‘ಚಿಯರ್‌4ಇಂಡಿಯಾ’ ಭಾರತದ ಒಲಿಂಪಿಕ್‌ ಗೀತೆ ಬಿಡುಗಡೆ
* ಟೋಕಿಯೋ ಒಲಿಂಪಿಕ್ಸ್‌ಗೆ ಭಾರತ ತಂಡದ ಅಧಿಕೃತ ಗೀತೆ ‘ಚಿಯರ್‌4ಇಂಡಿಯಾ’ ಬಿಡುಗಡೆ
* ಕ್ರೀಡಾಸಚಿವ ಅನುರಾಗ್ ಠಾಕೂರ್ ಅವರಿಂದ ಚಿಯರ್‌4ಇಂಡಿಯಾ’ ಬಿಡುಗಡೆ
* ಚಿಯರ್‌4ಇಂಡಿಯಾ’ ಹಾಡಿನಲ್ಲಿ ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್. ರೆಹಮಾನ್ ಕೈಚಳಕ
ನವದೆಹಲಿ(ಜು.15): ಟೋಕಿಯೋ ಒಲಿಂಪಿಕ್ಸ್‌ಗೆ ಭಾರತ ತಂಡದ ಅಧಿಕೃತ ಗೀತೆ ‘ಚಿಯರ್‌4ಇಂಡಿಯಾ’ವನ್ನು ಬುಧವಾರ ಕೇಂದ್ರ ಕ್ರೀಡಾ ಸಚಿವ ಅನುರಾಗ್ ಠಾಕೂರ್ ಬಿಡುಗಡೆಗೊಳಿಸಿದರು.
ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್.ರಹಮಾನ್‌ ರಚಿಸಿರುವ ಈ ಗೀತೆಯನ್ನು ಯುವ ಗಾಯಕಿ ಅನನ್ಯ ಬಿರ್ಲಾ ಹಾಕಿದ್ದಾರೆ. ‘ದೇಶದ ಎಲ್ಲರೂ ಈ ಗೀತೆಯನ್ನು ಕೇಳಿ, ಭಾರತ ತಂಡವನ್ನು ಬೆಂಬಲಿಸಿ’ ಎಂದು ಠಾಕೂರ್ ಮನವಿ ಮಾಡಿದ್ದಾರೆ. ಈ ಹಾಡಿನಲ್ಲಿ ದೇಶಕ್ಕೆ ಒಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದುಕೊಟ್ಟ ಲಿಯಾಂಡರ್ ಪೇಸ್‌, ರಾಜ್ಯವರ್ಧನ್ ಸಿಂಗ್ ರಾಥೋಡ್, ಅಭಿನವ್ ಬಿಂದ್ರಾ, ಮೇರಿ ಕೋಮ್‌, ಸಾಕ್ಷಿ ಮಲಿಕ್‌, ಪಿ,ವಿ ಸಿಂಧು ಅವರ ಗೆಲುವಿನ ಕ್ಷಣಗಳನ್ನು ಮೆಲುಕು ಹಾಕಲಾಗಿದೆ.
ಗುರಿ ನಿನ್ನ ಮುಂದಿದೆ, ಗೆದ್ದು ಬನ್ನಿ: ಭಾರತದ ಒಲಿಂಪಿಕ್ಸ್ ಧ್ಯೇಯ ಗೀತೆ ಬಿಡುಗಡೆ
ಬಹುನಿರೀಕ್ಷಿತ ಟೋಕಿಯೋ ಒಲಿಂಪಿಕ್ಸ್ ಕ್ರೀಡಾಕೂಟವು ಜುಲೈ 23ರಿಂದ ಆರಂಭವಾಗಿ ಆಗಸ್ಟ್ 08ರವರೆಗೆ ನಡೆಯಲಿದೆ. ಭಾರತದಿಂದ ಈ ಬಾರಿ 127 ಅಥ್ಲೀಟ್‌ಗಳು ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಭಾಗವಹಿಸುತ್ತಿದ್ದು, ಹಿಂದೆಂದಿಗಿಂತಲೂ ಹೆಚ್ಚಿನ ಪದಕದ ನಿರೀಕ್ಷೆ ಮೂಡಿಸಿದ್ದಾರೆ.
