ಕೊಲ್ಲಿ ದೇಶ ಯುಎಇ ತನ್ನ ಗೋಲ್ಡನ್ ವೀಸಾ ನೀತಿಯಲ್ಲಿ ಮಹತ್ವದ ಬದಲಾವಣೆ ಮಾಡಿದೆ. ಹೀಗಾಗಿ ಕೇವಲ 23 ಲಕ್ಷ ರು. ನೀಡಿ ಅರ್ಹ ಭಾರತೀಯರು ಸುಲಭವಾಗಿ ಯುಎಇ ದೇಶದ ಪೌರತ್ವ ಪಡೆಯಬಹುದಾಗಿದೆ.
ದುಬೈ: ಕೊಲ್ಲಿ ದೇಶ ಯುಎಇ ತನ್ನ ಗೋಲ್ಡನ್ ವೀಸಾ ನೀತಿಯಲ್ಲಿ ಮಹತ್ವದ ಬದಲಾವಣೆ ಮಾಡಿದೆ. ಹೀಗಾಗಿ ಕೇವಲ 23 ಲಕ್ಷ ರು. ನೀಡಿ ಅರ್ಹ ಭಾರತೀಯರು ಸುಲಭವಾಗಿ ಯುಎಇ ದೇಶದ ಪೌರತ್ವ ಪಡೆಯಬಹುದಾಗಿದೆ.
ಈ ಹಿಂದೆ ಕನಿಷ್ಠ 4.7 ಕೋಟಿ ಮೌಲ್ಯದ ಆಸ್ತಿ ಖರೀದಿ ಇಲ್ಲವೇ ಹೂಡಿಕೆ ಮಾಡಿದವರಿಗೆ ಇದ್ದ ಗೋಲ್ಡ್ ವೀಸಾ ನೀಡಲಾಗುತ್ತಿತ್ತು. ಆ ನೀತಿಯನ್ನು ಇದೀಗ ಸರಳಗೊಳಿಸಲಾಗಿದೆ. ಅದರನ್ವಯ ವಿಜ್ಞಾನಿಗಳು, ಶಿಕ್ಷಕರು ಮತ್ತು ವಿಶ್ವವಿದ್ಯಾಲಯದ ಅಧ್ಯಾಪಕರು, 15ಕ್ಕಿಂತ ಹೆಚ್ಚು ವರ್ಷಗಳ ಅನುಭವ ಹೊಂದಿರುವ ದಾದಿಯರು, 25 ವರ್ಷಕ್ಕಿಂತ ಮೇಲ್ಪಟ್ಟ ಹಾಗೂ ಮಾನ್ಯತೆ ಪಡೆದ ಯೂಟ್ಯೂಬರ್, ಪಾಡ್ಕಾಸ್ಟರ್, ಡಿಜಿಟಲ್ ಕ್ರಿಯೇಟರ್, ಇ-ಸ್ಪೋರ್ಟ್ಸ್ ವೃತ್ತಿಪರರು ಸೇರಿದಂತೆ ಹತ್ತು ಹಲವು ಉದ್ಯೋಗಗಳಲ್ಲಿ ತೊಡಗಿರುವವರಿಗೆ ಯುಎಇ ವಾಸದ ಅವಕಾಶ ಸಿಗಲಿದೆ. ಜತೆಗೆ, 23.30 ಲಕ್ಷ ರು. ಪಾವತಿಸಿದರೆ ಭಾರತೀಯರು ಆಮರಣಾಂತ ಯುಎಇಯಲ್ಲೇ ನೆಲೆಬಹುದಾಗಿದೆ.
ಹೊಸ ಗೋಲ್ಡ್ ವೀಸಾದ ಪ್ರಯೋಗಕ್ಕೆ ಭಾರತ, ಬಾಂಗ್ಲಾದೇಶವನ್ನು ಆಯ್ಕೆ ಮಾಡಲಾಗಿದೆ. ಅರ್ಜಿದಾರರ ಪರಿಶೀಲನೆಯ ಹೊಣೆಯನ್ನು ರಾಯದ್ ಗ್ರೂಪ್ಗೆ ವಹಿಸಲಾಗಿದೆ. ಇಲ್ಲಿ ಮೊದಲು ಅರ್ಜಿದಾರರ ಹಿನ್ನೆಲೆ, ಅವರ ವಿರುದ್ಧ ಇರಬಹುದಾದ ಅಕ್ರಮ ಹಣ ವರ್ಗಾವಣೆ ಅಥವಾ ಕ್ರಿಮಿನಲ್ ಅಪರಾಧಗಳು, ಸಾಮಾಜಿಕ ಜಾಲತಾಣ ಖಾತೆ ಪರಿಶೀಲಿಸಿ ಬಳಿಕ ಅರ್ಜಿ ಅಂಗೀಕರಿಸಲಾಗುವುದು.
Related Articles
ಕೋಟ್ಯಾಧಿಪತಿಗಳ ಕನಸಿನ ತಾಣ
ನೀವು ಕೋಟ್ಯಾಧಿಪತಿಯಾಗಿದ್ದರೆ ಮತ್ತು ನಿಮ್ಮ ಆಯ್ಕೆಯ ಯಾವುದೇ ದೇಶದಲ್ಲಿ ನೆಲೆಸಲು ಅವಕಾಶ ನೀಡಿದರೆ, ನೀವು ಯಾವ ತಾಣವನ್ನು ಆರಿಸಿಕೊಳ್ಳುತ್ತೀರಿ? ಸರಿ, ವಿವಿಧ ದೇಶಗಳ ನಾಗರಿಕರು ತಮ್ಮ ದೇಶದೊಂದಿಗೆ ಒಂದಲ್ಲ ಒಂದು ಸಮಸ್ಯೆಯನ್ನು ಹೊಂದಿರುತ್ತಾರೆ. ಅತಿಯಾದ ಪ್ರವಾಸೋದ್ಯಮ, ಹೆಚ್ಚಿನ ತೆರಿಗೆಗಳು, ಅಂತರ್ಯುದ್ಧಗಳು, ಗಡಿಯಾಚೆಗಿನ ಯುದ್ಧದಂತಹ ಪರಿಸ್ಥಿತಿಗಳು, ಹೆಚ್ಚಿನ ಉತ್ಪಾದನಾ ವೆಚ್ಚಗಳು, ಅತಿಯಾದ ನಿಯಮಗಳು ಅಥವಾ ವ್ಯಾಪಾರ ಮಾಡುವ ಸುಲಭತೆಯಲ್ಲಿನ ಅಡೆತಡೆಗಳ ಬಗ್ಗೆ ದೂರುಗಳಾಗಿರಬಹುದು. ಸಮಸ್ಯೆ ಏನೇ ಇರಲಿ, ಅಂತಹ ಅಡೆತಡೆಗಳು, ಕೋಟ್ಯಧಿಪತಿ ವ್ಯಕ್ತಿಗಳಿಗೆ ಸಮಸ್ಯೆ ಉಂಟು ಮಾಡುತ್ತದೆ. ಇದಕ್ಕಾಗಿ ಅವರು ಜನರು ಕಡಿಮೆ ಇರುವ ಅಥವಾ ಅಸ್ತಿತ್ವದಲ್ಲಿಲ್ಲದ ದೇಶಗಳಿಗೆ ಸ್ಥಳಾಂತರಗೊಳ್ಳಲು ಇಷ್ಟಪಡುತ್ತಾರೆ.
ಹೆನ್ಲಿ ಪ್ರೈವೇಟ್ ವೆಲ್ತ್ ಮೈಗ್ರೇಷನ್ ರಿಪೋರ್ಟ್ 2025ರ ಪ್ರಕಾರ, ಹಾಲಿ ವರ್ಷದಲ್ಲೂ ಇಂಥ ವಲಸೆ ಕಂಡು ಬಂದಿದೆ. ಕಳೆದ ವರ್ಷದಲ್ಲಿ ಜಾಗತಿಕವಾಗಿ ಕೋಟ್ಯಾಧಿಪತಿಗಳ ಚಲನೆ ದಾಖಲೆಯ ಮಟ್ಟವನ್ನು ತಲುಪಿತ್ತು. ಅನೇಕ ಮಿಲಿಯನೇರ್ಗಳು ಅನುಕೂಲಕರ ತೆರಿಗೆ ಪದ್ಧತಿಗಳನ್ನು ನೀಡುವ, ರಾಜಕೀಯ ಸ್ಥಿರತೆ ಇರುವ ಮತ್ತು ಉನ್ನತ ಜೀವನ ಮಟ್ಟವನ್ನು ನೀಡುವ ಸ್ಥಳಗಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ವಲಸೆ ಆಗೋದನ್ನು ಮುಂದುವರಿಸಿದ್ದರು.
ಅನೇಕರು ಉತ್ತಮ ಹಣಕಾಸು ವ್ಯವಸ್ಥೆಗಳು, ಹೂಡಿಕೆದಾರರ ವೀಸಾ ಕಾರ್ಯಕ್ರಮಗಳು ಮತ್ತು ವೈಯಕ್ತಿಕ ಮತ್ತು ವ್ಯವಹಾರ ಸ್ವತ್ತುಗಳಿಗೆ ಬಲವಾದ ಕಾನೂನು ರಕ್ಷಣೆ ಇರುವ ದೇಶಗಳ ಕಡೆ ಆಕರ್ಷಿತರಾಗಿದ್ದರೆ, ಇನ್ನೂ ಕೆಲವರು, ವಾತಾವರಣ, ಭದ್ರತೆ, ಆರೋಗ್ಯ ಹಾಗೂ ಜಾಗತಿಕ ಮಾರುಕಟ್ಟಗೆ ಇರುವ ಪ್ರವೇಶದಂಥ ಅಂಶವನ್ನು ಗಮನದಲ್ಲಿಟ್ಟುಕೊಂಡು ವಲಸೆ ಆಗಿದ್ದಾರೆ. ಅತಿ ಹೆಚ್ಚು ಮಿಲಿಯನೇರ್ಗಳು ಮುಕ್ತ ತೋಳುಗಳಿಂದ ಅಪ್ಪಿಕೊಂಡ ಟಾಪ್ 10 ದೇಶಗಳು ಇಲ್ಲಿದೆ.
No 10. Australia – 1,000+ | ಆಸ್ಟ್ರೇಲಿಯಾದ ಬಲವಾದ ಆರ್ಥಿಕತೆ, ಆಕರ್ಷಕ ಹವಾಮಾನ ಮತ್ತು ವಿಶ್ವ ದರ್ಜೆಯ ಸೌಕರ್ಯಗಳಿಂದಾಗಿ 1,000 ಕ್ಕೂ ಹೆಚ್ಚು ಮಿಲಿಯನೇರ್ಗಳು ಆಸ್ಟ್ರೇಲಿಯಾಕ್ಕೆ ಆಗಮಿಸಿದ್ದಾರೆ. ಸಿಡ್ನಿ ಮತ್ತು ಮೆಲ್ಬೋರ್ನ್ನಂತಹ ನಗರಗಳು ಶ್ರೀಮಂತರಿಗೆ ಅವಕಾಶ ಮತ್ತು ಜೀವನಶೈಲಿಯ ಆದರ್ಶ ಮಿಶ್ರಣವನ್ನು ನೀಡುತ್ತವೆ.
No 9. Canada – 1,000+ | 1,000 ಕ್ಕೂ ಹೆಚ್ಚು ಮಿಲಿಯನೇರ್ಗಳು ಕೆನಡಾಕ್ಕೆ ತೆರಳಿದ್ದಾರೆ. ಅದರ ರಾಜಕೀಯ ಸ್ಥಿರತೆ, ಉತ್ತಮ ಗುಣಮಟ್ಟದ ಸಾರ್ವಜನಿಕ ಸೇವೆಗಳು ಮತ್ತು ಸ್ವಾಗತಾರ್ಹ ವಲಸೆ ನೀತಿಗಳಿಂದ ಆಕರ್ಷಿತರಾಗಿದ್ದಾರೆ. ಬಹುಸಂಸ್ಕೃತಿಯ ವಾತಾವರಣ ಮತ್ತು ಶಿಕ್ಷಣ ಮತ್ತು ನಾವೀನ್ಯತೆಗೆ ಒತ್ತು ನೀಡುವುದು ಜಾಗತಿಕ ಸಂಪತ್ತನ್ನು ಆಕರ್ಷಿಸುತ್ತಲೇ ಇದೆ.