Asianet Suvarna News Asianet Suvarna News

86 ವರ್ಷದ ಬಳಿಕ ಮುದ್ರಣ ನಿಲ್ಲಿಸಿದ ಪ್ರತಿಷ್ಠಿತ ಯುಕೆ 'ರೀಡರ್ಸ್ ಡೈಜೆಸ್ಟ್‌' ಮ್ಯಾಗಜೀನ್!

ಕಳೆದ 86 ವರ್ಷಗಳಿಂದ ಆರೋಗ್ಯ, ಆಹಾರ, ಜೀವನಶೈಲಿ, ಪ್ರವಾಸ, ಸಂಸ್ಕೃತಿ ಮತ್ತು ವಾಣಿಜ್ಯೋದ್ಯಮದ ಬಗೆಗಿನ ಸುದ್ದಿಗಳನ್ನು ಪ್ರಸಾರ ಮಾಡುತ್ತಿದ್ದ ಯುನೈಟೆಡ್ ಕಿಂಗ್‌ಡಮ್‌ನ ರೀಡರ್ಸ್ ಡೈಜೆಸ್ಟ್ ತನ್ನ ಆವೃತ್ತಿ ಪ್ರಸಾರವನ್ನು ನಿಲ್ಲಿಸಿದೆ.

World prestigious UK Readers Digest magazine company has ceased publication after 86 years sat
Author
First Published May 18, 2024, 6:38 PM IST

ಲಂಡನ್ (ಮೇ 18): ಜಾಗತಿಕ ಮಟ್ಟದಲ್ಲಿ ಕಳೆದ 86 ವರ್ಷಗಳಿಂದ ಆರೋಗ್ಯ, ಆಹಾರ, ಜೀವನಶೈಲಿ, ಪ್ರವಾಸ, ಸಂಸ್ಕೃತಿ ಮತ್ತು ವಾಣಿಜ್ಯೋದ್ಯಮದ ಬಗೆಗಿನ ಸುದ್ದಿಗಳನ್ನು ಪ್ರಸಾರ ಮಾಡುತ್ತಿದ್ದ ಯುನೈಟೆಡ್ ಕಿಂಗ್‌ಡಮ್‌ನ ರೀಡರ್ಸ್ ಡೈಜೆಸ್ಟ್ ತನ್ನ ಆವೃತ್ತಿ ಪ್ರಸಾರವನ್ನು ನಿಲ್ಲಿಸಿದೆ.

ಕಳೆದ 86 ವರ್ಷಗಳಿಂದ ಯುನೈಟೆಡ್ ಕಿಂಗ್‌ಡಂನ ರೀಡರ್ಸ್ ಡೈಜೆಸ್ಟ್‌ನ ಆವೃತ್ತಿಯು ಈಗ ಪ್ರಸಾರವನ್ನು ಸ್ಥಗಿತಗೊಳಿಸಿದೆ. ಈ ಬಗ್ಗೆ ಸ್ವತಃ ನಿಯತಕಾಲಿಕದ ಮುಖ್ಯ ಸಂಪಾದಕಿ ಇವಾ ಮ್ಯಾಕೆವಿಕ್ ಲಿಂಕ್ಡ್‌ ಇನ್ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ. 'ಸುಮಾರು ಎಂಟು ವರ್ಷಗಳಿಂದ ಈ ಅಪ್ರತಿಮ ಪ್ರಕಟಣೆಗೆ ಕೊಡುಗೆ ನೀಡಿದ್ದಕ್ಕಾಗಿ ನನಗೆ ಅತ್ಯಂತ ಹೆಚ್ಚು ಸಂತಸವಿದೆ. ಕಳೆದ 6  ವರ್ಷಗಳಿಂದ ನಿಯತಕಾಲಿಕೆಯ ತಂಡವನ್ನು ಮುನ್ನಡೆಸಿದ್ದೇನೆ. ಈಗ 86 ಅದ್ಭುತ ವರ್ಷಗಳ ನಂತರ, ರೀಡರ್ಸ್ ಡೈಜೆಸ್ಟ್ ಯುಕೆ ಕೊನೆಗೊಂಡಿದೆ ಎಂದು ಹೇಳುವುದಕ್ಕೆ ನನಗೆ ತುಂಬಾ ದುಃಖವಾಗುತ್ತಿದೆ. ಕಂಪನಿಯು ಇಂದಿನ ಮ್ಯಾಗಜೀನ್ ಪಬ್ಲಿಷಿಂಗ್ ಲ್ಯಾಂಡ್‌ಸ್ಕೇಪ್‌ನ ಆರ್ಥಿಕ ಒತ್ತಡವನ್ನು ತಡೆದುಕೊಳ್ಳಲು ಸಾಧ್ಯವಾಗದೇ ಪ್ರವಸಾರ ಆವೃತ್ತಿಯನ್ನು ನಿಲ್ಲಿಸಿದೆ ಎಂದು ಇವಾ ಮ್ಯಾಕೆವಿಕ್ ಬರೆದುಕೊಂಡಿದ್ದಾರೆ.

ಸಂಡೇ ಟೈಮ್ಸ್ ಶ್ರೀಮಂತರ ಪಟ್ಟಿಯಲ್ಲಿ ನೆಗೆತ ಕಂಡ ರಿಷಿ ಸುನಕ್ ದಂಪತಿ, ಪತ್ನಿಯ ಆಸ್ತಿಯೇ ಜಾಸ್ತಿ!

ನನ್ನೆಲ್ಲಾ ಸಹೋದ್ಯೋಗಿಗಳು, ಬರಹಗಾರರು ಮತ್ತು ಬ್ರಾಂಡ್‌ಗಳಿಗೆ ನನ್ನ ಹೃತ್ಪೂರ್ವಕ ಕೃತಜ್ಞತೆಯನ್ನು ಸಲ್ಲಿಸಲು ನಾನು ಬಯಸುತ್ತೇನೆ. ನಾನು ಹಲವು ವರ್ಷಗಳಿಂದ ನಿಮ್ಮ ಸಹಯೋಗದಲ್ಲಿ ನಿಯಕಾಲಿಕೆ ಮುನ್ನಡೆಸಿದ್ದಕ್ಕಾಗಿ ಸಂತೋಷವನ್ನು ಹೊಂದಿದ್ದೇನೆ. ನಿಮ್ಮ ಉತ್ಸಾಹ ಮತ್ತು ಪರಿಣತಿಯು ಈ ಪ್ರಯಾಣವನ್ನು ಅವಿಸ್ಮರಣೀಯವಾಗಿಸಿದೆ. ನಮ್ಮ ಪ್ರಯಾಣದ ದಾರಿಯುದ್ದಕ್ಕೂ ಕೆಲವು ಅದ್ಭುತ ಸ್ನೇಹಿತರನ್ನು ಹೊಂದುವ ಅದೃಷ್ಟವನ್ನು ನಾನು ಪಡೆದುಕೊಂಡಿದ್ದೇನೆ ಎಂದು ಹೇಳಿದ್ದಾರೆ.

ನಮ್ಮ ರೀಡರ್ಸ್ ಡೈಜೆಸ್ಟ್‌ ಆವೃತ್ತಿ ಪ್ರಸಾರದ ಅಧ್ಯಾಯ ಮುಚ್ಚುತ್ತಿದ್ದು, ಮುಂದಿನ ಭವಿಷ್ಯವು ಏನಾಗುತ್ತದೆ ಎಂಬುದರ ಕುರಿತು ನಾನು ಉತ್ಸುಕನಾಗಿದ್ದೇನೆ. ಮಾಧ್ಯಮ ಮತ್ತು ಪ್ರಕಾಶನದಲ್ಲಿ ಹೊಸ ಅವಕಾಶಗಳನ್ನು ಅನ್ವೇಷಿಸಲು ನಾನು ಉತ್ಸುಕನಾಗಿದ್ದೇನೆ. ನಾನು ಎಂದಿಗೂ ಸಮಾಜದಲ್ಲಿ ಪ್ರತಿಧ್ವನಿಸುವ ಮತ್ತು ಸ್ಫೂರ್ತಿ ನೀಡುವ ಕಥೆಗಳನ್ನು ಹೇಳುವುದನ್ನು ಮುಂದುವರಿಸುತ್ತೇನೆ. ನೀವು ಚರ್ಚಿಸಲು ಯಾವುದೇ ಕಾರಣಗಳು ಅಥವಾ ಸಂಭಾವ್ಯ ಸಹಯೋಗಗಳನ್ನು ಹೊಂದಿದ್ದರೆ, ನಾನು ನಿಮ್ಮಿಂದ ಕೇಳಲು ಇಷ್ಟಪಡುತ್ತೇನೆ. ಈ ಪ್ರಯಾಣದುದ್ದಕ್ಕೂ ನಿಮ್ಮ ಬೆಂಬಲ ಮತ್ತು ಸೌಹಾರ್ದತೆಗಾಗಿ ಎಲ್ಲರಿಗೂ ಧನ್ಯವಾದಗಳು. ಮುಂದೆ ಹೊಸ ಆರಂಭಗಳು ಮತ್ತು ಉತ್ತೇಜಕ ಉದ್ಯಮಗಳು ಸಿಗಲಿವೆ ಎಂಬ ಭರವಸೆಲ್ಲಿದ್ದೇನೆ ಎಂದು ರೀಡರ್ಸ್ ಡೈಜೆಸ್ಟ್ ಮ್ಯಾಜೀನ್‌ನ ಮುಖ್ಯ ಸಂಪಾದಕಿ ಇವಾ ಮ್ಯಾಕೆವಿಕ್ ತಿಳಿಸಿದ್ದಾರೆ.

ಯುನೈಟೆಡ್ ಕಿಂಗ್ಡಮ್ ಆವೃತ್ತಿ : ಯುನೈಟೆಡ್ ಕಿಂಗ್‌ಡಮ್ ಆವೃತ್ತಿಯು ಮೊದಲ ಬಾರಿಗೆ 1938 ರಲ್ಲಿ ಪ್ರಕಟವಾಯಿತು. ದಶಕಗಳ ನಂತರ ರೀಡರ್ಸ್ ಡೈಜೆಸ್ಟ್ UK 2010 ರಲ್ಲಿ £125 ಮಿಲಿಯನ್ ಯುನೈಟೆಡ್ ಸ್ಟೇಟ್ಸ್ ಡಾಲರ್ ಪಿಂಚಣಿ ನಿಧಿಯ ಕೊರತೆಯಿಂದಾಗಿ ಆಡಳಿತಕ್ಕೆ ಬಂದಿತು. ಬೆಟರ್ ಕ್ಯಾಪಿಟಲ್ ರೀಡರ್ಸ್ ಡೈಜೆಸ್ಟ್ UK ಅನ್ನು 2013 ರಲ್ಲಿ ಉದ್ಯಮಿ ಮೈಕ್ ಲಕ್‌ವೆಲ್‌ಗೆ ಅತ್ಯಲ್ಪ ಶುಲ್ಕಕ್ಕೆ ಮಾರಾಟ ಮಾಡಿತು. ಈ ಬ್ರಾಂಡ್ ಅನ್ನು 2018 ರಲ್ಲಿ ಅದರ ಮಾಜಿ ಮುಖ್ಯ ಕಾರ್ಯನಿರ್ವಾಹಕ ಗ್ಯಾರಿ ಹಾಪ್ಕಿನ್ಸ್‌ಗೆ ಮತ್ತೆ ಮಾರಾಟ ಮಾಡಲಾಯಿತು. ಈಗ ನಿಯತಕಾಲಿಕವು 86 ವರ್ಷಗಳ ನಂತರ ಏಪ್ರಿಲ್ 2024ರ ಅಂತ್ಯಕ್ಕೆ ಪ್ರಕಟಣೆಯನ್ನು ನಿಲ್ಲಿಸಿದೆ.

ನೀರಿನಲ್ಲಿ ಮುಳುಗುತ್ತಿದ್ದ ಕಾರಿನಿಂದ ಮಹಿಳೆ -ನಾಯಿ ಮರಿ ರಕ್ಷಣೆ, ಮೈಜುಮ್ಮೆನಿಸುವ ವಿಡಿಯೋ!

ರೀಡರ್ಸ್ ಡೈಜೆಸ್ಟ್ ಆವೃತ್ತಿ ಸಂಕ್ಷಿಪ್ತ ಪರಿಚಯ:
ರೀಡರ್ಸ್ ಡೈಜೆಸ್ಟ್‌ನ ಜಾಗತಿಕ ಆವೃತ್ತಿಗಳು 21 ಭಾಷೆಗಳಲ್ಲಿ 49 ಆವೃತ್ತಿಗಳ ಮೂಲಕ 70 ಕ್ಕೂ ಹೆಚ್ಚು ದೇಶಗಳಲ್ಲಿ ಪ್ರಸಾರ ಆಗುತ್ತಿವೆ. ಒಟ್ಟಾರೆ 40 ಮಿಲಿಯನ್‌ಗೂ ಹೆಚ್ಚು ಜನರನ್ನು ತಲುಪುತ್ತವೆ. ಈ ನಿಯತಕಾಲಿಕವು 10.5 ಮಿಲಿಯನ್‌ನ ಜಾಗತಿಕ ಪ್ರಸರಣವನ್ನು ಹೊಂದಿದೆ. ಇದು ವಿಶ್ವದ ಅತಿದೊಡ್ಡ ಪಾವತಿಸಿದ-ಪರಿಚಲನೆಯ ನಿಯತಕಾಲಿಕವಾಗಿದೆ. ಆದರೆ, ಈಗ ಯುನೈಟೆಡ್ ಕಿಂಗ್ಡಮ್ ಆವೃತ್ತಿ ಪ್ರಸಾರವನ್ನು ನಿಲ್ಲಿಸಿದೆ.

Latest Videos
Follow Us:
Download App:
  • android
  • ios