ಮದುವೆ ದಿನವೇ ಯುವಕನೊಂದಿಗೆ ಕಾದಾಡಿದ ವಧು, ವೈರಲ್ ಆಯ್ತು ವಿಡಿಯೋ!
ಅನಾಮಿಕರೊಂದಿಗೆ ವಧುವಿನ ಕಾದಾಟ| ವೈರಲ್ ಆಯ್ತು ವಿಡಿಯೋ| ವಿಡಿಯೋ ವೈರಲ್ ಆದ ಬೆನ್ನಲ್ಲೇ ಕಾರಣ ಬಹಿರಂಗಪಡಿಸಿದ ವಧು
ವೇಲ್ಸ್(ಸೆ.10): ವಧುವೊಬ್ಬಳ ಶಾಕಿಂಗ್ ವಿಡಿಯೋ ಇಂಟರ್ಎಟ್‌ನಲ್ಲಿ ಭಾರೀ ವೈರಲ್ ಆಗಿದೆ. ವಿಡಿಯೋದಲ್ಲಿ ಮದುಮಗಳು ಅಜ್ಞಾತ ವ್ಯಕ್ತಿಯೊಂದಿಗೆ ಜಗಳವಾಡುತ್ತಿರುವ ದೃಶ್ಯವಿದೆ. ಇನ್ನು ಫಾಕ್ಸ್‌ ನ್ಯೂಸ್‌ ಅನ್ವಯ ದಕ್ಷಿಣ ವೇಲ್ಸ್‌ನ ಸ್ವಾನ್ಸಿಯಲ್ಲಿ ಒಂದು ರಗ್ಬೀ ಕ್ಲಬ್‌ನಲ್ಲಿ ಈ ವಿವಾದವೇರ್ಪಟ್ಟಿದೆ. ಶುಕ್ರವಾರ ಡೇವಿಡ್ ಎಂಬಾತನೊಂದಿಗೆ ಈಕೆಯ ವಿವಾಹ ನಡೆದಿದ್ದು, ಮದುವೆ ಬಳಿಕ ಈ ಜಗಳ ನಡೆದಿದೆ ಎನ್ನಲಾಗಿದೆ.
ಜಗಳದ ವಿಡಿಯೋವೊಂದನ್ನು ಭಾನುವಾರ ರೆಡಿಟ್‌ಗೆ ಪೋಸ್ಟ್‌ ಮಾಡಲಾಗಿತ್ತು. ಅನೇಕ ಮಂದಿ ಘಟನೆ ಸಂಬಂಧ ಅಚ್ಚರಿ ವ್ಯಕ್ತಪಡಿಸುವ ಸಂದೇಶ ಕಳುಹಿಸಿದ್ದರು. ಹೀಗಾಘಿ ಕೂಡಲೇ ಇದನ್ನು ಡಿಲೀಟ್ ಮಾಡಲಾಗಿತ್ತು.
Nothing like a good old punch up to end your wedding day. from r/trashy
ಇನ್ನು ಈ ಸಂಬಂಧ ದ ಸನ್ ವರದಿ ಪ್ರಸಾರ ಮಾಡಿದ್ದು, ಇದರಲ್ಲಿ ವಧು ತಾನು ಯಾರೊಂದಿಗೂ ಜಗಳವಾಡಿಲ್ಲ. ನನಗ್ಯಾರೂ ಹೊಡೆದಿಲ್ಲ. ತಾನು ಗುಂಪಿನ ನಡುವೆ ನಡೆಯುತ್ತಿದ್ದ ಜಗಳವನ್ನು ನಿಲ್ಲಿಸಲು ಯತ್ನಿಸುತ್ತಿದ್ದೆ ಎಂದು ತಿಳಿಸಿದ್ದಾರೆಂದು ಪ್ರಕಟಿಸಿದೆ.
