ಟೆಲಿಗ್ರಾಮ್ ಮೆಸೇಜಿಂಗ್ ಅಪ್ಲಿಕೇಶನ್ನ ಮುಖ್ಯ ವ್ಯವಸ್ಥಾಪಕ ಅಧಿಕಾರಿ ಹಾಗೂ ಕೊಟ್ಯಧಿಪತಿ ಪಾವೆಲ್ ಡುರೊವ್ರನ್ನು ಫ್ರೆಂಚ್ ಪೊಲೀಸರು ಶನಿವಾರ ಬಂಧಿಸಿದ್ದಾರೆ.
ಪ್ಯಾರಿಸ್ (ಆ.25): ರಷ್ಯಾ ಮೂಲದ ಫ್ರೆಂಚ್ ಬಿಲಿಯನೇರ್ ಮತ್ತು ಟೆಲಿಗ್ರಾಮ್ ಮೆಸೇಜಿಂಗ್ ಅಪ್ಲಿಕೇಶನ್ನ ಸಂಸ್ಥಾಪಕ ಹಾಗೂ ಸಿಇಒ ಪಾವೆಲ್ ಡುರೊವ್ ಅವರನ್ನು ಶನಿವಾರ ಸಂಜೆ ಪ್ಯಾರಿಸ್ನ ಹೊರಗಿನ ಬೋರ್ಗೆಟ್ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ ಎಂದು TF1 ಟಿವಿ ಮತ್ತು BFM ಟಿವಿ ಮೂಲಗಳನ್ನು ಉಲ್ಲೇಖಿಸಿ ವರದಿ ಮಾಡಿದೆ. ಬಂಧನದ ವೇಳೆ ಡುರೊವ್ ತನ್ನ ಖಾಸಗಿ ಜೆಟ್ನಲ್ಲಿ ಪ್ರಯಾಣಿಸುತ್ತಿದ್ದರು ಎಂದು TF1 ತನ್ನ ವೆಬ್ಸೈಟ್ನಲ್ಲಿ ತಿಳಿಸಿದೆ, ಪ್ರಾಥಮಿಕ ಪೊಲೀಸ್ ತನಿಖೆಯ ಭಾಗವಾಗಿ ಫ್ರಾನ್ಸ್ನಲ್ಲಿ ಬಂಧನ ವಾರಂಟ್ನಿಂದ ಅವರನ್ನು ಅರೆಸ್ಟ್ ಮಾಡಲಾಗಿದೆ ಎಂದು ವರದಿಯಾಗಿದೆ. TF1 ಮತ್ತು BFM ಎರಡೂ ತನಿಖೆಯು ಟೆಲಿಗ್ರಾಮ್ನಲ್ಲಿ ಮಾಡರೇಟರ್ಗಳ ಕೊರತೆಯ ಮೇಲೆ ಕೇಂದ್ರೀಕೃತವಾಗಿದೆ ಎಂದು ಹೇಳಿದರು ಮತ್ತು ಈ ಪರಿಸ್ಥಿತಿಯು ಮೆಸೇಜಿಂಗ್ ಅಪ್ಲಿಕೇಶನ್ನಲ್ಲಿ ಅಪರಾಧ ಚಟುವಟಿಕೆಯನ್ನು ತಡೆಯದೆ ಹೋಗಲು ಅವಕಾಶ ಮಾಡಿಕೊಟ್ಟಿದೆ ಎಂದು ಪೊಲೀಸರು ಪರಿಗಣಿಸಿದ್ದಾರೆ. ಫ್ರೆಂಚ್ ಮಾಧ್ಯಮಗಳ ಪ್ರಕಾರ, ಡುರೊವ್ ಭಾನುವಾರ ಸಂಭವನೀಯ ದೋಷಾರೋಪಣೆಯನ್ನು ಎದುರಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಸುಮಾರು ಒಂದು ಶತಕೋಟಿ ಬಳಕೆದಾರರನ್ನು ಹೊಂದಿರುವ ಎನ್ಕ್ರಿಪ್ಟ್ ಮಾಡಿದ ಟೆಲಿಗ್ರಾಮ್ ವಿಶೇಷವಾಗಿ ರಷ್ಯಾ, ಉಕ್ರೇನ್ ಮತ್ತು ಹಿಂದಿನ ಸೋವಿಯತ್ ಒಕ್ಕೂಟದ ಗಣರಾಜ್ಯಗಳಲ್ಲಿ ಬಹಳ ಪ್ರಭಾವಶಾಲಿಯಾಗಿದೆ. Facebook, YouTube, WhatsApp, Instagram, TikTok ಮತ್ತು Wechat ನಂತರ ಇದು ಪ್ರಮುಖ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳಲ್ಲಿ ಒಂದಾಗಿದೆ. ಈ ಕುರಿತಾಗಿ ಟೆಲಿಗ್ರಾಮ್ ಆಗಲಿ, ಫ್ರೆಂಚ್ ಆಂತರಿಕ ಸಚಿವಾಲಯ ಮತ್ತು ಪೊಲೀಸರು ಯಾವುದೇ ಪ್ರತಿಕ್ರಿಯೆ ಈವರೆಗೂ ನೀಡಿಲ್ಲ.
ರಷ್ಯಾ ಮೂಲದ ಡುರೊವ್ ತನ್ನ ಸಹೋದರನೊಂದಿಗೆ 2013 ರಲ್ಲಿ ಟೆಲಿಗ್ರಾಮ್ ಅಪ್ಲಿಕೇಶನ್ಅನ್ನು ಸ್ಥಾಪಿಸಿದರು. ಅವರು ಮಾರಾಟ ಮಾಡಿದ VKontakte ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ವಿರೋಧ ಸಮುದಾಯಗಳನ್ನು ಕಾಮೆಂಟ್ಗಳು ಹಾಗೂ ಪೋಸ್ಟ್ಗಳನ್ನು ತೆಗೆದು ಹಾಕಲು ಸರ್ಕಾರದ ಬೇಡಿಕೆಗಳನ್ನು ಅನುಸರಿಸಲು ನಿರಾಕರಿಸಿದ ನಂತರ ಅವರು 2014 ರಲ್ಲಿ ರಷ್ಯಾವನ್ನು ತೊರೆದಿದ್ದರು. "ಯಾರಿಂದಲೂ ಆದೇಶಗಳನ್ನು ತೆಗೆದುಕೊಳ್ಳುವುದಕ್ಕಿಂತ ನಾನು ಸ್ವತಂತ್ರನಾಗಿರುತ್ತೇನೆ" ಎಂದು ಡುರೊವ್ ಏಪ್ರಿಲ್ನಲ್ಲಿ ಯುಎಸ್ ಪತ್ರಕರ್ತ ಟಕರ್ ಕಾರ್ಲ್ಸನ್ಗೆ ರಷ್ಯಾದಿಂದ ನಿರ್ಗಮಿಸುವ ಬಗ್ಗೆ ಮತ್ತು ಬರ್ಲಿನ್, ಲಂಡನ್, ಸಿಂಗಾಪುರ್ ಮತ್ತು ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ತನ್ನ ಕಂಪನಿಯ ಪ್ರಧಾನ ಕಚೇರಿಯನ್ನು ಹುಡುಕುವ ವಿಚಾರದಲ್ಲಿ ತಿಳಿಸಿದ್ದರು.
2022 ರಲ್ಲಿ ರಷ್ಯಾ ತನ್ನ ಉಕ್ರೇನ್ ಆಕ್ರಮಣವನ್ನು ಪ್ರಾರಂಭಿಸಿದ ನಂತರ, ಟೆಲಿಗ್ರಾಮ್ ಯುದ್ಧ ಮತ್ತು ಸಂಘರ್ಷದ ಸುತ್ತಲಿನ ರಾಜಕೀಯದ ಬಗ್ಗೆ ಎರಡೂ ಕಡೆಯಿಂದ ಫಿಲ್ಟರ್ ಮಾಡದ ಮತ್ತು ಕೆಲವೊಮ್ಮೆ ಗ್ರಾಫಿಕ್ ಮತ್ತು ತಪ್ಪುದಾರಿಗೆಳೆಯುವ ವಿಷಯದ ಮುಖ್ಯ ಮೂಲವಾಗಿ ಗುರುತಿಸಿಕೊಂಡಿತ್ತು. ಯುಕ್ರೇನ್ನ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಮತ್ತು ಅವರ ಅಧಿಕಾರಿಗಳು ಮತ್ತು ರಷ್ಯಾದ ಸರ್ಕಾರದಿಂದ ಹೆಚ್ಚು ಈ ಅಪ್ಲಿಕೇಶನ್ ಹೆಚ್ಚು ಬಳಕೆಯಾಗಿತ್ತು. ಕೆಲವು ವಿಶ್ಲೇಷಕರು ಇನ್ನು 'ವರ್ಚುವಲ್ ಯುದ್ಧಭೂಮಿ' ಎಂದೂ ಕೂಡ ಕರೆದಿದ್ದರು.
ಮಕ್ಕಳಿಗೆ ಲೈಂಗಿಕ ಶೋಷಣೆ: ಟೆಲಿಗ್ರಾಂ, ಫೋನ್ಪೇ ಪೇಟಿಎಂ ವಿರುದ್ಧ ಕೇಸ್
ಟೆಲಿಗ್ರಾಮ್ ಅಧಿಕೃತ ಪರಿಶೀಲನೆಯಿಂದ ತಪ್ಪಿಸಿಕೊಳ್ಳಲು ಯೂಸರ್ಗಳಿಗೆ ಅವಕಾಶ ನೀಡುತ್ತದೆ. ಕ್ರೆಮ್ಲಿನ್ ಉಕ್ರೇನ್ ಆಕ್ರಮಣದ ನಂತರ ಸ್ವತಂತ್ರ ಮಾಧ್ಯಮದ ಮೇಲೆ ನಿರ್ಬಂಧಗಳನ್ನು ಹೆಚ್ಚಿಸಿದ ನಂತರ ರಷ್ಯನ್ನರು ಯುದ್ಧದ ಬಗ್ಗೆ ಸ್ವತಂತ್ರ ಸುದ್ದಿಗಳನ್ನು ತಿಳಿಸುವ ಕೆಲವು ವೇದಿಕೆಗಳಲ್ಲಿ ಇದೂ ಒಂದಾಗಿದೆ. ರಷ್ಯಾದ ವಿದೇಶಾಂಗ ಸಚಿವಾಲಯವು ಪ್ಯಾರಿಸ್ನಲ್ಲಿರುವ ತನ್ನ ರಾಯಭಾರ ಕಚೇರಿಯು ಮೂಲಕ ಡುರೊವ್ ಕೇಸ್ ಏನು ಅನ್ನೋದನ್ನ ಪರಿಶೀಲನೆ ಮಾಡುತ್ತಿದೆ ಮತ್ತು ಪಾಶ್ಚಿಮಾತ್ಯ ಸರ್ಕಾರೇತರ ಸಂಸ್ಥೆಗಳಿಗೆ ಆತನ ಬಿಡುಗಡೆಗೆ ಒತ್ತಾಯಿಸಲು ಕರೆ ನೀಡಿದೆ.
Breaking: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ಗೆ ಹೃದಯ ಸ್ತಂಭನ: ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ!
