Feng Shui: ಮನೆಯ ಈ ಸ್ಥಳದಲ್ಲಿ ಲಾಫಿಂಗ್ ಬುದ್ಧನಿದ್ದರೆ ತೊಂದರೆ ತಪ್ಪಿದ್ದಲ್ಲ!
ಫೆಂಗ್ ಶುಯ್ ಪ್ರಕಾರ ಲಾಫಿಂಗ್ ಬುದ್ಧನನ್ನು ಮನೆಯಲ್ಲಿಡುವುದರಿಂದ ಅಪಾರ ಲಾಭವಿದೆ. ಆದರೆ, ಕೆಲ ಸ್ಥಳಗಳಲ್ಲಿ ಮಾತ್ರ ಅಪ್ಪಿತಪ್ಪಿಯೂ ಲಾಫಿಂಗ್ ಬುದ್ಧನನ್ನು ಇಡಬಾರದು. ಇದರಿಂದ ಸಮಸ್ಯೆಗಳು ಹೆಚ್ಚಾಗುತ್ತವೆ. ಮನೆಯಲ್ಲಿ ಲಾಫಿಂಗ್ ಬುದ್ಧನನ್ನು ಎಲ್ಲಿ ಮತ್ತು ಹೇಗೆ ಇಡಬೇಕು ಎಂದು ತಿಳಿಯಿರಿ.
Followಫೆಂಗ್ ಶೂಯಿಯಲ್ಲಿ ಲಾಫಿಂಗ್ ಬುದ್ಧನನ್ನು ಮನೆಯ ಸಮೃದ್ಧಿ, ಸಂತೋಷದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಚೈನಾದಲ್ಲಿ ಹೋತಾಯಿ ಅಂದರೆ ಲಾಫಿಂಗ್ ಬುದ್ಧನ ಅನುಯಾಯಿಗಳು ಆತನನ್ನು ಎಷ್ಟು ಪ್ರಚಾರ ಮಾಡಿದರು ಎಂದರೆ ಅಲ್ಲಿನ ಜನರು ಆತನನ್ನು ದೇವರೆಂದು ಪರಿಗಣಿಸಲು ಪ್ರಾರಂಭಿಸಿದ್ದಾರೆ. ಅಲ್ಲಿ ಜನರು ಅದೃಷ್ಟದ ಸಂಕೇತವಾಗಿ ಅವನ ವಿಗ್ರಹವನ್ನು ತಮ್ಮ ಮನೆಗಳಲ್ಲಿ ಇಡಲು ಪ್ರಾರಂಭಿಸಿದರು. ಮನೆಯಲ್ಲಿ ಲಾಫಿಂಗ್ ಬುದ್ಧನನ್ನು ಸರಿಯಾದ ದಿಕ್ಕಿನಲ್ಲಿ ಇರಿಸಿದರೆ, ಮನೆಯಲ್ಲಿನ ಹಣವು ಎಂದಿಗೂ ಖಾಲಿಯಾಗುವುದಿಲ್ಲ. ನೀವು ಮನೆಯಲ್ಲಿ, ಕಚೇರಿಯಲ್ಲಿ, ರೆಸ್ಟೋರೆಂಟ್‌ನಲ್ಲಿ ಎಲ್ಲಿ ಬೇಕಾದರೂ ಲಾಫಿಂಗ್ ಬುದ್ಧನನ್ನು ಇಡಬಹುದು. ಆದರೆ ಕೆಲವು ಸ್ಥಳಗಳಲ್ಲಿ ಲಾಫಿಂಗ್ ಬುದ್ಧನನ್ನು ಎಂದಿಗೂ ಇಡಬಾರದು. ನೀವು ಅದನ್ನು ಮನೆಗೆ ತಂದಿದ್ದೀರಾದರೆ, ಲಾಫಿಂಗ್ ಬುದ್ಧನನ್ನು ಎಲ್ಲಿ ಮತ್ತು ಹೇಗೆ ಇಡಬೇಕು ಎಂದು ತಿಳಿಯಿರಿ, ಏಕೆಂದರೆ ಇದನ್ನು ತಪ್ಪು ದಿಕ್ಕಿನಲ್ಲಿ ಇಡುವುದರಿಂದ ಸಮಸ್ಯೆಗಳು ಹೆಚ್ಚಾಗುತ್ತವೆ.
ಲಾಫಿಂಗ್ ಬುದ್ಧನನ್ನು ಎಲ್ಲಿ ಮತ್ತು ಹೇಗೆ ಇಡಬೇಕು?
- ಫೆಂಗ್ ಶೂಯಿ ಪ್ರಕಾರ, ನೀವು ಮನೆಯಲ್ಲಿ ಲಾಫಿಂಗ್ ಬುದ್ಧನನ್ನು ಇರಿಸಲು ಬಯಸಿದರೆ, ಪ್ರತಿಮೆಯನ್ನು ಮುಖ್ಯ ಬಾಗಿಲಿನ ಮುಂದೆ ಕನಿಷ್ಠ 30 ಇಂಚುಗಳಷ್ಟು ಎತ್ತರದಲ್ಲಿ ಇಡಬೇಕು.
- ಅದನ್ನು ಇರಿಸಲು ಸರಿಯಾದ ಎತ್ತರವು 30 ಇಂಚುಗಳ ಮೇಲೆ ಮತ್ತು 32.5 ಇಂಚುಗಳ ಕೆಳಗೆ ಇರಬೇಕು. ಇದಲ್ಲದೆ, ನೀವು ನಗುವ ಬುದ್ಧನನ್ನು ಪೂರ್ವ ಅಥವಾ ಉದಯಿಸುವ ಸೂರ್ಯನ ದಿಕ್ಕಿನಲ್ಲಿ ಇರಿಸಬಹುದು. ಫೆಂಗ್ ಶೂಯಿಯಲ್ಲಿ, ಈ ದಿಕ್ಕನ್ನು ಕುಟುಂಬಕ್ಕೆ ಅದೃಷ್ಟದ ಸ್ಥಳ ಎಂದು ಕರೆಯಲಾಗುತ್ತದೆ.
- ನಗುವ ಬುದ್ಧನ ಮುಖವು ಮನೆಯ ಮುಖ್ಯ ಬಾಗಿಲಿಗೆ ಅಭಿಮುಖವಾಗಿ ಇರುವಂತೆ ಪ್ರಯತ್ನಿಸಿ. ಬಾಗಿಲು ತೆರೆದಾಗ, ಮನೆಗೆ ಬರುವ ಯಾವುದೇ ವ್ಯಕ್ತಿ ಮೊದಲು ಲಾಫಿಂಗ್ ಬುದ್ಧನನ್ನು ನೋಡುವುದು ಒಳ್ಳೆಯದಾಗಿದೆ.
- ಇದು ಮನೆಗೆ ಪ್ರವೇಶಿಸುವ ನಕಾರಾತ್ಮಕ ಶಕ್ತಿಯನ್ನು ನಾಶ ಪಡಿಸುತ್ತದೆ.
- ನೀವು ಮಕ್ಕಳ ಸ್ಟಡಿ ಟೇಬಲ್ ಮೇಲೆ ಲಾಫಿಂಗ್ ಬುದ್ಧನ ಪ್ರತಿಮೆಯನ್ನು ಇರಿಸಬಹುದು. ಹೀಗೆ ಮಾಡುವುದರಿಂದ ಮಕ್ಕಳಲ್ಲಿ ಏಕಾಗ್ರತೆ ಹೆಚ್ಚುತ್ತದೆ ಮತ್ತು ಶಿಕ್ಷಣದಲ್ಲಿ ಉತ್ತಮ ಫಲಿತಾಂಶ ಸಿಗುತ್ತದೆ.
ಶ್ರಾವಣ ಪೂರ್ಣಿಮೆವರೆಗೆ ನಡೆಯುತ್ತೆ ಅಮರನಾಥ ಯಾತ್ರೆ, ಈ ಸ್ಥಳದ ಅಚ್ಚರಿಯ ರಹಸ್ಯಗಳಿವು..
ಲಾಫಿಂಗ್ ಬುದ್ಧನ ಪ್ರತಿಮೆ ಹೇಗಿರಬೇಕು ?
ಫೆಂಗ್ ಶೂಯಿ ಪ್ರಕಾರ, ಮನೆಯಲ್ಲಿ ಇರಿಸಲಾಗಿರುವ ಲಾಫಿಂಗ್ ಬುದ್ಧನ ಮೂಗು ಮಾಲೀಕರ ಕೈಯ ಒಂದು ಬೆರಳಿಗೆ ಸಮನಾಗಿರಬೇಕು.
ಲಾಫಿಂಗ್ ಬುದ್ಧನ ಪ್ರತಿಮೆಯ ಗರಿಷ್ಠ ಎತ್ತರವು ಮನೆಯ ಯಜಮಾನಿಯ ಕೈಗೆ ಸಮನಾಗಿರಬೇಕು. ಮನೆಯಲ್ಲಿ ಇಟ್ಟಿರುವ ಇಂತಹ ಲಾಫಿಂಗ್ ಬುದ್ಧನ ವಿಗ್ರಹವು ವ್ಯಕ್ತಿಯನ್ನು ಬಡವನಾಗಲು ಬಿಡುವುದಿಲ್ಲ.
ಈ ಸ್ಥಳಗಳಲ್ಲಿ ಲಾಫಿಂಗ್ ಬುದ್ಧನನ್ನು ಇಡಬೇಡಿ
ಫೆಂಗ್ ಶೂಯಿಯಲ್ಲಿ, ಲಾಫಿಂಗ್ ಬುದ್ಧನನ್ನು ಮನೆಯಲ್ಲಿ ಇರಿಸಲು ಕೆಲವು ನಿಯಮಗಳನ್ನು ನೀಡಲಾಗಿದೆ. ಈ ನಿಯಮಗಳನ್ನು ಪಾಲಿಸದಿದ್ದರೆ, ಈ ವಿಗ್ರಹವು ಮಂಗಳಕರ ಬದಲಿಗೆ ಅಶುಭ ಫಲಿತಾಂಶಗಳನ್ನು ನೀಡಲು ಪ್ರಾರಂಭಿಸುತ್ತದೆ.
- ಫೆಂಗ್ ಶೂಯಿ ಪ್ರಕಾರ, ಲಾಫಿಂಗ್ ಬುದ್ಧನನ್ನು ಅಡುಗೆಮನೆ, ಡೈನಿಂಗ್ ಏರಿಯಾ, ಮಲಗುವ ಕೋಣೆಯ ಒಳಗೆ ಅಥವಾ ಶೌಚಾಲಯ-ಬಾತ್ರೂಮ್ ಬಳಿ ಇಡಬಾರದು.
- ಇದನ್ನು ಎಂದಿಗೂ ನೇರವಾಗಿ ನೆಲದ ಮೇಲೆ ಇಡಬಾರದು ಎಂಬುದನ್ನು ನೆನಪಿನಲ್ಲಿಡಿ.
- ಅದನ್ನು ಇರಿಸಿಕೊಳ್ಳಲು, ಟೇಬಲ್ ಅನ್ನು ಬಳಸಬೇಕು.
Ramayan: ಪ್ರಿಯ ಭಂಟ ಹನುಮನ ಮೇಲೆಯೇ ಬ್ರಹ್ಮಾಸ್ತ್ರ ಪ್ರಯೋಗಿಸಿದ ಶ್ರೀರಾಮ! ಕಾರಣ ಏನ್ ಗೊತ್ತಾ?
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
