ಅಂಬಾನಿ, ಅದಾನಿ ಸಂಪತ್ತು ವರ್ಷದಿಂದ ವರ್ಷ ಹೆಚ್ಚಳ; ಬಿಲಿಯನೇರ್ ಉದ್ಯಮಿಗಳ ರಾಶಿ ಯಾವುದು?
ಮುಕೇಶ್ ಅಂಬಾನಿ ಸೇರಿದಂತೆ ಹಲವು ಉದ್ಯಮಿಗಳ ಸಂಪತ್ತು ವರ್ಷದಿಂದ ವರ್ಷಕ್ಕೆ ಹೆಚ್ಚಳವಾಗುತ್ತಲೇ ಇದೆ. ಉದ್ಯಮಿಗಳ ವಿಷಯಕ್ಕೆ ಬಂದಾಗ ಇವರಿಗೆ ಇಷ್ಟೆಲ್ಲಾ ಅದೃಷ್ಟ ಎಲ್ಲಿಂದ ಬಂತು? ಇವರ ರಾಶಿ ಚಕ್ರ ಯಾವುದೆಂಬ ಕುತೂಹಲ ಮೂಡುವುದು ಖಂಡಿತ. ಆ ಬಗ್ಗೆ ಇಲ್ಲಿದೆ ಮಾಹಿತಿ.
ಭಾರತ ಅಭಿವೃದ್ಧಿಯಲ್ಲಿ ಬಹಳ ವೇಗವಾಗಿ ಮುನ್ನಡೆಯುತ್ತಿದೆ. ದೇಶದಲ್ಲಿ ಬಿಲಿಯನೇರ್‌ಗಳ ಸಂಖ್ಯೆಯೂ ಹೆಚ್ಚುತ್ತಿದೆ. ಇತ್ತೀಚಿಗೆ ಫೋರ್ಬ್ಸ್ ಭಾರತದ ಅತೀ ಶ್ರೀಮಂತರ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ರಿಲಯನ್ಸ್ ಸಮೂಹ ಸಂಸ್ಥೆಗಳ ಮುಕೇಶ್ ಅಂಬಾನಿ, ಗೌತಮ್ ಅದಾನಿ, ಶಿವ ನಾಡಾರ್‌ ಮೊದಲಾದವರಿದ್ದಾರೆ. ಅಂಬಾನಿ, ಅದಾನಿ ಕೋಟಿ ಕೋಟಿ ವ್ಯವಹಾರದ ಉದ್ಯಮವನ್ನು ಮುನ್ನಡೆಸುತ್ತಿದ್ದಾರೆ. ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಮುಖ್ಯಸ್ಥ ಮುಕೇಶ್ ಅಂಬಾನಿ ಸೇರಿದಂತೆ ಹಲವು ಉದ್ಯಮಿಗಳ ಸಂಪತ್ತು ವರ್ಷದಿಂದ ವರ್ಷಕ್ಕೆ ಹೆಚ್ಚಳವಾಗುತ್ತಲೇ ಇದೆ. ಉದ್ಯಮಿಗಳ ವಿಷಯಕ್ಕೆ ಬಂದಾಗ ಇವರಿಗೆ ಇಷ್ಟೆಲ್ಲಾ ಅದೃಷ್ಟ ಎಲ್ಲಿಂದ ಬಂತು? ಇವರ ರಾಶಿ ಚಕ್ರ ಯಾವುದೆಂಬ ಕುತೂಹಲ ಮೂಡುವುದು ಖಂಡಿತ.
ಇತ್ತೀಚಿನ ವೆಲ್ತ್ ಹುರುನ್ ಇಂಡಿಯಾ, ಶ್ರೀಮಂತರು (Rich people) ತಮ್ಮ ನಕ್ಷತ್ರ ಚಿಹ್ನೆಗಳ ಪ್ರಕಾರ ಸಂಪತ್ತನ್ನು ಹೇಗೆ ಗಳಿಸಿದರು ಎಂಬುದರ ಬಗ್ಗೆ ಮಾಹಿತಿ ನೀಡಿದೆ. ವೆಲ್ತ್ ಹುರುನ್ ಇಂಡಿಯಾ ಶ್ರೀಮಂತ ಪಟ್ಟಿಯ ಪ್ರಕಾರ, ಕರ್ಕ ರಾಶಿಯ ಉದ್ಯಮಿಗಳು (Businesman) ಸಂಪತ್ತು ದ್ವಿಗುಣಗೊಳ್ಳುವುದರೊಂದಿಗೆ ಉತ್ತಮ ವರ್ಷಗಳನ್ನು ಹೊಂದಿದ್ದಾರೆ. ಮುಂದಿನ ಅತ್ಯಂತ ಲಾಭದಾಯಕ ನಕ್ಷತ್ರ ಚಿಹ್ನೆಗಳು ಮಿಥುನ, ವೃಷಭ ಮತ್ತು ಮೀನ ಎಂಬಿವುಗಳಾಗಿವೆ.
ಭಾರತದ ಟಾಪ್‌ 10 ಶ್ರೀಮಂತರ ಪಟ್ಟಿ ಬಿಡುಗಡೆ; ಅಂಬಾನಿ, ಅದಾನಿಯಲ್ಲಿ ನಂ.1 ಯಾರು?
ಮತ್ತೊಂದೆಡೆ, ಕನ್ಯಾರಾಶಿ ಮತ್ತು ಮೇಷ ರಾಶಿಚಕ್ರದ ಚಿಹ್ನೆಗಳಿಂದ ಅತಿ ಹೆಚ್ಚು ಕೋಟ್ಯಾಧಿಪತಿಗಳಿರುವುದನ್ನು ನೋಡಬಹುದು. ಕಳೆದ 5 ವರ್ಷಗಳಲ್ಲಿ ಕರ್ಕಾಟಕ, ಧನು ರಾಶಿ ಮತ್ತು ಮೇಷ ರಾಶಿಯ ನಕ್ಷತ್ರ ಚಿಹ್ನೆಗಳನ್ನು ಹೊಂದಿರುವ ವ್ಯಾಪಾರ ಉದ್ಯಮಿಗಳು ಹೆಚ್ಚಿನ ಲಾಭವನ್ನು ಗಳಿಸಿದ್ದಾರೆ ಎಂದು ತಿಳಿದುಬಂದಿದೆ.
ಶ್ರೀಮಂತ ಭಾರತೀಯ ಉದ್ಯಮಿಗಳ ರಾಶಿಚಕ್ರ ಚಿಹ್ನೆಗಳು:
- ಮೇಷ: ಮುಕೇಶ್ ಅಂಬಾನಿ, ಆದಿ ಗೋದ್ರೇಜ್, ಎಸ್ ಗೋಪಾಲಕೃಷ್ಣನ್
- ಮಕರ: ರತನ್ ಟಾಟಾ, ವಿಜಯ್ ಚೌಹಾಣ್, ಕರ್ಸನ್‌ಭಾಯ್ ಪಟೇಲ್, ಸ್ಮಿತಾ ವಿ.ಕೃಷ್ಣ
- ಕರ್ಕಾಟಕ: ಗೌತಮ್ ಅದಾನಿ, ಶಿವ ನಾಡರ್, ಬೇನು ಗೋಪಾಲ್ ಬಂಗೂರ್
- ವೃಶ್ಚಿಕ: ಅಶ್ವಿನ್ ದಾನಿ, ಯೂಸುಫ್ ಅಲಿ ಎಂಎ, ಸುನಿಲ್ ಮಿತ್ತಲ್
- ಕನ್ಯಾರಾಶಿ: ಅನಿಲ್ ಅಗರ್ವಾಲ್, ಗೋಪಿಕಿಶನ್ ದಮಾನಿ, ಶಾಪೂರ್ ಪಲ್ಲೋಂಜಿ ಮಿಸ್ತ್ರಿ
- ಸಿಂಹ: ಶ್ರೀ ಪ್ರಕಾಶ್ ಲೋಹಿಯಾ, ಅಜಯ್ ಪಿರಾಮಲ್, ಆಚಾರ್ಯ ಬಾಲಕೃಷ್ಣ
- ಮಿಥುನ: ಎಲ್ ಎನ್ ಮಿತ್ತಲ್, ಕುಮಾರ್ ಮಂಗಲಂ ಬಿರ್ಲಾ, ಬೈಜು ರವೀಂದ್ರನ್
- ಮೀನ: ರಾಧಾಕಿಶನ್ ದಮಾನಿ, ಉದಯ್ ಕೋಟಕ್, ಮುರಳಿ ದಿವಿ
- ಕುಂಭ: ನುಸ್ಲಿ ವಾಡಿಯಾ, ವಿಕ್ರಮ್ ಲಾಲ್, ಜಮ್ಶಿದ್ ಗೋದ್ರೇಜ್
- ಧನು: ಎಸ್ಪಿ ಹಿಂದುಜಾ, ರವಿ ಜೈಪುರಿಯಾ, ಸಜ್ಜನ್ ಜಿಂದಾಲ್
- ತುಲಾ: ದಿಲೀಪ್ ಶಾಂಘ್ವಿ, ಚಂದ್ರು ರಹೇಜಾ, ವಿವೇಕ್ ಚಾಂದ್ ಸೆಹಗಲ್
- ವೃಷಭ: ಸೈರಸ್ ಎಸ್ ಪೂನಾವಾಲಾ, ರಾಜೀವ್ ಸಿಂಗ್, ಹರ್ಷ್ ಮಾರಿವಾಲಾ
ಫೋರ್ಬ್ಸ್ ಪಟ್ಟಿಯ ಬಿಲಿಯನೇರ್ ಉದ್ಯಮಿ, ಭಾರತದ ಏಕೈಕ ಶ್ರೀಮಂತ ಮಹಿಳಾ ಸಿಇಓ ಈಕೆ
ವೆಲ್ತ್ ಹುರುನ್ ಕಳೆದ ಒಂದು ವರ್ಷದ ಅವಧಿಯಲ್ಲಿ ಪ್ರತಿ ನಕ್ಷತ್ರ ಚಿಹ್ನೆಗೆ ಸಂಪತ್ತಿನ ಹೆಚ್ಚಳದ ಪ್ರಮಾಣವನ್ನು ಬಹಿರಂಗಪಡಿಸಿದೆ. ಪಟ್ಟಿಯು ಕೆಳಗಿನಂತಿದೆ.
- ಕರ್ಕಾಟಕ: 35 ಪ್ರತಿಶತ
- ಕನ್ಯಾರಾಶಿ: 14 ಪ್ರತಿಶತ
- ತುಲಾ: 13 ಪ್ರತಿಶತ
- ವೃಷಭ: 11 ಪ್ರತಿಶತ
- ಮೇಷ: 6 ಪ್ರತಿಶತ
- ಮೀನ: 6 ಪ್ರತಿಶತ
- ಧನು ರಾಶಿ: 6 ಪ್ರತಿಶತ
- ವೃಶ್ಚಿಕ: 6 ಪ್ರತಿಶತ
- ಕುಂಭ: 5 ಪ್ರತಿಶತ
- ವೃಷಭ: -1 ಪ್ರತಿಶತ
- ಸಿಂಹ: -2 ಪ್ರತಿಶತ
- ಮಕರ ಸಂಕ್ರಾಂತಿ: -4 ಪ್ರತಿಶತ
ಒಟ್ನಲ್ಲಿ ಬಿಲಿಯನೇರ್‌ಗಳ ನಕ್ಷತ್ರ, ರಾಶಿಯೂ ಇವರ ಯಶಸ್ಸಿಗೆ, ಅದೃಷ್ಟಕ್ಕೆ ಕೊಡುಗೆ ನೀಡಿದೆ ಅಂತಾನೇ ಹೇಳ್ಬಹುದು. ಬಿಲಿಯನೇರ್ ರಾಶಿ-ಚಕ್ರದಂತೆಯೇ ನಿಮ್ಮ ರಾಶಿ ಚಕ್ರಕ್ಕೂ ಹೋಲಿಕೆಯಾಗುತ್ತಾ ನೋಡ್ಕೊಳ್ಳಿ. ಯಾರಿಗೊತ್ತು, ಮುಂದೊಮ್ಮೆ ನೀವು ಸಹ ಬಿಲಿಯನೇರ್ ಆದ್ರೂ ಆಗಬಹುದು.
