ಶ್ರಾವಣ ಪೂರ್ಣಿಮೆವರೆಗೆ ನಡೆಯುತ್ತೆ ಅಮರನಾಥ ಯಾತ್ರೆ, ಈ ಸ್ಥಳದ ಅಚ್ಚರಿಯ ರಹಸ್ಯಗಳಿವು..
ಅಮರನಾಥ ಯಾತ್ರೆಯು ಹಿಂದೂ ಧರ್ಮದವರಿಗೆ ಪ್ರಮುಖ ಮತ್ತು ವಿಶೇಷ ನಂಬಿಕೆಯೊಂದಿಗೆ ಸಂಬಂಧಿಸಿದೆ. ಇಲ್ಲಿನ ಶಿವಲಿಂಗ ಅಮರೇಶ್ವರನ ದರ್ಶನಕ್ಕಾಗಿ ಜುಲೈನಿಂದ ಆರಂಭವಾಗುವ ಯಾತ್ರೆಯು ಆಗಸ್ಟ್ ಮೊದಲ ವಾರದವರೆಗೆ ಮುಂದುವರಿಯುತ್ತದೆ. ಅಮರನಾಥನಿಗೆ ಸಂಬಂಧಿಸಿದ ಆಸಕ್ತಿಕರ ಸಂಗತಿಗಳು ಇಲ್ಲಿವೆ..
ದಕ್ಷಿಣ ಕಾಶ್ಮೀರ ಹಿಮಾಲಯದಲ್ಲಿರುವ ಅಮರನಾಥ ಯಾತ್ರೆಯ ಪವಿತ್ರ ಗುಹಾ ದೇಗುಲಕ್ಕೆ ವಾರ್ಷಿಕ ತೀರ್ಥಯಾತ್ರೆ ಈ ವರ್ಷದ ಜೂನ್ ಕೊನೆಯ ವಾರದಲ್ಲಿ ಪ್ರಾರಂಭವಾಗಲಿದೆ ಮತ್ತು ತೀರ್ಥಯಾತ್ರೆಯು ಸುಮಾರು 60 ದಿನಗಳವರೆಗೆ ಇರುತ್ತದೆ. ಯಾತ್ರೆ ಪ್ರಾರಂಭದ ನಿಖರವಾದ ದಿನಾಂಕವನ್ನು ಇನ್ನೂ ಘೋಷಿಸಲಾಗಿಲ್ಲವಾದರೂ, ಯಾತ್ರೆಯು ಆಗಸ್ಟ್ 30 ರಂದು ರಕ್ಷಾ ಬಂಧನ ಮತ್ತು ಶ್ರಾವಣ ಪೂರ್ಣಿಮೆಯೊಂದಿಗೆ ಮುಕ್ತಾಯಗೊಳ್ಳಲಿದೆ.
ಅಮರನಾಥ ಗುಹೆಯು ಶ್ರೀನಗರದಿಂದ 145 ಕಿಮೀ ದೂರದಲ್ಲಿರುವ ಹಿಮಾಲಯ ಶ್ರೇಣಿಯಲ್ಲಿದೆ. ಸಮುದ್ರ ಮಟ್ಟದಿಂದ 3978 ಮೀಟರ್ ಎತ್ತರದಲ್ಲಿರುವ ಈ ಗುಹೆ 150 ಅಡಿ ಎತ್ತರ, 90 ಅಡಿ ಉದ್ದವಿದೆ. ಇಲ್ಲಿಗೆ ತಲುಪಲು ಸೋನಾಮಾರ್ಗ್, ಬಾಲ್ಟಾಲ್ ಅಥವಾ ಪಹಲ್ಗಾಮ್ ಮೂಲಕ ನಡೆಯಬೇಕು.
ಹಿಂದೂ ಮಾಸದ ಪ್ರಕಾರ, ಯಾತ್ರೆಯು ಆಷಾಢ ಪೂರ್ಣಿಮೆಯಿಂದ ಆರಂಭವಾಗಿ ಶ್ರಾವಣ ಮಾಸ ಪೂರ್ತಿ ಮುಂದುವರಿಯುತ್ತದೆ. ಶ್ರಾವಣ ಪೂರ್ಣಿಮೆಯ ದಿನದಂದು ಶಿವನು ಈ ಗುಹೆಗೆ ಮೊದಲ ಬಾರಿಗೆ ಬಂದನೆಂದು ನಂಬಲಾಗಿದೆ. ಅದಕ್ಕಾಗಿಯೇ ಇಲ್ಲಿಯ ಪ್ರಯಾಣಕ್ಕೆ ಈ ದಿನದ ವಿಶೇಷ ಮಹತ್ವವಿದೆ.
Ramayan: ಪ್ರಿಯ ಭಂಟ ಹನುಮನ ಮೇಲೆಯೇ ಬ್ರಹ್ಮಾಸ್ತ್ರ ಪ್ರಯೋಗಿಸಿದ ಶ್ರೀರಾಮ! ಕಾರಣ ಏನ್ ಗೊತ್ತಾ?
ಇಲ್ಲಿ ಶಿವಲಿಂಗ ರೂಪುಗೊಳ್ಳುವುದು ಹೀಗೆ..
ಅಮರನಾಥ ಗುಹೆಯಲ್ಲಿ ಮೇಲಿನಿಂದ ಬೀಳುವ ಮಂಜಿನ ಹನಿಗಳು ಗುಹೆಯ ಮಧ್ಯಭಾಗದಲ್ಲಿ 10 ಅಡಿ ಎತ್ತರದ ಶಿವಲಿಂಗವನ್ನು ರೂಪಿಸುತ್ತವೆ. ಅಂದರೆ ಇಲ್ಲಿ ರೂಪುಗೊಳ್ಳುವುದು ಮಂಜುಗಡ್ಡೆಯ ಶಿವಲಿಂಗ. ಇದೇ ರೀತಿಯ ಮಂಜುಗಡ್ಡೆ ರೂಪವೈಶಿಷ್ಟ್ಯಗಳು ಅಮರೇಶ್ವರದಿಂದ ಸ್ವಲ್ಪ ದೂರದಲ್ಲಿ ರೂಪುಗೊಳ್ಳುತ್ತವೆ, ಇವುಗಳನ್ನು ಗಣೇಶ, ಭೈರವ ಮತ್ತು ಪಾರ್ವತಿಯ ರೂಪವೆಂದು ಪರಿಗಣಿಸಲಾಗಿದೆ.
ಇದಲ್ಲದೆ, ಗುಹೆಯ ಮಧ್ಯದಲ್ಲಿ ಮೊದಲು ಮಂಜುಗಡ್ಡೆಯ ಲಿಂಗ ರೂಪುಗೊಳ್ಳುತ್ತದೆ, ಅದು 15 ದಿನಗಳವರೆಗೆ ಬೆಳೆಯುತ್ತದೆ ಮತ್ತು 2 ಗಜಗಳಿಗಿಂತ ಹೆಚ್ಚು ಎತ್ತರವಾಗುತ್ತದೆ. ಮತ್ತು ಚಂದ್ರನು ಕ್ಷೀಣಿಸುವಾಗ ಶಿವಲಿಂಗವೂ ನಶಿಸಿ ಹೋಗುತ್ತದೆ. ಚಂದ್ರನು ಶಿವನಿಗೆ ಸಂಬಂಧಿಸಿದ್ದಾನೆ ಎಂದು ನಂಬಲಾಗಿದೆ. ಆದರೆ ಇದು ಈ ಹಿಮಲಿಂಗದ ಮೇಲೆ ಏಕೆ ಪರಿಣಾಮ ಬೀರುತ್ತದೆ ಎಂಬ ರಹಸ್ಯವನ್ನು ಯಾರೂ ಪರಿಹರಿಸಲು ಸಾಧ್ಯವಾಗಿಲ್ಲ. ಇಲ್ಲಿ ಬಹಳಷ್ಟು ಗುಹೆಗಳಿದ್ದು, ಎಲ್ಲ ಕಡೆ ಮಂಜು ಬಿದ್ದರೂ, ಹಿಮದ ಲಿಂಗ ಈ ಗುಹೆಯಲ್ಲಿ ಮಾತ್ರ ರೂಪ ತಳೆಯುತ್ತದೆ.
ಈ ಸ್ಥಳವನ್ನು ಮೊದಲು ನೋಡಿದ್ದು ಭೃಗು ಋಷಿ..
ಧಾರ್ಮಿಕ ಗ್ರಂಥಗಳ ಪ್ರಕಾರ, ಈ ಸ್ಥಳವು ಕಾಶ್ಮೀರ ಕಣಿವೆಯಲ್ಲಿ ಪ್ರಾಚೀನ ಕಾಲದಲ್ಲಿ ರಾಜ ದಶಾ, ಋಷಿ ಕಶ್ಯಪ ಮತ್ತು ಅವರ ಪುತ್ರರ ವಾಸಸ್ಥಾನವಾಗಿತ್ತು. ಒಮ್ಮೆ ಕಾಶ್ಮೀರ ಕಣಿವೆ ಮುಳುಗಡೆಯಾಯಿತು. ಕಶ್ಯಪ್ ಋಷಿ ಈ ನೀರನ್ನು ನದಿಗಳು ಮತ್ತು ಸಣ್ಣ ನೀರಿನ ಮೂಲಗಳೊಂದಿಗೆ ಹರಿಯುವಂತೆ ಮಾಡಿದರು. ಅದೇ ಸಮಯದಲ್ಲಿ ಭೃಗು ಋಷಿಯು ತಮ್ಮ ಹಿಮಾಲಯ ಪ್ರಯಾಣಕ್ಕಾಗಿ ಅಲ್ಲಿಗೆ ಬಂದರು. ಆ ಸಮಯದಲ್ಲಿ ನೀರಿನ ಮಟ್ಟವು ಕಡಿಮೆಯಾಗಿತ್ತು. ಆಗ, ಭೃಗು ಋಷಿಯು ಹಿಮಾಲಯದ ಪರ್ವತ ಶ್ರೇಣಿಯಲ್ಲಿರುವ ಅಮರನಾಥನ ಗುಹೆಯನ್ನು ನೋಡಿದರು ಮತ್ತು ಮಂಜುಗಡ್ಡೆಯ ಶಿವಲಿಂಗವನ್ನು ಸಹ ನೋಡಿದರು. ಶಿವನು ಇಲ್ಲಿ ತಪಸ್ಸು ಮಾಡಿದನೆಂದು ನಂಬಲಾಗಿದೆ, ಆದ್ದರಿಂದ ಈ ಗುಹೆಯು ಪುಣ್ಯಕ್ಷೇತ್ರವಾಯಿತು.
Navpancham Rajyoga 2023: 3 ರಾಶಿಗಳಿಗೆ ಲಾಭ ನೀಡುವ ಶನಿ ಮಂಗಳ
ಅಮರನಾಥ ದರ್ಶನದ ಮಹತ್ವ
ಧಾರ್ಮಿಕ ಗ್ರಂಥಗಳ ಪ್ರಕಾರ, ಬಾಬಾ ಅಮರನಾಥನ ದರ್ಶನದ ಪುಣ್ಯ ಫಲವು ಕಾಶಿಯ ದರ್ಶನಕ್ಕಿಂತ ಹತ್ತು ಪಟ್ಟು, ಪ್ರಯಾಗರಾಜ್‌ನಲ್ಲಿನ ದರ್ಶನಕ್ಕಿಂತ ನೂರು ಪಟ್ಟು, ನೈಮಿಷಾರಣ್ಯಕ್ಕಿಂತ ಸಾವಿರ ಪಟ್ಟು ಹೆಚ್ಚು.
ಪುರಾತತ್ವಶಾಸ್ತ್ರಜ್ಞರು ಅಮರನಾಥ ಗುಹೆಯನ್ನು ಐದು ಸಾವಿರ ವರ್ಷಗಳಷ್ಟು ಹಳೆಯದು ಎಂದು ಪರಿಗಣಿಸುತ್ತಾರೆ. ಆದರೆ ಅದರ ಬಗ್ಗೆ ಹಲವು ಪ್ರಶ್ನೆಗಳಿವೆ. ಹಿಮಾಲಯದ ಪರ್ವತಗಳು ಲಕ್ಷಾಂತರ ವರ್ಷಗಳಷ್ಟು ಹಳೆಯವು ಎಂದು ಹಲವರು ಹೇಳುತ್ತಾರೆ ಮತ್ತು ಯಾರಾದರೂ ಈ ಗುಹೆಯನ್ನು ಹಿಮಯುಗದಲ್ಲಿ ಅಂದರೆ 12-13 ಸಾವಿರ ವರ್ಷಗಳ ಹಿಂದೆ ಮಾಡಿರಬೇಕು.
ಅಮರತ್ವದ ರಹಸ್ಯ
ಇದಲ್ಲದೆ, ಇಲ್ಲಿ ಶಿವನು ಪತ್ನಿ ಪಾರ್ವತಿಗೆ ಅಮರತ್ವದ ರಹಸ್ಯವನ್ನು ಹೇಳಿದನು ಮತ್ತು ಅನೇಕ ವರ್ಷಗಳ ಕಾಲ ಇಲ್ಲಿ ತಪಸ್ಸು ಮಾಡಿದನು ಎಂಬ ನಂಬಿಕೆಯೂ ಇದೆ. ಗಿಳಿ ಮತ್ತು ಎರಡು ಪಾರಿವಾಳಗಳು ಕೂಡ ಈ ಅಮರತ್ವದ ರಹಸ್ಯವನ್ನು ಕೇಳಿದ್ದವು. ನಂತರ ಗಿಳಿಯು ಶುಕದೇವ ಋಷಿಯಾಗಿ ಅಮರವಾಯಿತು, ಆದರೆ ಕೆಲವು ಭಕ್ತರು ಇನ್ನೂ ಇಲ್ಲಿ ಒಂದು ಜೋಡಿ ಪಾರಿವಾಳಗಳನ್ನು ನೋಡುತ್ತಾರೆ, ಇವುಗಳನ್ನು ಅಮರ ಪಕ್ಷಿಗಳೆಂದು ಪರಿಗಣಿಸಲಾಗಿದೆ.
ಶಿವನು ಈ ರಹಸ್ಯವನ್ನು ಬಹಿರಂಗಪಡಿಸಲು ಹೊರಟಾಗ ಅನಂತನಾಗ್‌ನಲ್ಲಿ ಅನಂತ ನಾಗರಹಾವು, ಚಂದನವಾಡಿಯಲ್ಲಿ ಹಣೆಯ ಚಂದನ, ಪಿಸ್ಸು ಟಾಪ್‌ನಲ್ಲಿ ಚಿಗಟಗಳು ಗೋಚರಿಸುತ್ತವೆ ಎಂದು ಹೇಳಲಾಗುತ್ತದೆ.
