ಸಾಹೋ ಚಿತ್ರಕ್ಕಾಗಿ 10 ಲಕ್ಷ ರೂ. ಬೈಕ್ ಬಳಸಿದ ಬಾಹುಬಲಿ ಪ್ರಭಾಸ್!
ಬಾಹುಬಲಿ ಪ್ರಭಾಸ್ ಮುಂದಿನ ಚಿತ್ರ ಸಾಹೋ ಬಿಡುಗಡೆಗೆ ಸಜ್ಜಾಗಿದೆ. ಚಿತ್ರದ ಶೂಟಿಂಗ್ ಹಾಗೂ ಪೋಸ್ಟ್ ಪ್ರೊಡಕ್ಷನ್ ಬಹುತೇಕ ಪೂರ್ಣಗೊಂಡಿದೆ. ಚಿತ್ರದ ಶೂಟಿಂಗ್‌ಗಾಗಿ ನಟ ಪ್ರಭಾಸ್ ದುಬಾರಿ ಬೈಕ್ ಬಳಸಿದ್ದಾರೆ. ಪ್ರಭಾಸ್ ಬೈಕ್ ವಿಶೇಷತೆ ಏನು? ಇಲ್ಲಿದೆ ವಿವರ.
 )
Followಹೈದರಾಬಾದ್(ಏ.05): ಬಾಹುಬಲಿ ಖ್ಯಾತಿಯ ಟಾಲಿವುಡ್ ನಟ ಪ್ರಭಾಸ್ ಇದೀಗ ಬಹುನಿರೀಕ್ಷಿತ ಸಾಹೋ ಚಿತ್ರದಲ್ಲಿ ಬ್ಯೂಸಿಯಾಗಿದ್ದಾರೆ. ಬಿಗ್ ಬಜೆಟ್‌ನಲ್ಲಿ ತಯಾರಾಗುತ್ತಿರುವ ಸಾಹೋ ಚಿತ್ರ ಇದೀಗ ಭಾರಿ ಸದ್ದು ಮಾಡುತ್ತಿದೆ. ಸ್ಟಂಟ್, ಆ್ಯಕ್ಷನ್ ಸೀಕ್ವೆನ್ಸ್ ಹೆಚ್ಚಾಗಿರುವ ಈ ಚಿತ್ರ ಭಾರತದಲ್ಲಿ ಹೊಸ ದಾಖಲೆ ನಿರ್ಮಿಸಲಿದೆ ಅನ್ನೋ ಮಾತುಗಳು ಕೇಳಿಬರುತ್ತಿದೆ.
ಇದನ್ನೂ ಓದಿ: ಬೈಕ್ ಸೀಟ್ ಕೆಳಗಡೆ ಹೆಬ್ಬಾವು ಪ್ರತ್ಯಕ್ಷ - ಮುಂದೇನಾಯ್ತು? ವೀಡಿಯೋ ವೈರಲ್!
ಸಾಹೋ ಚಿತ್ರಕ್ಕಾಗಿ ಪ್ರಭಾಸ್ ದುಬಾರಿ ಬೈಕ್ ಬಳಸುತ್ತಿದ್ದಾರೆ. ಇದರ ಬೆಲೆ ಬರೋಬ್ಬರಿ 10.55 ಲಕ್ಷ ರೂಪಾಯಿ(ಎಕ್ಸ್ ಶೋ ರೂಂ). ಈ ಬೈಕ್ ಖರೀದಿಸಿದ ಬಳಿಕ ಚಿತ್ರಕ್ಕಾಗಿ ಮಾಡಿಫಿಕೇಶನ್ ಮಾಡಲಾಗಿದೆ. ಹೀಗಾಗಿ ಈ ಬೈಕ್ ಬೆಲೆ ಸರಿಸುಮಾರು 13 ಲಕ್ಷ ರೂಪಾಯಿ ದಾಟಿದೆ. ಕೆಲ ಸ್ಟಂಟ್ ದೃಶ್ಯ ಹಾಗೂ ಹೀರೋಯಿಸಂ ಸೀನ್‌ಗಳಲ್ಲಿ ಪ್ರಭಾಸ್ ಈ ಬೈಕ್ ಬಳಿಸಿದ್ದಾರೆ.
ಸಾಹೋ ಚಿತ್ರದಲ್ಲಿ ಪ್ರಭಾಸ್ ಬಳಿಸಿರುವ ದುಬಾರಿ ಬೈಕ್ ಟ್ರಯಂಫ್ ಸ್ಟ್ರೀಟ್ ಟ್ರಿಪಲ್ RS. ಈ ಬೈಕ್ 765 cc, 2 ಸಿಲಿಂಡರ್ ಎಂಜಿನ್ ಹೊಂದಿದ್ದು, 121 bhp(@11,700 rpm) ಹಾಗೂ 77 Nm(@10,800 rpm) ಪೀಕ್ ಟಾರ್ಕ್ ಉತ್ಪಾದಿಸಬಲ್ಲ ಸಾಮರ್ಥ್ಯ ಹೊಂದಿದೆ. ಈ ಪವರ್‌ಫುಲ್ ಬೈಕ್‌ನಲ್ಲಿ ಪ್ರಭಾಸ್ ಸ್ಟಂಟ್ ಕೂಡ ಮಾಡಿದ್ದಾರೆ.
ಇದನ್ನೂ ಓದಿ: ರಾಯಲ್ ಎನ್‌ಫೀಲ್ಡ್ ಬುಲೆಟ್ 350 ABS ಬೈಕ್ ಬೆಲೆ ಬಹಿರಂಗ!
ಚಿತ್ರಕ್ಕಾಗಿ ಸ್ವತಃ ಪ್ರಭಾಸ್ ಈ ಬೈಕ್ ಖರೀದಿಸಿದ್ದಾರೆ ಅನ್ನೋ ಮಾತುಗಳು ಕೇಳಿಬಂದಿದೆ. ಬಾಹುಬಲಿ ಬಳಿಕ ಪ್ರಭಾಸ್ ನಟಿಸುತ್ತಿರುವ ಸಾಹೋ ಚಿತ್ರ ಹಲವು ಕಾರಣಗಳಿಂದ ಭಾರಿ ಸದ್ದಿಯಾಗಿದೆ. ಇಷ್ಟೇ ಸಿನಿ ಪ್ರಿಯರ ಕಾತರ ಕೂಡ ಹೆಚ್ಚಾಗಿದೆ. 300 ಕೋಟಿ ರೂಪಾಯಿ ವೆಚ್ಚದಲ್ಲಿ ತಯಾರಾಗುತ್ತಿರುವ ಈ ಚಿತ್ರ ಆಗಸ್ಟ್ 15ಕ್ಕೆ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಹೇಳಿದೆ.
