ದೆಹಲಿ(ಏ.23): ಮಾನವೀಯ ಪರಿಹಾರ ಕಾರ್ಯಗಳಿಂದಲೇ ಖ್ಯಾತಿ ಪಡೆದ ಪಾಕಿಸ್ತಾನದ ಎಧಿ ಫೌಂಡೇಶನ್ ಕೊರೊನಾವೈರಸ್ ಹೆಚ್ಚಳದಿಂದ ತತ್ತರಿಸುತ್ತಿರುವ ಭಾರತಕ್ಕೆ ನೆರವಾಗಲು 50 ಆಂಬುಲೆನ್ಸ್‌ಗಳನ್ನು ಭಾರತಕ್ಕೆ ಕಳುಹಿಸಲು ಮುಂದಾಗಿದೆ.

ಪ್ರಧಾನಿ ನರೇಂದ್ರ ಮೋದಿಯವರಿಗೆ ಎಡಿ ಫೌಂಡೇಶನ್‌ನ ನಿರ್ದೇಶಕ ಮತ್ತು ಸಂಸ್ಥೆಯ ಸಂಸ್ಥಾಪಕ ದಿವಂಗತ ಅಬ್ದುಲ್ ಸತ್ತಾರ್ ಎಡಿಯವರ ಪುತ್ರ ಫೈಸಲ್ ಎಧಿ ಅವರು ಬರೆದ ಪತ್ರದಲ್ಲಿ ಈ ಪ್ರಸ್ತಾಪ ಮಾಡಲಾಗಿದೆ.

ಆಕ್ಸಿಜನ್ ತುಂಬಿ ಬರುತ್ತಿದ್ದ ಟ್ಯಾಂಕರ್ ಹಾಡಹಗಲೇ ಕಳ್ಳತನ

ಕೊರೋನಾ ನಿಮ್ಮ ದೇಶದ ಮೇಲೆ ಉಂಟುಮಾಡಿದ ಭಾರೀ ಪರಿಣಾಮದ ಬಗ್ಗೆ ಕೇಳಲು ನಾವು ತುಂಬಾ ವಿಷಾದಿಸುತ್ತೇವೆ. ಅಲ್ಲಿ ಹೆಚ್ಚಿನ ಸಂಖ್ಯೆಯ ಜನರು ಕೊರೋನಾದಿಂದ ಬಳಲುತ್ತಿದ್ದಾರೆ. ನೆರೆಯ ಸ್ನೇಹಿತನಾಗಿ, ನಾವು ನಿಮ್ಮ ಬಗ್ಗೆ ಸಹಾನುಭೂತಿ ಹೊಂದಿದ್ದೇವೆ ಮತ್ತು ಈ ಕಷ್ಟದ ಸಮಯದಲ್ಲಿ, 50 ಆಂಬುಲೆನ್ಸ್‌ಗಳ ಮೂಲಕ ಸಹಾಯವನ್ನು ನೀಡಲು ನಾವು ಬಯಸುತ್ತೇವೆ. ಪ್ರಸ್ತುತ ಆರೋಗ್ಯ ಪರಿಸ್ಥಿತಿಗಳನ್ನು ಪರಿಹರಿಸಲು ಮತ್ತು ಮತ್ತಷ್ಟು ಕಷ್ಟಗಳನ್ನು ತಪ್ಪಿಸಲು ನಿಮಗೆ ಸಹಾಯ ಮಾಡುತ್ತೇವೆ ಎಂದು ಇಸ್ಲಾಮಾಬಾದ್‌ನಲ್ಲಿರುವ ಭಾರತೀಯ ಮಿಷನ್‌ಗೆ ಕಳುಹಿಸಲಾದ ಪತ್ರದಲ್ಲಿ ಹೇಳಲಾಗಿದೆ.

ಕರಾಚಿಯಿಂದ ದೂರವಾಣಿಯಲ್ಲಿ ಮಾತನಾಡಿದ ಫೈಸಲ್ ಎಡಿ ಭಾರತೀಯ ಜನರು ಎದುರಿಸುತ್ತಿರುವ ಕಷ್ಟಗಳನ್ನು ನೋಡಿ ಈ ಪ್ರಸ್ತಾಪವನ್ನು ನೀಡಿದ್ದಾಗಿ ಹೇಳಿದ್ದಾರೆ. ಜನರು ಬಳಲುತ್ತಿದ್ದಾರೆ. ನಾವು ಪಾಕಿಸ್ತಾನದಾದ್ಯಂತ ಕೋವಿಡ್ -19 ಪ್ರಕರಣಗಳನ್ನು ನಿಭಾಯಿಸಿದ್ದೇವೆ. ಅಂತಹ ಸಂದರ್ಭಗಳಲ್ಲಿ ಕಾರ್ಯನಿರ್ವಹಿಸುವ ಅನುಭವವನ್ನು ನಾವು ಹೊಂದಿದ್ದೇವೆ. ಅದಕ್ಕಾಗಿಯೇ ನಾವು ನಮ್ಮ ಸೇವೆಗಳನ್ನು ನಿಮಗೆ ನೀಡಲು ಮುಂದಾಗಿದ್ದೇವೆ ಎಂದು ಅವರು ಹೇಳಿದ್ದಾರೆ.

ನಟ, ನಟಿಯರ ವ್ಯಾನಿಟಿ ವ್ಯಾನ್ ಕೊರೋನೋ ಡ್ಯೂಟಿಯ ಪೊಲೀಸರಿಗೆ ನೀಡಿದ ಉದ್ಯಮಿ

ಭಾರತದ ಕಡೆಯಿಂದ ಅನುಮತಿ ನೀಡಿದರೆ ಸಹಾಯ ಮಾಡಲು ನಾವು ಏನು ಬೇಕಾದರೂ ಮಾಡಲು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸಿದ್ಧರಾಗಿದ್ದೇವೆ. ನಾವು ಭಾರತೀಯ ಅಧಿಕಾರಿಗಳೊಂದಿಗೆ ಸಂಪೂರ್ಣವಾಗಿ ಸಹಕರಿಸುತ್ತೇವೆ. ಅವರು ನಮಗೆ ಕಾರ್ಯನಿರ್ವಹಿಸಲು ಅನುಮತಿಸುವ ಯಾವುದೇ ನಗರದಲ್ಲಿ ಕಾರ್ಯನಿರ್ವಹಿಸಲು ಸಿದ್ಧರಾಗಿದ್ದೇವೆ ಎಂದು ಅವರು ಹೇಳಿದ್ದಾರೆ.

ಎಡಿ ಫೌಂಡೇಶನ್ ತನ್ನ ಪತ್ರದಲ್ಲಿ ಯಾವುದೇ ಅನಾನುಕೂಲತೆ ಉಂಟಾಗದಂತೆ ಭಾರತೀಯ ಅಧಿಕಾರಿಗಳಿಗೆ ಸಂಪೂರ್ಣ ಬೆಂಬಲವನ್ನು ನೀಡುತ್ತದೆ. ಗಡಿಯುದ್ದಕ್ಕೂ ಕಾರ್ಯನಿರ್ವಹಿಸಲು ಅನುಮತಿಸುವ ತನ್ನ ಯಾವುದೇ ತಂಡಗಳಿಗೆ ಅಗತ್ಯವಿರುವ ಎಲ್ಲಾ ಸರಬರಾಜುಗಳನ್ನು ವ್ಯವಸ್ಥೆಗೊಳಿಸುವುದಾಗಿ ಹೇಳಿದೆ.

ನಮ್ಮ ಕಾರ್ಯಾಚರಣೆಗಳಿಗೆ ನಾವು ಭಾರತದ ಕಡೆಯಿಂದ ಯಾವುದೇ ಸಹಾಯವನ್ನು ಪಡೆಯುತ್ತಿಲ್ಲ. ನಾವು ನಮ್ಮದೇ ಆದ ಆಹಾರ, ಇಂಧನ ಮತ್ತು ಇತರ ಸರಬರಾಜುಗಳನ್ನು ಸಾಗಿಸುತ್ತೇವೆ. ತಂಡವು ತುರ್ತು ವೈದ್ಯಕೀಯ ತಂತ್ರಜ್ಞರು, ಚಾಲಕರು ಮತ್ತು ಸಹಾಯಕ ಸಿಬ್ಬಂದಿಯನ್ನು ಒಳಗೊಂಡಿರುತ್ತದೆ ಎಂದು ಫೈಸಲ್ ಎಡಿ ಹೇಳಿದ್ದಾರೆ.

ಉಭಯ ದೇಶಗಳ ನಡುವಿನ ಬಿಗಿಯಾದ ಸಂಬಂಧಗಳನ್ನು ಗಮನಿಸಿದರೆ, ಎಡಿ ಫೌಂಡೇಶನ್‌ನ ಪ್ರಸ್ತಾಪವನ್ನು ಸ್ವೀಕರಿಸುವ ಸಾಧ್ಯತೆ ಬಗ್ಗೆ ಪ್ರತಿಕ್ರಿಯಿಸಿ,ನಾವು ಪ್ರಸ್ತಾಪವನ್ನು ನೀಡಿದ್ದೇವೆ ಮತ್ತು ಭಾರತೀಯ ಅಧಿಕಾರಿಗಳು ನಮಗೆ ಸಹಾಯ ಮಾಡಲು ಬಯಸುವಲ್ಲೆಲ್ಲಾ ಕಾರ್ಯನಿರ್ವಹಿಸುವ ಮೂಲಕ ಸಹಾಯ ಮಾಡಲು ಸಂಪೂರ್ಣವಾಗಿ ಸಿದ್ಧರಿದ್ದೇವೆ. ಸ್ಥಳೀಯ ಆಡಳಿತ ಮತ್ತು ಪೊಲೀಸ್ ಇಲಾಖೆಗಳೊಂದಿಗೆ ನಾವು ಸಂಪೂರ್ಣವಾಗಿ ಸಹಕರಿಸುತ್ತೇವೆ ಎಂದಿದ್ದಾರೆ.

ಪಾಕಿಸ್ತಾನದಾದ್ಯಂತದ ಎಡಿ ಫೌಂಡೇಶನ್‌ನ ಆಂಬ್ಯುಲೆನ್ಸ್ ಸೇವೆಗಳು ಸರ್ಕಾರಿ ಸೇವೆಗಳಿಗಿಂತ ಹೆಚ್ಚು ಪರಿಣಾಮಕಾರಿಯಾಗಿದೆ. ಇವುಗಳು ಸರ್ಕಾರಿ ಆಂಬುಲೆನ್ಸ್‌ಗಳಿಗಿಂತ ಮೊದಲು ಅಪಘಾತಗಳು ಅಥವಾ ಭಯೋತ್ಪಾದಕ ದಾಳಿಯ ಸ್ಥಳವನ್ನು ತಲುಪುತ್ತವೆ. ಫೌಂಡೇಶನ್ ಅನಾಥಾಶ್ರಮಗಳು, ಆಸ್ಪತ್ರೆಗಳು, ವೃದ್ಧರಿಗೆ ಮನೆಗಳು, ಸ್ಮಶಾನಗಳನ್ನೂ ಒದಗಿಸಿವೆ.

ಫೌಂಡೇಶನ್ ಪಾಕಿಸ್ತಾನದ ಜೈಲುಗಳಲ್ಲಿ, ವಿಶೇಷವಾಗಿ ಕರಾಚಿಯಲ್ಲಿರುವ ಭಾರತೀಯ ಮೀನುಗಾರರಿಗೆ ಸಹಾಯ ಮಾಡಿದೆ ಮತ್ತು ಅವರ ಮರಳುವಿಕೆ ನೆರವಾಗಿದೆ. 2016 ರಲ್ಲಿ ನಿಧನರಾದ ಅಬ್ದುಲ್ ಸತ್ತಾರ್ ಎಧಿ ಮತ್ತು ಅವರ ಪತ್ನಿ ಬಿಲ್ಕ್ವಿಸ್ ಅವರು ಒಂಬತ್ತು ವರ್ಷದವರಾಗಿದ್ದಾಗ ಆಕಸ್ಮಿಕವಾಗಿ ಗಡಿಯುದ್ದಕ್ಕೂ ದಾರಿ ತಪ್ಪಿದ ಕಿವುಡ ಭಾರತೀಯ ಮಹಿಳೆ ಗೀತಾ ಅವರನ್ನು ನೋಡಿಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಗೀತಾ ಅವರನ್ನು 2015 ರಲ್ಲಿ ವಾಪಸಾಗುವವರೆಗೂ ಬಿಲ್ಕ್ವಿಸ್ ವೈಯಕ್ತಿಕವಾಗಿ ನೋಡಿಕೊಂಡಿದ್ದರು.