ಬಿಗ್ ಬಾಸ್ ಮನೇಲಿರೋ ಧರ್ಮ ಭೂಮಿ ತೂಕದವ್ರಂತೆ! ಅಷ್ಟೊಂದು ಸಾಚಾ ಅಂತಿರೋದ್ಯಾಕೆ?
ಲಾಯರ್ ಜಗದೀಶ್ ಹಾಗೂ ರಂಜಿತ್ ಇಬ್ಬರನ್ನೂ ಬಿಗ್ ಬಾಸ್ ಮನೆಯಿಂದ ಹೊರಹಾಕಿದ್ದು, ಈಗ ಅವರಿಬ್ಬರ ಗಲಾಟೆ ಇಲ್ಲ. ಆದರೆ, ಉಳಿದವರಲ್ಲಿ ಬಹಳಷ್ಟು ಸ್ಪರ್ಧಿಗಳ ಬಾಯಿ ಭಾರೀ ಜೋರಾಗಿಯೇ ಇದೆ. ಅದು ಚೈತ್ರಾ..
Followಕಲರ್ಸ್ ಕನ್ನಡದಲ್ಲಿ ಬಿಗ್ ಬಾಸ್ ಕನ್ನಡ ಸೀಸನ್ 11 ಶೋ ನಡೆಯುತ್ತಿರುವುದು ಗೊತ್ತೇ ಇದೆ. ಇದೀಗ ಮಧ್ಯಂತರ ಹಂತದ ಕಡೆ ಹೋಗುತ್ತಿರುವ ಬಿಗ್ ಬಾಸ್ ಶೋದಲ್ಲಿ ಮನೆಯೊಳಗೆ ಸಾಕಷ್ಟು ಗಲಾಟೆ, ವಾದ-ವಿವಾದಗಳು ನಡೆಯುತ್ತಿರುವುದು ಗೊತ್ತೇ ಇದೆ. ಅದರಲ್ಲೂ ಲಾಯರ್ ಜಗದೀಶ್ ಹಾಗೂ ರಂಜಿತ್ ಅವರಿಬ್ಬರ ಜಗಳ-ಹೊಡೆದಾಟಗಳು ಜನರನ್ನು ರಂಜಿಸಿದ್ದಕ್ಕಿಂತ ಹೆಚ್ಚಾಗಿ ಅಸಹ್ಯ ಹುಟ್ಟಿಸಿದ್ದವು. ಬಿಗ್ ಬಾಸ್ ಮನೆಗೆ ಒಂದು ನ್ಯಾಯ-ನಿಯಮ ಇಲ್ಲವೇ ಎಂದು ಜನರು ಆಡಿಕೊಳ್ಳುವಂತಾಗಿದೆ.
ಲಾಯರ್ ಜಗದೀಶ್ ಹಾಗೂ ರಂಜಿತ್ ಇಬ್ಬರನ್ನೂ ಬಿಗ್ ಬಾಸ್ ಮನೆಯಿಂದ ಹೊರಹಾಕಿದ್ದು, ಈಗ ಅವರಿಬ್ಬರ ಗಲಾಟೆ ಇಲ್ಲ. ಆದರೆ, ಉಳಿದವರಲ್ಲಿ ಬಹಳಷ್ಟು ಸ್ಪರ್ಧಿಗಳ ಬಾಯಿ ಭಾರೀ ಜೋರಾಗಿಯೇ ಇದೆ. ಅದು ಚೈತ್ರಾ ಕುಂದಾಪುರ ಆಗಿರಬಹುದು ಅಥವಾ ಹಂಸ ಆಗಿರಬಹುದು. ಚಾಲಾಕಿ ಹನುಮಂತ, ಶ್ರೀಮಂತ ಗೋಲ್ಡ್ ಸುರೇಶ್, ಯಾರೇ ಆದ್ರೂ ಅವರೆಲ್ಲ ಆಟಕ್ಕೋಸ್ಕರವಾದರೂ ಏನಾದ್ರೂ ಡಿಫ್ರಂಡ್‌ ಆಗಿ ಮಾತಾಡ್ತಾರೆ. ಆದ್ರೆ ಧರ್ಮಕೀರ್ತಿ ರಾಜ್ ಮಾತ್ರ ಸೈಲೆಂಟ್‌!
ಸದ್ಯ ಸ್ಪರ್ಧಿ ಧರ್ಮ ಕೀರ್ತಿರಾಜ್ ಅವರು ತಮ್ಮ ಹೆಸರಿಗೆ ತಕ್ಕಂತೆ ನ್ಯಾಯಯುತವಾಗಿ ಆಡುತ್ತಿದ್ದಾರೆ. ಅತಿಯಾಗಿ ಮಾತನಾಡದೇ, ಕೆಟ್ಟ ಮಾತಾಡದೇ ಎಲ್ಲರೊಂದಿಗೆ ಚೆನ್ನಾಗಿ ಹೊಂದಿಕೊಂಡು ಆಟ ಆಡುತ್ತಿದ್ದಾರೆ. ಹೀಗಾಗಿ ಹಲವು ಬಿಗ್ ಬಾಸ್ ವೀಕ್ಷಕರಿಗೆ ಧರ್ಮ ತುಂಬಾ ಇಷ್ಟವಾಗಿದ್ದಾರೆ. ಅವರ ಬಗ್ಗೆ ಇದೀಗ ಸೋಷಿಯಲ್ ಮೀಡಿಯಾಗಳಲ್ಲಿ ಒಂದು ಒಪಿನಿಯನ್ ಓಡಾಡತೊಡಗಿದೆ. ಅದೇನು ಗೊತ್ತಾ?
'ಮೋಸ, ವಂಚನೆ, ದೌರ್ಜನ್ಯ, ಅವಿವೇಕ ಹಾಗೂ ಅಸಂಬದ್ಧ ಮಾತುಗಳು ಇವೆಲ್ಲವನ್ನೂ ಮೀರಿ ಈ ಬಿಗ್ ಬಾಸ್‌ನಲ್ಲಿ 'ಭೂಮಿ ತೂಕ'ದ ಮನುಷ್ಯನಾಗಿ ಉಳ್ದಿರೋದು ಮಾತ್ರ ಧರ್ಮ ಕೀರ್ತಿರಾಜ್ ಒಬ್ಬರೇ..' ಎಂಬ ಫೋಟೋಗಳು, ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿವೆ. ಸದ್ಯ ಬಿಗ್ ಬಾಸ್ ಮನೆಯಲ್ಲಿ ನಟ ಧರ್ಮ ಕೀರ್ತಿರಾಜ್ ಹಾಗೇ ಇರುವುದು ಹೌದು. ಆದರೆ, ಮುಂದಿನ ದಿನಗಳಲ್ಲಿ ಅವರು ತಮ್ಮ ವರಸೆ ಬದಲಿಸುತ್ತಾರಾ? ಕಾದು ನೋಡಬೇಕು!
