WhatsAppನಲ್ಲಿ ಶೀಘ್ರದಲ್ಲೇ ಈ 7 ಬದಲಾವಣೆ: ಅತ್ಯಾಕರ್ಷಕ ವೈಶಿಷ್ಟ್ಯಗಳು ಹೀಗಿವೆ..
ವಾಟ್ಸಾಪ್‌ನಲ್ಲಿ ಶೀಘ್ರದಲ್ಲೇ 7 ಹೊಸ ವೈಶಿಷ್ಟ್ಯಗಳು ಜಾರಿಗೆ ಬರಲಿದೆ. ಸದ್ಯ, ಈ ವೈಶಿಷ್ಟ್ಯಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದ್ದು, ಈ ಬಗ್ಗೆ ವಿವರ ಇಲ್ಲಿದೆ..
ದೇಶ ಸೇರಿ ಇಡೀ ಜಗತ್ತಿನಲ್ಲಿ ಕೋಟ್ಯಂತರ ವಾಟ್ಸಾಪ್ ಬಳಕೆದಾರರಿದ್ದಾರೆ. ಮೆಟಾ ಒಡೆತನದ ಈ ಸಂಸ್ಥೆ, ಕಳೆದ ಕೆಲವು ವಾರಗಳಿಂದ ಸಾಕಷ್ಟು ಅಪ್‌ಡೇಟ್‌ ಆಗುತ್ತಿದೆ. ಕಳೆದ ಕೆಲವು ವಾರಗಳಲ್ಲಿ, ವಾಟ್ಸಾಪ್ (WhatsApp) ಸಂದೇಶಗಳಿಗೆ ಎಮೋಜಿ ಪ್ರತಿಕ್ರಿಯೆಗಳು, ಐಒಎಸ್ (iOS) ಮತ್ತು ಆಂಡ್ರಾಯ್ಡ್ (Android) ನಡುವೆ ಚಾಟ್‌ಗಳನ್ನು ವರ್ಗಾಯಿಸುವ ಸಾಮರ್ಥ್ಯ ಮತ್ತು ಧ್ವನಿ ಕರೆಗಳಲ್ಲಿ ನಿರ್ದಿಷ್ಟ ಭಾಗವಹಿಸುವವರನ್ನು ಮ್ಯೂಟ್ ಮಾಡುವಂತಹ ಹಲವಾರು ಹೊಸ ವೈಶಿಷ್ಟ್ಯಗಳನ್ನು ಪ್ರಾರಂಭಿಸುವುದನ್ನು ನಾವು ಈಗಾಗಲೇ ನೋಡಿದ್ದೇವೆ. ಇದಿಷ್ಟೇ ಅಲ್ಲ, ವಾಟ್ಸಾಪ್ ಶೀಘ್ರದಲ್ಲೇ ಐಒಎಸ್ ಮತ್ತು ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಿಗೆ ದಾರಿ ಮಾಡಿಕೊಡುವ ಕೆಲವು ಅತ್ಯಾಕರ್ಷಕ ವೈಶಿಷ್ಟ್ಯಗಳನ್ನು ಅಭಿವೃದ್ಧಿಪಡಿಸುತ್ತಿದೆ.
1) ನಿಮ್ಮ ವಾಟ್ಸಾಪ್ ಗ್ರೂಪ್‌ನಲ್ಲಿದ್ದ ಹಳೆಯ ಸದಸ್ಯರನ್ನು ವೀಕ್ಷಿಸಿ..!
ವಾಟ್ಸಾಪ್ ಗ್ರೂಪ್‌ಗಳಲ್ಲಿ ಈ ಹಿಂದೆ ಇದ್ದ ಸದಸ್ಯರನ್ನು ವೀಕ್ಷಿಸುವ ಆಯ್ಕೆಯನ್ನು ನೀಡುವ ಬಗ್ಗೆ ವಾಟ್ಸಾಪ್ ಕಾರ್ಯನಿರ್ವಹಿಸುತ್ತಿದೆ. ಸದ್ಯ, ನೀವು ವಾಟ್ಸಾಪ್ ಗುಂಪಿನ ಪ್ರಸ್ತುತ ಸದಸ್ಯರ ಪಟ್ಟಿಯನ್ನು ಮಾತ್ರ ನೋಡಬಹುದು. ಆದರೆ ಶೀಘ್ರದಲ್ಲೇ, ಗುಂಪಿನಿಂದ ನಿರ್ಗಮಿಸಿದ - ಅಥವಾ ಕಳೆದ 60 ದಿನಗಳಲ್ಲಿ ತೆಗೆದುಹಾಕಲಾದ ಜನರ ಪಟ್ಟಿಯನ್ನು ನೀವು ನೋಡಬಹುದು. ಈ ಪಟ್ಟಿಯು ಗುಂಪಿನಲ್ಲಿರುವ ಎಲ್ಲರಿಗೂ ಗೋಚರಿಸುತ್ತದೆ, ಅಂದರೆ ಇದು ಗ್ರೂಪ್ ಅಡ್ಮಿನ್‌ಗಳಿಗೆ ಮಾತ್ರ ಸೀಮಿತವಾಗಿರುವುದಿಲ್ಲ.
WhatsApp ನಲ್ಲಿ ಜಾಬ್‌ ಆಫರ್‌ ಸಿಕ್ಕಿದೆಯೇ..? ನೀವು ರಿಪ್ಲೈ ಮಾಡುವ ಮೊದಲು ಚೆನ್ನಾಗಿ ಯೋಚಿಸಿ..!
2) ಸ್ಟೇಟಸ್‌ ರಿಯಾಕ್ಷನ್‌..!
ಇನ್ಸ್ಟಾಗ್ರಾಮ್‌ (Instagram) ಮತ್ತು ಫೇಸ್ಬುಕ್ (Facebook) ನಂತೆ ವಾಟ್ಸಾಪ್ ಸ್ಟೇಟಸ್‌ಗೆ ನೀವು ಶೀಘ್ರದಲ್ಲೇ ಪ್ರತಿಕ್ರಿಯಿಸಬಹುದು. ಲಭ್ಯವಿರುವ ಯಾವುದೇ ಎಮೋಜಿಗಳಿಂದ ನೀವು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ ಮತ್ತು ನಿಮ್ಮ ಪ್ರತಿಕ್ರಿಯೆಯನ್ನು ಸಂದೇಶವಾಗಿ ಕಳುಹಿಸಲಾಗುತ್ತದೆ.
3) WhatsApp ಚಾಟ್ ನವೀಕರಣಗಳು
ಇನ್ನು, ಗುರುತಿಸಲಾದ ಮತ್ತೊಂದು ಉಪಯುಕ್ತ ವೈಶಿಷ್ಟ್ಯವೆಂದರೆ ವಾಟ್ಸಾಪ್‌ನಿಂದ ಬರುವ ಅಧಿಕೃತ “ಚಾಟ್” ಆಗಿದ್ದು, ಅಲ್ಲಿ ಕಂಪನಿಯು ಅಪ್ಲಿಕೇಶನ್‌ಗೆ ಬರುವ ಹೊಸ ವೈಶಿಷ್ಟ್ಯಗಳನ್ನು ಪ್ರಕಟಿಸಬಹುದು. ಹಾಗೂ, ಸಲಹೆಗಳು ಮತ್ತು ತಂತ್ರಗಳನ್ನು ಹಂಚಿಕೊಳ್ಳಬಹುದು ಮತ್ತು ಅಪ್ಲಿಕೇಶನ್‌ನ ವೈಶಿಷ್ಟ್ಯಗಳ ಕುರಿತು ಮಾಹಿತಿಯನ್ನು ಒದಗಿಸಬಹುದು.
4) WhatsApp ಅವತಾರಗಳು
ಇನ್ಸ್ಟಾಗ್ರಾಮ್‌ ಮತ್ತು ಫೇಸ್ಬುಕ್ ಈಗಾಗಲೇ ಫೇಸ್ಬುಕ್ ಅವತಾರಗಳ ವೈಶಿಷ್ಟ್ಯವನ್ನು ಹೊರತಂದಿವೆ ಅದು ನಿಮ್ಮ ಸ್ವಂತ ವೈಯಕ್ತಿಕಗೊಳಿಸಿದ 3D ಕಾರ್ಟೂನ್ ಚಿತ್ರವನ್ನು ರಚಿಸಲು ಮತ್ತು ಅದನ್ನು ಚಾಟ್‌ಗಳು ಹಾಗೂ ಸ್ಟೋರಿಗಳಲ್ಲಿ ಬಳಸಲು ಅನುಮತಿಸುತ್ತದೆ. ಈಗ WhatsApp ಶೀಘ್ರದಲ್ಲೇ ಅಪ್ಲಿಕೇಶನ್‌ನಲ್ಲಿ ಅದೇ ಫೇಸ್ಬುಕ್ ಅವತಾರ್‌ಗಳಿಗೆ ಬೆಂಬಲವನ್ನು ಸೇರಿಸಬಹುದು. ವಿಡಿಯೋ ಕರೆ ಮಾಡುವಾಗ ಮತ್ತು ಸ್ಟಿಕ್ಕರ್‌ನಂತೆ ನೀವು ಅವತಾರವನ್ನು ಮಾಸ್ಕ್‌ನಂತೆ ಬಳಸಲು ಸಾಧ್ಯವಾಗಬಹುದು.
5) ಆನ್‌ಲೈನ್ ಸ್ಟೇಟಸ್‌ ಮರೆಮಾಡಿ
ನೀವು ವಾಟ್ಸಾಪ್‌ನಲ್ಲಿ ಆನ್‌ಲೈನ್‌ನಲ್ಲಿರುವಾಗ ನೀವು ತೊಂದರೆಗೊಳಗಾಗಲು ಬಯಸದಿದ್ದರೆ ನಿಮ್ಮ ಆನ್‌ಲೈನ್ ಸ್ಟೇಟಸ್‌ ಅನ್ನು ಮರೆಮಾಡುವ ಅಗತ್ಯವನ್ನು ನೀವು ಅನುಭವಿಸಬಹುದು. ಇದು ಬಳಕೆದಾರರು ವರ್ಷಗಳಿಂದ ವಿನಂತಿಸುತ್ತಿರುವ ಪ್ರಮುಖ ಗೌಪ್ಯತೆ ವೈಶಿಷ್ಟ್ಯವಾಗಿದೆ. ನಿಮ್ಮ ಆನ್‌ಲೈನ್ ಸ್ಟೇಟಸ್‌ ಮರೆಮಾಡಲು ಅನುಮತಿಸುವ ವೈಶಿಷ್ಟ್ಯದಲ್ಲಿ ವಾಟ್ಸಾಪ್ ಕಾರ್ಯನಿರ್ವಹಿಸುತ್ತಿರುವುದನ್ನು ಗುರುತಿಸಲಾಗಿದೆ.
ನೂತನ ಗೌಪ್ಯತೆ ವೈಶಿಷ್ಟ್ಯಗಳನ್ನು ಪ್ರಕಟಿಸಿದ WhatsApp: ಇನ್ಮುಂದೆ ಸೈಲೆಂಟ್‌ ಆಗಿ ಗ್ರೂಪ್‌ಗಳಿಂದ ಎಕ್ಸಿಟ್‌ ಆಗಿ..!
6) ಗ್ರೂಪ್ ಅಡ್ಮಿನ್ ಸಂದೇಶ ಡಿಲೀಟ್‌ ಮಾಡಬಹುದು
ವಾಟ್ಸಾಪ್ ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ ಮತ್ತೊಂದು ಗಮನಾರ್ಹ ವೈಶಿಷ್ಟ್ಯವೆಂದರೆ ಅಡ್ಮಿನ್ ಮೆಸೇಜ್‌ ಅನ್ನು ಡಿಲೀಟ್‌ ಮಾಡುವುದು. ಈ ವೈಶಿಷ್ಟ್ಯವು ಗುಂಪಿನಲ್ಲಿರುವ ಯಾವುದೇ ಸಂದೇಶವನ್ನು ಅಳಿಸಲು ಗ್ರೂಪ್ ಅಡ್ಮಿನ್‌ಗಳಿಗೆ ಅವಕಾಶ ನೀಡುತ್ತದೆ ಎಂದು ಹೇಳಲಾಗುತ್ತದೆ. ಈ ವೈಶಿಷ್ಟ್ಯವನ್ನು ಬಿಡುಗಡೆ ಮಾಡಿದರೆ ನಿರ್ವಾಹಕರು ಅಂತಿಮವಾಗಿ ತಮ್ಮ ಗುಂಪುಗಳ ಮೇಲೆ ಹೆಚ್ಚಿನ ನಿಯಂತ್ರಣ ಹೊಂದಿರುತ್ತಾರೆ. ಸದಸ್ಯರು ಕಳುಹಿಸಿದ ಯಾವುದೇ ಸಂದೇಶವನ್ನು ಅಳಿಸಲು ಅವರು ಆಯ್ಕೆ ಮಾಡಬಹುದು, ಇದು ಅಸ್ತಿತ್ವದಲ್ಲಿರುವ ಎಲ್ಲಾ ಗುಂಪಿನ ಸದಸ್ಯರ ಸಂದೇಶವನ್ನು ತೆಗೆದುಹಾಕುತ್ತದೆ.
7) ಕಂಪ್ಯಾನಿಯನ್ ಮೋಡ್
ವಾಟ್ಸಾಪ್ ಸಹ ಹೊಸ ಕಂಪ್ಯಾನಿಯನ್ ಮೋಡ್ ಅನ್ನು ಪ್ರಾರಂಭಿಸುವ ನಿರೀಕ್ಷೆಯಿದೆ. ಇದು ಹೆಚ್ಚು ಬೇಡಿಕೆಯಿರುವ ಮತ್ತೊಂದು ವೈಶಿಷ್ಟ್ಯವಾಗಿದೆ. ಪ್ರಸ್ತುತ, ನೀವು ನಿಮ್ಮ ವಾಟ್ಸಾಪ್ ಖಾತೆಯನ್ನು ಒಂದು ಫೋನ್ ಮತ್ತು PC ಯಲ್ಲಿ ಮಾತ್ರ ಬಳಸಬಹುದು, ಆದರೆ ಪ್ರಸ್ತುತ ಅಭಿವೃದ್ಧಿಯಲ್ಲಿರುವ ಕಂಪ್ಯಾನಿಯನ್ ಮೋಡ್‌ನೊಂದಿಗೆ, ನಿಮ್ಮ ಟ್ಯಾಬ್ಲೆಟ್, ಫೋನ್‌ಗಳು ಮತ್ತು PC ಸೇರಿದಂತೆ ಬಹು ಸಾಧನಗಳಲ್ಲಿ ನಿಮ್ಮ ವಾಟ್ಸಾಪ್ ಖಾತೆಯನ್ನು ಪ್ರವೇಶಿಸಲು ನಿಮಗೆ ಸಾಧ್ಯವಾಗಬಹುದು. ಮತ್ತೊಂದು ಫೋನ್‌ನಲ್ಲಿ ವಾಟ್ಸಾಪ್ ಬಳಸಲು ನೀವು ಒಂದು ಫೋನ್‌ನಿಂದ ಲಾಗ್ ಔಟ್ ಆಗಬೇಕಾಗಿಲ್ಲ ಮತ್ತು ನಿಮ್ಮ ಅಸ್ತಿತ್ವದಲ್ಲಿರುವ ವಾಟ್ಸಾಪ್ ಖಾತೆಗೆ ದ್ವಿತೀಯ ಮೊಬೈಲ್ ಸಾಧನವನ್ನು ಲಿಂಕ್ ಮಾಡಲು ನಿಮಗೆ ಸಾಧ್ಯವಾಗಬಹುದು.
