Wind Chime Vastu: ನಿಯಮ ತಪ್ಪಿದರೆ ಅದೃಷ್ಟದ ಬದಲು ದುರದೃಷ್ಟ ತರುವ ಗಾಳಿಗಂಟೆ
ವಿಂಡ್ ಚೈಮ್ ತಂದು ಸುಮ್ಮನೆ ನೇತು ಹಾಕಿದಂತಲ್ಲ, ವಾಸ್ತು ಸಲಹೆಗಳನ್ನು ಕಡೆಗಣಿಸಿದರೆ ಅದು ನಿಮಗೆ ಕೆಟ್ಟ ಶಕುನಗಳನ್ನು ಸಹ ತರಬಹುದು. ವಿಂಡ್ ಚೈಮ್‌ಗಾಗಿ ವಾಸ್ತು ಟಿಪ್ಸ್ ಇಲ್ಲಿವೆ.
ವಿಂಡ್ ಚೈಮ್‌ಗಳು ಫೆಂಗ್ ಶೂಯಿಯಲ್ಲಿ ವಿಶೇಷ ಪ್ರಾಮುಖ್ಯತೆಯನ್ನು ಹೊಂದಿವೆ ಮತ್ತು ಭಾರತದಲ್ಲಿ ಪ್ರಾಚೀನ ಕಾಲದಿಂದಲೂ ಬಳಸಲಾಗುತ್ತಿದೆ. ವಿಂಡ್ ಚೈಮ್‌ಗಳು ಹಲವು ವಿಧಗಳಲ್ಲಿ ಬರುತ್ತವೆ. ಇವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಹಲವಾರು ಪ್ರಯೋಜನಗಳಿವೆ. ಆದರೆ ಮನೆಯಲ್ಲಿ ಅನ್ವಯಿಸುವ ಸರಿಯಾದ ವಿಧಾನ ಮತ್ತು ನಿರ್ದೇಶನವನ್ನು ತಿಳಿದಿರಬೇಕು. ವಿಂಡ್ ಚೈಮ್ಸ್ ಮನೆಯಿಂದ ನಕಾರಾತ್ಮಕತೆಯನ್ನು ತೆಗೆದುಹಾಕುತ್ತದೆ. ಮನೆಯಲ್ಲಿ ಧನಾತ್ಮಕ ಶಕ್ತಿ(Positive energy)ಯ ಸಂವಹನವಿರಿಸುತ್ತದೆ. ವಾಸ್ತು ದೋಷ ನಿವಾರಣೆಯಾಗುತ್ತದೆ. ಮನೆಯಲ್ಲಿ ಶಾಂತಿ ಮತ್ತು ಸಂತೋಷ ತುಂಬುತ್ತದೆ. ಅದರಿಂದ ಬರುವ ಮಧುರವಾದ ಧ್ವನಿಯು ಮನೆಯ ನಕಾರಾತ್ಮಕ ಭಾವನೆಗಳನ್ನು ತೆಗೆದು ಹಾಕುತ್ತದೆ.
ವಿಂಡ್ ಚೈಮ್ ಅನ್ನು ಯಾವ ದಿಕ್ಕಿನಲ್ಲಿ ಇಡಬೇಕು?
ವಿಂಡ್ ಚೈಮ್ ಅನ್ನು ಮನೆಯ ಪಶ್ಚಿಮ ಅಥವಾ ವಾಯುವ್ಯ ದಿಕ್ಕಿನಲ್ಲಿ ಇಡಬೇಕು. ಅವನ್ನು ಲೋಹದಿಂದ ಮಾಡಿದ್ದರೆ, ಅವುಗಳನ್ನು ಆಗ್ನೇಯ ಅಥವಾ ದಕ್ಷಿಣ ದಿಕ್ಕಿನಲ್ಲಿ ಇಡಬೇಕು. ಮರದಿಂದ ಮಾಡಿದ ವಿಂಡ್ ಚೈಮ್ಗಳನ್ನು ದಕ್ಷಿಣ ದಿಕ್ಕಿನಲ್ಲಿ(South) ಇಡಬೇಕು.
ಮಲಗುವ ಕೋಣೆಗೆ ವಿಂಡ್ ಚೈಮ್(Wind chime)
ಮಲಗುವ ಕೋಣೆಯಲ್ಲಿ 9 ರಾಡ್‍ನ ವಿಂಡ್ ಚೈಮ್ಗಳನ್ನು ಸ್ಥಾಪಿಸಿ. ಹೀಗೆ ಮಾಡುವುದರಿಂದ ಗಂಡ-ಹೆಂಡತಿ ನಡುವೆ ಪ್ರೀತಿ, ವಾತ್ಸಲ್ಯ ಉಳಿಯುತ್ತದೆ.
Gemini ಮಹಿಳೆಯನ್ನು ಪಟಾಯಿಸಲು ಹೀಗ್ ಮಾಡಿ ಸಾಕು!
ಈ ಸ್ಥಳದಲ್ಲಿ ವಿಂಡ್ ಚೈಮ್ ಬೇಡ
ವಾಸ್ತು ಪ್ರಕಾರ ಅಡುಗೆ ಮನೆಯಲ್ಲಿ ಅಥವಾ ಪೂಜಾ ಮನೆಯಲ್ಲಿ ಗಾಳಿಗಂಟೆಯನ್ನು ಅಳವಡಿಸಬಾರದು. ಈ ಎರಡೂ ಸ್ಥಳಗಳನ್ನು ಶಕ್ತಿಯ ಮೂಲ ಮತ್ತು ದೇವತೆಗಳ ಆರಾಧನೆಯ ಸ್ಥಳವೆಂದು ಪರಿಗಣಿಸಲಾಗಿದೆ. ಇಷ್ಟೆಲ್ಲಾ ಆದರೂ ಇಲ್ಲಿ ವಿಂಡ್ ಚೈಮ್ ಅಳವಡಿಸಿದರೆ ಮನೆಯ ಮಹಿಳೆಯರ ಆರೋಗ್ಯ(health)ದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಮನೆಯ ಮುಖ್ಯ ಬಾಗಿಲಿನ ಹೊರಗೆ ಅಥವಾ ಕಿಟಕಿಯಂತಹ ಗಾಳಿ ಬರುವಂತಹ ಸ್ಥಳದಲ್ಲಿ ಯಾವಾಗಲೂ ವಿಂಡ್ ಚೈಮ್ಗಳನ್ನು ಇರಿಸಿ.
ಈ ರೀತಿ ವಿಂಡ್ ಚೈಮ್ಗಳನ್ನು ಹಾಕಬೇಡಿ
ಮನೆಯ ಬಾಗಿಲಿಗೆ ವಿಂಡ್ ಚೈಮ್ ಹಾಕಬೇಡಿ, ದೊಡ್ಡ ಕೋಣೆಯಲ್ಲಿ ಸಣ್ಣ ವಿಂಡ್ ಚೈಮ್ ಬೇಡ. ಅದು ಮನೆಯಿಂದ ನಕಾರಾತ್ಮಕ ಶಕ್ತಿ(negative energy)ಯನ್ನು ತೆಗೆದುಹಾಕುವುದಿಲ್ಲ. ಮನೆಯ ಗಾತ್ರಕ್ಕೆ ಅನುಗುಣವಾಗಿ ವಿಂಡ್ ಚೈಮ್ ಅಳವಡಿಸಬೇಕು.
ಆರ್ಥಿಕ ಪರಿಸ್ಥಿತಿಯನ್ನು ಹದಗೆಡಿಸಬಹುದು..
ಒಬ್ಬ ವ್ಯಕ್ತಿಯು ಅದರ ಕೆಳಗಿನಿಂದ ಪ್ರವೇಶಿಸಬಹುದಾದ ಸ್ಥಳದಲ್ಲಿ ವಿಂಡ್ ಚೈಮ್ಗಳನ್ನು ಎಂದಿಗೂ ಸ್ಥಾಪಿಸಬೇಡಿ. ವಿಂಡ್ ಚೈಮ್ಗಳನ್ನು ನೇತು ಹಾಕಿದ ಸ್ಥಳದ ಕೆಳಗೆ ಯಾರೂ ಕುಳಿತುಕೊಳ್ಳಬಾರದು. ಕುಳಿತರೆ ಮನೆಯ ಆರ್ಥಿಕ ಸ್ಥಿತಿಯು ಹದಗೆಡಲು ಪ್ರಾರಂಭಿಸುತ್ತದೆ ಮತ್ತು ಇದು ಮನೆಯ ಸದಸ್ಯರ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ. ಅದಕ್ಕಾಗಿಯೇ ಅಂತಹ ಸ್ಥಳಗಳಲ್ಲಿ ವಿಂಡ್ ಚೈಮ್ಗಳನ್ನು ಅಳವಡಿಸಬಾರದು.
Astrology Tips: ಈ ರಾಶಿಯವರು ಬ್ರೇಕಪನ್ನು ಸುಲಭವಾಗಿ ಮರ್ತು ಬಿಡ್ತಾರೆ
ವಿಂಡ್ ಚೈಮ್ಗಳನ್ನು ಖರೀದಿಸುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ..
ವಿಂಡ್ ಚೈಮ್ನಿಂದ ಹೊರಹೊಮ್ಮುವ ಧ್ವನಿಯು ಮನೆಯಲ್ಲಿ ಧನಾತ್ಮಕ ಶಕ್ತಿಯನ್ನು ರವಾನಿಸುತ್ತದೆ ಮತ್ತು ಅದರ ಹರಿವು ಮನೆಯಲ್ಲಿ ಉಳಿಯುತ್ತದೆ. ಅದರ ಸದ್ದು ಸಂಬಂಧಗಳನ್ನು(relationships) ಸುಧಾರಿಸುತ್ತದೆ ಮತ್ತು ವಾತಾವರಣವು ಆಹ್ಲಾದಕರವಾಗಿರುತ್ತದೆ. ವಿಂಡ್ ಚೈಮ್‌ಗಳು ವಾಸ್ತು ದೋಷಗಳನ್ನು ನಿವಾರಿಸುತ್ತವೆ ಮತ್ತು ಅದೃಷ್ಟವನ್ನು ತರುತ್ತವೆ. ವಿಂಡ್ ಚೈಮ್ ಖರೀದಿಸುವಾಗ, ಅದರ ಪೈಪ್ ಖಾಲಿಯಾಗಿರಬೇಕು ಎಂದು ನೆನಪಿಡಿ, ಇದರಿಂದ ಅದರ ಮಧುರ ಧ್ವನಿಯು ಮನೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
