Covid 19 Spike: ಐಫೋನ್ ತಯಾರಕ ಪೆಗಾಟ್ರಾನ್ ಸೇರಿ ಚೀನಾದಲ್ಲಿ 150ಕ್ಕೂ ಹೆಚ್ಚು ಕಂಪನಿ ಕಾರ್ಯಾಚರಣೆ ಸ್ಥಗಿತ
ಚೀನಾದಲ್ಲಿ ಸರ್ಕಾರದ ಕಟ್ಟುನಿಟ್ಟಾದ COVID-19 ಪ್ರೋಟೋಕಾಲ್‌ ಬೆನ್ನಲ್ಲೇ ಐಫೋನ್ ತಯಾರಕ ಪೆಗಾಟ್ರಾನ್ ಶಾಂಘೈ ಮತ್ತು ಕುನ್ಶನ್ ಸೇರಿದಂತೆ ಚೀನಾದ ಎರಡು ಪ್ರಮುಖ ಕಾರ್ಖಾನೆಗಳಲ್ಲಿ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿದೆ.
Followಐಫೋನ್ ತಯಾರಕ ಪೆಗಾಟ್ರಾನ್ ಶಾಂಘೈ ಮತ್ತು ಕುನ್ಶನ್ ಸೇರಿದಂತೆ ಚೀನಾದ ಎರಡು ಪ್ರಮುಖ ಸ್ಥಾವರಗಳಲ್ಲಿ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿದೆ ಎಂದು ವರದಿಯಾಗಿದೆ. ದೇಶದಲ್ಲಿ ಮತ್ತೊಮ್ಮೆ ಕೊರೋನಾ ಪ್ರಕರಣಗಳ ಏರಿಕೆಯಿಂದಾಗಿ ಸರ್ಕಾರದ ಕಟ್ಟುನಿಟ್ಟಾದ COVID-19 ಪ್ರೋಟೋಕಾಲ್‌ಗಳು ಜಾರಿಗೊಳಿಸಿದೆ, ಈ ಬೆನಲ್ಲೇ ಪೆಗಾಟ್ರಾನ್ ಉತ್ಪಾದನೆಯನ್ನು ಸ್ಥಗಿತಗೊಳಿಸಿದೆ. ಪೆಗಾಟ್ರಾನ್, ಫಾಕ್ಸ್‌ಕಾನ್‌ನಂತೆಯೇ, ಆ್ಯಪಲ್‌ಗಾಗಿ ಐಫೋನ್‌ಗಳನ್ನು ಜೋಡಿಸುತ್ತದೆ.
ಹೆಚ್ಚುತ್ತಿರುವ ಕೋವಿಡ್ ಪ್ರಕರಣಗಳ ಮಧ್ಯೆ, ಮಾರ್ಚ್ ಅಂತ್ಯದಿಂದ ಚೀನಾ ಶಾಂಘೈಯಲ್ಲಿ ಬಿಗಿಯಾದ ಲಾಕ್‌ಡೌನ್ ಹೇರಲಾಗಿದೆ. ನೆರೆಯ ಕುನ್ಶನ್ ಪ್ರದೇಶದಲ್ಲಿ ಸರ್ಕಾರವು ಕಟ್ಟುನಿಟ್ಟಾದ ಕೋವಿಡ್ ನಿರ್ಬಂಧಗಳನ್ನು ಜಾರಿ ಮಾಡಿದೆ. ಈ ಕ್ರಮಗಳು ಪೆಗಾಟ್ರಾನ್‌ನ ಶಾಂಘೈ ಮತ್ತು ಕುನ್ಶನ್ ಸ್ಥಾವರಗಳು ಸದ್ಯಕ್ಕೆ ಉತ್ಪಾದನೆಯನ್ನು ಸ್ಥಗಿತಗೊಳಿಸುವಂತೆ ಮಾಡಿದೆ. ಕಾರ್ಯಾಚರಣೆಗಳು ಪೂರ್ಣ ಸಾಮರ್ಥ್ಯದಲ್ಲಿ ಯಾವಾಗ ಪುನರಾರಂಭಗೊಳ್ಳುತ್ತವೆ ಎಂಬುದನ್ನು ಪೆಗಾಟ್ರಾನ್ ನಿರ್ದಿಷ್ಟವಾಗಿ ಬಹಿರಂಗಪಡಿಸಿಲ್ಲ.
ಇದನ್ನೂ ಓದಿ: ಬಹುನಿರೀಕ್ಷಿತ Apple WWDC 2022 ಈವೆಂಟ್‌ ದಿನಾಂಕ ಘೋಷಣೆ: iOS 16 ಅನಾವರಣ?
ಕಾರ್ಯಾಚರಣೆಯ ಪುನರಾರಂಭವು ಎರಡು ಸ್ಥಾವರಗಳಿಗೆ ಸರ್ಕಾರದಿಂದ ಅನುಮತಿಯನ್ನು ನೀಡುವುದರ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಐಫೋನ್ ತಯಾರಕ ಕಂಪನಿಗಳು ತಿಳಿಸಿವೆ. "ಗ್ರಾಹಕರು ಮತ್ತು ಪೂರೈಕೆದಾರರೊಂದಿಗೆ ನಿಕಟ ಸಂಪರ್ಕವನ್ನು ನಿರ್ವಹಿಸುತ್ತದೆ ಮತ್ತು ಸಾಧ್ಯವಾದಷ್ಟು ಬೇಗ ಕೆಲಸವನ್ನು ಪುನರಾರಂಭಿಸಲು ಸ್ಥಳೀಯ ಸರ್ಕಾರಗಳೊಂದಿಗೆ ಸಕ್ರಿಯವಾಗಿ ಸಹಕರಿಸುತ್ತದೆ" ಎಂದು ಪೆಗಾಟ್ರಾನ್ ತಿಳಿಸಿದೆ.
161 ಕಂಪನಿ ಕಾರ್ಯಾಚರಣೆ ಸ್ಥಗಿತ: ಚೀನಾದ ಎರಡು ಪ್ರಮುಖ ಕಾರ್ಖಾನೆಗಳ ತಾತ್ಕಾಲಿಕ ಅಮಾನತು ಕುರಿತು ಆಪಲ್ ಇನ್ನೂ ಯಾವುದೇ ಹೇಳಿಕೆಯನ್ನು ಬಿಡುಗಡೆ ಮಾಡಿಲ್ಲ. ಏತನ್ಮಧ್ಯೆ, ತೈವಾನ್‌ನ ಹಣಕಾಸು ಮೇಲ್ವಿಚಾರಣಾ ಆಯೋಗವು ಏಪ್ರಿಲ್ 7 ರ ಹೊತ್ತಿಗೆ ಒಟ್ಟು 161 ಪಟ್ಟಿಮಾಡಿದ ತೈವಾನೀಸ್ ಕಂಪನಿಗಳು ಶಾಂಘೈ ಮತ್ತು ಕುನ್ಶನ್‌ನಲ್ಲಿ ತಮ್ಮ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿದೆ ಎಂದು ಹೈಲೈಟ್ ಮಾಡಿದೆ. ಈ ನೂರಾರು ಕಂಪನಿಗಳಲ್ಲಿ ಒಟ್ಟು 41 ಕಂಪನಿಗಳು ಎಲೆಕ್ಟ್ರಾನಿಕ್ಸ್ ವಸ್ತುಗಳನ್ನು ತಯಾರಿಸುತ್ತವೆ.
TF ಇಂಟರ್‌ನ್ಯಾಶನಲ್ ಸೆಕ್ಯುರಿಟೀಸ್‌ನೊಂದಿಗಿನ ವಿಶ್ಲೇಷಕ ಮಿಂಗ್-ಚಿ ಕುವೊ ಅವರು "ಉತ್ಪಾದನೆಯ ಸಂಪೂರ್ಣ ಪುನರಾರಂಭವು ಏಪ್ರಿಲ್ ಅಂತ್ಯದವರೆಗೆ ಅಥವಾ ಮೇ ಆರಂಭದವರೆಗೆ ಸಾಧ್ಯವಾಗುವುದಿಲ್ಲ" ಎಂದು ಭವಿಷ್ಯ ನುಡಿದಿದ್ದಾರೆ.ಆಪಲ್ ತನ್ನ ಬಲವಾದ ಪೂರೈಕೆ ಸರಪಳಿ ಮತ್ತು ಚೀನಾ ಸರ್ಕಾರದೊಂದಿಗೆ ಉತ್ತಮ ಸಂಬಂಧದ ಕಾರಣದಿಂದ ಪ್ರಭಾವವನ್ನು ಕಡಿಮೆ ಮಾಡಲು ಸಾಧ್ಯವಾಗುತ್ತದೆ ಎಂದು ಕುವೊ ತಿಳಿಸಿದ್ದಾರೆ.
ಇದನ್ನೂ ಓದಿ: Make in India ಮತ್ತೊಂದು ಕ್ರಾಂತಿ, ಭಾರತದಲ್ಲಿ ಆ್ಯಪಲ್ ಐಫೋನ್ 13 ಉತ್ಪಾದನೆ!
ಇದರ ಜೊತೆಗೆ, ವಿಶ್ವದ ಅತಿದೊಡ್ಡ ಗುತ್ತಿಗೆ ಎಲೆಕ್ಟ್ರಾನಿಕ್ಸ್ ತಯಾರಕ ಫಾಕ್ಸ್‌ಕಾನ್ ಚೀನಾದಲ್ಲಿ ಐಫೋನ್‌ಗಳನ್ನು ಜೋಡಿಸುತ್ತದೆ. ಕೋವಿಡ್ ಪ್ರಕರಣಗಳ ಹೆಚ್ಚಳವನ್ನು ಪರಿಗಣಿಸಿ ಕಳೆದ ತಿಂಗಳು ದಕ್ಷಿಣ ನಗರವಾದ ಶೆನ್‌ಜೆನ್‌ನಲ್ಲಿ ಅದರ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸಲಾಗಿತ್ತು.
ಭಾರತದಲ್ಲಿ ಐಫೋನ್ 13: ಈ ಸಮಯದಲ್ಲಿ ಚೀನಾ ಐಫೋನ್‌ಗಳನ್ನು ತಯಾರಿಸಲು ಹೆಣಗಾಡುತ್ತಿರುವಾಗ, ಭಾರತದಲ್ಲಿ ಆಪಲ್ ತನ್ನ ಇತ್ತೀಚಿನ ಐಫೋನ್ 13 ಮಾದರಿಯ ಸ್ಥಳೀಯ ಉತ್ಪಾದನೆಯನ್ನು ಚೆನ್ನೈ ಬಳಿಯ ಫಾಕ್ಸ್‌ಕಾನ್ ಸ್ಥಾವರದಲ್ಲಿ ಮಾಡುವುದಾಗಿ ಘೋಷಿಸಿದೆ. ವಿಶ್ವದ ಎರಡನೇ ಅತೀ ದೊಡ್ಡ ಮೊಬೈಲ್ ಮಾರುಕಟ್ಟೆ ಹೊಂದಿರುವ ಭಾರತದಲ್ಲಿ ಆ್ಯಪಲ್ ಮೇಕ್ ಇನ್ ಇಂಡಿಯಾ ಅಡಿಯಲ್ಲಿ ಫೋನ್ ಉತ್ಪಾದನೆ ಮಾಡಲಿದೆ. ಭಾರತದ ಗ್ರಾಹಕರಿಗೆ ಭಾರತದಲ್ಲೇ ಉತ್ಪಾದನೆಯಾಗುವ ಫೋನ್ ನೀಡಲಿದ್ದೇವೆ. ಉತ್ಪಾದನೆ ಆರಂಭಿಸಲು ಉತ್ಸುಕರಾಗಿದ್ದೇವೆ ಎಂದು ಭಾರತದ ಆ್ಯಪಲ್ ಐಫೋನ್ ಘಟಕ ಹೇಳಿದೆ.
"ಐಫೋನ್ 13 ಅನ್ನು ತಯಾರಿಸಲು ಪ್ರಾರಂಭಿಸಲು ನಾವು ಉತ್ಸುಕರಾಗಿದ್ದೇವೆ - ಅದರ ಸುಂದರವಾದ ವಿನ್ಯಾಸ, ಅತ್ಯಾಕರ್ಷಕ ಫೋಟೋಗಳು ಮತ್ತು ವೀಡಿಯೊಗಳಿಗಾಗಿ ಸುಧಾರಿತ ಕ್ಯಾಮೆರಾ ವ್ಯವಸ್ಥೆಗಳು ಮತ್ತು A15 ಬಯೋನಿಕ್ ಚಿಪ್‌ನ ನಂಬಲಾಗದ ಕಾರ್ಯಕ್ಷಮತೆ - ಇಲ್ಲಿಯೇ ನಮ್ಮ ಸ್ಥಳೀಯ ಗ್ರಾಹಕರಿಗೆ ಭಾರತದಲ್ಲಿದೆ" ಎಂದು ಆಪಲ್ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ.
