AI ಎಫೆಕ್ಟ್‌: ನೀವ್‌ ಆರ್ಡರ್‌ ಮಾಡದಿದ್ರೂ ನಿಮ್ಮ ಮೂಡ್‌ಗೆ ತಕ್ಕಂತೆ ನಿಮ್ಮ ಟೇಬಲ್‌ಗೆ ಬರುತ್ತೆ ಪಿಜ್ಜಾ!
ಇನ್ಮುಂದೆ ನೀವು ನಿಮ್ಮ ಹತ್ತಿರದ ‘ಪಿಜ್ಜಾ ಹಟ್’ ಔಟ್ಲೆಟ್‌ಗೆ ಹೋದ್ರೆ ನಿಮ್ಮ ಮೂಡ್ ಅಥವಾ ಮನಸ್ಥಿತಿಗೆ ತಕ್ಕಂತೆ ಪಿಜ್ಜಾವನ್ನು ಅವರೇ ಶಿಫಾರಸು ಮಾಡುತ್ತಾರೆ.
 )
Followನವದೆಹಲಿ (ಮೇ 17, 2023): ಪಿಜ್ಜಾ ಅಂದರೆ ಬಹುತೇಕರಿಗೆ ಇಷ್ಟ. ಅಗಾಗ್ಗೆ ಬೇರೆ ಬೇರೆ ವೆರೈಟಿಯ ಪಿಜ್ಜಾ ತಿನ್ಮೇಕು ಅಂತ ಅನ್ನಿಸುತ್ತಿರುತ್ತೆ. ಪಿಜ್ಜಾದಲ್ಲಿ ಈಗ ನಾನಾ ವೆರೈಟಿಗಳಿದ್ದು, ಎಲ್ಲವನ್ನೂ ಒಮ್ಮೆ ಟೇಸ್ಟ್‌ ಮಾಡ್ಬೇಕೆಂದೂ ಹಲವರು ಬಯಸುತ್ತಾರೆ. ಆದರೆ, ಇನ್ಮುಂದೆ ನೀವು ಪಿಜ್ಜಾ ಔಟ್ಲೆಟ್‌ಗೆ ಹೋದ್ರೆ ಸಾಕು ನೀವು ಆರ್ಡರ್‌ ಮಾಡದಿದ್ರೂ ನಿಮ್ಮ ಮುಂದೆ ಪಿಜ್ಜಾ ಬಂದ್ಬಿಡುತ್ತೆ ನೋಡಿ.
ಹೌದು, ಇನ್ಮುಂದೆ ನೀವು ನಿಮ್ಮ ಹತ್ತಿರದ ‘ಪಿಜ್ಜಾ ಹಟ್’ ಔಟ್ಲೆಟ್‌ಗೆ ಹೋದ್ರೆ ನಿಮ್ಮ ಮೂಡ್ ಅಥವಾ ಮನಸ್ಥಿತಿಗೆ ತಕ್ಕಂತೆ ಪಿಜ್ಜಾವನ್ನು ಅವರೇ ಶಿಫಾರಸು ಮಾಡುತ್ತಾರೆ. ಅದು ಹೇಗೆ ಸಾಧ್ಯ ಎಂದು ಯೋಚಿಸುತ್ತಿದ್ದೀರಾ? ಪಿಜ್ಜಾ ಹಟ್ ಕಂಪನಿ ದೇಶದ ಕೆಲ ನಗರಗಳಲ್ಲಿ AI ಚಾಲಿತ ಮೂಡ್ ಡಿಟೆಕ್ಟರ್ ಅನ್ನು ಸ್ಥಾಪಿಸಿದ್ದು, ಇದು ನಿಮ್ಮ ಮನಸ್ಥಿತಿಗೆ ಅನುಗುಣವಾಗಿ ನಿಮಗೆ ಪಿಜ್ಜಾವನ್ನು ಶಿಫಾರಸು ಮಾಡಬಹುದು. ಗ್ರಾಹಕರ ಮನಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು AI ತಂತ್ರಜ್ಞಾನವನ್ನು ಬಳಸಿಕೊಳ್ಳುವ ಮೊದಲ ಕ್ವಿಕ್ ಸರ್ವೀಸ್‌ ರೆಸ್ಟೋರೆಂಟ್ (QSR) ಬ್ರ್ಯಾಂಡ್ ಆಗಿ, ಪಿಜ್ಜಾ ಹಟ್ ಈ ವಿಶಿಷ್ಟ ಸಾಧನಗಳನ್ನು ಬೆಂಗಳೂರು, ದೆಹಲಿ, ಲಕ್ನೋ, ಹೈದರಾಬಾದ್ ಮತ್ತು ಚೆನ್ನೈನಂತಹ ಪ್ರಮುಖ ನಗರಗಳ ಆಯ್ದ ರೆಸ್ಟೋರೆಂಟ್‌ಗಳಲ್ಲಿ ಸ್ಥಾಪಿಸಿದೆ.
ಇದನ್ನು ಓದಿ: ಚಾಟಿಂಗ್ ರಹಸ್ಯವಾಗಿಡಲು ವಾಟ್ಸ್‌ಆ್ಯಟ್‌ನಲ್ಲಿ ಬಂದಿದೆ ಚಾಟ್‌ ಲಾಕ್‌ ಫೀಚರ್‌: ಬಳಕೆ ಮಾಡುವುದು ಹೀಗೆ..
ಇದನ್ನು ಟ್ರೈ ಮಾಡಲು, ನೀವು ಅಂದ್ರೆ ಗ್ರಾಹಕರು ಏನು ಮಾಡ್ಬೇಕು ಅಂತೀರಾ? ಆ AI ಸಾಧನದ ಮುಂದೆ ನಿಂತುಕೊಂಡು, ಸ್ಕ್ರೀನ್‌ನತ್ತ ದೃಷ್ಟಿ ಹಾಯಿಸಿ, ಮತ್ತು ಡಿಟೆಕ್ಟರ್‌ಗೆ ನಿಮ್ಮ ಮನಸ್ಥಿತಿಯನ್ನು ವಿಶ್ಲೇಷಿಸಲು ಮತ್ತು ಪತ್ತೆಹಚ್ಚಲು ಅವಕಾಶ ಮಾಡಿಕೊಡಿ. ಬಳಿಕ ಒಂದು ಫ್ಲ್ಯಾಶ್‌ನಲ್ಲಿ, ಸಾಧನವು ಪರಿಪೂರ್ಣವಾದ ಪಿಜ್ಜಾ ಶಿಫಾರಸನ್ನು ಪ್ರಸ್ತುತಪಡಿಸುತ್ತದೆ. ನಿಮ್ಮ ಭಾವನೆಗಳಿಗೆ ಸರಿಹೊಂದುವಂತೆ ಇದು ವಿನ್ಯಾಸಗೊಳಿಸಲಾಗಿದೆ.
ಆದರೆ ಅದು ಹೇಗೆ ಕೆಲಸ ಮಾಡುತ್ತೆ ಗೊತ್ತೇ? ಈ ಕ್ಯಾಮರಾದಿಂದ ಸೆರೆಹಿಡಿಯಲಾದ ಕಣ್ಣಿನ ಚಲನೆಗಳು, ನಗು ಮತ್ತು ಹುಬ್ಬುಗಳು ಸೇರಿದಂತೆ ಮುಖದ ಮೇಲಿನ ವಿವಿಧ ಹೆಗ್ಗುರುತುಗಳನ್ನು ವಿಶ್ಲೇಷಿಸುವ ಮೂಲಕ ಮುಖದ ಅಭಿವ್ಯಕ್ತಿಗಳನ್ನು ಪತ್ತೆಹಚ್ಚಲು ಸಾಧನವು ಸಂಖ್ಯಾಶಾಸ್ತ್ರೀಯ ಮಾದರಿಯನ್ನು ಬಳಸುತ್ತದೆ. ಈ ಮಾದರಿಗಳನ್ನು ನಂತರ ಸಾರ್ವಜನಿಕವಾಗಿ ಲಭ್ಯವಿರುವ ನೂರಾರು ಸಾವಿರ ಚಿತ್ರಗಳನ್ನು ಒಳಗೊಂಡಿರುವ ವ್ಯಾಪಕವಾದ ಡೇಟಾಬೇಸ್ ವಿರುದ್ಧ ಹೋಲಿಸಲಾಗುತ್ತದೆ.
ಇದನ್ನೂ ಓದಿ: ನಿಮ್ಮ ಮೊಬೈಲ್‌ ಕಳ್ಕೊಂಡ್ರೆ ಚಿಂತೆ ಬೇಡ: ದೇಶಾದ್ಯಂತ ಜಾರಿಯಾಗ್ತಿದೆ ಸಿಇಐಆರ್‌ ವ್ಯವಸ್ಥೆ
ಇನ್ನು, ಗ್ರಾಹಕರ ಗೌಪ್ಯತೆಯನ್ನು ಕಾಪಾಡಲಾಗುತ್ತದೆ ಎಂದೂ ತಿಳಿದುಬಂದಿದೆ. ಏಕೆಂದರೆ AI ಮುಖದ ಮಾದರಿಗಳನ್ನು ಸಂಖ್ಯಾತ್ಮಕ ಡೇಟಾದಂತೆ ಮಾತ್ರ ಸಂಗ್ರಹಿಸುತ್ತದೆ. ಆದರೆ, ಯಾವುದೇ ಸ್ವರೂಪದಲ್ಲಿ ಯಾವುದೇ ಫೋಟೋಗಳನ್ನು ಸೇವ್‌ ಮಾಡಿಕೊಳ್ಳಲ್ಲ ಎಂದು ಪಿಜ್ಜಾ ಹಟ್ ಮಾಹಿತಿ ನೀಡಿದೆ.
ಈ ಬಗ್ಗೆ ಪಿಜ್ಜಾ ಹಟ್ ಇಂಡಿಯಾದ ಮುಖ್ಯ ಮಾರ್ಕೆಟಿಂಗ್ ಅಧಿಕಾರಿ ಆನಂದಿತಾ ದತ್ತಾ ಅವರು ಮಾಹಿತಿ ನೀಡಿದ್ದು, ಈ ಅದ್ಭುತ ಆವಿಷ್ಕಾರದ ಬಗ್ಗೆ ಹೆಚ್ಚು ಉತ್ಸುಕರಾಗಿರೋದಾಗಿ ಹೇಳಿದರು. ಡೈನಿಂಗ್ ಅಂದ್ರೆ ಕೇವಲ ತಿನ್ನುವುದಕ್ಕಿಂತ ಹೆಚ್ಚಿನದು ಎಂಬ ನಂಬಿಕೆಯನ್ನು ಅವರು ಒತ್ತಿಹೇಳಿದ್ದು, ಇದು ಸಂಪೂರ್ಣ ಅನುಭವವನ್ನು ಒಳಗೊಳ್ಳುತ್ತದೆ ಎಂದೂ ಹೇಳಿದರು.
ಇದನ್ನೂ ಓದಿ: ಬೆಂಗಳೂರಿನಲ್ಲಿ ಬೃಹತ್ ಪ್ರಮಾಣದ ಭೂಮಿ ಖರೀದಿಸಿದ ಐಫೋನ್‌ ತಯಾರಕ ಫಾಕ್ಸ್‌ಕಾನ್: 1 ಲಕ್ಷ ಉದ್ಯೋಗ ಸೃಷ್ಟಿ!
AI-ಚಾಲಿತ ಮೂಡ್ ಡಿಟೆಕ್ಟರ್‌ನೊಂದಿಗೆ, ಗ್ರಾಹಕರ ಮನಸ್ಥಿತಿಗಳ ಆಧಾರದ ಮೇಲೆ ವೈಯಕ್ತಿಕಗೊಳಿಸಿದ ಪಿಜ್ಜಾ ಶಿಫಾರಸುಗಳನ್ನು ನೀಡುವ ಮೂಲಕ ಪಿಜ್ಜಾ ಹಟ್ ಆ ಅನುಭವವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುತ್ತದೆ. ಬ್ರ್ಯಾಂಡ್‌ನೊಂದಿಗೆ ಸಂವಹನ ನಡೆಸಲು ಉತ್ತೇಜಕ ಮತ್ತು ತಾಜಾ ಮಾರ್ಗವನ್ನು ಒದಗಿಸುವ ಮೂಲಕ ಗ್ರಾಹಕರಿಗೆ ಈ ನವೀನ ತಂತ್ರಜ್ಞಾನವನ್ನು ತರಲು ಆನಂದಿತಾ ದತ್ತಾ ಥ್ರಿಲ್ ಆಗಿದ್ದಾರೆ. ಈ ಉಪಕ್ರಮವು ಪಿಜ್ಜಾ ಹಟ್‌ನ ಅಸಾಧಾರಣ ಸೇವೆಯನ್ನು ನೀಡಲು ಮತ್ತು ಗ್ರಾಹಕರ ಅಗತ್ಯಗಳನ್ನು ನಿರೀಕ್ಷಿಸುವ ಸಮರ್ಪಣೆಯನ್ನು ಪ್ರತಿಬಿಂಬಿಸುತ್ತದೆ ಎಂದೂ ಅವರು ಹೇಳಿದ್ದಾರೆ.
ಈ ಮಧ್ಯೆ, AI-ಸಕ್ರಿಯಗೊಳಿಸಿದ ಸಾಧನವು ಸಸ್ಯಾಹಾರಿಗಳು ಮತ್ತು ಮಾಂಸಾಹಾರಿಗಳೆರಡನ್ನೂ ಪೂರೈಸುತ್ತದೆ, ಹತ್ತು ವಿಶಿಷ್ಟವಾದ ಮತ್ತು ಆಕರ್ಷಕವಾದ ಸುವಾಸನೆಗಳ ಆಕರ್ಷಕ ಶ್ರೇಣಿಯನ್ನು ನೀಡುತ್ತದೆ ಎಂದೂ ತಿಳಿದುಬಂದಿದೆ.
ಇದನ್ನೂ ಓದಿ: ಸೋನಮ್ ವಾಂಗ್‌ಚುಕ್‌ ಆವಿಷ್ಕಾರ: ಹಿಮಾಲಯದಲ್ಲಿ ಅಂತರ್ಜಾಲ ಸಂಪರ್ಕ ಬದಲಾಯಿಸಿದ 'ಲೈಫೈ'!
