40 ದಿನ ಬೀಜ, ಬೇರು, ಸಸ್ಯ ತಿಂದು ಬದು​ಕಿ​ದ್ದ ಕಾಡಿನ ಮಕ್ಕಳು: ಅಮೆ​ಜಾನ್‌ ಅರ​ಣ್ಯ​ದಲ್ಲಿ ನಾಪತ್ತೆಯಾಗಿದ್ದ ನಾಲ್ವರ ರೋಚಕ ಕತೆ

ಬೊಗೋಟಾ (ಜೂನ್ 12, 2023) : ಕೊಲಂಬಿಯಾದ ಅಮೆಜಾನ್‌ನಲ್ಲಿ 40 ದಿನಗಳ ಕಾಲ ನಾಪ​ತ್ತೆ​ಯಾ​ಗಿ​ದ್ದ 11 ತಿಂಗಳ ಕೂಸು ಸೇರಿ​ದಂತೆ ನಾಲ್ವರು ಆದಿ​ವಾಸಿ ಕುಟುಂಬದ ಮಕ್ಕಳು, ಅರ​ಣ್ಯ​ದಲ್ಲಿ ಬೀಜ​ಗಳು, ಬೇರು​ಗಳು ಹಾಗೂ ಸಸ್ಯ​ಗ​ಳನ್ನು ತಿನ್ನುತ್ತ ಬದು​ಕು​ಳಿ​ದಿ​ದ್ದ​ರು ಎಂಬ ಕುತೂ​ಹ​ಲದ ವಿಷಯ ಬೆಳ​ಕಿಗೆ ಬಂದಿ​ದೆ. ಮಕ್ಕಳು ಆದಿ​ವಾಸಿ ಮೂಲ​ದ​ವ​ರಾ​ಗಿ​ದ್ದು, ಅವ​ರಿಗೆ ಅರ​ಣ್ಯ​ದಲ್ಲಿ ಬದು​ಕುವ ಕಲೆ ಗೊತ್ತಿತ್ತು. ಇದೇ ಅವರು 40 ದಿನ ದಟ್ಟಾ​ರಾ​ಣ್ಯ​ದಲ್ಲಿ ಜೀವಂತ​ವಾಗಿ ಉಳಿ​ದರು ಎಂದು ಆಸ್ಪ​ತ್ರೆ​ಯಲ್ಲಿ ಚಿಕಿತ್ಸೆ ಪಡೆ​ಯು​ತ್ತಿ​ರುವ ಮಕ್ಕ​ಳನ್ನು ಸಂಪ​ರ್ಕಿ​ಸಿದ ತಜ್ಞರು ಹೇಳಿ​ದ್ದಾ​ರೆ.

ಇದೇ ವೇಳೆ, ಕೊಲಂಬಿಯಾ ಮೂಲ​ನಿ​ವಾ​ಸಿ​ಗಳ ರಾಷ್ಟ್ರೀಯ ಸಂಸ್ಥೆಯ ತಜ್ಞರು ಪ್ರತಿ​ಕ್ರಿ​ಯಿ​ಸಿ, ‘ತಾ​ಯಿಯ ಗರ್ಭ​ದ​ಲ್ಲಿ​ದ್ದಾ​ಗಲೇ ಮಕ್ಕ​ಳಿಗೆ ಪರಿ​ಸರ ಜ್ಞಾನ ಬಂದಿ​ರುವ ಸಂಕೇ​ತ​ವಿದು’ ಎಂದಿ​ದ್ದಾ​ರೆ. ಮೇ 1ರಂದು ಅಮೆಜಾನ್‌ ಕಾಡಿನ ಮೇಲೆ 6 ಸುಶಿ​ಕ್ಷಿತ ಆದಿ​ವಾಸಿ ಕುಟುಂಬ​ದ ಸದ​ಸ್ಯ​ರ​ನ್ನು ಹೊತ್ತು ಹಾರುತ್ತಿದ್ದ ಪುಟ್ಟವಿಮಾ​ನ ವಿಮಾನ ತಾಂತ್ರಿಕ ದೋಷದಿಂದ ಪತನಗೊಂಡಿತ್ತು. 

ಇದನ್ನು ಓದಿ: Amazing..ಅಮೆಜಾನ್​ ಕಾಡಿಗೇ ಸವಾಲೆಸೆದು ಬದುಕಿ ಬಂದ ಮಕ್ಕಳು..!

ಆಗ ಅಪ​ಘಾ​ತ​ದ ಕೆಲ ದಿನಗಳ ಬಳಿಕ ವಿಮಾನದಲ್ಲಿದ್ದ ಪೈಲಟ್‌ ಹಾಗೂ ಮಹಿಳೆಯ ಶವ (ಮ​ಕ್ಕಳ ತಂದೆ-ತಾಯಿ ಶವ​) ಪತ್ತೆಯಾಗಿತ್ತು. ಆದರೆ ನಾಲ್ವರು ಮಕ್ಕಳು ನಾಪತ್ತೆಯಾಗಿದ್ದರು. ಅವರು 13 ವರ್ಷ, 9 ವರ್ಷ, 4 ವರ್ಷ ಮತ್ತು 11 ತಿಂಗಳ ವಯಸ್ಸಿನವರಾಗಿದ್ದಾರೆ. ಅವರಿಗಾಗಿ ಕೊಲಂಬಿಯಾದ ಸೇನೆ ತೀವ್ರ ಹುಡುಕಾಟ ನಡೆಸಿತ್ತು. ಶನಿ​ವಾರ ಇವರು ಪತ್ತೆ​ಯಾ​ಗಿ​ದ್ದ​ರು.

ಅರ​ಣ್ಯ​ದ​ಲ್ಲಿ ಹೀಗೆ ಬದು​ಕಿ​ದ್ದ​ರು:
40 ದಿನ ಈ ಮಕ್ಕಳು ಹೇಗೆ ಬದು​ಕಿ​ದ್ದರು ಎಂಬು​ದಕ್ಕೆ ಈಗ ಉತ್ತರ ದೊರ​ಕಿದೆ. ಈ ಮಕ್ಕಳ ಅಜ್ಜ ಈ ಬಗ್ಗೆ ವಿವ​ರ ನೀಡಿದ್ದು, ‘ಪ​ತ​ನ​ವಾದ ವಿಮಾ​ನ​ದ​ಲ್ಲಿದ್ದ ಯುಕ್ಕಾ ಹಿಟ್ಟು ಕೂಡ ನೆಲಕ್ಕೆ ಬಿದ್ದಿತ್ತು. ಮೊದಲು ಅದನ್ನು ತಿನ್ನುತ್ತಾ ಬದು​ಕಿ​ದರು. ನಂತರ ಈ ಮಕ್ಕಳ ರಕ್ಷ​ಣೆಗೆ ಬಳ​ಸ​ಲಾಗಿದ್ದ ಹೆಲಿ​ಕಾ​ಪ್ಟ​ರು​ಗಳು, ಅರ​ಣ್ಯಕ್ಕೆ ಆಹಾರದ ಪೊಟ್ಟಣಗಳು, ನೀರು ಹಾಗೂ ಬಿಸ್ಕತ್‌ ಎಸೆ​ದವು. ಅದನ್ನೂ ಮಕ್ಕಳು ತಿಂದರು’ ಎಂದಿ​ದ್ದಾ​ರೆ.

ಇದನ್ನೂ ಓದಿ: ಅಮೆಜಾನ್ ದಟ್ಟಾರಣ್ಯದಲ್ಲಿ ವಿಮಾನ ಪತನ, ನಾಪತ್ತೆಯಾಗಿದ್ದ ನಾಲ್ವರು ಮಕ್ಕಳು 40 ದಿನ ಬಳಿಕ ಜೀವಂತ ಪತ್ತೆ!

‘ಆದರೆ ಈ ಆಹಾರ ಅಷ್ಟು ಸಾಲಲ್ಲ ಎಂಬುದು ಗೊತ್ತಿ​ರುವ ವಿಚಾ​ರವೇ. ಹೀಗಾ​ಗಿ ಖಾದ್ಯ​ಗ​ಳೆಂದು ಗುರು​ತಿ​ಸ​ಲ್ಪ​ಟ್ಟಿ​ರು​ವ ಅಮೆಜಾನ್‌ ಅರ​ಣ್ಯ​ಗ​ಳ​ಲ್ಲಿನ ಬೀಜಗಳು, ಹಣ್ಣುಗಳು, ಬೇರುಗಳು ಮತ್ತು ಸಸ್ಯಗಳನ್ನು ಸಹ ಇವ​ರು ಸೇವಿಸಿದ್ದಾರೆ ಎಂದು ಕೊಲಂಬಿಯಾದ ರಾಷ್ಟ್ರೀಯ ಮೂಲ​ನಿ​ವಾ​ಸಿ​ಗಳ ಸಂಸ್ಥೆಯ ತಜ್ಞ ಲೂಯಿಸ್‌ ಅಕೋಸ್ಟಾ ಹೇಳಿ​ದ್ದಾ​ರೆ.

ರಕ್ಷಿ​ಸ​ಲ್ಪಟ್ಟ ಮಕ್ಕ​ಳನ್ನು ಆಸ್ಪ​ತ್ರೆಗೆ ದಾಖ​ಲಿ​ಸ​ಲಾ​ಗಿದ್ದು, ಅಲ್ಲಿ ಅವರು ಚಿಕಿತ್ಸೆ ಪಡೆ​ಯುತ್ತಿದ್ದಾ​ರೆ.

ಇದನ್ನೂ ಓದಿ: ಸಫಾರಿಗೆ ಹೋದವರ ಮೇಲೆ ಅಟ್ಟಿಸಿಕೊಂಡು ಹೋದ ವ್ಯಾಘ್ರ: ಪ್ರವಾಸಿಗರು ಜಸ್ಟ್ ಮಿಸ್!

• Amazon
• Forest
• Children
• Food