ಕೊರೋನಾದಿಂದ 2 ವರ್ಷ ರಕ್ಷಣೆ ನೀಡುತ್ತೆ ಈ ಲಸಿಕೆ!
ಕೊರೋನಾದಿಂದ 2 ವರ್ಷ ರಕ್ಷಣೆ ನೀಡುತ್ತೆ ರಷ್ಯಾ ಲಸಿಕೆ| ಫೈಝರ್‌ ಲಸಿಕೆಯಲ್ಲಿ 5 ತಿಂಗಳು ಸುರಕ್ಷೆ| ಸ್ಪುಟ್ನಿಕ್‌ ಲಸಿಕೆ ತಯಾರಿಕಾ ಕಂಪನಿ ಹೇಳಿಕೆ
ನವದೆಹಲಿ(ಡಿ.16): ಫೈಝರ್‌ ಹಾಗೂ ಬಯೋಎನ್‌ಟೆಕ್‌ ಕಂಪನಿಗಳು ಅಭಿವೃದ್ಧಿಪಡಿಸಿರುವ ಕೊರೋನಾ ಲಸಿಕೆ ಕೇವಲ 4-5 ತಿಂಗಳುಗಳ ಕಾಲ ಕೊರೋನಾದಿಂದ ರಕ್ಷಣೆ ಒದಗಿಸಿದರೆ, ರಷ್ಯಾದ ಸ್ಪುಟ್ನಿಕ್‌-5 ಲಸಿಕೆ ಬರೋಬ್ಬರಿ 2 ವರ್ಷಗಳ ಕಾಲ ವೈರಸ್‌ನಿಂದ ಸುರಕ್ಷೆಯನ್ನು ನೀಡುತ್ತದೆ ಎಂದು ಅದನ್ನು ತಯಾರಿಸಿರುವ ಗಾಮಲೆಯಾ ಸಂಶೋಧನಾ ಕೇಂದ್ರ ಹೇಳಿಕೊಂಡಿದೆ.
ನೋಂದಣಿ ಮಾಡಿಕೊಂಡವರಿಗೆ ಮಾತ್ರ ಲಸಿಕೆ, ಹೀಗಿದೆ ಕೇಂದ್ರದ ಮಾರ್ಗಸೂಚಿ!
ಬ್ರಿಟನ್‌ ಹಾಗೂ ಅಮೆರಿಕದಲ್ಲಿ ಫೈಝರ್‌ ಕಂಪನಿಯ ಮಾನವ ಬಳಕೆ ಆರಂಭವಾಗಿರುವ ಹೊತ್ತಿನಲ್ಲೇ ರಷ್ಯಾ ಕಂಪನಿ ಈ ಹೇಳಿಕೆ ನೀಡಿರುವುದು ಮಹತ್ವ ಪಡೆದುಕೊಂಡಿದೆ. ‘ನಮ್ಮ ಲಸಿಕೆಯನ್ನು ಎಬೋಲಾ ಲಸಿಕೆ ಆಧರಿಸಿ ಅಭಿವೃದ್ಧಿಪಡಿಸಲಾಗಿದೆ. ಇದು ಕನಿಷ್ಠ 2 ವರ್ಷ, ಅದಕ್ಕಿಂತ ಹೆಚ್ಚು ರಕ್ಷಣೆಯನ್ನು ನೀಡುತ್ತದೆ. ಆದರೆ ಫೈಝರ್‌ ಲಸಿಕೆ 4ರಿಂದ 5 ತಿಂಗಳು ರಕ್ಷಣೆ ನೀಡಬಲ್ಲದು’ ಎಂದು ಗಾಮಲೆಯಾ ಸಂಶೋಧನಾ ಕೇಂದ್ರದ ಮುಖ್ಯಸ್ಥ ಅಲೆಕ್ಸಾಂಡರ್‌ ಗಿಂಟ್ಸ್‌ಬರ್ಗ್‌ ತಿಳಿಸಿದ್ದಾರೆ.
ಕೊರೋನಾ ಲಸಿಕೆ ಖರೀದಿಯಲ್ಲಿ ದಿಢೀರ್ 10 ಕೋಟಿ ಇಳಿಕೆ!
ಸ್ಪುಟ್ನಿಕ್‌ ಲಸಿಕೆಯನ್ನು ರಷ್ಯಾದಲ್ಲಿ ಈಗಾಗಲೇ ಮಾನವರಿಗೆ ನೀಡಲಾಗುತ್ತಿದೆ. ಆದರೆ ಈ ಲಸಿಕೆಯ ಮೂರು ಹಾಗೂ ಕೊನೆಯ ಹಂತದ ಪ್ರಯೋಗ ಇನ್ನೂ ನಡೆಯುತ್ತಿದೆ.
