Asianet Suvarna News Asianet Suvarna News

ಎಚ್ಚರ...ಪ್ಲೇಸ್ಟೋರ್‌ನಲ್ಲಿ ನಕಲಿ Appಗಳು! ಗುರುತಿಸುವುದು ಹೀಗೆ!

ನಕಲಿಗಳ ಕಾಟ Appಗಳನ್ನೂ ಬಿಟ್ಟಿಲ್ಲ. ಯಾವುದೋ ಉದ್ದೇಶಕ್ಕೆ Appವೊಂದನ್ನು ಡೌನ್‌ಲೋಡ್ ಮಾಡುತ್ತೇವೆ. ಆದರೆ, ನಾವು ಬಯಸಿದ್ದು ಅದರಲ್ಲಿರಲ್ಲ! ಇಂತಹ Appಗಳು ನಿಮ್ಮ ಫೋನ್‌ಗೆ ಹಾನಿಕಾರಕವಾಗಿರಲೂಬಹುದು. ಇಲ್ಲಿದೆ ವಿವರ..   

Fake App discovered on Google Play Store reports Quick Heal
Author
Bengaluru, First Published Dec 25, 2018, 5:21 PM IST

ಸಾಮಾನ್ಯವಾಗಿ ಗೂಗಲ್ ಪ್ಲೇಸ್ಟೋರ್‌ನಲ್ಲಿರುವ Appಗಳನ್ನು ನಾವು ಕಣ್ಣುಮುಚ್ಚಿ ಡೌನ್ ಲೋಡ್ ಮಾಡುತ್ತೇವೆ.  ತುರ್ತಾಗಿ ಯಾವುದಾದರೂ App ಅವಶ್ಯಕತೆ ಬಿದ್ದಾಗ ನಾವು ಆ Appನ ವಿಶ್ವಾಸಾರ್ಹತೆ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳಲ್ಲ. ಪರಿಣಾಮವಾಗಿ ನಮ್ಮ ಫೋನ್‌ನಲ್ಲಿ ವೈರಸ್/ಮಾಲ್‌ವೇರ್‌ಗಳಿಗೆ ಬಲಿಯಾಗುತ್ತದೆ. ಇಲ್ಲವೇ ನಮ್ಮ ಖಾಸಗಿ ಡೇಟಾ ಸೋರಿಕೆಯಾಗುವ ಸಾಧ್ಯತೆಗಳೂ ಇರುತ್ತವೆ.

ಗೂಗಲ್ ಪ್ಲೇಸ್ಟೋರ್‌ನಲ್ಲಿ ಕೆಲವೊಂದು ನಕಲಿ Appಗಳು ಸೇರಿಕೊಂಡಿವೆಯೆಂದು ಕ್ವಿಕ್ ಹೀಲ್ ಸೆಕ್ಯೂರಿಟಿ ಲ್ಯಾಬ್ ವರದಿ ಮಾಡಿವೆ. ಮೇಲ್ನೋಟಕ್ಕೆ, PDF ರೀಡರ್, PDF ಡೌನ್‌ಲೋಡರ್ ಅಥವಾ PDF ಸ್ಕ್ಯಾನರ್‌ನಂತೆ ತೋರಿಸಿಕೊಳ್ಳುವ ಈ Appಗಳು ವಾಸ್ತವದಲ್ಲಿ ಆ ಕೆಲಸವನ್ನೇ ಮಾಡಲ್ಲ! ಬೇರೆ  Appಗಳ ಡೌನ್‌ಲೋಡ್ ಸಂಖ್ಯೆಯನ್ನು ಹೆಚ್ಚಿಸಿ, ಅಥವಾ ರೇಟಿಂಗ್ ಹೆಚ್ಚಿಸಿ ಜನಪ್ರಿಯಗೊಳಿಸುವ ಕೆಲಸ ಈ Appಗಳು ಮಾಡುತ್ತವೆ. 

ಇದನ್ನೂ ಓದಿ: ವಾಟ್ಸಪ್ ಗ್ರೂಪ್ ಇನ್ನು ಸುಲಭವಲ್ಲ? ಬರಲಿದೆ ಹೊಸ ನಿಯಮ!

ಈ ಅಪ್ಲಿಕೇಶನ್‌ಗಳನ್ನು ಬಳಸಬೇಕಾದರೆ ಇತರ Appಗಳನ್ನು ಡೌನ್‌ಲೋಡ್ ಮಾಡಿ, 5 ಸ್ಟಾರ್ ರೇಟಿಂಗ್ ನೀಡುವಂತೆ ಸೂಚಿಸುತ್ತವೆ.  ಬಳಕೆದಾರರು ಅವು ಸೂಚಿಸಿದಂತೆ ಮಾಡಿದರೂ, ಮತ್ತೊಮ್ಮೆ ಅದೇ ಸಂದೇಶವನ್ನು ಪುನಾರವರ್ತಿಸುತ್ತವೆ.   

ಸ್ಪಾನ್ಸರ್ಡ್ ಅಪ್ಲಿಕೇಶನ್‌ಗಳ ಡೌನ್‌ಲೋಡ್ ಸಂಖ್ಯೆಯನ್ನು ಹೆಚ್ಚಿಸಿ, ಜನಪ್ರಿಯಗೊಳಿಸಿ, ಹಣಸಂಪಾದಿಸಲು ಈ  ರೀತಿಯ ವಾಮಮಾರ್ಗಗಳನ್ನು ಬಳಸಲಾಗುತ್ತದೆ. 

ಕ್ವಿಕ್ ಹೀಲ್ ಪ್ರಕಾರ ಈ ಕೆಳಗಿನ ಅಪ್ಲಿಕೇಶನ್‌ಗಳು ನಕಲಿಯಾಗಿವೆ.

Package Name Detection Name
com.frenzy.live Android.Fakeapp.A3f8f
com.shartel.pdfebookconverter Android.Fakeapp.A3f93
com.shartel.pdfebookreader Android.Fakeapp.A3f90
com.shartel.pdfebookdownloader Android.Fakeapp.A3f91
com.shartel.pdfscannerocr Android.Fakeapp.A3f92

ಇದನ್ನೂ ಓದಿ: ಟೆಕ್ ಟಿಪ್ಸ್: ನಿಮ್ಮ ಸ್ಮಾರ್ಟ್‌ಫೋನ್ ಸುರಕ್ಷಿತವಾಗಿಡಲು 5 ಉಪಾಯಗಳು!

ಆದುದರಿಂದ ಬಳಕೆದಾರರು,  Appಗಳನ್ನು ಇನ್ಸ್ಟಾಲ್ ಮಾಡುವಾಗ ಬಹಳ ಎಚ್ಚರದಿಂದಿರಬೇಕು. App ಡೌನ್‌ಲೋಡ್ ಮಾಡುವ ಮುನ್ನ ಈ ಕೆಳಗಿನ ಎಚ್ಚರಿಕೆಯ ಕ್ರಮಗಳನ್ನು ಪಾಲಿಸಿ:

App ಡೌನ್‌ಲೋಡ್ ಮಾಡುವ ಮುನ್ನ App ಡಿಸ್ಕ್ರಿಪ್ಷನ್ ಓದಿಕೊಳ್ಳಿ.

App ಡೆವಲಪರ್ ಹೆಸರು, ಮತ್ತು ಅವರ ವೆಬ್‌ಸೈಟ್‌ಗಳಿಗೆ ಭೇಟಿ ನೀಡಿ ವಿವರಗಳನ್ನು ಚೆಕ್ ಮಾಡಿ. ನಿಮಗೆ ಬೇಕಾದ ಸ್ಪಷ್ಟತೆ ಸಿಕ್ಕಿಲ್ಲವೆಂದರೆ ಆ App ಸಂಶಯಾಸ್ಪದವೇ ಸರಿ.

Appನ ರಿವೀವ್ ಮತ್ತು ರೇಟಿಂಗ್‌ಗಳನ್ನೊಮ್ಮೆ ನೋಡಿ. ಕೆಲವೊಮ್ಮೆ ಅದು ಕೂಡಾ ನಕಲಿಯಾಗಿರಬಹುದು.

ಯಾವ್ಯಾವುದೋ ಮೂಲಗಳಿಂದ App ಡೌನ್‌ಲೋಡ್ ಮಾಡಬೇಡಿ

ವಿಶ್ವಾಸಾರ್ಹ  Anti-Virusಗಳನ್ನು ಬಳಸುವ ಮೂಲಕ ನಕಲಿ, ಅಥವಾ ಹಾನಿಕಾರಕ Appಗಳಿಗೆ ಕಡಿವಾಣ ಹಾಕಬಹುದು.

Follow Us:
Download App:
  • android
  • ios