ್ ಬೆಲೆ 65 ರು. ಇರುವುದರಿಂದ ಫ್ಲೆಕ್ಸ್‌ ಇಂಧನದ ಕಾರು ಬಂದರೆ ಜನರಿಗೆ ಬಹಳ ಉಳಿತಾಯವಾಗುತ್ತದೆ.
ಇದನ್ನೂ ಓದಿ:
1) Dual Mode Vehicle: ರಸ್ತೆ ಮತ್ತು ರೈಲು ಹಳಿಗಳೆರಡರ ಮೇಲೂ ಓಡಲಿದೆ ಜಪಾನ್‌ನ ಮಿನಿ ಬಸ್!
2) Electric Vehicle Converter ಹಳೇ ವಾಹನ ಆತಂಕ ಬೇಡ, ಎಲೆಕ್ಟ್ರಿಕ್ ವಾಹನವಾಗಿ ಪರಿವರ್ತಿಸಲು ಇದೆ ಮಾನ್ಯತೆ ಪಡೆದ ಘಟಕ!
3) Electric 2 wheeler 120 ಕಿ.ಮೀ ಮೈಲೇಜ್, ಇವಿಟ್ರಿಕ್ ಮೋಟಾರ್ಸ್‌ನಿಂದ ಎಲೆಕ್ಟ್ರಿಕ್ ಬೈಕ್ ಹಾಗೂ ಸ್ಕೂಟರ್ ಅನಾವರಣ!
