ಸೋಂಕಿನ ಭೀತಿ : ಪ್ರಾಣಿಗಳಿಗೂ ಕೋವಿಡ್ ಲಸಿಕೆ
- ಪ್ರಾಣಿಗಳಿಗೂ ಕೊರೋನಾ ಸೋಂಕು ವ್ಯಾಪಿಸುವ ಭೀತಿ
- ಪ್ರಾಣಿಗಳನ್ನು ಕೋವಿಡ್‌ನಿಂದ ಪಾರು ಮಾಡಬಹುದಾದ ಲಸಿಕೆ
- ಕಾರ್ನಿವ್ಯಾಕ್‌-ಕೋವ್‌ ಹೆಸರಿನ ರಷ್ಯಾದ ಈ ಲಸಿಕೆಯು ಪ್ರಾಣಿಗಳಿಗಾಗಿ ಅಭಿವೃದ್ಧಿ
ಮಾಸ್ಕೋ (ಮೇ.28): ಮಾನವನಿಂದ ಪ್ರಾಣಿಗಳಿಗೂ ಕೊರೋನಾ ಸೋಂಕು ವ್ಯಾಪಿಸುವ ಭೀತಿ ಮಧ್ಯೆಯೇ, ಪ್ರಾಣಿಗಳನ್ನು ಕೋವಿಡ್‌ನಿಂದ ಪಾರು ಮಾಡಬಹುದಾದ ಲಸಿಕೆಯೊಂದನ್ನು ರಷ್ಯಾ ಅಭಿವೃದ್ಧಿಪಡಿಸಿದೆ.
ಈ ಮೂಲಕ ಕಾರ್ನಿವ್ಯಾಕ್‌-ಕೋವ್‌ ಹೆಸರಿನ ರಷ್ಯಾದ ಈ ಲಸಿಕೆಯು ಪ್ರಾಣಿಗಳಿಗಾಗಿ ಅಭಿವೃದ್ಧಿಪಡಿಸಲಾದ ವಿಶ್ವದ ಮೊದಲ ಲಸಿಕೆ ಎಂಬ ಕೀರ್ತಿಗೆ ಭಾಜನವಾಗಿದೆ. ಅಲ್ಲದೆ ರಷ್ಯಾದ ಕೃಷಿ ಸುರಕ್ಷತೆಯ ವಿಚಕ್ಷಣ ನೇತೃತ್ವದಲ್ಲಿ ದೇಶದ ಹಲವು ಭಾಗಗಳಲ್ಲಿ ಪ್ರಾಣಿಗಳಿಗೂ ಕಾರ್ನಿವ್ಯಾಕ್‌ ಕೋವ್‌ ಲಸಿಕೆಗಳನ್ನು ನೀಡಲಾಗುತ್ತಿದೆ.
ನಿರ್ಲಕ್ಷ್ಯದ ಪರಮಾವಧಿ: ಕೊರತೆ ಇದ್ದರೂ ಲಸಿಕೆ ಹಾಳು ಮಾಡುತ್ತಿವೆ ರಾಜ್ಯಗಳು! .
ಕಾರ್ನಿವ್ಯಾಕ್‌-ಕೋವ್‌ ಲಸಿಕೆಯಿಂದ ಸಾಕು ಪ್ರಾಣಿಗಳಾದ ಶ್ವಾನಗಳು, ಬೆಕ್ಕುಗಳು, ಹಂದಿಗಳು ಸೇರಿದಂತೆ ಇನ್ನಿತರ ಪ್ರಾಣಿಗಳಲ್ಲಿ ಕೋವಿಡ್ ಪ್ರತಿರೋಧಕ ಶಕ್ತಿ ವೃದ್ಧಿಯಾಗಿರುವುದು ಪ್ರಾಣಿಗಳ ಮೇಲೆ ನಡೆಸಿದ ಪ್ರಯೋಗಗಳಿಂದ ದೃಢವಾಗಿದೆ ಎಂದು ರಷ್ಯಾ ಏಪ್ರಿಲ್‌ ತಿಂಗಳಿನಲ್ಲೇ ತಿಳಿಸಿತ್ತು.
