ಪ್ರಯೋಗಾಲಯದಿಂದ ನೂರಾರು ಮಾರಣಾಂತಿಕ ವೈರಸ್ಗಳು ಕಾಣೆಯಾಗಿವೆ. ಹೆಂದ್ರಾ, ಲೈಸಾ ಮತ್ತು ಹ್ಯಾಂಟಾ ಸೇರಿದಂತೆ 323 ವೈರಸ್ಗಳು ಲ್ಯಾಬ್ನಿಂದ ಕಾಣೆಯಾಗಿವೆ. ಇದು ಜೈವಿಕ ಸುರಕ್ಷತೆಯ ಉಲ್ಲಂಘನೆ ಎಂದು ಅಧಿಕಾರಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.
ಸಿಡ್ನಿ: ಆಸ್ಟ್ರೇಲಿಯಾದ ಜೈವಿಕ ಪ್ರಯೋಗಾಲಯದಿಂದ ನೂರಾರು ಭಯಾನಕ ವೈರಸ್ಗಳ ಸ್ಯಾಂಪಲ್ಗಳು ಮಿಸ್ ಆಘಾತಕಾರಿ ವಿಷಯವೊಂದು ಹೊರ ಬಂದಿದೆ. ಇದು ಅತಿದೊಡ್ಡ ಜೈವಿಕ ಸುರಕ್ಷತೆಯ ಉಲ್ಲಂಘನೆ ಎಂದು ಅಧಿಕಾರಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ. ಮಾರಣಾಂತಿಕ ವೈರಸ್ ಮಿಸ್ ಆಗಿರೋದನ್ನು ಆಸ್ಟ್ರೇಲಿಯಾದ ಕ್ವೀನ್ಸ್ಲ್ಯಾಂಡ್ ಸರ್ಕಾರ (Queensland government) ಖಚಿತಪಡಿಸಿದೆ. ಬಯೋಸೆಕ್ಯುರಿಟಿ ಪ್ರೋಟೋಕಾಲ್ (Biosecurity Protocols) ನಲ್ಲಿ ಅತಿದೊಡ್ಡ ಉಲ್ಲಂಘನೆಯಾಗಿದ್ದು, ಈ ಸಂಬಂಧ ಕ್ಷಿಪ್ರವಾಗಗಿ ತನಿಖೆ ಆರಂಭಿಸುವಂತೆ ಕ್ವೀನ್ಸ್ಲ್ಯಾಂಡ್ ಹೆಲ್ತ್ ವಿಭಾಗಕ್ಕೆ ಆಸ್ಟ್ರೇಲಿಯಾದ ಸಾರ್ವಜನಿಕ ಆರೋಗ್ಯ ಇಲಾಖೆ ಸೂಚನೆ ನೀಡಿದೆ.
ವರದಿಗಳ ಪ್ರಕಾರ, ಸಾಂಕ್ರಾಮಿಕ ರೋಗ ಹರಡುವ ಹೆಂದ್ರಾ, ಲೈಸಾ ಮತ್ತು ಹ್ಯಾಂಟಾ ಸೇರಿದಂತೆ 323 ವೈರಸ್ಗಳು (Infectious Viruses) ಕ್ವೀನ್ಸ್ಲ್ಯಾಂಡ್ನ ಪಬ್ಲಿಕ್ ಹೆಲ್ತ್ ವೈರಾಲಜಿ ಲ್ಯಾಬ್ನಿಂದ 2023-ಆಗಸ್ಟ್ನಲ್ಲಿ ಮಿಸ್ ಆಗಿವೆ. ಹೆಂದ್ರಾ ಎಂಬುವುದು ಜೂನೊಟಿಕ್ ವೈರಸ್ (Animal to Human) ಆಗಿದ್ದು ಆಸ್ಟ್ರೇಲಿಯಾದಲ್ಲಿ ಮಾತ್ರ ಕಂಡು ಬರುತ್ತದೆ.
ಇನ್ನು ಹ್ಯಾಂಟಾ ಎಂಬುವುದು ವೈರಸ್ನ ಕುಟುಂಬವಾಗಿದ್ದು, ಇದಕ್ಕೆ ತುತ್ತಾದವರು ತೀವ್ರ ಅನಾರೋಗ್ಯಕ್ಕೆ ತುತ್ತಾಗಿ ಪ್ರಾಣ ಕಳೆದುಕೊಳ್ಳುತ್ತಾರೆ. ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರದ ಪ್ರಕಾರ, ಲಿಸಾ ಎಂಬುವುದು ವೈರಸ್ಗಳ ಗುಂಪು ಆಗಿದೆ. ಲಿಸಾ ವೈರಸ್ಗೆ ತುತ್ತಾದವರು ರೇಬಿಸ್ ಕಾಯಿಲೆಗೆ ತುತ್ತಾಗುತ್ತಾರೆ.
ಇದನ್ನೂ ಓದಿ: ಒಲಿಂಪಸ್ ಮಾನ್ಸ್: ನಮ್ಮ ಸೌರವ್ಯೂಹದ ಅತೀ ಎತ್ತರದ ಶಿಖರ!
ವೈರಸ್ ಮಾದರಿ ಮಿಸ್ ಆಗಿದ್ದ ಪ್ರಯೋಗಾಲಯಲ್ಲಿ ರೋಗ ಪತ್ತೆ ಮಾಡುವಿಕೆ ಮತ್ತು ವಿವಿಧ ವೈದ್ಯಕೀಯಕ್ಕೆ ಸಂಬಂಧಿಸಿದ ಸಂಶೋಧನೆಗಳು ನಡೆಯುತ್ತವೆ. ರೋಗ ನಿಯಂತ್ರಣಕ್ಕೆ ಸಂಬಂಧಿಸಿದ ರೋಗಕಾರಕಗಳ ಸಂಶೋಧನೆಯನ್ನು ನಡೆಸುತ್ತದೆ ಎಂದು ಬಿಡುಗಡೆಯಾಗಿರುವ ಮಾಧ್ಯಮ ಪ್ರಕಟನೆಯಲ್ಲಿ ತಿಳಿಸಲಾಗಿದೆ. ಸಾಂಕ್ರಾಮಿಕ ವೈರಸ್ ಮಾದರಿಗಳನ್ನು ಕಳ್ಳತನ ಮಾಡಲಾಗಿದೆಯಾ? ನಾಶಪಡಿಸಲಾಗಿದೆಯಾ? ಎಂಬುದರ ಬಗ್ಗೆ ತಿಳಿದು ಬಂದಿಲ್ಲ. ಈ ವೈರಸ್ ಸಮುದಾಯಕ್ಕೆ ಅಪಾಯವನ್ನುಂಟು ಮಾಡಿದೆ ಎಂಬುದಕ್ಕೆ ಯಾವುದೇ ಸಾಕ್ಷಿಗಳಿಲ್ಲ. ಹಾಗೆ ಸಮುದಾಯವನ್ನು ತಲುಪಿಲ್ಲ ಎಂಬುದಕ್ಕೂ ಪುರಾವೆಗಳಿಲ್ಲ ಎಂದು ವರದಿಯಾಗಿದೆ. ಈ ಸಂಬಂಧ ಆಸ್ಟ್ರೇಲಿಯಾ ಸರ್ಕಾರ ತನಿಖೆಯನ್ನು 9 ಭಾಗಗಳಲ್ಲಿ ನಡೆಸುತ್ತಿದೆ.
ಇದನ್ನೂ ಓದಿ: 74ರ ಹರೆಯದಲ್ಲಿಯೂ ಮೊಟ್ಟೆ ಇಟ್ಟ ಜಗತ್ತಿನ ಅತೀ ಹಿರಿಯ ಕಡಲಕೋಳಿ
