ಎಲಾನ್ ಮಸ್ಕ್ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ: ಗಗನಸಖಿ ಬಾಯಿ ಮುಚ್ಚಿಸಲು $2.5 ಮಿಲಿಯನ್ ಸಂದಾಯ?
ಯುಎಸ್ ಬಿಲಿಯನೇರ್ ಎಲಾನ್ ಮಸ್ಕ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ ಫ್ಲೈಟ್ ಅಟೆಂಡೆಂಟ್‌ಗೆ ಮೌನವಾಗಿರಲು ಸ್ಪೇಸ್‌ಎಕ್ಸ್ $ 2.5 ಮಿಲಿಯನ್ ನೀಡಿದೆ ಎಂದು ಆರೋಪಿಸಲಾಗಿದೆ. ಮಸ್ಕ್ ಈ ಆರೋಪವನ್ನು ರಾಜಕೀಯ ಪ್ರೇರಿತ ಎಂದು ಕರೆದಿದ್ದಾರೆ
FollowElon Musk Latest News: ಯುಎಸ್ ಬಿಲಿಯನೇರ್ ಮತ್ತು ಸ್ಪೇಸ್‌ಎಕ್ಸ್ ಮತ್ತು ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ ಫ್ಲೈಟ್ ಅಟೆಂಡೆಂಟ್‌ಗೆ ಮೌನವಾಗಿರಲು $2.5 ಮಿಲಿಯನ್ ಪಾವತಿಸಿದ್ದಾರೆ ಎಂದು ವರದಿಯಾಗಿದೆ. ಮಾಧ್ಯಮ ವರದಿಯ ಪ್ರಕಾರ, ಎಲೋನ್ ಮಸ್ಕ್ ವಿರುದ್ಧ ಲೈಂಗಿಕ ದುರ್ನಡತೆಯ ವಿವಾದವನ್ನು ಮುಚ್ಚಿ ಹಾಕಲು 2018 ರಲ್ಲಿ ಗಗನಸಖಿ ಸ್ಪೇಸ್‌ಎಕ್ಸ್‌ನಿಂದ $2.5 ಮಿಲಿಯನ್ ಹಣ ಪಡೆದಿದ್ದಾರೆ ಎಂದು ಹೇಳಲಾಗಿದೆ.
ಫ್ಲೈಟ್ ಅಟೆಂಡೆಂಟ್ ಸ್ಪೇಸ್‌ಎಕ್ಸ್‌ನ ಕಾರ್ಪೊರೇಟ್ ಜೆಟ್ ಫ್ಲೀಟ್‌ಗಾಗಿ ಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡಿದ್ದಾರೆ ಎಂದು ಬಿಸಿನೆಸ್ ಇನ್ಸೈಡರ್ ವರದಿ ಮಾಡಿದೆ. ಮಸ್ಕ್ ತಮ್ಮ ಮುಂದೆ ತಮ್ಮನ್ನು ತಾವು ಎಕ್ಸ್‌ಪೋಸ್ ಮಾಡಿದ್ದಾರೆ ಎಂದು ಗಗನಸಖಿ ಆರೋಪಿಸಿದ್ದಾಳೆ. ಮಸ್ಕ್ ಒಪ್ಪಿಗೆಯಿಲ್ಲದೆ ಗನಸಖಿಯ ಪಾದಗಳನ್ನು ಮುಟ್ಟಿದ್ದಾರೆ ಎಂದು ಆರೋಪಿಸಲಾಗಿದೆ.
ಮಸಾಜ್ ಸಮಯದಲ್ಲಿ ಮಸ್ಕ್ ಪ್ರಸ್ತಾಪ: ತನಗೆ ಸ್ಪೇಸ್ ಎಕ್ಸ್ ನಲ್ಲಿ ಫ್ಲೈಟ್ ಅಟೆಂಡೆಂಟ್ ಆಗಿ ಕೆಲಸ ಸಿಕ್ಕಿತ್ತು. ನಂತರ ಆಕೆಯನ್ನು ಮಸ್ಕ್‌ರನ್ನು ಮಸಾಜ್ ಮಾಡಲು ಮಸಾಜ್ ಉದ್ಯೋಗಿಯಾಗಿ ಪರವಾನಗಿ ಪಡೆಯುವಂತೆ ಮಾಡಲಾಗಿತ್ತು ಎಂದು ಗಗನಸಖಿ ಆರೋಪಿಸಿದ್ದಾರೆ. ಮಸ್ಕ್‌ನ ಗಲ್ಫ್‌ಸ್ಟ್ರೀಮ್ G650ER ನಲ್ಲಿನ ಖಾಸಗಿ ಕ್ಯಾಬಿನ್‌ನಲ್ಲಿ ಮಸಾಜ್ ಸಮಯದಲ್ಲಿ, ಮಸ್ಕ್ ತಮಗೆ ಲೈಂಗಿಕ ಕಿರುಕುಳ ನೀಡಿದ್ದರು ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಏನಿದು ಸ್ಪ್ಯಾಮ್ ಬಾಟ್? ಟ್ವಿಟರ್ ಖರೀದಿಗೆ ಮಸ್ಕ್‌ಗೆ ಅಡ್ಡಿಯಾಗಿದ್ದೇಕೆ?
ಬೆತ್ತಲೆ ಮಸಾಜ್?: 2016 ರಲ್ಲಿ ಮಸ್ಕ್ ಅವರು ಹಾರಾಟದ ಸಮಯದಲ್ಲಿ ಫುಲ್ ಬಾಡಿ ಮಸಾಜ್ ಮಾಡಲು ತನ್ನ ಕೋಣೆಗೆ ಬರುವಂತೆ ಕೇಳಿಕೊಂಡಿದ್ದರು ಎಂದು ಫ್ಲೈಟ್ ಅಟೆಂಡೆಂಟ್‌ಗಳು ಆರೋಪಿಸಿದ್ದಾರೆ. ಗಗನಸಖಿ ಮಸ್ಕ್ ಕೋಣೆಗೆ ಬಂದಾಗ ಮಸ್ಕ್ ಬೆತ್ತಲೆಯಾಗಿರುವುದನ್ನು ಕಂಡಳು.
ಮಸ್ಕ್ ದೇಹದ ಕೆಳಗಿನ ಅರ್ಧವನ್ನು ಮಾತ್ರ ಆವರಿಸುವ ಬಟ್ಟೆಯನ್ನು ತನ್ನ ಮೇಲೆ ಇಟ್ಟುಕೊಂಡಿದ್ದರು. ಮಸಾಜ್ ಸಮಯದಲ್ಲಿ ಮಸ್ಕ್ ಅವರ ಜನನಾಂಗಗಳನ್ನು ಬಹಿರಂಗಪಡಿಸಿದರು ಮತ್ತು ನಂತರ ಅವಳನ್ನು ಮುಟ್ಟಿದರು ಮತ್ತು ಅವಳು 'ಹೆಚ್ಚು ಮಾಡಿದರೆ' ಅವಳಿಗೆ ಕುದುರೆಯನ್ನು ಖರೀದಿಸುವುದಾಗಿ ಹೇಳಿದರು ಎಂದು ಆರೋಪಿಸಲಾಗಿದೆ.
ಈ ವಿಷಯದ ಬಗ್ಗೆ ಪ್ರತಿಕ್ರಿಯೆಯನ್ನು ಕೇಳಿದಾಗ, ಮಸ್ಕ್ ಇನ್ಸೈಡರ್ಗೆ "ಈ ಕಥೆಯಲ್ಲಿ ಇನ್ನು ಹೆಚ್ಚಿನ ಅಂಶಗಳಿವೆ." ಎಂದು ಹೇಳಿದ್ದಾರೆ. ಅಲ್ಲದೇ
ಅವರು ವರದಿಯನ್ನು "ರಾಜಕೀಯ ಪ್ರೇರಿತ" ಎಂದು ಕರೆದಿದ್ದು, ನಾನು ಲೈಂಗಿಕ ಕಿರುಕುಳದಲ್ಲಿ ತೊಡಗಿದ್ದರೆ, ನನ್ನ ಸಂಪೂರ್ಣ 30 ವರ್ಷಗಳ ವೃತ್ತಿಜೀವನದಲ್ಲಿ ಇದು ಮೊದಲ ಬಾರಿಗೆ ಮುಂಚೂಣಿಗೆ ಬಂದಿದ್ದು ಅಸಂಭವವಾಗಿದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಭಾರತದಲ್ಲಿ ಎಲೆಕ್ಟ್ರಿಕ್ ಕಾರು ಮಾರಾಟ ಯೋಜನೆ ಕೈಬಿಟ್ಟ ಟೆಸ್ಲಾ: ವರದಿ
