ವೈರಲ್ ಆಗಿರೋ FaceAppಗೆ ಕಾದಿದೆ ಗಂಡಾಂತರ?
ಸುಮಾರು ನೂರು ಮಿಲಿಯನ್ ಡೌನ್‌ಲೋಡ್ ಆಗಿರುವ ಫೋಟೋ ಎಡಿಟಿಂಗ್ ಆ್ಯಪ್ FaceApp ಈಗ ವಿವಾದದ ಸುಳಿಯಲ್ಲಿದೆ. ಈ ಆ್ಯಪ್ ಬಳಕೆಯಿಂದಾಗಿ ರಾಷ್ಟ್ರೀಯ ಭದ್ರತೆಯೊಂದಿಗೆ ರಾಜಿ ಮಾಡಿಕೊಂಡಂತಾಗಿದೆಯೇ? ಎಂಬ ಪ್ರಶ್ನೆಗಳು ಎದ್ದಿವೆ.
ಬೆಂಗಳೂರು (ಜು.18): ರಾತೋರಾತ್ರಿ ಜನಪ್ರಿಯವಾಗಿ, ನೂರಾರು ಮಿಲಿಯನ್ ಬಳಕೆದಾರರನ್ನು ಹೊಂದಿರುವ FaceAppಗೆ ಕಂಟಕ ಎದುರಾಗಿದೆ.
ಒಂದು ಕಡೆ ತನ್ನ ವಿಶಿಷ್ಟ ‘AIಚಳಕ’ದಿಂದ ರಷ್ಯಾದ FaceApp ಮೋಡಿ ಮಾಡುತ್ತಿದ್ದರೆ, ಇನ್ನೊಂದು ಕಡೆ ತನ್ನ ಶರತ್ತುಗಳ ಕಾರಣದಿಂದ ಕೆಂಗಣ್ಣಿಗೆ ಗುರಿಯಾಗಿದೆ.
ಈ ಬಗ್ಗೆ ಆತಂಕ ವ್ಯಕ್ತಪಡಿಸಿರುವ ಅಮೆರಿಕಾ ರಾಜಕೀಯ ನಾಯಕರು, FBI ಮೂಲಕ ತನಿಖೆ ನಡೆಸುವಂತೆ ಆಗ್ರಹಿಸಿದ್ದಾರೆ.
ಇದನ್ನೂ ಓದಿ | ಹುಚ್ಚೆಬ್ಬಿಸಿದೆ FaceApp, ಭಯ ಹುಟ್ಟಿಸಿದೆ ಅದರ ಶರತ್ತು!
ಅಮೆರಿಕಾ ಪ್ರಜೆಗಳ ವೈಯುಕ್ತಿಕ ಮಾಹಿತಿ ವಿದೇಶಿ ಕೈಗಳಿಗೆ ಸಿಗುತ್ತಿರುವುದು ಕಳವಳಕಾರಿಯೆಂದು ಸೆನೆಟ್ ನಾಯಕ ಚಕ್ ಸ್ಕ್ಯೂಮರ್ ಹೇಳಿದ್ದಾರೆ. ರಾಷ್ಟ್ರೀಯ ಭದ್ರತೆ ಮತ್ತು ವೈಯುಕ್ತಿಕ ಮಾಹಿತಿಗೆ ಅಪಾಯವಿರುವ ಹಿನ್ನೆಲೆಯಲ್ಲಿ FBIಯು ರಷ್ಯಾದ ಈ ಆ್ಯಪ್ ಬಗ್ಗೆ ತನಿಖೆ ನಡೆಸಬೇಕೆಂದು ಅವರು ಆಗ್ರಹಿಸಿದ್ದಾರೆ.
BIG: Share if you used #FaceApp:
— Chuck Schumer (@SenSchumer) July 18, 2019
The @FBI & @FTC must look into the national security & privacy risks now
Because millions of Americans have used it
It’s owned by a Russia-based company
And users are required to provide full, irrevocable access to their personal photos & data pic.twitter.com/cejLLwBQcr
ಆದರೆ FaceApp ಈ ಎಲ್ಲಾ ಆರೋಪಗಳನ್ನು ನಿರಾಕರಿಸಿದ್ದು, ತಾವು ಯಾವುದೇ ಮಾಹಿತಿಯನ್ನು ಶಾಶ್ವತವಾಗಿ ಸಂಗ್ರಹಿಸಿಡಲ್ಲ ಎಂದು ಹೇಳಿದೆ.
2020ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಅಭ್ಯರ್ಥಿಗಳು ಹಾಗೂ ಬೆಂಬಲಿಗರು FaceApp ಬಳಸಬಾರದು ಎಂದು ಅಮೆರಿಕಾದ ಡೆಮಾಕ್ರೆಟಿಕ್ ನ್ಯಾಶನಲ್ ಕಮಿಟಿಯು ಈ ಹಿಂದೆ ಕರೆ ನೀಡಿತ್ತು.
2016ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸೋಶಿಯಲ್ ಮೀಡಿಯಾಗಳ ಮೂಲಕ ರಷ್ಯಾ ಹಸ್ತಕ್ಷೇಪ ನಡೆಸಿದೆ ಎಂಬ ಆರೋಪ ಕೇಳಿಬಂದಿತ್ತು.
