ಈ ರಾಮ್ದು ಅತಿಯಾಯ್ತು ಅನ್ನಿಸ್ತಿಲ್ವಾ? ಎಲ್ಲದಕ್ಕೂ ಲಿಮಿಟ್ ಇದ್ರೆ ಚೆಂದ... ಫ್ಯಾನ್ಸ್ ಗರಂ
ಸೀತಾರಾಮ ಜೋಡಿಯನ್ನು ಮೆಚ್ಚಿಕೊಳ್ಳುತ್ತಿದ್ದ ಫ್ಯಾನ್ಸ್ ಈಗ ರಾಮನ ವರ್ತನೆಯಿಂದ ಗರಂ ಆಗಿದ್ದಾರೆ. ಅಷ್ಟಕ್ಕೂ ಆಗಿದ್ದೇನು?
![fans who admiring Seetarama pair are now angry with Ramas behavior suc fans who admiring Seetarama pair are now angry with Ramas behavior suc](https://static-ai.asianetnews.com/images/01j03d1bn4tmspdx6edn5jftrt/seeta-rama-ram_363x203xt.jpg)
ಸೀತಾರಾಮರ ಜೋಡಿಯನ್ನು ಅಭಿಮಾನಿಗಳು ತುಂಬಾ ಮೆಚ್ಚಿಕೊಂಡಿದ್ದಾರೆ. ಸೀತಾ ಮತ್ತು ಸಿಹಿಗಾಗಿ ರಾಮ್ ತೋರುವ ಪ್ರೀತಿಯನ್ನು ಇಲ್ಲಿಯವರೆಗೂ ಫ್ಯಾನ್ಸ್ ಕೊಂಡಾಡುತ್ತಲೇ ಬಂದಿದ್ದಾರೆ. ಇದು ಸೀರಿಯಲ್ ಜೋಡಿ ಎನ್ನುವುದನ್ನೂ ಮರೆತು ನಿಜ ಜೀವನದಲ್ಲಿಯೂ ನೀವಿಬ್ಬರೂ ಒಂದಾಗಿ, ಮದ್ವೆಯಾಗಿ ಎಂದೆಲ್ಲಾ ಸಲಹೆ ಕೊಟ್ಟವರೇ ಹೆಚ್ಚು. ಅಷ್ಟು ಹಿಟ್ ಆಗಿದೆ ಈ ಜೋಡಿ. ಆದರೆ ಯಾಕೋ ಅಭಿಮಾನಿಗಳು ಕೆಲ ದಿನಗಳ ಎಪಿಸೋಡ್ನಿಂದ ತುಂಬಾ ಗರಂ ಆದಂತಿದೆ. ಅಷ್ಟಕ್ಕೂ ಸೀತಾರಾಮ ಸೀರಿಯಲ್ನಲ್ಲಿ ನಿಶ್ಚಿತಾರ್ಥ ಮುಗಿದಿದೆ. ಸೀತಾರಾಮ ಸೀರಿಯಲ್ನಲ್ಲಿ ಸದ್ಯ ಮದುವೆಯ ಸಡಗರ ಜೋರಾಗಿ ನಡೆಯುತ್ತಿದೆ. ಇನ್ನೇನಿದ್ದರೂ ಮದುವೆ ಮಾತ್ರ. ನಿಶ್ಚಿತಾರ್ಥ ಆಗುತ್ತಿದ್ದಂತೆಯೇ ಜೋಡಿ ಲವ್ಬರ್ಡ್ಸ್ ರೀತಿಯಲ್ಲಿ ಹಾರಾಡುತ್ತಿವೆ. ಅತ್ತ ಚಿಕ್ಕಮ್ಮ ಮಾಡಿದ ಕುತಂತ್ರ ಯಾವುದೂ ವರ್ಕ್ಔಟ್ ಆಗಲಿಲ್ಲ. ಈಗ ವಿಲನ್ ಭಾರ್ಗವಿಗೆ ಬೇರೆ ದಾರಿ ಇಲ್ಲ.ಮದುವೆಯಾದ ಮೇಲೆ ಸೀತಾಳನ್ನು ನೋಡಿಕೊಳ್ಳುತ್ತೇನೆ ಎಂದಿದ್ದಾಳೇ ವಿನಾ ಮದುವೆಯಂತೂ ನಿಲ್ಲಿಸಲು ಸಾಧ್ಯವಾಗಲಿಲ್ಲ. ಇತ್ತ ರುದ್ರಪ್ರತಾಪ್ ಮಾತ್ರ ಸಂಚು ಹೂಡುತ್ತಲೇ ಇದ್ದು ಸೀತಾ-ರಾಮ ಕಲ್ಯಾಣದಲ್ಲಿ ಏನು ಮಾಡುವನೋ ಕಾದು ನೋಡಬೇಕಿದೆ.
ಇದರ ನಡುವೆಯೇ, ರಾಮ್ ಸದಾ ಸೀತಾಳ ಹಿಂದೆಯೇ ಇರುತ್ತಾನೆ, ಇದು ಯಾಕೋ ಓವರ್ ಆಗ್ತಿದೆ ಎಂದು ಫ್ಯಾನ್ಸ್ ಗರಂ ಆಗಿದ್ದಾರೆ. ರಾಮ್ನನ್ನು ಅತಿಯಾಗಿ ಹೊಗಳಿದ್ದೇ ಹೆಚ್ಚಾಯ್ತೇನೋ... ಎಲ್ಲದ್ದಕ್ಕೂ ಲಿಮಿಟ್ ಇದ್ರೆ ಚೆಂದ. ಒಂದು ಕಡೆ ಸಿಹಿಯನ್ನು ಅವಳ ವಯಸ್ಸಿಗಿಂತಲೂ ಅತಿಯಾಗಿ ಬಳಸಿಕೊಳ್ತಿದ್ರೆ ಪ್ರೇಕ್ಷಕರು ನೋಡ್ತಾರೆ ಎನ್ನುವ ಕಾರಣಕ್ಕೆ ಏನೇನೋ ತುರುಕುವುದು ಸರಿ ಕಾಣಿಸುವುದಿಲ್ಲ ಎಂದು ಕಮೆಂಟ್ನಲ್ಲಿ ಹೇಳುತ್ತಿದ್ದಾರೆ. ರಾಮ್ ದೊಡ್ಡ ಬಿಜಿನೆಸ್ಮನ್. ಅವನು ಕೆಲಸಕ್ಕೆ ಹೋಗದೇ ಸದಾ ಸೀತಾಳ ಹಿಂದೆ ತಿರುಗುತ್ತಾ ಇರುವುದು ಎಷ್ಟು ಸರಿ ಎಂದು ಪ್ರಶ್ನಿಸುತ್ತಿದ್ದಾರೆ.
ಸಿಹಿಯ ಹಿನ್ನೆಲೆ ಕೇಳಲು ರಾಮ್ ನಿರಾಕರಿಸ್ತಿರೋದಕ್ಕೆ ಇದೇ ಕಾರಣನಾ? ಏನಂತಿದ್ದಾರೆ ನೆಟ್ಟಿಗರು?
ಇದೀಗ ಸೀತಾರಾಮ ಸೀರಿಯಲ್ ಕುತೂಲಹ ಘಟ್ಟ ತಲುಪಿದೆ. ಸಿಹಿ ಸೀತಮ್ಮನನ್ನು ರೆಡಿ ಮಾಡುತ್ತಿದ್ದಾಳೆ. ತಾನೇ ಅಮ್ಮನ ರೀತಿ ವರ್ತಿಸುತ್ತಿದ್ದಾಳೆ. ಅತ್ತ ರಾಮ್ ಕೂಡ ಸೀತಾಳ ಮನೆಗೆ ಬರುತ್ತಿದ್ದಾನೆ. ಸಿಹಿ ಮತ್ತು ರಾಮ್ ಸೇರಿ ಸೀತಾಳಿಗೆ ತಮಾಷೆ ಮಾಡುತ್ತಿದ್ದಾರೆ. ಇದರ ಪ್ರೊಮೋ ರಿಲೀಸ್ ಆಗಿದೆ. ಈ ಪ್ರೊಮೋ ನೋಡಿದ ನೆಟ್ಟಿಗರು ಥಹರೇವಾರಿ ಕಮೆಂಟ್ ಹಾಕುತ್ತಿದ್ದಾರೆ.
ಅದೇ ಇನ್ನೊಂದೆಡೆ, ಸಿಹಿಯ ಹುಟ್ಟಿನ ರಹಸ್ಯ ಮಾತ್ರ ಇದುವರೆಗೂ ರಹಸ್ಯವಾಗಿಯೇ ಉಳಿದಿದೆ. ಈಕೆ ಸೀತಾಳ ಮಗಳೇ ಅಲ್ಲ ಎನ್ನುವ ವೀಕ್ಷಕರ ಅನಿಸಿಕೆಗೆ ಇನ್ನೂ ಉತ್ತರ ಸಿಕ್ಕಿಲ್ಲ. ರಾಮ್ ಜೊತೆಗೆ ಇರುವಾಗಲೇ ಈ ಗುಟ್ಟನ್ನು ಸೀತಾ ಹೇಳುತ್ತಿಲ್ಲಾ ಯಾಕೆ ಎಂದು ಸೀರಿಯಲ್ ಫ್ಯಾನ್ಸ್ ಪ್ರಶ್ನೆ ಮಾಡುತ್ತಿರುವ ಹೊತ್ತಲ್ಲೇ ಸಿಹಿಯ ಗುಟ್ಟನ್ನು ವಾಯ್ಸ್ ಮೆಸೇಜ್ ಮೂಲಕ ಸೀತಾ ಮಾಡಿ ಕಳುಹಿಸಿದ್ದಾಳೆ. ಮದುವೆಗೂ ಮುನ್ನ ಸಿಹಿಯ ಬಗ್ಗೆ ರಾಮ್ ತಿಳಿದುಕೊಳ್ಳಲೇಬೇಕು ಎನ್ನುವ ಕಾರಣಕ್ಕೆ ಹೀಗೆ ಮಾಡಿದ್ದಾಳೆ. ಆದರೆ ಆ ಗುಟ್ಟು ರಾಮ್ವರೆಗೆ ತಲುಪಲಿಲ್ಲ. ಹಲವು ಬಾರಿ ಸಿಹಿಯ ರಹಸ್ಯವನ್ನು ರಾಮ್ ಬಳಿ ಹೇಳಲು ಹೋದಾಗಲೆಲ್ಲಾ ರಾಮ್ ಅವೆಲ್ಲಾ ನನಗೆ ಬೇಡ ಎನ್ನುತ್ತಲೇ ಬಂದಿದ್ದಾನೆ. ಈ ಗುಟ್ಟು ಕೂಡ ತಿಳಿಯಬೇಕಿದೆ.
ಮುದ್ದು ಸಿಹಿಯ ಆ್ಯಕ್ಟಿಂಗ್ಗೆ ಮನಸೋತವರೇ ಈಗ ಉಲ್ಟಾ ಹೊಡೀತಿದ್ದಾರೆ! ಇವಳನ್ನು ಹೀಗೆ ಬಿಟ್ರೆ...