Follow Us;Resize=(820,462) "WhatsApp")
ಫೋನಿನಲ್ಲಿ ಜಾಗ ಇಲ್ಲ ಅನ್ನೋ ಚಿಂತೆ ಬಿಡಿ. ಫೈಲ್‌ಗಳನ್ನ ನಿಮ್ಮಿಷ್ಟದ ಕ್ವಾಲಿಟಿಯಲ್ಲಿ ಡೌನ್‌ಲೋಡ್ ಮಾಡಿ, ಫೋನ್ ಫುಲ್ ಆಗೋದಿಲ್ಲ.
ಸ್ಮಾರ್ಟ್‌ಫೋನ್‌ನಲ್ಲಿ ಜಾಗ ಉಳಿಸೋಕೆ ವಾಟ್ಸಾಪ್ ಹೊಸ ಫೀಚರ್ ತರ್ತಿದೆ. ವಾಟ್ಸಾಪ್‌ನಲ್ಲಿ ಮೀಡಿಯಾ ಶೇರಿಂಗ್ ಜಾಸ್ತಿ ಆಗ್ತಿರೋದ್ರಿಂದ, ಫೋನ್ ಸ್ಟೋರೇಜ್ ಬೇಗ ಫುಲ್ ಆಗುತ್ತೆ ಅಂತ ಬಳಕೆದಾರರು ಕಂಪ್ಲೇಂಟ್ ಮಾಡ್ತಿದ್ದಾರೆ. ಆಟೋ-ಡೌನ್‌ಲೋಡ್ ಆಗೋ HD ಫೋಟೋ, ವಿಡಿಯೋಗಳು ಫೋನ್ ಮೆಮೊರಿ ತಿಂತಾವೆ. ಈ ಸಮಸ್ಯೆಗೆ ಪರಿಹಾರವಾಗಿ, ಡೌನ್‌ಲೋಡ್ ಮಾಡೋ ಮುಂಚೆ ಮೀಡಿಯಾ ಫೈಲ್‌ಗಳ ರೆಸಲ್ಯೂಶನ್ ಆಯ್ಕೆ ಮಾಡಲು 'ಡೌನ್‌ಲೋಡ್ ಕ್ವಾಲಿಟಿ' ಫೀಚರ್ ಬರ್ತಿದೆ ಅಂತ ವರದಿಗಳಿವೆ.
ಹೇಗೆ ಮೊಬೈಲ್‌ ಸ್ಟೋರೇಜ್ ತುಂಬ್ತಿದೆ?
ಚಾಟ್ ಜೊತೆಗೆ ಫೋಟೋ, ವಿಡಿಯೋಗಳನ್ನ ಶೇರ್ ಮಾಡೋಕೆ ವಾಟ್ಸಾಪ್ ಈಗ ಮುಖ್ಯ ಟೂಲ್ ಆಗಿದೆ. ಹಲವು ಗ್ರೂಪ್‌ಗಳಲ್ಲಿ ಜನ ಇರ್ತಾರೆ. ದಿನಾ ನೂರಾರು ಮೀಡಿಯಾ ಫೈಲ್‌ಗಳು ಬರ್ತಾ ಇರ್ತಾವೆ. ಹೈ ರೆಸಲ್ಯೂಶನ್ ಫೈಲ್‌ಗಳು ಆಟೋಮ್ಯಾಟಿಕ್ ಆಗಿ ಡೌನ್‌ಲೋಡ್ ಆಗೋದು ಫೋನ್ ಮೆಮೊರಿಗೆ ತೊಂದರೆ ಕೊಡುತ್ತೆ. HD ಕ್ವಾಲಿಟಿ ಚಿತ್ರಗಳನ್ನ ಕಳಿಸೋಕೆ ವಾಟ್ಸಾಪ್ ಈಗಾಗಲೇ ಅವಕಾಶ ಕೊಟ್ಟಿದೆ. ಇವುಗಳನ್ನ ಬಲ್ಕ್ ಆಗಿ ಸ್ವೀಕರಿಸೋದು ಸ್ಟೋರೇಜ್ ಸಮಸ್ಯೆಗೆ ಕಾರಣ ಆಗುತ್ತೆ.
Related Articles
ಹೊಸ ಫೀಚರ್ ಏನು?
ಈ ಸಮಸ್ಯೆಗೆ ಪರಿಹಾರವಾಗಿ ಹೊಸ ಫೀಚರ್ ಆಂಡ್ರಾಯ್ಡ್ 2.25.18.11 ವಾಟ್ಸಾಪ್ ಬೀಟಾದಲ್ಲಿ ಸಿಕ್ಕಿದೆ ಅಂತ WABetaInfo ಹೇಳಿದೆ. ಡೌನ್‌ಲೋಡ್ ಮಾಡೋ ಮುಂಚೆ ಮೀಡಿಯಾ ಫೈಲ್‌ಗಳ ಕ್ವಾಲಿಟಿ HD ಅಥವಾ SD ಆಗಿ ಆಯ್ಕೆ ಮಾಡಬಹುದು.
ಈ ಹೊಸ ಫೀಚರ್ ಈಗ ಬೀಟಾ ಟೆಸ್ಟರ್‌ಗಳಿಗೆ ಮಾತ್ರ ಲಭ್ಯ. ನೀವು ಬೀಟಾ ಟೆಸ್ಟರ್ ಆಗಿದ್ರೆ, ವಾಟ್ಸಾಪ್ ಸೆಟ್ಟಿಂಗ್ಸ್‌ಗೆ ಹೋಗಿ. ಸ್ಟೋರೇಜ್ ಮತ್ತು ಡೇಟಾ ಮೇಲೆ ಕ್ಲಿಕ್ ಮಾಡಿ. ಅಲ್ಲಿ 'ಮೀಡಿಯಾ ಆಟೋ-ಡೌನ್‌ಲೋಡ್ ಕ್ವಾಲಿಟಿ' ಆಯ್ಕೆ ಇರುತ್ತೆ. ಅದರ ಮೇಲೆ ಕ್ಲಿಕ್ ಮಾಡಿ. SD ಅಥವಾ HD ಕ್ವಾಲಿಟಿ ಆಯ್ಕೆ ಮಾಡಿ.
ಈಗ ಈ ಫೀಚರ್ ಆಂಡ್ರಾಯ್ಡ್ ಬೀಟಾ ಯೂಸರ್‌ಗಳಿಗೆ ಟೆಸ್ಟ್ ಆಗ್ತಿದೆ. ಟೆಸ್ಟ್ ಯಶಸ್ವಿಯಾದ್ರೆ ಎಲ್ಲರಿಗೂ ಈ ಫೀಚರ್ ಸಿಗುತ್ತೆ. ಈ ಫೀಚರ್ ಬಳಕೆದಾರರಿಗೆ ಡೇಟಾ ಬಳಕೆಯ ಮೇಲೆ ಹೆಚ್ಚು ನಿಯಂತ್ರಣ ಕೊಡುತ್ತೆ ಮತ್ತು ಫೋನ್ ಮೆಮೊರಿ ಉಳಿಸುತ್ತೆ.
